هــــــاي قصه وئولي الانتيكه ارجو المساعه يا احبابي

[وئولي الانتيكه]

طبعا والله العظيم احتمال كلش جبير البعض راح ايكول مبالغه بس والله
هاي القصه صارت بيه وصحيح مو اني الي كاتب هاي القصيده بس
هاي القصيده ماره بيه والله شاهد واريد منكم يا احلى شباب وصبايا
وبأحلى منتدى اريد اعرف شسوي بهيج حاله؟؟؟؟؟؟؟




عــــفيه يا ناس اسمعوني00عندي قصـــه صغيره هيه

اسمعــــوها للنــــهايـــــه00وتعرفــــون شـــصار بيـــــه

اني قــصــتي ويه الحبيبه00ويه الصــــديق الـــخان بيه

جـــنت احب وحـــده وتحبني00وللصبح نســـهر سويه

اني اضـــحك هيه تبـــــجي00وامــــسح الدمعه بديه

لا تبجــــين شبيج اكلـــــــها00اتكولي احبك عفيه لا تبعد عليه

وينكسر كلبي الغشيم العلى النيه00ويكولي لا تتركها تجبي

ويكولي حبها اكثر خطيه00غبت عنها اسبوع انه ردت تاخذني المنيه

اتخابر الهاتف صديقي وتسال عليه00اتخابره وتسأل علــــيه

ولك ايكوللها عوفي هذا ما يحبج00هذا نيتــــه غـــير نــيه

وهــــوه اعــــز الاصـــدقــاء00واغلى من روحي عليه

يخوتي اذكر بيوم نزف دم00وانــــطيـــته من دم الي بيه

ترافكت ويه صديقي الجنت احبها حيل بيه

الحبيبه الخاينــــه البـــاعت هوانــــا المو وفيه

وللصديق المو وفي الــــخان الوصـــــيه

اني من هذا المكان اريد اقدملهم تحيه

وهو موجود وسمعني00وهـــيه تسمع ذيج هيه

من كلب مظلوم يبجي00ويــــدعي كل صبح ومسيه

ويـــن الله بلـــــكت الله00الينتقم من اعز اثنين اليه0000000000000






هاي القصه الي مرت عليه وخلتني ليلي ما انامه
هذا الحــــــــــب وتالي وياه

[سفينة الاحلام]

هلووووو وئولي

من عافنا عفنا لو كان غالي ومن خاننا سلمنا بيد العزيز الباري
ما اكدر اكلك اكثر من هيجي
الله يصبرك
تقبل مروري

[قمر عراقية]

اولا هلا وغلا بيك بينا وثانيا بالنسبة للقصيدة واللي صار بيك

اني من راي تنسى وتبدي من جديد وتعتبرها مرحلة وعدت لان هية خانتك ومسوت حساب اللي كان بينكم وهوة صديق العمر اخذ منك شي مو الة وبطريقة تعبر عن خيانتة

اخوي الدنيا تجارب والانسان كل يوم يصير بية اكثر من هالشي والله سبحانة يحبك لان بين الك حقيقة الاثنين

لازم تبدي من جديد وتنسى واعتبرها مرحلة بحياتك وانتهت الى الابد باجر لاتقي احسن من صديق وافى من الحبيبة اعرف الكلام مو مثل الفعل والخيانة شي صعب بس لازم يكون عندك ارادة واللي راح يجي احسن منة الف مرة

بس لازم تخلي بالك وتعرف تختار من البداية

تحياتي الك ::17::

[سوسة الدلوعة]

الله يساعدك و ربي يعوضك خير منها

الخلل ليس بالحب

الخلل بالبشر دائما و أكثر البشر حاليا هم ضعفاء النفسية


مشكور

[اميره عالم الاحزان]

هلو وائل شلونك عيناي .........
اول شئ الي نساك انساه والي باعك بيعه ........
والحبيبه الي متصون الحب هاي منسميها حبيبه ....
والصديق الي يخون الصداقه هذا هم منكول عليه صديق عوفهم ثنينهم .... انساهم ....
همه الي خسروا مو انت .....
والله يعوضك باحسن منهم ....

تقبل مروري

[White ♥ Heart]

اللي نساك انساه
واللي هواك اهواه
واللي حِمَل فركَاك
تكَدر على فركَاه

لا تشتكي وتلوم ....
عمر الحزن ميدوم ...
والعمر فيه جم يوم ؟
حتى نعيشه بآآآآآآآآآآآآآه
والقصيدة رائعة ..
شكد ما اني فرحانة شكد ما صارت بية ضوجة من قريت القصيدة

[I R A Q I 4 E V E R]

والله ياخوية قصتك تقهر بس تدري انت الله يحبك وكشفهم اثنينهم امامك

[وئولي الانتيكه]

مشكووووووووووورين على المرور ويارب ايكثر من امثالكم تحياتي الكم كلكم

[مصطفى العبيـدي]

وائل في البدايه نهاية ونهاية البدايه قبول بالواقع ...
انت المستفيد الاكبر من كل ما حصل ..
بدليل .. كشفهم البارئ عزوجل أماامك ..
فالاثنين لم يكونوا ...
الحبيبه لم تكن تستحق الكلمه ..
والصاحب ليس صاحب ..
ان رخص ثمنك أمام غي غيابك ...
هذه نظرتي ..
أحترامي لرأيك .. صلب أحترامك لرأيي ..

تحيه طيبه

مصطفى العبيدي ..

[بـلآل الـجُميــــــلّي]

مشكووووووووووووورين

[LOVELY GIRLE]

شكرا على هذه المبادرة

طبعا اكيد ومن رايي انه تنسى هذا الحب لو مهما كان عميق

وتجرب حظك مرة ثانيه وان شاء الله تلكه الوفيه الي تصونك وتصون الحب هذا الك

تحياتي وتقبل مروري

[*نسمة وفه*]

الله يكون بعونك ويصبرك ويصبر كل مخدوع

[سعـــد القيســــــي]

هلووووو وئولي


من عافنا عفنا لو كان غالي ومن خاننا سلمنا بيد العزيز الباري
ما اكدر اكلك اكثر من هيجي
الله يصبرك

تقبل مروري



والله اني مع كلام الاخت سفينة الاحلام ::ok::::ok::::ok::
والله يصبرك وتطلع بيهم صدك (كيفما تدين تدان ) .
وشكرااااا

[***الســــــاهر***]

حبي الله خلق نعمه النسيان وننسى

دونها منعيش ولا نقدر والله يكون بالعون

تقبل مروري

[وئولي الانتيكه]

الله يبارك بيكم يا غالين مشكورين على المبادره الحلوه