هام جدا جدا تحتاج الى ردكم

[ملكه النساء]

اني ححجيلكم قصه بس ترى موقصتي قصه صديقتي والله صديقتي قبل سنه ونص تقريبا
عرفت شخص وحبته وهواكيد جان يحبه من البدايه طبعا بعد مكلله اني احبج ولح عليه هواااايه
فهيه كالت راح احجي وياه وحجت وحبته لكن هذا الشخص عصبي كلش ومتقلب كلش اذافتحت
الانترنيت يكلب الدنيا عليه اذا حجت ويه ولدعمه اوولدخالته هم يكلب الدنيا عليه
ويتركه وبعد يومين يرجع يخابره وهاي كل يوم على هاي الاسطوانه
وهي متعرف شسوي بس هوه يحبه وهي تحبه واهله واهله كلهم يعرفون
بس اهله كالوا الامن تتخرج ياله اروح نخطبه الك وهي كم مره اجوه ديخطبوه ورفظتهم
واخير شي شوفو اسوه كام يخلط على صديقاته وبنات خالته وعمته وهسه هي حايره

[وحش الشاشه]

خلي تعوفه
هذا جذاب هو يريدها تتركه
فيضوجها ويسوي هاي الشغلات حتى تتركه
تحياتي ::57::

[سنو وايت]

اني من راي هذة رح يتعبهة هواية
فخل تحاول تنسى..تقبلي مروري

[توتة في المريخ]

هي عرفت شخصيتة من البداية هذا الشي زين
خلي صديقتج تشوف اذا متكدر تعوفها خلي تحاول تغيرة شويه شويه وهذا الش ميصير بيوم او يومين
هي لو ذكية راح تحاول تقلل العصبيه مالته وبعدين مو الا تسويي كل شي يضوجه يعني مثلا خلي تققل اختلاطها ويا ولد عمها وولد خالتها لان هوه اكيد يغار عليها لان هيه بعدها مصايره اله بشكل رسمي ويخاف يخسرها
اذا تكدر تستحمل وتصبر وتستخدم ذكائها وتغيره فهذا الشي راجع الها اذا تشوف نفسها متستحمل خلي تحطة كدام الامر الواقك وتتفاهم ويا على هالشي وتوضحله انه هيه تعبت من تصرفاته اذا كان رده فعله ايجابيه خير اذا سلبيه فخلي تتركه حسن من ان تقضي حياتها ندمانه على اختياها اله


تقبلي مروري
اختج توتة المريخية

[nsma]

اختى اول شى اليحبلازم يكون عنده ثقة باليحبها هاى من ناحيه والناحيه الثانية لازم ميخلي الغيرة تسيطر عليه لالالالالالالالالالازم والااذا يبقى هيج يتعبها هذا اذا صدك يحبها وميراوغ ولايكذب عليها واذا مكدرت تغير تصرفاته ولاهو اتغير خل تعوفه احسن لان يتعبها هذا::28::::1::::1::

[( زياد طارق )]

أول شي ملكة مصكينج ماكو داعي تحلفين , ثاني شي من قريت الموضوع حسيت مجرد احساس انو هذا الشخص أقل نت الموستوى يمكن العلمي او الاجتماعي لصديقتج , ومع كل احترامي لصيقتج اكو مصطلحات نستخدمة نحاول نبرر بية اخطاء الغير او نجدلهم عذر على يابة هذا عصبي او عصبية ماكو هيجي منطق اني اكلب الدنية واجرح عالم واذي ناس وراها واللة اني عصبي العصبية نوع من انواع الجنون يعني ( الخبال ) , بعدين الرجال من اسمة المفروض يظبط اعصابة وما احمل غيري لو اطلع قهري بمرة لو جاهل هذا جبن وهروب من مواجة المشكلة , وبرأيي هذا الرجال راح يشلع كلبة لصاحبتج اذا اتزوجو رحمة لواديج اذا هسة بعدهم لا مخطوبين ولا عندة اي سلطة علية يكلب الدنية ولة حجت وية ابن عمة او ابن خالتة ولة استخدمت الانترنيت , اول شي المفروض منة كرجال انو يثق بلبنية الي باجر راح ييسلمة سمعتة وتربية بناتة واكو فرق كلش جبير بين انو اخاف من البنية او اخاف علية , فاختي اريد منج تسألينة لصاحبتج تكليلة هذا هسة ما عندة كل سلطة عليج ولا مسؤل عنج ولا انتي دسوين شي غلط او يرفضة المجتمع وهيجي ديسوي وياج !!!
باجر لا سامح اللة اتزوجتي وصار عندج منة اطفال شنو ردة فعلة اذا فد يوم تلاكيتي انتي واحد من ولد عمج وسلم عليج !!؟؟ تخيلي موقفة وانتي مرتة والاحراج الي راح تصيرين بي !!
فاختي كليلية تتانة هذا عمر والعمر الواحد ما يعيشة مرتين , واذا على حبت , فصديني كلنة حبينة بيوم من الايام وفينة وحسينة حياتنة دمار ومن غير هذا الشخص , بس الظروف حكمت , واستفدنة منة كتجربة صحيح كلش مؤلمة بس افضل انو الانسان يتأنة باختيارة احسن من ما يندم طول عمرة .

[ملكه النساء]

شكرا على مروركم وعلى نصائحكم

تحياتي لكم

[!¤ σbs¢uяє ¤!]

ملخص الحجي هذا الولد جذاب و ميفيد صديقتج لان مبين عليه كلاوجي من حجاية اهلة انوا يخطبولة صديقتج ورة التخرج هاي جذبة قديمة مال ولد اووكي خلي تعوفة نصيحة مني و اني ولد

[سعـــد القيســــــي]

السلام عليكم ورحمة الله وبركاته
...................
اختي الكريمة
اهلا وسهلا بيج بمنتدى حلال المشاكل والله يبعد عنج المشاكل
ويرزقك راحة البال انشاء الله
......................
الاخوة السادة الاعضاء ماقصروا بردودهم الحلوة
بس حبيت اكلج انه اذا انتي مامرتاحة ومن البداية مع هذا الشخص
يعني مو شرط ترى الانسان يرتبط بالشريك الي يحبه ويموت عليه
لا.. المهم هو إنك ترتاحين مع شريك حياتك وتتوالمين دون
اي مشاكل ومشاحنات مستمرة والتي ستعكر من صفو حياتيكما معاً
يعني اذا فعلا دتشوفين انه مدترتاحين وياه فكري وي نفسج بكلامي بعقلك
مو بقلبك وتحكمين عواطفج على قرارج .. اذا مدترتاحين وياه ودتشوفين اكو مشاكل
او عدم توالم ... فالحل الافضل هو الابتعاد لمصلحتكما حتى لا تتندمون بعد الارتباط والزواج
لان الزواج حياة طويلة حافلة بالمصاعب وبالمواقف الشديدة
والتي تحتاج لتوافقكم مع بعض في مواجهتها
اذا فكري زين ووضعي حد وطريق ثابت للسير عليه
..........................
تمنياتي لكِ بالتوفيق والنجاح والسعادة الدائمة انشاء الله
ارجو تقبل مروري وردي المتواضع
دمتم برعاية الله وحفظهِ
تحيااااااااتي ::57::

[صقر النادر]

حاولي تنسي وشكرااااااااااااااااااااااا

[ابن الرافدين الحبيبين]

والله يا اختي العزيزة خلي تعوفة احسن لان ميكدرون يستمرون هيجي

[((**اسد**دجلة**))]

والله اختي ملكة انصحيها اتعوفة لان هذا عندة غير كبيرة احتمال صدك يحبها بس متعرفين احتمال جذب بس الاحسن اتعوفة تحياتي

[إمرأة من زجاج]

هذا أكيد برج السرطان خليها إداري بالها عليه كلش طيب لاتعوفه بس عليها اتعامله معاملة طفل صغير
وتهتم شوي فيه لانه حساس لاتفه الاسباب

[ღ♥ღ♥ الفتاة الحزينة ♥ღ♥ღ]

بصراحة اني اكول لو تعوفة احسن لانو مرح تكدر تعيش ويا واذا عاشت تعيش تعيسة لانو هو بهاي الحالة يغار عليهة يجوز حتى من باب البيت ميخليهة تطلع

[فراشة كركوك]

هذا يمكن يحبها اهوايا وخايف عليها اوبيه مرض نفسي يعني نفسيته تعبانة
او يمكن مستواه اقل من مستوى الابنية او يمكن يجذب عليها نصيحتي اللها اذا تحبه اهوايا ما تكدر تعوفه خلي تطلب منه يثبت حبه يعني اهله بس يجون حتى لو ماكو خطوبة وزواج وهو ولد يكدر يضغط على اهله واذا يحبها اكيد يسويها واذا لا خلي تعوفه مهما كان
تحياتي::57::

[®The L♥ve]

اني اعتقد انو هالشخص متعصب زيادة ..

وهذا الشي كلش مو زين ... واذا كانت هيه تستوعب الحاله .. فاعتقد هالشي راح يأثر

على اولادهم بالمستقبل ويولد عدهم حاله من انعدام الثقه ...

[احمد الزيدي]

انسي اعيوني حب جذذذذذذذذب

كله جذب ماعندة ثقة بيهة ويجوز يعرفهة تحب غيرة

اذا يتركهة يعني بأختصار محاطهة بقائمتة

اني اعرف اهواي من بنات المأمون
::32::
منو انتي عرفي نفسج ::28::

[احمد الزيدي]

هاي اشلون اهلهة يعرفون وعايفيهة ويا ::28::

[رمح الندى]

راح يشلع كلبه وما عندة ثقة بيهه ابدا لان الولد من يثق باي بنيه مراح يدور وراهه

[Alice]

اولا هو عصبي
هو يموت عليها جان ودمرها لعد من يتزوجون اشون !
وبعدين شنو هو يختلط وهي لا
خل تعوفة واللي يبدي بصعوبة الله ميريده!

ان شاء الله تنساه وتحب غيرة ولتكول هي متكدر بلياه , القلوب تتغير ::45::

[كـت كـت]

والله يا اختي الغاليه انطيج رأي بس مو تزعلين اكيد هذا الولد مريض نفسيا لان

ماكو هيج غيره ابد واني اكول لو تعوفه هوايه احسن اذا هي من هسه

دتشكي منه لعد بعد الزواج شيصير ؟ ايجوز توصل السالفه للطلاق هي

تشوف روحها تكدر تتأقلم بهيج عيشه يعني تكدر تستحمل اذا لا فاني

برأي تعوفه وتشتري راحت دماغها . يارب اكون اتوفقت بوصول الفكره تحياتي

::45:: تقبلي مروري

http://www5.0zz0.com/2008/08/04/12/441095317.jpg (http://www.0zz0.com)

[**رئاوي**]

هذا مبينة مو ثقة خلي تحاول تنساااا مبين يسوي نفسة يغار الولد لمن يغارون ميبينون غيرتهم بس هذا يبين غيرتة حتة عود يكللهة شوفي شكد اني احبج 0000

[~♥~ Engin_Misk ~♥~]

السلام عليكم ..........اختي العزيزه من البدايه ماطول اكو مشاكل افضل انه تبتعد عنه ...لان الحياة طويله حتى لو استحملته عشرين سنه لازم يجي يوم وتنفجر...اكو مثل يكول (( كثرة الدك يفك اللحيم).......تقبلي مروري

[...smart girl...]

السلام عليكم....
طبعا" رايي بالموضوع انه انسان ضعيف الشخصية وماعندة شخصيه ويبررهه بهذه السوالف التعبانة نعرف ان البنية حبته واحتمال بعد متكدر تستغنى عنة بس ترة هذة حياة ومستقبل يعني حيكون الطريق طويل واذا بقت وياه راح تتاذى طول عمرهه ترة البنية لمن اتفكر بالزواج يعني شتريد غير رجال يحبهه وحنين عليهه ويخاف عليهه ويكون الخيمة الي تحميهه من غدر الزمان اذا بالبداية هيج لعد النهايه اشلون؟؟؟؟؟
لازم اتحاول تبتعد عنه او تكعد وتحجي ويياه وتكلة اني بعد مااكدر ارتبط بهيج انسان والاسباب كذا... وكذا ...والله كريم اتمنى الى صديقتج ان تكون قوية وتكدر تتغلب على هذة المشكلة
..............تحياتي.........