سقووووووط!!!!!!!

[Unity of iraq above all]

هلاوو بنات هلاوو شباب
شلونكم انشالة زينين

احنا كلنا بهل الدنيا عدنا مبادئي نمشي عليها
وهالمباديء اكيد مرات تجينا من ناس
نعتبرهم قدوة النا

ونحبهم ونعتبرهم فد شي لا يعلى عليه



بس مرات

تصير ظرووف
واحداث

تخلي
الاشخاص الي جنا نعتبرهم قدوة بحياتنا

يسقطوووووووون


ميسقطوون من علو


لا يسقطون من شي اياذي اكثر وخطورته اكبر

يسقطون من نظرنا

تدروون

ليش ياذي اكثر وليش خطورته اكبر
لانه الي يسقط من الدرج
ممكن ميتاذى ( بقدرة الهية هههههه)
يمكن يتاذى ( بس بمرور الوقت يصير زين)
يمكن يموت لا سامح الله ( بس مع ذلك يبقى هذا القدوة الي دلانا علة الطريق الجيد بحياتنا ونضل نتذكره لو شكد مر من الزمن)

بس الي يسقط من نظرنا
لا هاي شغلة ثانية
راح تخلينا نرجع نراجع كل قيمنا ومبادئنا الي اتعلمناها منه
ونشكك بيها
ومنعرف الصح من الغلط
نحس بالضياع
نكره نفسنا يجووز
ونبدي نكرهة للقدوة
بعد ما جان فد شي كبير ومهم بحياتنا
نبدي نحتقر اي شخص مثله
ننقهر لانه ضيعنا وكتنا
ممجدين فد انسان ومسووية اعلة من بقية البشر
مع انه بالحقيقة ادني من كل المستويات
ولا يستحق لا احترام ولا اي تقدير
وشعورنا هذا مراح يتغير بمرور الزمن
لانه جروح القلب والكرامة متتداوى برغم الزمن
واقل موقف يخليها تتفتح من جديد

شفتوا شكد ياذي هالسقووط ويقهر ويدمر
وشكد اخطر من بقية انواع السقووووط
!!!!!!!!

الي اريده منكم
هوة ان تجاوبوني علة هالسؤال
شنو الي يخلي اي احد يسقط من نظركم ؟؟؟؟؟

[Tom Cruise 33]

شنو الي يخلي اي احد يسقط من نظركم ؟؟؟؟؟
اول اشكرك على هذا الموضوع الرائع....
صراحة ماكو احلى من الواحد اللي عنده فد مبدأبالحياه ويمشي عليه ويتحمل المصاعب من اجل تحقيق اهدافه واذا نجح بتحقيقه اكيد راح يصير قدوة للي بعده من الناس , بس اذا تخلا الانسان عن هذه المبادئ اللي كان مآمن بيها فاكيد راح يسقط بعيد هوايه من الناس وحتى لو كان هؤلاء الناس لا يتفقون معه بالاراء بس المهم هو تخلا عن مبدئه وهذا فد شئ مؤلم.

[ghaiothy]

والله الصراحه يا جماعه تره اللي يخلي الواحد يسقط من نضري هو نفسه لان اللي يجر عدل ويحترم نفسه ويعرف شون يتصرف و ماعنده زايد ناكص وهو اهم شي ميكون ناقص ليش لا اشيله على راسي


شكرا مس يونيتي

[حياوي (المعذب)]

والله اللي يخلي الانسان يسقط من نظري هو شخصية الانسان وصفات هذه الشخصية ...
وأي خلل بتصرف الانسان راح ينعكس على الشخصية ... واللي شخصية ضعيفة أو مهزوزة مراح أحترمه مثل الكل مراح يحترمه... وهذا اللي راح يخليه يسقط من نظري

[Mus6afa]

شكـــــــراً على الموضوع

[ೋ ياقوتـــة دجــلة ೋ]

مساء الخير اول شي احب ابعث سلامي الك من قسم المواد وتحية حب واحترام ومنورة بدجلة من جديد

شنو الي يخلي اي احد يسقط من نظركم ؟؟؟؟؟
بصراحة هوايه اشياء بس اكثر شي بالنسبة الي اشوف شخص متكل على غيرة بامور حياته وخاصة اذا كان عندة المقدرة على ان يعتمد على نفسة لكنه متكاسل وماعنده قرار مستقل بحياته .................

[Miss. Arch]

شنو الي يخلي اي احد يسقط من نظركم ؟؟؟؟؟
اكيد ,الي بس يحجي و ما شفنا منه فعل , ننتظر و ننتظر و كل شي ماكو .
و الانسان الي يكذب و ينتحل شخصية غير شخصيته الحقيقية .

شكرا يونتي يا وردة

[Hidden Dragon]

اولا اريد احي كل من شارك بهذا الموضوع وكانت مشاركاتهم وردودهم كلش حلوة وغنية
اما
شنو الي يخلي اي احد يسقط من نظركم ؟؟؟؟؟
الي ايخلي الواحد يسقط من نظري انوا بالقول شي والفعل شي يعني على عكس القول
الي ايخلي الواحد يسقط من نظري اذا كان ماعندة مبادى بالحياة واتكالي على غيرة والي ايصير خير على الناس وايكول وايفعل من اجل مصلحتة الخاصة (والي يدعوا للصلاة وهو مايصلي )
وشكرا على هذا الموضوع القيم

[Unity of iraq above all]

مشكورين كلكم علة ردودكم
وعلة تفاعلكم وية الموضوع

[Unity of iraq above all]

غيوثي حلوة هاي مال مس يونتي
عجبتني::51::

[Gray Wolf]

طبعا يونتي احب اكول اني شاركت بهذا الموضوع بس مدري وين يمكن بغير مكان و الله و كتبت كومة و صراحة ما بية حيل اعيد بس و داعتج كتبت بس ليش ماكو اسمي ما ادري عداوة وياية يمكن هع هع

[Unity of iraq above all]

مووو غري
اني كتبته لهل المووضوع لمن جانت دجلة ما بيها قسمنا المدني
نشرته هناك
لمن جانت هوسة
وبعدين لمن رجع قسمنا
وتعرفوني ما احب اكتب الا بقسمنا
فرديت كتبتها لانه كلت اكيد قليل شافوها بالهوسة