عراقي يتصل بالوطن [الأرشيف] - دجلة نت ::: ملتقى شباب العراق

maanhilali

11-02-2007, 06:42 PM

اكو واحد عراقي وعنده نقال
يدگ من الغرب مثل اليدگون
يخابر عالوطن بس يسمع اصوات
الوطن خارج نطاق الخدمه يحچون
استحه گال النطاق اشلون ذباه
وخطيه اجنوده چا بيمن يخدمون
ماصدگ خرج عن النطاقات
لان بلا نطاق اجوع البطون
ورجع خابر سمع واحد يحاچيه
گله الوطن مغلق لاتطلبون
صاح اشلون مغلق ياهوسدا
وهو بابه اليستره يشعله چانون
وماكفت متونه الحمل الضيوف
عله صفاح المضايف ركّب متون
ورجع بعدين خابر حصله بساع
كله اشلون حالك وانته مسجون
اشعجب ماخابرت مشتاگ احاچيك
گله بلا رصيد يحصل اشلون
ورصيد الزلم خلص كله للموت
وضلو للمگابر بي يعبون
والخط انگطع ماكمل وياه
وماگطعو بچيهم همّه يبچون
ورجع وده رساله وتم الارسال
بس ما تمت الفرحه عله العيون
ردتله الرساله وتنزف حروف
تگله امريكا غاد وما يقبلون
واحد للوطن يدخل بالاشواك
تدخل باليذبحون ويفجرون
ورجع بعدين خابر مره مرتين
حصل وانگطع بس شد الضنون
واخيرا حصلاه بس طلع مشغول
طلع ينصب فواتح لليموتون

PErMeReND

11-02-2007, 08:14 PM

تسلم اخويه عالموضوع وان شاء الله الكل يرجع لوطنه ويعيش بيه بأمان امين ياربي

سناريا

11-02-2007, 08:28 PM

عاااااااااااشت ايدك كلمات روعة تبجي الصخر ..............

maanhilali

11-03-2007, 10:54 AM

مشكوريين شباب على ردودكم الحلوة

مع تحياتي للجميع

ابو نؤاس

11-03-2007, 02:40 PM

يسلموووووووووووووووووووووووووووووووو معوني

maanhilali

11-04-2007, 11:49 AM

مشكور حبي ابو نواس على الرد

علولي

11-04-2007, 12:50 PM

تسلم حبيبي كلش حلوة
عاشت الايادي
تحياتي للجميع

ورده مغتربه

11-04-2007, 02:10 PM

اني صارلي يومين ما داخله بدجله قسم شعر لو قسم غربـــــــه

اليووووووووووم دخلت وتورطت

تموووووووووووووت القصيده وتاذي ياربي

maanhilali

11-04-2007, 06:21 PM

شكرا يا وردو مغتربة على مرورك بالموضوع

تعبناك اليوم واتشرفنا بمعرفتكم

تحياتي للكل