أجمل الابوذيـــــات لكل المحبيــــــــــــن

[جبار اللامي]

جمالك زاد عن يوسف وقبله

وحبك صار ألي منبر وقبله

أسر أعلى الصخر محبوبي وقبله

لان قلبك صخر ما حن عليه
************************
أعلن ياكلب حبك وشيعة

واعلن راي كل مخلص وشيعة

عيب حجاية السنه وشيعة
الوطن لاهل الوطن كلهم سويه
*************************
فؤادك بالهوى يازين نقال

واريدك دوم للطيبات نقال

حبيبي ما جبت للحين نقال

يرن بالليل ونسولف سويه
************************
على عرش الكلب حبك تملك

عزيز ولا تضن روحي تملك

البدر من شاف وجناتك تملك

أنخلط نوره ونور خدك سويه
************************
سكاني الدهر من فركاك بس مر

وشهد ما ضكت من دنياي بس مر

رمش عيني أفرشة أبساط بس مر

وترد الروح من تسأل عليه
***************************