سؤال اريد الكل يجاوب عليه؟؟؟؟؟؟؟؟؟؟؟؟

[ALSHAMS]

عندي سؤال الكم اريد الكل اللي مجرب واللي ممجرب يجاوبني عليه.

اذ انت تخابر بنيه
او انتِ تخابرين ولد

من يجي وكت الجد تحب تخطب هذه البنيه اللي خانت اهلهه وكامت تكلمك وشلون تامن بيها وره الزواج؟؟؟؟؟؟؟؟؟؟

وانتِ همين اذا جان عنده علاقات سابقه وانت تدرين بيهه وعلاقتج وياه هاي هـــــــــــم.........

تتقدم الى خطبه هذه البنت
او انتِ توافقين على هيج شاب

اريد اشوف ردودكم حتى نسوي فد شي جديد وأراء جديده اكيد متضاده.


http://www.baghdad4ever.net/vb/images/smilies/36_1_11[1].gif
http://www.baghdad4ever.net/vb/images/smilies/36_1_11[1].gifhttp://www.baghdad4ever.net/vb/images/smilies/36_1_11[1].gif

يلا شباب يلا بنات كولوا هوهو.........
انتظركم.
بااااااااايhttp://www.baghdad4ever.net/vb/images/smilies/Iraq.gif

[عراقي وغيرتي بلوا]

من يجي وكت الجد تحب تخطب هذه البنيه اللي خانت اهلهه وكامت تكلمك وشلون تامن بيها وره الزواج؟؟؟؟؟؟؟؟؟؟



طريقة السؤال بيها الحل

من يجي وكت الجد وتحب يعني يحبها مو مهم هية خانت اهلها او مخانتهن شلون هاي تعتبر خيانه ؟؟؟؟؟؟

وهية من تتصل بي اكيد هية هم تحبة

بس هذا الي يعتقد البنية من عدها تجربة وية الحب
ويظن ان هذه البنية الي تتصل بي ما الها امان لانه يكول اذا وياية تحجي هيج او تتصل بيه شلون راح اامن الها اذا اتزوجها

هذا جاهل و مكانه مو بمجتمعنه

الان مجتمعنه منفتح
يعني اذا يحس بان هذا الشي غير مرغو بي
فهو اكيد ميقبلها على نفسة او اخته او .....

بس اذا هو يعرف معنى الحب الحقيقي

وهو
ان تسلم قلبك كاملا
واساس الحب ينبني على الصراحة
يعني راح تكون نهاية الحب مثمرة
وبعد الزواج مراح يحتاج
انه يقلق ويتشكك من الثقة الي راح تكون بين الطرفين

وللحديث بيقة

تحياتي

موضوع راائع

[ALSHAMS]

شكرا عراقي على المرور ورايك الحلو حجيك صحيح بس المشكله مع احترامي اكو بعض او الجزء الاكبر
من الشباب يفكرون هذا التفكير مع الاسف والمشكله من تكعد تحجي وياه يطلع انسان مثقف واصل لفد مرحله متقدمه من التعليم بس من يوصل لهيج مساله تلكه رأيه يختلف تماما
شكرا مره ثانيه عراقـــــــــــــــــي

[مونا]

من يجي وكت الجد تحب تخطب هذه البنيه اللي خانت اهلهه وكامت تكلمك وشلون تامن بيها وره الزواج؟؟؟؟؟؟؟؟؟؟



طريقة السؤال بيها الحل

من يجي وكت الجد وتحب يعني يحبها مو مهم هية خانت اهلها او مخانتهن شلون هاي تعتبر خيانه ؟؟؟؟؟؟

وهية من تتصل بي اكيد هية هم تحبة

بس هذا الي يعتقد البنية من عدها تجربة وية الحب
ويظن ان هذه البنية الي تتصل بي ما الها امان لانه يكول اذا وياية تحجي هيج او تتصل بيه شلون راح اامن الها اذا اتزوجها

هذا جاهل و مكانه مو بمجتمعنه

الان مجتمعنه منفتح
يعني اذا يحس بان هذا الشي غير مرغو بي
فهو اكيد ميقبلها على نفسة او اخته او .....

بس اذا هو يعرف معنى الحب الحقيقي

وهو
ان تسلم قلبك كاملا
واساس الحب ينبني على الصراحة
يعني راح تكون نهاية الحب مثمرة
وبعد الزواج مراح يحتاج
انه يقلق ويتشكك من الثقة الي راح تكون بين الطرفين

وللحديث بيقة

تحياتي


موضوع راائع

اكولك يا ابني ::23::ليش ما نحجي الصدك::101::
ماكووووووووووووووووووووووووو احد يفكر هيج!!!!! اكدر اجزملك ماكو::ok::
اني ضد خيانة الاهل لان اولا واخيرا همة واثقين بية وناطيني موبايل ونت وينفذون طلباتي ويوصلوني للكلية ويطلعوني وكلشي موفرين الي شرط ان اراعي حدودي واصون الامانة وما اخون ثقتهم الي همة بالبداية والنهاية واثقين بية انو مراح تطلع مني هيج شغلات!!!
ارجوكم يا اخوان يعني الي يحب وحدة وتحبة من البداية روح اخطبها وفضها مو تضل تلفونات ونت وخبصة وتكولها بعدين اخطبج؟!!!!
اني بالنسبة الي اعتبرها خيانة عظمى للاب , للام , للاخ , لكل من وضع ثقته بية!!!
لذلك اهم شي الخوف من الله لان الطريق المستقيم موجود ليش ننحرف عنة؟
مو تكولي احبها وتحبني وهاهية!
اني مدا اكول يابة لا تحب الي راح تتزوجها بس لا تواعدوهن سراً صح لو غلط؟
والله لو يجي مدري منو ويكولي تلفون نت موبايل مقابلات مباشرة بدون تفكير رفض واضح وصريح لان تربيت على مبدأ واحد ميتغير
الادب الادب الادب
ثم اذا يحبني يابة اخطب مو تكعد بحجة دراسة اخلاقي او التعرف على تفكيري او الخ الخ الخ.... يابة (خلي يولن ::6::) اني شفت كومة من كرايبي لمن خطبو::34::واحد رأسن كللها اريد اخطبج وخلص واندل بيتهم وخطبها واتزوجها وهاهية
واحد بدون حتى ما كللها جانو بالكلية سوة وهم خطبها بدون ما يبلغها رأسن راح لاهلها
واحد عن طريق امه انو تدورلة
هية هيج الي يريد يتزوج يا اخوان تاليتكم هيجي::ok::مو يكعد يتسلى بالتلفون::22::
هسة واحد يقاطع يكولي تصير يحبون بعضهم وبعدين يلة يخطبها يابة هاي بالافلام العربي القديمة واذا تصير هاي نادرة جدا جدا جدا جدا
بس خلص الكلام
تحياتي الج عزيزتي موضوع رائع
تحياتي لأرائكم وعذرا للأطالة ::23::

[All@wi_Eng]

اختي العزيزة احييج على الموضوع
بس اني عندي وجهة نظر انه ليش الحب لازم يكون بالسر وبدون علم الاهل اكيد كل بنية تكون علاقتهة وية امهة علاقة قوية يعني ممكن من البداية اول مبدت تحس بميول نحو شخص معين تبدي تحجي لامهة كلشي واكيد بحكم عمر الام وخبرتها بالحياة راح تكدر توجهة الى الطريق الصح وبالتالي حتى اذا خابرت راح يكون بعلم جزء من الاهل وهية الام
واكو شي ثاني هم انه التلفون او النت هو وسيلة اتصال يعني ممكن من خلالهة يحجي وية اصناف مختلفة من الناس يعني ممعقولة اي احد تخابرة البنية يكون حبيبهة بس بنفس الوقت اكو اشياء مو صحيحة بهاية الوسائل (وسائل الاتصال ) نجي على الموبايل فقرة الاتصال بعد 12 ومن هاية الامور بالتاكيد غلط
وبالنسبة للنت يعني ممكن واحد يتبادل الافكار وية اي شخص من الناس يحس انه يرتاحلة وممكن يحجيله اشياء مخزونة بقلبة ومحاجيهة لاي شخص وبالتالي راح يفرغ عن نفسه بس رغم هذا من الغلط ان توصل الى مرحلة انه البنية تفتح الويب كام لشخص متعرفة او حتى اذا تعرفه وتشوفه يومية لان راج تشوفة بمكان عام وكدام الناس بس من تكون بالبيت راح يشوف غير صورة وهذا نتيجته رد سلبي بالنسبة للبنية

[Roads Man]

لا عيني لا اكو شي لازم البنات يعروفوااا اشو دائما البنيه الي تخون اهلهاا ليش مو الولد الي يخابر هو الي يكون يخون اهله
يعني وبالنسبه اذا جان يحبهاا مراح يعتبرها خيانه ابد ولا راح يشك بيها بأي يوم لانهو الي يحب يسلم كلبه وروحه للي يحبهاا فمستحيل يشك بالي ملكت كلبه وروحه وبالنسبه ليش بالسر ياعيني يعني اكو شي بيدنه ومن نسوي اني واحد من الشباب هسه اذا يكولولي تعال اخطب اروح وبدون تردد بس شسوي يعني اول مراح احجي تعال انت شعندك وماعندك وشون حتعيشها هذا اول شي بالوجه راح اندفر من الباب حتكوليلي اذا انت تعرف هذا الشي ليش دسوي من هسه ليش متنتظر اول شي حكلج لانهو هذا الشي موبيدنه يعني مو احنه الي نتحكم بس هذا الشي هو يجي من الله من تحبين او تعجبين بأنسان وثاني شي اني واثق من نفسي ومن مشاعري قبل مااكلها يعني اعرف بروحي حسوي كشي علمودهاا وعلمود لتجيها حجايه واكدر اصونهااا بس يضيل حكمة رب العالمين وتضل الظروف الي اقوه من عدنه هايه الشغله ومااابيها بس مستحيل مستحيل افرك خانت اهلهاا لانهو هيه مخانتهم ومستحيل افكر انهو تخوني ابد ابد ابد وهذا حال معظم الشباب هذااا رأأي بالموضوع وشكراا عيني ع الموضوع بس ماكو داعي نسميها خيانه ونكبر الشغله

[Roads Man]

وبالنسبه لمونا عيني لا اني مااقبل بالي كتي صح كلمن ورأيه بس خلي اوضح شي واحد شنو اسهل عليج ترتبطين بواحد وبتعوفي لو تزوجين واحد وتطلكين منه؟؟؟ وشغلة التفونات مو ونسه ولا شي مجرد تعبير عن الحب واذا انأخذ الموبايل حنلكه طريقه لخ واذا النت انطكع هم حنلكي شغله لخ هذا الحب محد يكدر يوكف بوجه لو شمسوا ولو شمحرموناا واكو شي لاخ هماتين الولد من يفكر يرتبط ببنيه حاط الله بين عيونه وعنده اخت ويخاف عليهاا بس اني متأكد من نفسي ومن تفكيري وبكل خطوه اسويها ربي العالمين شاهد عله كشي عيني بحثاا اخر اذا هذا موخوش ولد ماكو داعي لهل التطرف بالتفكير طبعاا كلنا اخوه ودناقش موضوع بس اني اضوج واحد يحجي عله بنيه تحب واحد بصراحه غير يعني لانهو بعيني الحب فد شي مقدس محد يمسه بأأي شي هذا فد نعمه رب العالمين انطانيااا ولازم نعرف شون نتصرف بيها وسوري يعني مونااا اخاف زعلين من حجي تعرفين شكد اخت عزيزه انتي بس هيه الشغله اختلاف رأأي وبس

[احمد حلمي]

شكرا على الموضوع

اني جاوبت بطريقتي الخاصة

شمس اذا تريدن ا جواب عليج
اريد اعرف شنو غايتج من الموضوع وليش اختاريتي هذا المضوع للنقاش ؟؟

تح تح

[اميرة السلام]

السلام عليكم
بلاول احيي صاحب الموضوع
لانه موضوع بيه نقاش وراح يكون بيه عدة أراء
لانه اكيد كل واحد وافكاره
.
بالنسبة الي اني اكول ماكو شي اسمه خيانه للاهل
اذا البنت تعرفت على شاب اكيد لازم تحكم عقلها قبل كل شي
ولازم تعرف نوايه وياها .. يعني اذا عرفت اخلاقه وشنو البيئه الي عايش بيها وشنو معدن هذا الولد .. وتكدر تعرف من خلال حديثها وياه بالشغل او بالكلية او حتى على التلفون ان كان صادق او كاذب
ماكو انسان يكدر يكذب على مدى طويل
ومثل ماكاول حبال الكذب قصيره
مرات البنت من تحجي ويا شاب على تلفون بالشخص الي حبته خلي انكول فرضا متفقين على زواج.. يمكن بعد فتره تكتشف البنت انه مينفع الها او الولد يكتشف مو هيه البنت الي يريدها بخياله .. بهذا الوقت يكدرون ينفصلون احسن ميصير زواج واولاد بعدها يصير امر واقع
.
ومع هذا اني هم ضد التسرع في اقامة علاقات والانجراف بها دون الرجوع الى العقل او التحكم في المشاعر .. مهما كان الولد او البنت لازم يملكون شيء من الجديه فااقول للبنت كوني صريحه وان احببتي كوني صادقة ولا تخدعين المقابل .. واقول للولد كون صادق وامين على التي منحت لك قلبها وراعي الله فيها فاان كان لك اخت فلا تقبل عليها ما لاتقبله لاختك ووالدتك
.
تحياتي

[ALSHAMS]

شكرا على المرور اخوان نورتو
اما بالنسبه الك احمد اختاريت الموضوع هذا لان بصراحه عجبني من شفته وثاني شي انو موضوع وارد وسامعه بي بكثر بحياتنه اليوميه يعني شي واقعي

[عراقي وغيرتي بلوا]

اكولك يا ابني ::23::ليش ما نحجي الصدك::101::
ماكووووووووووووووووووووووووو احد يفكر هيج!!!!! اكدر اجزملك ماكو::ok::
اني ضد خيانة الاهل لان اولا واخيرا همة واثقين بية وناطيني موبايل ونت وينفذون طلباتي ويوصلوني للكلية ويطلعوني وكلشي موفرين الي شرط ان اراعي حدودي واصون الامانة وما اخون ثقتهم الي همة بالبداية والنهاية واثقين بية انو مراح تطلع مني هيج شغلات!!!
ارجوكم يا اخوان يعني الي يحب وحدة وتحبة من البداية روح اخطبها وفضها مو تضل تلفونات ونت وخبصة وتكولها بعدين اخطبج؟!!!!
اني بالنسبة الي اعتبرها خيانة عظمى للاب , للام , للاخ , لكل من وضع ثقته بية!!!
لذلك اهم شي الخوف من الله لان الطريق المستقيم موجود ليش ننحرف عنة؟
مو تكولي احبها وتحبني وهاهية!
اني مدا اكول يابة لا تحب الي راح تتزوجها بس لا تواعدوهن سراً صح لو غلط؟
والله لو يجي مدري منو ويكولي تلفون نت موبايل مقابلات مباشرة بدون تفكير رفض واضح وصريح لان تربيت على مبدأ واحد ميتغير
الادب الادب الادب
ثم اذا يحبني يابة اخطب مو تكعد بحجة دراسة اخلاقي او التعرف على تفكيري او الخ الخ الخ.... يابة (خلي يولن ::6::) اني شفت كومة من كرايبي لمن خطبو::34::واحد رأسن كللها اريد اخطبج وخلص واندل بيتهم وخطبها واتزوجها وهاهية
واحد بدون حتى ما كللها جانو بالكلية سوة وهم خطبها بدون ما يبلغها رأسن راح لاهلها
واحد عن طريق امه انو تدورلة
هية هيج الي يريد يتزوج يا اخوان تاليتكم هيجي::ok::مو يكعد يتسلى بالتلفون::22::
هسة واحد يقاطع يكولي تصير يحبون بعضهم وبعدين يلة يخطبها يابة هاي بالافلام العربي القديمة واذا تصير هاي نادرة جدا جدا جدا جدا
بس خلص الكلام
تحياتي الج عزيزتي موضوع رائع
تحياتي لأرائكم وعذرا للأطالة ::23::


اول شي
السلام عليكم

اني اخالفج الرأي اختي مونا العزيزة
اول جزمتي انه ماكو هيج شي بالنهاية كلتي اذا تصير نادرا ؟؟

اعتقد مو كل انسان يكدر يحكم على جميع شرائح المجتمع
مو كل انسان راح يحب شخص راح يتجاوز الحدود ويتخذ الطرف الاخر كــ تسلية
اذا اكو شخص انعجب بوحدة شلون راح يعرفها وراح يحبها لانه انتي اكيد تعرفين الزواج عشرة عمر مو يومين
راح اتكولين اكو شي اسمة فترة خطوبة صح
اذا ميعرف شخصيتها قبل ميدز اهلة يعني مراح يتجرء!
فترة الخطوبة
بعد ان تمت فترة الخطوبة حتى يعرف البنية تصرفاتها بكل شي لانه هية شريكة حياته
يعني شتحب شتكره شتلبس شتاكل مشيتها نظريتها بين المجتمع تصرفاتها بكل شي
نفرض هذا الشخص معجبته شخصيتها او هية ما عجبها الخطيب مو راح اكيد تطلب فسخ الخطوبة وعلى هالرنة كم مرة راح تنخطب وتنفسخ وشراح يكون رد الفعل من يسمع فلانة 3 مرات انخطبت وانفسخت الخطوبة هم راح يتجرء ويخطبها ؟؟؟


وكلمة خيانة بهذا الموضوع مو صحيحة ولا في محلها
يعني اذا واحد حجة وية وحدة شراح يحجي يعني ميتجاوز اي حدود
انا في نظري انه الموبايل والنت نفس الشي اكلج شلون
النت والموبايل وسيلة اتصال وية كروب معين صح مو
واذا انعجب شخص بواحد من الكروب الي يتحاورن على النت
اكيد هذه خيانة بنظرج
لانه الحجي الي راح ينحجي اثناء الاتصال عبر النت نفس الحجي الي على الموبايل وهذا شي اكيييييييييد
اذا احد اتحاور على النت اكيد الاهل ميدرون يعني الاهل يدرون انه اكو هيجي موضوع انتي دتردين عليه وهذا فد شي عادي موضوع نقاش مثل المواضيع التي تطرء على الموبايل
يعني الاهل مراح يكونون مراقيبن لتصرفات الشخص المعني بهذا الموضوع

يعني الي راح ينحجي على النت راح ينحجي على الموبايل

والاهل لا علمة لهم بهذااااااااااااااااااااا


بس اكو بعض من شرائح المجتمع يكون ماخذ هذا التطور والعلم الحديث من الامور اللا اخلاقية وهو قيد استعمال هذه الوسائل يعني اني استعمل هذا الشي وانتقد الغير
ليش بالله
وماكو اي شي بهذا الموضوع يؤدي على الانحراف مثل ما كلتي !!
بس اني اكول ودائما من يصير هجي نقاش وية هذه الشرائح وهواي صايرة واياية

احاول انه افهمهم معنى هذا التطور واحاول اغير افكارهم
والي يضل مثل منكول جاهل ومايحاول يطور نفسة
عذرا (( اشتم اديسون اول شي واشتم بيل كيت)) صاحب شركة مايكرو سوفت الي وصلو هذا الشي الى هيج شرائح
واكلهم لو خالينة على الحجر هواي احسن

مع العلم عندي اصدقاء هواي اتزوجو على هذه الوسيلة مع علم اهل الطرفين بهذا الشي
هذا الكلام مو بوقته هذا اذا تحجي سنه 1800
ينقبل بس هسة لا
صح اكو تقاليد والتزامات بس مهما يكون
متكدرين تحكمين على مجتمع باكمله

مو كل الحجي ينحجي
واذا واحد يريد يناقش يحجي الي عليه والي مو عليه مثل منكول لو يحجي الصدك كلة لو ميحجي اساسا

يعني افرض اني او بنية كاعدة على النت اهله اواهلها يدورن هو او هية كاعدة على النت في ساعات متأخرة وشنو الحديث الي يدور

يا ترى هذه هية الخيانة؟؟؟؟؟؟؟


وللحديث بقية
لانه ما اريد اطول

تحياتي الكم

[(((واثق الخطى )))]

عندي سؤال الكم اريد الكل اللي مجرب واللي ممجرب يجاوبني عليه.


اذ انت تخابر بنيه اييييييييييي
او انتِ تخابرين ولد لا هنه ميخابرن بس احنا

من يجي وكت الجد تحب تخطب هذه البنيه اللي خانت اهلهه وكامت تكلمك وشلون تامن بيها وره الزواج؟؟؟؟؟؟؟؟؟؟ وليش فوكاها هاي يعني هاي اني اعتبرها تضحيه مو خياته::48::::48::

وانتِ همين اذا جان عنده علاقات سابقه وانت تدرين بيهه وعلاقتج وياه هاي هـــــــــــم.........

تتقدم الى خطبه هذه البنت
او انتِ توافقين على هيج شاب

اريد اشوف ردودكم حتى نسوي فد شي جديد وأراء جديده اكيد متضاده.


http://www.baghdad4ever.net/vb/images/smilies/36_1_11[1].gif
http://www.baghdad4ever.net/vb/images/smilies/36_1_11[1].gifhttp://www.baghdad4ever.net/vb/images/smilies/36_1_11[1].gif

يلا شباب يلا بنات كولوا هوهو.........
انتظركم.

بااااااااايhttp://www.baghdad4ever.net/vb/images/smilies/Iraq.gif



شكرا بنيتي خوش سؤال وجرئ

تحياتي الج والي والهم

[أين قلمي]

بدوووون تعليق


مجرد اقرى ارائكم تحياتي الج شمس

[*قمـــ شارع فلسطين ـــر*]

موضوع حلو اختي العزيزة وكل شخص يعبر عن رأيه ومثل ما انت كلتي هو موضوع واقعي وبحياتنه موجود واني رأي مثل رأي الاغلبيه انه الحب مو خيانه للاهل لانه مو شي غلط بالعكس اذا بالنسبة للبنت او الولد فهو احساس بالاستقلال وكل واحد يحس بمسؤوليه تجاه الثاني وهذا شي واقعي الحب موجود ويستمر بأي طريقة حتى لو ماكو وسيله اتصال واعتقد اذا كانت نتيجه هذا الحب الزواج فيكون زواج للنهايه يعني حتى وان صارت بيه مشاكل فالحب اكبر من المشاكل ويقضي عليهة هذا رأي

اختي الغالية تقبلي مروري ومشاركتي
واحييج عالموضوع الحلو

[الحب الاولاني]

طبعا النقاش كلش حاد
بس اني من وجهت نظري مستحيل اقبل بفتاة تكلي اخطبني مباشرتا لان اعتقد هذا جواب روتيني لاي ابنيه يتقدملهه شاب خصوصا اذا كان الشاب يمتلك فد مؤهلات صعب رفضها شنو الي يثبت ان هذي البنيه اختارته هو بحد ذاته كشخص وليس وسامته او حالته الماديه الي متتعوظ واذا كان هو متاكد من حبه الها شنو الي يخلي يتاكد من انها هي هم تحبه بدون شيء من المجازفه حتى لو كانت هذه المجازفه هي التعبير عن رايها بصراحه امام الجميع باختيارها لشريك حياتها بالمستقبل والي يكون هو اول واخر اختيار بالنسبه الها(طبعا اني اقصد العلاقه الجاده والجاده جدا لان مثل ميكول المثل المصري ولاد الحرام مخلوش لولاد الحلال حاكه)مع احترامي لاراء الاخرين

[زنوبيا]

طبعا اول شيء شكرا حبي على الموضوع الحلو
ودااشوف المناقشه بيه كلش حلوه من قبل الكل لانه كل واحد عبر عن وجهة نظره
وبالنسبه الي :
مااصور بيها غلط لو كان التعارف بين الولد والبنيه قبل فتره الخطوبه لانه اعتقد هذا شيء اساسي ليفهم كل واحد منهم الثاني حتى يبدون حياتهم بشكل صحيح على اساس تفاهم لبعضهم
وطبعا علاقه ضمن المعقول بدون تخطي الحدود وحدكولون انه اكو الي بدت على علاقه وانتهت شنو الفايده اي صحيح بس هذا الشيء يعتمد على الاشخاص نفسهم مو على اساس الطريقه الي اتعرفو بيها لبعضهم
مااريد اطول اكثر لانه ماذكروه الاخوان كله كافي بس هذا الشيء الي بنظري لاغير
وتحياتي الج حبي
تقبلي مروري.................

[احمد حلمي]

السلام عليكم

احيج اخت شمس على الموضوع وعلى الطرح المثير
مراح احجي على موضوع النقاش لان هواي اجتي آراء على هذا الموضوع

وكلها صح ومنطقيه

هنا اكو سؤال يطرح نفسه ليش كل الحجي الي انحجه صحيح ؟
رغم اختلاف الآراء بمنطقيتها ومضمونها
يعني اذا ناخد كلام مونا انشوفه كلام منطقي و وارد وصحيح
وكلام خالد و رودز كذالك رغم الاختلاف
عيبنه احنه كــ مجتمع عربي اسلامي انفسر الامور حسب ما يوالم مبادئنه وافكارنه ومصالحنه وكل واحد يستند على ما يأكد الفكر بطرح موضوعي
الكل اخذو النقاش على ما يوالم شخصيته هو ويحاول يقنع بيها الكل
بأن رأيه هو الاصح مستند على براهين منطقيه تخدم مصلحته الشخصيه اني ماد اكول ينعني حجيهم غلط بالعكس بس كل الحجي الي انذكر بعيد عن الواقع لان مع الاسف واقعنه ما بيه المثاليه الي ذكرها خالد ولا بيه السلبيات الي ذكرتها مونا
راح تكولون هنا احمد ديناقض نفسه بالبدايه كال حجيهم صح
وبعدين كال بعيد عن الواقع ؟
راح اضربلكم مثل بسيط ولو هو بعيد كل البعد عن الموضوع بس راح تشوف الربط اذ فكرة شويه ( شو اليوم عاجبني احجي واني من احجي ما احب احجي بدن ما اشغل عقل الي ديسمعني )
يمكن اكبر واقعه صارت بالاسلام هيه واقعة الطف
اتقاتل بيها الامام الحسين (ع) وانصاره مع الخليفه الاموي يزيد وانصاره
هاي جانت ثاني حرب بين المسلمين في ما بعضهم بعد معركة الجمل
رغم الفريقين اسلام لكن صار الخلاف بيناتهم من دخل الوسيط بينهم
وسئل انصار يزيد شلون تحاربون الحسين وهو ابن رسول الله ؟
جوابهم جان منطقي ومسنود بايه قرآنيه ( ما اريد اذكر الايه لان اني اقل من عظمة هذا الكلام )
ومضمونها ( اطاعة امر الحاكم حتى لو كان ظالم )
ومن سئل الوسيط انصار الحسين شلون تحاربون الخليفة
وقد ذكر بالقرآن ( اطاعة الحاكم حتى لو كان ظالم )
ردو بجواب منطقي ومسنود بآيه قرأنية ومضمونها (نصرة أل بيت محمد وذريته )
الطرفين مستندين على فكر منطقي مشتق من مصدر واحد

والواقع جان بعيد كل البعد عن كل افكارهم وسبب الحرب معرف
( هو كره بني أميه لبني هاشم ) رغم صلت القرابه
هذا كله مو موضوعنه بس الربط اعتقد واضح
هو الواقع بعيد كل البعد عن كل آراؤنا المزينة بمنطق ( ارسطو )
لذالك من تجي تسأل اي واحد بموضوع عام تشوف رأي صحيح
او بيه نوع من الصحه
بس من تجي اتطبقه على ارض الواقع مراح تلكاله مكان

اني سألت شمس شنو غايتج من الموضوع ؟؟
اذا جانت تدور مجرد نقاش مراح يجيها احسن من الي ذكروه الاعضاء
واذا تريد تعرف الجواب والواقعي خل تصفن خمس دقايق بسؤالها بنها وبين نفسها
راح تشوف الجواب


تحياتي الكم
تره ضايج ومنعس ومجايني نوم
وحبيت اسولف شوية
ههههههههههههههه
تح تح كل الحجي الي حجيته ميتحمل النقاش لان واضح
تح تح

[lazaord_screw]

ليش هو اذا يحبها ويعرفها شنو فيكون الامر عنده عاديانو تحجي وياه بل تلفون لان هي هم تحبه وعرف هيه شنووهي هم عرفت هو شنو وعلى راي علاوي انو البنيه تكدر تكول لامها وتوجهاا ف متوكع بل اخطاء والحب تره حلوووو كلش موعبالك والي قصده يلعب بل بنيه يلعب حت لو جانت هي ملباك والبنيه اذا رادت تلعب تلعب حت لو الولد جان نبي اوكي وشكر على الموضوع

[ALSHAMS]

شكرا على أرائكم الحلو توقعت بهذا الموضوع انو حصير وجهات نظر مختلفه بي لان كل شخص حيشوف الموضوع من منظاره الخاص طبعا احييكم على هذي الردور وبنفس الوقت احترمهه بس وجهة نظري اني
انو الحب مو عيب ولا حرام
ومن حق كل شخص يعرف الشخص الي رح يرتبط بي تصرافته اسلوبه الي يحبه الي كرهه
وطبعا متعتبر خيانه للاهل لا طبعا اذا مشيتو صح بدون غلط بس المجتمع الي احنه عايشين بي يعتبر هالاشياء كله غلط ويعتبر انو اذا البنت كان اله علاقه بشاب معين يعني شي غلط جان مسويته حته وان كانت العلاقه علاقه صادقه جاده
مبنيه على احترام الطرفين
المهم نورتو موضوعي وعاشت ايدكم على هالكلمات الحلو الي شرفت الموضوع
تقبلو تحياتي

[(((واثق الخطى )))]

شكرا على أرائكم الحلو توقعت بهذا الموضوع انو حصير وجهات نظر مختلفه بي لان كل شخص حيشوف الموضوع من منظاره الخاص طبعا احييكم على هذي الردور وبنفس الوقت احترمهه بس وجهة نظري اني
انو الحب مو عيب ولا حرام
ومن حق كل شخص يعرف الشخص الي رح يرتبط بي تصرافته اسلوبه الي يحبه الي كرهه
وطبعا متعتبر خيانه للاهل لا طبعا اذا مشيتو صح بدون غلط بس المجتمع الي احنه عايشين بي يعتبر هالاشياء كله غلط ويعتبر انو اذا البنت كان اله علاقه بشاب معين يعني شي غلط جان مسويته حته وان كانت العلاقه علاقه صادقه جاده
مبنيه على احترام الطرفين
المهم نورتو موضوعي وعاشت ايدكم على هالكلمات الحلو الي شرفت الموضوع
تقبلو تحياتي


اي صايره متحجيه ومثقفه كله وجهات نظر ومنظاره شنو انت غاليلو هههههههههه
ههههههههههههههههه

اي صح شمسموسه الحب مو عيب واكيد الواحد لمن يرتبط بأنسان لازم يعرفه ويعرف اطباعه
وهم لازم يكون بينهم وقت واحد يفهم الثاني
خمووووووووووووو ياخذ سمج بالشط على كولت بيبيتي

تحياتي الج ولاحمد حلمي وعراقي وغيرتي بلوا
لان وضحو اشياء دقيقه ومهمه يعني خلو النقاط على الحروف


يله اني رايح سلمووووووونه

[ALSHAMS]

ها عمو اثير شلونك وين رايح بعد وكت اكعد اشرب جاي حته لتكول مضيفناك
ههههههههههههههههه
تحياتي

[شعنونة الكارتون]

اني من وجهت نظري البنية متخون اهلها تدرين ليش لان كل شخص لازم يعرف تصرفات الشخص الثاني مثل شنووووووووو ايحب شنوو يكره وهل هية راح تكدر اتعيش ويا العمر كلة على الحلوة والمرة وهو هم راح يعرف هية اشلون تتصرف وشنو اتحب يعني اقرب مثال انووا بنية اتزوجت شخص زواج تقليدي وهية متحبة ومتعرف عنة شي هل تعتقدين زواجهم راح يستمر يعني اقل مشكلة مراح تعرف اتعلجها واخيرااااااااااا كلشي قسمة ونصيب والي يحب من صدك مراح يفكر بهذا الشكل انوا هية خانت اهلها بالعكس راح يفكر انو هوة اشلون راح يكدر يسعد الشخص الي هو اختارة وهوة مقتنع بي
هذا من وجهت نظري

[القطة]

السلام عليكم جميعا
اولا شكرا على الموضوع الحلو والجميل
ثانيا ماكو ولد بهل دنيا ماعندا علاقة سابقا وماكو ولد ممكون علاقة بحياتا هاي بس المعقدين ميسون علاقة واذا الولد زين وحب البنية واذا اتفق ويا البنية فماكو اي خيانه بل موضوع بس تبقى هيا يم البنية اذا تعرف تمشي على مزاجها او لا
وماكو اي بنية مت حب واحد حتى لو متحجي ويا اكو هوايا بنات ماعدهم علاقات بس يحبون والولد يبين من تصرفاتا او من حجيا اذا هو صدك يحب البنية لو يضحك عليها

وشكر على المرور

[عراقي وغيرتي بلوا]

السلام عليكم

احيج اخت شمس على الموضوع وعلى الطرح المثير
مراح احجي على موضوع النقاش لان هواي اجتي آراء على هذا الموضوع

وكلها صح ومنطقيه

هنا اكو سؤال يطرح نفسه ليش كل الحجي الي انحجه صحيح ؟
رغم اختلاف الآراء بمنطقيتها ومضمونها
يعني اذا ناخد كلام مونا انشوفه كلام منطقي و وارد وصحيح
وكلام خالد و رودز كذالك رغم الاختلاف
عيبنه احنه كــ مجتمع عربي اسلامي انفسر الامور حسب ما يوالم مبادئنه وافكارنه ومصالحنه وكل واحد يستند على ما يأكد الفكر بطرح موضوعي
الكل اخذو النقاش على ما يوالم شخصيته هو ويحاول يقنع بيها الكل
بأن رأيه هو الاصح مستند على براهين منطقيه تخدم مصلحته الشخصيه اني ماد اكول ينعني حجيهم غلط بالعكس بس كل الحجي الي انذكر بعيد عن الواقع لان مع الاسف واقعنه ما بيه المثاليه الي ذكرها خالد ولا بيه السلبيات الي ذكرتها مونا
راح تكولون هنا احمد ديناقض نفسه بالبدايه كال حجيهم صح
وبعدين كال بعيد عن الواقع ؟
راح اضربلكم مثل بسيط ولو هو بعيد كل البعد عن الموضوع بس راح تشوف الربط اذ فكرة شويه ( شو اليوم عاجبني احجي واني من احجي ما احب احجي بدن ما اشغل عقل الي ديسمعني )
يمكن اكبر واقعه صارت بالاسلام هيه واقعة الطف
اتقاتل بيها الامام الحسين (ع) وانصاره مع الخليفه الاموي يزيد وانصاره
هاي جانت ثاني حرب بين المسلمين في ما بعضهم بعد معركة الجمل
رغم الفريقين اسلام لكن صار الخلاف بيناتهم من دخل الوسيط بينهم
وسئل انصار يزيد شلون تحاربون الحسين وهو ابن رسول الله ؟
جوابهم جان منطقي ومسنود بايه قرآنيه ( ما اريد اذكر الايه لان اني اقل من عظمة هذا الكلام )
ومضمونها ( اطاعة امر الحاكم حتى لو كان ظالم )
ومن سئل الوسيط انصار الحسين شلون تحاربون الخليفة
وقد ذكر بالقرآن ( اطاعة الحاكم حتى لو كان ظالم )
ردو بجواب منطقي ومسنود بآيه قرأنية ومضمونها (نصرة أل بيت محمد وذريته )
الطرفين مستندين على فكر منطقي مشتق من مصدر واحد

والواقع جان بعيد كل البعد عن كل افكارهم وسبب الحرب معرف
( هو كره بني أميه لبني هاشم ) رغم صلت القرابه
هذا كله مو موضوعنه بس الربط اعتقد واضح
هو الواقع بعيد كل البعد عن كل آراؤنا المزينة بمنطق ( ارسطو )
لذالك من تجي تسأل اي واحد بموضوع عام تشوف رأي صحيح
او بيه نوع من الصحه
بس من تجي اتطبقه على ارض الواقع مراح تلكاله مكان

اني سألت شمس شنو غايتج من الموضوع ؟؟
اذا جانت تدور مجرد نقاش مراح يجيها احسن من الي ذكروه الاعضاء
واذا تريد تعرف الجواب والواقعي خل تصفن خمس دقايق بسؤالها بنها وبين نفسها
راح تشوف الجواب


تحياتي الكم
تره ضايج ومنعس ومجايني نوم
وحبيت اسولف شوية
ههههههههههههههه
تح تح كل الحجي الي حجيته ميتحمل النقاش لان واضح
تح تح





السلام عليكم

حبيت اعقب على كلامك تح تح

اني ذكرت انه ممكن ان تكون منفتح على العالم بالصورة الي ذكرتها اعلاه
بس ذكرت انه الحياة الاجتماعية ومناخ الي عايشين بي مختلفة نظرياتها بين شخص والاخر

بس ذكرت انه اكو ظوابط والتزامات تمنعنه انه نتصرف كل التصرفات المرغوب بيها
يعني الي ذكرته كلة مطبق وبالتماس هذا التطبيق
بس يعني كمثال اذا اخ يدري اخته عدها علاقة وية شخص اكيد راح يصير تناقظ وراح تعتبر حالة غير اخلاقية من هذا الجانب

بس مو بالضرورة
مهذا الشي مراح يعتبر انحراف وعدم طاعتة الاهل
او هذا الشي مأخوذ من مصدر او فكر يستند اليه
هذه هية ارجوحة الحياة
في العصر الحديث
الان ماكو احد يكلك مثل اهل قبل (( كبع واخذ ))وهذا ملخص لكل النقاش والذكي راح يفهمها قبل متطير

تحياتي الكم