~باجر البسمه تردلك من جديد ~

[رآفت آلحديثي]

شون تحسبها بحسابك انا راضي
كَول خان ونكر وتبرى وهجر




كَول شامت كَول قاسي كَولي اناني
كَول ما صان الوفا وباع وغدر



براحتك كَول اليعجبك مستريح
وادري كَلبي امن الخجل ماله عذر



ياما ليلي الامس يبجي اعله النجوم
وشكَد حزن شاف اعله فركَات الكَمر



صح صعب هجرك علي لكن شكَول
ماني رايد ابتعد حكم القدر



وادري من بعدك عذاباتي تزود
وادري اتحمل آسى وظيم وقهر



يالعزيز الجرح مو سهله يطيب
ومنهو يلحم جام لو مره انكسر



جان الك رمش وهدب يبجي عليك
وانت يمي شلون لو طال السفر



ارحل اترجاك ارحل لا تعود
وخلي اعمي بفركَتك حتى النظر



حبنا غلطه وما اخليها تدوم
مو صحى بغفله الضمير الي اندثر



لازم ابعد لا تكَلي شلون ليش
وخلني شبه الطير لو وادع بحر



وداعت العشره فلا تسألني ليش
كَول خاين عادي وانسد الامر



انسى وامشي بروح كل من مات ليك
وعوف كَلبي ينام بحظان الجمر


وخلها ذكرى والعمر طيف وسراب
وخلي كلمن يمشي ويبقي ذكر


باجر البسمه تردلك من جديد
واني ادري اهواي محتاجه صبر



وانا بعدك ماني رايد غير هاي
كون بيدك لو متت تحفر حفر



حطني غادي وبيدك اتسد العيون
وكتب بدمع الهدب مو بالحبر



وحطلي ورده اتفوح ريحة بغير شوك
وكون تزرعها عدل يم القبر




\\


//
لكم
تحيات كاتبها
رآفت آلحديثي

ملاحظه : رجاء اخوي
الي ينقل هالقصيده
يدونها بأسمي
وهاي امانه بعنق كل انسان يقراها

[مذكرات شاعر الحب والحنان]

عاشت ايدك حبيبي القصيدة رووووووووووووووووووووووووعة رافت انته اذا خايف على قصيدتك فلتخاف عليه من عدنه خاف عليه من غير منتدى لان احنه اصحاب امانه شعرية وتقبل مروري وبلتوفيق انشالله حبيبي رافت ::43::::43::::43::
(اخوك الشاعر ايمن السعدي)

[عاشق الرافدين]

مشكور ياوردة
كلمات في غاية الروعة
تقبل تحياتي

[رآفت آلحديثي]

عاشت ايدك حبيبي القصيدة رووووووووووووووووووووووووعة رافت انته اذا خايف على قصيدتك فلتخاف عليه من عدنه خاف عليه من غير منتدى لان احنه اصحاب امانه شعرية وتقبل مروري وبلتوفيق انشالله حبيبي رافت ::43::::43::::43::

(اخوك الشاعر ايمن السعدي)



حبيبي الغالي اني ادري النت مابي حفظ للامانات والشعراء
ايظا نثق بامانتهم واخلاقهم في نقل الامانه الادبيه
وياما قصايد كتبناها وتذيلت لأسماء ثانيه لكن مجرد
كلمه تقال احتمال تفيد او تصيب سهم لهدف غير محدد

وشكرآ الك يغالي تقبل تحياتي واحترامي

اخوك

رآفت آلحديثي

[أشوفك حلم]

عاشت ايدك اخوية رأفت روعة
كتاباتك

[عاشق الغيرة العراقية]

عــــــاشت الأنامل خي على الكلمات الجميلة .... تحياتي ....

[زيزينيا]

عاشت ايدك يارافت لاتخاف على قصيدتك لان اكو مشرفين يحاسبون بلمنتديات
تقبل مروري المتواضع

[abo_alboware]

كلمات جميلة واحساس جميل تـُــنبأ بمستقبل شعري بأنتظارك .ولكن اخي الكريم عليك بوزن العجز .كي لا يضيع مجهودك لاسامح الله.
تحياتي اخي الغالي.

[رآفت آلحديثي]

مشكور ياوردة
كلمات في غاية الروعة
تقبل تحياتي


حبيبي منور وهاي عيونك الحلوه
وتواجدك الرائع
اجمل سلام وارق تحيه الك

[رآفت آلحديثي]

عاشت ايدك اخوية رأفت روعة
كتاباتك

عاشت حياتك يغالي
تواجدك وشهادتك هيه الروعه بحد ذاتها
منور وشرفت يا طيب

[رآفت آلحديثي]

عــــــاشت الأنامل خي على الكلمات الجميلة .... تحياتي ....


خي عاشق على راسي منور يا طيب
عاشت حياتك بخدمتكم وخدمة الطيبين

[رآفت آلحديثي]

عاشت ايدك يارافت لاتخاف على قصيدتك لان اكو مشرفين يحاسبون بلمنتديات
تقبل مروري المتواضع

اختي العزيزه هلا بيج منوره
وبخصوص المشرفين فما اعتقد
يمنعون هاي الحاله السيئه
لانها حاله منتشره بالنت
ولعلمج اكو مشرفين لأقسام
ادبيه همه نفسهم ما عدهم
امانه أدبيه

تحياتي الج عيوني نورتي