الماضي .... قد يأمل بعودته سكان الحاضر

[حنونه]

امة عربية واحدة ذات رساله خالدة
وحدة حرية اشتراكية
نعم نعم نعم للقائد صدام حسين
عبارات عالقة بذهن كل عراقي عاش أيام حكم الطاغية
اذكر إنهم كانوا يلقنوننا إياها لحفظها و إنشادها في المدارس
و في منازلنا نسمع عكس ما يقال في الشارع و المدرسة أو ما يذاع في المحطتين التلفازيتين او ما يكتب من لا فتات تمجيدا بالصنم الأكبر
في الطفولة كان يوهمنا أهلنا بان هناك صدامين احدهم للخير و الآخر للشر
فصاحب الخير بالطبع هو قائد الضرورة ذي الوجه الوحشي المتواجد صباح مساء على شاشات التلفاز وصوره القبيحة تملأ البلد طولا و عرضا
اما صدام الشر فهو شخصية مخفية اخترعها آبائنا لإيهامنا بهاو لينسبون لها كل عمل سيء و يوجهون له كل أنواع الشتائم
هذا ما كان الآباء يوهمونا به لكي لا نوقعهم في الخطأ بزلة لسان أو ما شابه في يوما من تلك الأيام العصيبة يكون ذلك بالطبع عليهم و على كل من يمت لهم بصلة حكما بالإعدام شنقا.
في عراق الخوف الإرهاب و الرعب لا يعرف صغير السن و لا كبير
الجميع تحت سيطرة المستبد الظالم و من يتجرأ فلينطق بكلمة و سيعرف حينها مصيره
هذا ما إذا كان يعلمه مسبقا
وهناك من يأمل بعودة تلك الحياة من جديد فلكم الحكم لعدم امتلاكي العبارات لارد بها على هؤلاء
هذا ما عشته في حقبة الخوف تلك ولا اظن انني قادرة على نسيانه

[Mohammedabod]

لانه لا يوجد شخص مناسب في المكان المناسب
وكل رئيس يأتي ياخذ العراق (كرستة وعمل ) كأنه ورث له ولعشيرته واللي خلفوه

وكل رئيس يتقدم بنا خطوة ( ليس نحو الحضارة والرقي بل الى الجهل والهاوية واسفل سافلين) لنترحم على الذي سبقه


تحياتي للجميع


http://www.vibiecollectibles.nl/images/barbie%20as%20sleeping%20beauty.jpg

[ذيب بغداد]

عبارات عالقة بذهن كل عراقي عاش أيام حكم الطاغية

اني مو ويه صدام .. بالعكس اكرهه .. بس ياريت توصفيلي الحكم هسه بالعراق شلون شكله .. بيه طغيان .. لو العراقيين عايشين خده وخدر ..

[حنونه]

صح الوضع الحالي ما يسر عدو
و لا حبيب بس صدام دمر الشعب و هذه نتاج النفوس الي رباهه على الحروب و القتل و العراقيين حاليا جاي يحصدون ثمار ذلك الانتاج الفاسد

[حنونه]

صوت الحياة الذي فيّ لا يصل الى اذن الحياة التي فيك ..
مع هذا لنتكلم لئلا نشعر بالوحدة ..
صح خلينا نتحاور و ان شاء الله نوصل لطريق يرضي الجميع
تحياتي

[حالم]

الحكم الذي ذهب ذهب الأ الأبد فاطمئني اما بالنسبة للحكم الحالي فاعتقد لم يحلم احد من العراقيين بحكم ديمقراطي كهذا برغم ان البعثيين في المنطقة الغربية تحتظن الأرهابيين من العرب والأغراب وتمدهم بما يحتاجون من ملبس ومسكن ومنام !!!!! الى اننا لا نرى الحكومة العراقية تفعل حيال من احتضنهم اي شي بينما في زمن القائد الضرورة والأرعن حشا الطيبين كان يقضي على مدينة كاملة بأسرع من لمح البصر ان خرجت اطلاقة عفوية مرحبة بقدومه الملعون عفوا الميمون ؟ فكيف هوة الفرق
شكرا اختي للموضوع الفاضح لجماعة الطاغية

[bint Dijlh]

للأسف سوء التخطيط وعدم أتفاقنا على التفاهم ومساومتنا على الوطن هو دليل الأنحطاط والنزاع وعدم حرصنا على المال العام واللاوعي هو عنواننا, والتاريخ يعيد نفسه لكن بصيغة الحداثه, للأسف لاجديد ولن يكون مستقبلاً وحتى بعد 5 سنوات على ألاقل. وشكراً
تحياتي لكاتبه الموضوع ألاخت حنونه

[حنونه]

شكرا للاخ حالم
و الله يقدرنا و نفظح انصار المقبور صدام
اختي العزيزة بنت دجلة ماكوا احد يساوم على وطناو اله يحفظ العراق و اهله يا رب

[ساسوكي شايل سيفه]

راح طاغيه وحرامي اجوي الف طاغيه وحرامي مشكور

[ابو نؤاس]

ناسف على الماضي لان ليس لان صدام كان حاكمنا وانما الوضعيه المزريه اللي ايعيشها البلد بالمرحله الراهنه من انعدام كل متطلبات الحياه الاعتياديه والحكومه لاحول ولاقوه ليش ما اعرف مو اخذنا السياده واسسنا حكومه الوحده الوطنيه بعد شنو ؟؟؟؟؟؟؟؟؟؟؟؟
احنا مثل ما كالو الفلاسفه اليونانين القدماء شعوب لازم تحكم بالاستبداد والدكتاتوريه متفيدنا الديمقراطيه وخصوصا الديمقراطيه الغربيه المستورده
ليش وين الخخلل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
المهم ان شاء فد اربع اجيال والوضع يستعدل من اتكون هناك ثقه بين اعضاء الحكومه والبرلمان

[INVISIBLE]

والله صحيح ذيج الايام جانت صدك مشاكل والله يساعد اهلنة يعني اني اهلي بالبيت من صغير كلة السيد الرئيس من كبرت بديت اصطدم انه هاذا ضالم وخصوصا اني معدوملي 3 عموم وجدي همات

وهسة اللي دنعيشة كلة من ورة صدام حسين القهر والضيم اللي احنة بي ومن جماعة وفدائيي صدام وهل الجماعات

بس نكول ان شاء الله تصير هاي سوالف وتنحل هل الأزمات

[حنونه]

اخ اسامة يعني العراق قبل كان مفعم بالامان لو كان ظلم وقهر و استبداد عموما شكرا على ردك
شكرا اخي الحسني على المرور والله يرحم عمامك و جدك و كل موتانا

[كشكول العراقي]

يمكننا ان نحلم بغد افضل
هذا اهم من كل الامور

و الحديث يطول

[INVISIBLE]

ويرحم الجميع ان شاء الله

وان شاء الله كشكول

[ابو نؤاس]

الله يسهلها ويرجع العراق مثل قبل ومنو كال العراق جان الاسطوره بالديمقراطيه والحريه بزمن صدام لكن هسه شنو اللي اختلف ممكن اعرف مو رجعنا قرن لي ورا

[حنونه]

صحيح يمكن ان نحلم لكن صعب تحقيق احلام العراقيين
و الله يا اسامة رحعنا اكثر من قرن لي وراه لكن اسمنا خلصنا من دكتاتوريه
شكرا اخ الحسني
تحياتي لكم جميعا
حنين

[INVISIBLE]

الله يسهلها ويرجع العراق مثل قبل ومنو كال العراق جان الاسطوره بالديمقراطيه والحريه بزمن صدام لكن هسه شنو اللي اختلف ممكن اعرف مو رجعنا قرن لي ورا

اسامة اللي دنعيشة هسة من ورة جماعتة واتصور انت سيد العارفين لانه منطقتك تحكم

وثانياً صدام استلم الحكم بال79 عندة فائض بالميزانية دخلنة حروب وي ايران وكويت ودمر الشعب يعني نهكة للعراق والحمد لله كال رح اعوف بغداد تراب صدك سواها تراب بس ان شاء الله نعمرهة كلنة ايد بأيد ماتصور صرنة انكس من لبنان هم 25 سنة حروب اهلية مومثلنة بس هسة شوفوهة شون مستقرة.

والعفوا اخت حنونة

[ابو نؤاس]

الحسني ننتظر اتريدنا 25 سنه بلكت دنستقر هذا مو حجي وحنونه منو كال احنا مدا نعيش انكس من الدكتاتوريه

[حنونه]

لو تدري يا اخ اسامة شلون حاسدينا العرب على صدام و ميتين بحبه و احنا ميتين قهر و عذاب و محد يحس بينا
و شكرا على ردك و مشاركتك اخي
اهلا و سهلا بيك مرة اخري اخي الحسني

[INVISIBLE]

اسامة كدكلك 25 سنة ليش كول يالله ان شاء الله تتحسن الظروف بأسرع وقت الله وكيكلك لو مصايرة هاي الظروف بالعراق وبت ماشية من بعد الحرب شون فترة عايشيهة خصوصا فترة شهر ال7 هيج شي حلوة جانت جان هسة العراق وخصوصا بغداد غير بس غير هل الاحداث المؤلمة اللي دتصير

وبسيطة حنونة

[ابو نؤاس]

الله كريم الحسني ان شاء تفرح بلكت على احفادنا

[INVISIBLE]

ليش اسامة خطبت امبين وبديت تحجي هل الحجي هاي يامكرودة رضت خطية اكيد مشايفتك

[ابو نؤاس]

هاي شلك بيها وكتها هذا الحجي ليش متصير موضوعي بردودك وعلى العموم لا خطبت ولا بطيخ ومن اخطب اكلك ادلل

[INVISIBLE]

طبعا تكلي غير السيد موجود على الاقل كلهم يابة هاذا صديقي هية يكولون هاذا خوش ولد ماطول صديق الحسني لانه اذا تبقى على سمعتك مشكوك بيهة

[ابو نؤاس]

طبعا سيد على عيني وراسي سيدنا بس سمعتي زينه وانته شون تمشي وياي وتموت عليه لعد ؟؟؟؟؟؟؟؟؟؟