قصيدة من دفاتري القديمة

[حارس الارض]

ها شباب خما تاخرت عليكم هذي قصيدة كتبتهه من صف الاول ( شكد قديمة )
اتمنة ان تعجبكم وياريد تنصحوني حته اطور نفسي وانشاء الله تعجبكم :


شن هالوجه شن هالطول هيج اوصاف ما شايف
اريد اعبر والم اورود لكن مستحي وخايف
*****
شعرج لو متاهه ليل شن هذا الي يغطينة
ينزل عل الوجه والعين وبايدج تلمينه
خل يلعب على الجتفين بالج لا تلمينة
جم عاشك تاسر بيه يصرخ والجرح نازف
******
حورية ابحر مسحور تتراوة بشواطينة
سمرة ونص وجهه عيون تذبح من تصد لينة
ما ادري ابسهم دتصيد لو لا بسهم ترمينة
تا خذني بدربهه بعيد امشي وكلشي ما عارف
********
جسمج لو غصن من بان شن هذا الديتلوة
مغرورة ونعرف زين حسنج بادم شسوة
اشكد مر بالبشر تغيير ما غير طبع حوا
وادم بعدة بالحسرات ينطر والكلب سايف
*******
وا نتضروا المزيد الاسبوع المقبل ( يعني الجاي)::51:: ::51::

[حارس الارض]

ها شباب عجبتكم القصيدة

[شمس المعماري 23]

تخبل و الله بدون مجاملة
تسلم عيني هاي اذا بالاول هيج
لعد هسة شراح تسوي

[حياوي (المعذب)]

حلو حلو هاي اذا قديمة هيج لعد الجديد شلون؟؟؟!!!

[نونة القلب]

حورية ابحر مسحور تتراوة بشواطينة
سمرة ونص وجهه عيون تذبح من تصد لينة
ما ادري ابسهم دتصيد لو لا بسهم ترمينة
تا خذني بدربهه بعيد امشي وكلشي ما عارف

مشكور على ها الكلام اللطيف ويحتاجلك اجاده شوي بعد وانته معماري مايصعب عليك شي اختك

[بغـــــداد لا تتألمـــــي]

حلوة حارس عاشت ايدك بس بس اختنكت من التراب هلكد مقديمة..
لا والله عاشت ايدك ..وخلي نشوف جديدك..

[Haydar Has]

حلوه بيب
ههههه لا تخاف ما اكول اسمك
حلوه وعلى كولت حياوي الجديد مالتك شنونه
ها زين لو على القديم
هههههههههههههههههههه

[حارس الارض]

يمعود حيدوري كول ولا تخاف الكل يعرفني صدك جذب وشكرا لك الي قرو الموضوع وشكرا على النصائح
وراح يجيكم الجديد عن قريب