شنو شعورك وانت ببلاد الغربة ؟؟

[وردة سبتمبر]

شلونكم اعضاء منتدى ::55::شخباركم انشاء الله تكونون بخير وبصحة وسلامة اني عضوة جديدة حبيت اسوي موضوع عن شعورك وانت ببلاد الغربة ؟؟؟؟

اني صارلي اربع سنين ببلاد الغربة وطبعا اتمنى اشوف اهلي واقاربي وازور بلادي الحلوة العراق مهد الحضارات وابوس ترابه الغالي .. انشاء الله نرجع لبلدنا العراق يوما ما .. المهم اريد اشوف تفاعل وردود لان هذا ثاني موضوع الي بالمنتدى ..

دمتم بود ::51::::51::

[يومين ما شايفك]

مشكورة وردة عل موضوع
والله مادري شنو اكلج هية غربة بعد كلشي شفنة بيهة
التعب و المذلة بس شنسوي هاي مكتوبة علينة راحة ما نرتاح موانينة بعيدة وتايه الملاح
نكول الله كريم و نشوف وين تالية
تحياتي الج وردة و تسلمين مرة ثانية عل موضوع

[حنية العراق]

والله الغربة كلش صعبة صارلي سنة ونص ورح اموت بس اريد ارجع شكرا على الموضوع كلش حلو وتقبلوني عضوة جديدة

[flamarz]

الغربة صعبة بكل مشاعرها واحاسيسها لمجرد بانكي غير موجود في البيت التي عشتي بيها وفيها كل ذكريات الطفولة والشباب ولمه الاصدقاء والاحبه ولاهل وضحكة التي تطلع من قلبك والطمئنينة التي نكون فيها كلها لا تستطيع ان تعوضها كل مايقدمة الغربة من امور يبقى الانسان يشعر بان لديه شيى ناقص هذا هو شعوري حول الغربة لكن الغربة مفيدة جدا لتقوية العزم والثبات حول ماتريدين بس يبقى نظرنا الى وطننا الحبيب وان شاء الله نرجع له ونرمي انفسنا في احضانة كما يرمر الطفل في احضان امه
هذا هو شعوري
وياربي يسر عليكم ياعرقيين ياطيبين عليكم الغربة ونرجع للعراق الحبيب

[وردة ربيع]

الله يساعدج بس يكولون اليكدر يعوف وطنه سنه يكدر على فركا

[I R A Q I 4 E V E R]

السلام عليكم ورحمة الله وبركاته
اول شي شكرا للموضوع
بس لو اريد اكبتلج شعوري يمكن اطول يومين يلة اكمل
بس اكتب فد شي مختصر
اول شي من خابروني اهلي وقالوا لي حان وقت الرحيل
بوكتهة كنت عايش بالعراق لوحدي (كانما ورقة ومقطوعة من شجرة)
صح الاهل بعيدين بس اصدقائي كانوا في يوم من الايام مكفين او موفين
مرت الايام وعلى غفلة بدأ الاصدقاء بالرحيل الى ان بقيت لوحدي
بعيدا عن الاهل وبعيدا عن الاصدقاء وبالفعل شعرت وكانيي لوحدي
وبالاخص منطقتي كانت ملتهبة واسكن بها لوحدي مع جيراني (بيتين من مجموع 30 بيت بالفرع)
شفت معاناة بالعراق اتصور محد مشايفهة حتة وصل بيه الحال للتهديد ويمكن 5 مرات ردت انقتل
اتذكر مرتين منهن بقناص اعمه ومرة بسيارة مفخخة قتلت 4 طالبات من كليتي اما عيني
مختصر مفيد شفت اتعس انواع العذاب بالعراق بس من خابروني اهلي وقالوا لي يلة حان وقت الرحيل
من بغداد متصورين شسويت
والله افتريت على حيطان البيت وقبلتها من ورة مكنت ضايج واني محاس بنفسي بحيث والله جيراني الوحيدين يباوعون عليه ويبكون
كل هذه المصائب المختصرة واخيرا وصلت للامارات ضليت شهرين كاملين افكر بالعراق ومرات بصراحة اتذكر مواقف مبكية
بس مرت الايام والوضع تحسن عندي بالامارات ونسيت شوية الهموم الي كانت موجودة والحمد لله
الان افضل حالي
بس ابقى احب العراق واتمنى ابوس ترابه

شكرا للموضوع او اسف على الاطالة

[وردة سبتمبر]

تسلمون على ردودكم الطيبة
وانشاء الله كلنا نرجع بلدنا الجبيب العراق الجريح ,,

[ღ.¸¸.iRaQi SnIpeR.¸¸.ღ]

مشكوره على الموضوع والله شعوري يمكن يوم يلا اكمله

بس والله لاعبانه نفسي و اريد ارجع للعراق

[اميرة البصرة]

بسم الله الرحمن الرحيم

اختي ماكو احد بالغربة مرتاااااااااح

مدامه بعيد عن اهله و وطنه هذا ميعتبر عايش واحنه هسه للأسف هيج صرنه !!!

باليوم اللي نرجع بيه للعراق بذاك اليوم ... راح نشوف الحياة من جديد

اكيد محد مرتاح ولحد طايق الغربة

صارلي من شهر العاشر 2005 مشايفة العراق واتمنى بكل لحظه تفوت ارجعله والله صعبة العيشة بالغربة



شكرا اختي عالموضوع ... تحياتي

[الوردة الحزينة]

ياه ولله ضوجة بسترالية في ناس تريد تروح لل خارج بس ما حاسين بنار الغربة
اندعولي الجع يارب
تحياتييييييييي

[وردة سبتمبر]

شكرا على الردود وان شاء الله يجي يوم نرجع للعراق الحبيب