ارجوكم ساعدوني

[niry]

السلام عليكم الى كل شريف عراقي في الاردن اخواني اطلب منكم المساعدة وياريت توكفون وياية احنا عدنه دعوة من طبيب في عمان واني مصاب بمرض القلب واحتاج الى عملية مستعجلة يكولون ميصير الدخول لاعن طريق البر ولا طريق الجو اريد اعرف هذا الكلام صدك وعلما اني احتاج الى عملية مستعجلة ارجوكم اخواني تجاوبوني وهل يجوز ان ادخل عن طريق البر لاني مريض بالقلب ومااكدر اركب طيارة يعني يكولون الفيزا بس بالطيارة ارجوكم ساعدوني

[kaesarzaid]

حبيبي هوايه جوي بيهم امراض خطيره سرطان ومكدروا ايدخلون وقسم جوي مابيهم شي وكدروا ايدخلون على الله التوكل

بسسسسسسس الدخول جدا صعب يعني صعب صعب يمكن تكدر تدخل لكن احتمال ضئل

وحته لو جان عندك دكوه من دكتور بالاردن او حته لو مستشفى اردنيه لكن صعبه كلششششششش

[عاشق العراق 2010]

اي والله اخوية هوايا صعبة ترى صايرة فد نوب يعني بلموت يلله يدخلونهم واحد انت توكل على الله

[هاله الدليمي]

والله كلش صعبه واني وحده من الناس رحت بر وطائره بس نفس النتيجه ميدخلون احد والله يكون بعونك وعون الجميع ::22::

[ابو نؤاس]

والله لو بيدي شي اقدمه بس شتسوي حاول تاخذ تقرير طبي من احد مستشفيات عمان وايكون مصدق من وزاره الصحه الاردنيه وعسى ولعلى وان اشك بلكي تكدر تدخل
تحياتي وان شاء الله ماعندك الا العافيه

[شهريار]

ماعرف اذا نزلت قوانين للفيزه لو بعدها
اذا بعدها منزلت وعندك احد يتابعلك المعامله بالاردن كرايبك او صديق
اكلك الاجراءات وشلون يقدم طلب ووين لان واحد وياي بالشغل قدم طلب لوالدته للعلاج وجاب اوراق المستشفى انطوها قبول اسألك ياه
والله يكون بعونك ..

[niry]

اشكرك كل من رد علية لان ده تحسسون باولاد بلادكم
اخي العزيز شهريار ياريت تخبرني كيف هيه الاجراءات واكون ممنو الك ولو حتعبك وياية بس يجعله رب العالمين في ميزان حسناتك عندي اصدقائي بعمان حتى اكلفهم الله يخليك وشون يقدمون الطلب لان حالتي الصحية يوم بعد يوم بتدهور وارجو ان لاتتاخر عليه ودمتم لخدمة الانسانية

[شهريار]

اشكرك كل من رد علية لان ده تحسسون باولاد بلادكم
اخي العزيز شهريار ياريت تخبرني كيف هيه الاجراءات واكون ممنو الك ولو حتعبك وياية بس يجعله رب العالمين في ميزان حسناتك عندي اصدقائي بعمان حتى اكلفهم الله يخليك وشون يقدمون الطلب لان حالتي الصحية يوم بعد يوم بتدهور وارجو ان لاتتاخر عليه ودمتم لخدمة الانسانية
ان شاء الله ااخويه باجر اسألك ..

[Sparks Weman]

ان شاء الله يسالولك

[شهريار]

مرحبا اخي
انته فايت الاردن قبل ؟؟
اذا فايت ومتعالج هنا اتدز اوراقج مال الطيبب او المستشفى بيد صديقك اللي حيراجعلك ونسخه من الجواز
مالتك ويروح لوزارة الداخليه يقدم الطلب بقسم الطلبات ويكوللهم حالته مستعصيه ومن هل الحجي
واذا يكدر يروح للطبيب اللي متعالج عنده هنا ويسويلك تاييد انه متعالج عنده ويريد يكملج العلاج
واذا ممتعالج قبل بالاردن دز اوراق وتقارير طبيه من بغداد لصديقك ونفس الاجراءات البقيه
تحياتي وتمنياتي الك بالشفاء ..

[strong_love]

والله يا اخ العزيز الدخول اشويه صعب بس هالفترة همه اشويه متساهلين وثاني شي اذا عندك اهنا واسطه او واحد ايدبر دخولك حاول لان اهوايه ناي عراقيين سوو هالطريقه ودخلو
والله ينطيك الصحه والعافيه وان شاء الله تتدخل الارن يارب وتطلع منها سالم وغانم ويارب

[niry]

السلام عليكم اشكركم اخواني لتعاونكم معي واشكر كل من رد عليه وانشغل بقضيتي واشكر الاخ شهريار لانني اتعبته معي في السوال ولكن جعله الهه في ميزان حسناته ودمتم لعمل الخير ولا ننساكم في الدعاء

[شهريار]

السلام عليكم اشكركم اخواني لتعاونكم معي واشكر كل من رد عليه وانشغل بقضيتي واشكر الاخ شهريار لانني اتعبته معي في السوال ولكن جعله الهه في ميزان حسناته ودمتم لعمل الخير ولا ننساكم في الدعاء
تتدلل اخويه وان شاء الله الله يسهلك وتدخل وتتعالج وتكوم بالسلامه ..

[maanhilali]

يا اخي ان شاء الله تكدر تدخل باسرع وقت

ما عندي معلومات عن الموضوع

[شنكوتي العراقي]

السلام عليكم، حبيبي العزيز، انا قبل اسبوع جيت على عمان، لا يوجد نقل بري الى عمان الا بالطائرة، و يدخلوك من المطار لانك مريض بما انه انت لا تستطيع ركوب الطائرة، اعطيك طريق مضمون مية بالمية تستطيع الدخول بي الى عمان عن طريق البر ولو تعذرني بس الطريق كلش يصير طويل عليك و الطريق هوة، انهو تذهب من بغداد الى دمشق عن طريق حدود الوليد (بعد ان تحصل فيزا طبعا الى سوريا)، و من الوليد تذهب الى عمان عن طريق درعا حيث تكون الحدود الاردنية قريبة من محافظة دمشق يعني ساعتين او ثلاثة من دمشق الى الحدود الاردنية و لا تنسى طريق درعا لاين الطريق الوحيد الي يفوتوك بري من عندة، وراها تنطيهم على الحدود الاوراق مالتك الي تثبت انهو انتة مريض و عندك عملية بيفوتوك الى عمان و يعطوك اقامة لمدة اسبوع واحد فقط و اذا رغبت بالتمديد يمكنك الذهاب الى وزراة الداخلية الاردنية و تمدد الاقامة مالتك الى ثلاثة اشهر و هكذا الحال. اعذرني عن التقصير حبيبي العزيز، و اتمنالك الشفاء العاجل، و هذا الطريق مضمون مية بالمية.

[niry]

السلام عليكم
اخواني الاعزاء والله يعجز اللسان عن الي ده سوه من اجلي بس بقى سوال الجواز g لو s بس هذا الي اريد اعرفه
يعني صدك جواز الجي حتى ندخل لو جواز الاس عادي بس هذا جاوبوني ارجوكم

[بغداد دار السلام]

السلام عليكم
والله اخوية اني السنة الفاتت رحت للاردن كان الدخول شوية صعب بالذات اذا ولد وحدك ميدخلوك حاول تاخذ والدتك وياك
واهم شي يكون وياك شهادة الجنسية وهوية الاحوال المدنية هاي كلش مهمة
لان احنة شفنا امرأة عمرها فوك ال60 مدخلوها لان مجايبة شهادة الجنسية
واخوية بالنسبة للجواز حسب الاسمعه لازم جواز G
الله يشفيك يارب وان شاء الله يدخلوك وميضوجوك بالحدود
تحياتي الك واعذرني للتقصير

[شهريار]

السلام عليكم
اخواني الاعزاء والله يعجز اللسان عن الي ده سوه من اجلي بس بقى سوال الجواز g لو s بس هذا الي اريد اعرفه
يعني صدك جواز الجي حتى ندخل لو جواز الاس عادي بس هذا جاوبوني ارجوكم
حسب ما اعرف انه لي حد 1/1/2008 ممكن استعمال جواز s بالاردن ..
بس ممتاكد .
تحياتي

[ابو نؤاس]

ايفوتك بالاس بس رتب الدخول ومالك علاقه بالجي
تحياتي

[شهريار]

مثل مكلت هسه اتأكدت لي 1/1/2008 وبعدها يستعمل جواز G

[niry]

تحية خالصة من القلب الى اخي العزيز شهريار لانني حقا اتعبته معي بكثرة اسئلتي جعله الله في ميزان حسانتك وصدكتي يااخي مناسيك بالدعاء والله يوفقك ويبعد اولاد الحرام عنك وهو السميع المجيب

[niry]

اخواني اني ده اخذ وياية مرافق لان العملية كلش صعبة ولازم احد وياية الي ده اخذ عمرة لو 35 لو اقل بشوية شون صدك ميدخل هذا يمعودين مروتكم