كل واحد يفوت يكتب أكثر شي يحبة بجامعة بغداد [الأرشيف]

majd_ece

10-08-2006, 01:04 PM

شلونكم شباب دجلة الورود

كل واحد يفوت يكتب أكثر شي يحبة بجامعة بغداد
يعني فد شي كل ما يشوفة بالجامعة يرتاح نفسيا
فد مكان يحب يوكف بي أو يحب شكلة

آني بالنسبة ألي
أكثر شي أحبة ألسياج الحديدي اللي كبال البناية مال الخوارزمي

لأن هذا السياج كل ما أنطلع من المحاضرة نتجمع يمة
ودائما يكون يمة في
يعني كلش أرتاح من ألتقي يمة

أنتو شتكولون::51::

Hidden Dragon

10-08-2006, 05:02 PM

ههههههههههههه اخويه وين صاير هذا السياج الحديدي
هااااااااااااااااااااااااا المحجر اي والله اخويه ماجد
اني هم دائما يمه اني ويه جماعتي
خوش لعد اني اشوفك اهناك

~&~THE GHOST~&~

10-08-2006, 05:08 PM

اخويه العزيز ماجد شكرا على الموضوع
اني اكثر شي احبه هو الكافتريه والسنتر
لان هناك تكون التجمعات مالتي اني والاصدقاء

روبوت

10-08-2006, 05:40 PM

اكثر شي احبة هو الشجرة الجبيرة الي يم البارك مال معماري اموتعليها 3 سنين مكابلها وكاعد::51::

Hidden Dragon

10-08-2006, 05:51 PM

هههههههههههههههه ها شتسوي محمد اهنا خخخخخخخخخخخخ

SoLeDaD

10-08-2006, 10:09 PM

والله النادي يعجبني حيل وكافتيريا العلوم السياسيه

شكرا حبيبي على الموضوع

تحياتي لك

المعمارية

10-09-2006, 04:44 AM

خخخخخخخخخخخخخخ روبوت لعد اشوفك هناك لان اني هم احب هاي الشجرة والنهار كلة كاعدين عالرصيف اللي يمهة هههههههههه

Hidden Dragon

10-09-2006, 05:44 AM

هههههههههههههه مشكورين اخواني

majd_ece

10-09-2006, 10:58 AM

حبي روبورت أنتة بس لا من ذولي الناس اللي شايلين بمحفضتهم ورقة من هاي الشجرة تبركا

هية والنبكة مال العلوم
هع هع هع هع هع هع

زياد أنشاء الله نتشاوف هناك يم المحجر
آني اليوم جنت هناك وردت أطكلة صورة و أنزلهة بس ما صار عندي مجال

والكل يعرف أن العلوم السياسية كلش حلوة ومثل الجزيرة السياحية بالجامعة

::51::

Hidden Dragon

10-09-2006, 01:46 PM

هههههههههههههه اني البارحه جنت اهناك وان شاء الله نتشواف شي اكيد ولي الشرف

sendrilla11

10-10-2006, 10:18 AM

ااني يعجبني الشرفة الفوك مال الخوارزمي المطلة على البحيرة اتسوي واهس مو طبيعي مال قراية والمحجر الجوة((نسمي الحديدة)) وما عدنة خيار غيرة لان ماكو مساطب بس هااي ارقة مكانين عندي

Hidden Dragon

10-10-2006, 12:09 PM

هنه هذني الامكنه مال الخوارزمي الوحيده اختي وكل الطلاب لو اهنا لو اهنا مو لو مو مو

majd_ece

10-10-2006, 12:31 PM

ااني يعجبني الشرفة الفوك مال الخوارزمي المطلة على البحيرة اتسوي واهس مو طبيعي مال قراية والمحجر الجوة((نسمي الحديدة)) وما عدنة خيار غيرة لان ماكو مساطب بس هااي ارقة مكانين عندي

بالفعل الشرفة الفوك هم حلوة أخت سندريلا
بس الحديدة مو طبيعية لأن مكانها بارد صيفا دافئ شتائا
وشكرا على التواصل أخ زياد

Hidden Dragon

10-10-2006, 07:48 PM

ههههههههههههه والله خوش وصف اخويه لمكان المحجر وادلل اخويه

ملاك الميكا

10-10-2006, 10:24 PM

دقيقه ماجد...لحظه اذا ممكن
بارد صيفا على عينى وراسى
اى متكولى دافئ شتاءا شون؟؟؟....
تدرى انى وصديقاتى نوكف بالشمس نتحمى قبل منفوت بهذا الممر يعنى نروح للقاعه..بالشتا
لان دمااار شامل..الهوا الى يجى من البحيرة ومن دجله..مو طبيعي
بس انى اكولك بالصيف اى صدك

وانى احلى مكان عندى

الشارع اللى اول متفوت للجامعه...اول ميتحرك الحرم...يلوف يفوت بيه
منا ومنا اشجار والشارع شكله عبالك بلندن...والله ولا اله علاقه بالعراق...بحيث متصدك اذا اكولك
حولت من التكنو لبغداد لخاطرة..عدا الشقه...كلش خلانى اكول..حتى لو التدريس لو الناس مختلفين
المهم انى يوميه الصبح اشوف هذا الشارع

وبس

وكلش كلش حلو الموضوع عاشت ايدك

Hidden Dragon

10-10-2006, 10:47 PM

اي والله صدك حلو هذا الشارع

majd_ece

10-11-2006, 08:59 AM

والله يا أخت ملاك ملاك هوة الشارع روعة
و أذا ملاحظة من تمشين الصبح تروحين القسمج أكو شجرة على الجهة اليمنة
مايلة فوك هذا الشارع وصايرة مثل السكف
كلش كلش أحبهة
لأن تحسين بيهة تحن عليج وتحتضنج
و آني الصبح ما أحب أركب حرم أحب أمشي لأن الهوة كلش حلو من الصبح

Hidden Dragon

10-11-2006, 09:23 AM

حمودي

10-11-2006, 12:11 PM

مدخل الجامعه الشارع الرئيسي صحيح احله شي ولا اتكول ابغداد كل ما تدخل ينطيك احساس كلش حلو

ها والشرفه الي بالمدني ال تطل عله البارك خوش موقع حلو دائما اروح هناك اقره لو اصفن ..... خوبا

الصفنه هناك موطبيعيه...... هههههههه هو كظيناهه صفنات.

تحياتي

Hidden Dragon

10-11-2006, 12:17 PM

ههههههههههههههههه ميه هلا بيك حمودي ونورت المنتدى وان شاء الله التواصل ويانه

ملاك الميكا

10-12-2006, 01:02 AM

ميه هلا حمودى..

وماجد هيه جماليه الشارع بالاشجار المحنيه واللى مسويه سكف على كولتك
وانى هم والله احب امشى
بس انى ما اسويهه لان محد يمشى ويايه
خوبينه هالسنه!!!حيل ماكو احد::38:: ::38:: ::38:: ::38:: ::38::

Hidden Dragon

10-12-2006, 05:22 AM

لا يمعوده مو لهال الدرجه

majd_ece

10-12-2006, 08:46 AM

حمودي الورد مية هلا بيك
و أتمنى تفوت على موضوع الأخ هدن دراكون (من أجل معرفة أقوى) حتى نتعرف بيك أكثر ومثل ما أتفضلت جامعتنة تسوي واهس مال صفنات

ألأخت العزيزة ملاك صدك جذب يمعودة
آني يومية هناك و أذا تريدين أوصلج مشي بس ترة آخذ منج كروة
خخخخخخخخخخخخخخخخخخ

ســ امبراطور الاحزان ـنان

10-19-2006, 01:12 PM

ههههههههههههههههه
معلية من ادوم وره سنة عود اكلك ماجد شنو احلى مكان
خخخخخخخخخخخخخخخخخ

Hidden Dragon

10-20-2006, 01:32 AM

ههههههههههههه الله كريم داوم واني اكلك احلى مكان لجماعه الميكانيك وين خخخخخخخخ

رونالدو العربي

10-20-2006, 07:49 AM

احب الفنكر والمايونيز مال ابو علي

محمد المحب

10-20-2006, 02:45 PM

والله يا اخويه اني اكثر شي احبه هوه البارك مال قسمنه الي هوه قسم الهندسه المدني لا اذا ماعدنه محاضرات نجمع بالبارك او هوه اكثر مكان نتونس بيه او اني اشكرك على هاي المشاركه

Hidden Dragon

10-21-2006, 04:53 AM

مشكور محمد المجب وميه هلا بيك

majd_ece

10-21-2006, 09:55 AM

حبي رونالدو ألف عافية هع هع هع

و أبو جاسم الورد
هوة قسمكم كلش حلو من جميع النواحي

المعلم الابيض

10-21-2006, 01:09 PM

طبعا شكرا على هذا الموضوع بس اكثر شي احبة بجامعة بغداد الكشك اللي جوة بناية الجامعة ما ادري بعدة موجود لو لا اذا احد يعرف يجاوبني عفية لان صارلي فترة كلش طويلة مشايف هذا المكان

Hidden Dragon

10-21-2006, 01:31 PM

الكشك الي جوه بنايه الجامعه
يابنايه اخويه خخخخخخخخخخخخخ

المعلم الابيض

10-21-2006, 01:41 PM

::27:: ::27:: ::27:: الله يطمنك يعني البناية ماكو::27:: ::27:: ::27::

نوسه (نسنس)

10-21-2006, 01:43 PM

هلو اني اكثر شي يعجبني بجامعة بغداد هو بارك البايو لان هو كبير ومرات نلتم هناك واشوف كل الي اعرفهم وبارك الحاسبات لان كلنه موجودين بيه على طول

المعلم الابيض

10-21-2006, 07:59 PM

ايباه ذكرتيني ببارك البايو احسن مكان بالمجمع مال الجادرية كله خخخخخخخخ

majd_ece

10-21-2006, 08:46 PM

أهلا بيك المعلم حبي و أن شاء الله تتواصل ويانة
وصدك حيرتني شنو البناية مال الجامعة؟؟؟
قصدك البرج؟؟؟

ومية هلا بيج نوسة
وصدك البارك مال البايو جدا حلو ومشهور بجامعتنة
وخاصة النبكة اللي يمة

المعلم الابيض

10-21-2006, 08:50 PM

ماجد يعني انت الى هسة متعرف البناية مال الجامعة شنو وفوكاهة خالهة بالكارت مالتك اكيد هية نفسهة البرج بس مو برج مال طيور خخخخخخخ

صقر الجادرية

10-21-2006, 10:46 PM

اكثر شي احبة بجامعة بغداد الي ابالي

SCORPIO

10-24-2006, 11:55 PM

اكثر شي احبه الشارع الرئيسي مال الجامعة وهواه العذب من بعد ما نخلص من ازدحام الجسر والسيطرات

المعلم الابيض

10-24-2006, 11:58 PM

الله يساعدكم على وكتنة مجان لا ازدحام ولا سيطرات
على وكتنة جنت اطلع من البيت بال ثمانية وربع اوصل بالثمانية ونص للجامعة

صقر الجادرية

10-25-2006, 12:31 PM

هههههههه الله احلى شي
من يسدون الشوارع واندكها قدم
للجامعه نوصل نهايت الدوام بس شنو
الحجي ابيناتنه اني اديح هيجي ايام
خخخخخخخخ

سوسه

10-25-2006, 03:30 PM

والله هذا المحجر اتذكر مرة كعدت عليه ساعتين ومن رجعت للبيت ظل يومين ظهري يوجعني..
اكثر مكان احبه هو بارك هندسة الحاسبات ( يعني بناية الخوارزمي) لان جنت اكعد ويه صديقاتي هناك من تخلص المحاظرات . وهسه اني احن لكل شبر بجامعة بغداد ولكل بناية لان فعلا كانت احلى ايام هيه ايام الدراسة

سوسه

10-25-2006, 03:37 PM

اني من تخرجت منها حسيت بقيمتها وجمالها
اما ذاك المحجر اتذكر مرة كعدت ساعتين عليه وظل ظهري يومين يوجعني.. والله احلى ايام.
اكثر مكان يعجبني هو البارك الي مقابيل الخوارزمي لان جنت افتر بيه ويه صديقاتي.
هيه الكلية كلها حلوة واتمنى ترجع ايامها
يعني كل ما اذكر مكان حلوة احس راح اظلم اللخ
جامعة بغداد احلى جامعة

majd_ece

10-25-2006, 05:44 PM

كلا مج صحيح اخت سوسة
و أن شاء الله تتعينين معيدة بنفس البناية حتى يومية تشوفيهة
ويومية من راح أكعد بالبارك أتذكرج

صقر الجادرية

10-26-2006, 02:10 PM

اويلييييييييييي المحجر شعدنه غيرة المكان المفضل
لجلوس شلتنه طبعا وهسه انتظر تخلص العطله
حتى تلتم الشله ونسوي كعده حلوة بهذا المكان
تقبلو تحيات بشعين الخوارزمي

المعلم الابيض

10-26-2006, 02:17 PM

بس فد سؤال بلة زحمة يا محجر ويا خوارزمي هاي وين صايرة
اعذروني بس صارلي فترة تارك خخخخخخخخخخخخخخخخ

صقر الجادرية

10-27-2006, 10:03 PM

حبي الخوارزمي يعني ((كلية الهندسة الثانيه سابقا)) اللي تاسست حديثا
واللي توجد حاليا مع قسمي هندسة الالكترونيك والحاسبات في بنايه وحده
واكو فد محجر حديد اباب البنايه يكعدون الطلاب فوكاه بالريست مالتهم
للعلم هيه بيها بس ثلاثة مراحل((الثالث والرابع والخامس)) واقسامها خمسه
الميكاترونيكس والطب الحياتي والمعلومات وعمليات التصنيع والكيمياء الحياتيه
وتعبت من الكتابه اخخخخخخخخخخخ
وتامرني امر اخويه اهم شي صارلك تصور عنها

المعلم الابيض

10-28-2006, 06:26 PM

تسلم يا صقر يا وردة على التوضيح
وتعبتك وياية وبالمناسبة اني عازمك على بارد بالكافتريا مال الجامعة الرئيسية بس كلة لابو الكافتريا على حساب المعلم الابيض وهوة راح يفتهم
وبالنسبة لهاي الاقسام اني اني سمعت بيهة من جنا بالثالث كلية وعلى اساس احول للميكاترونكس بس بصراحة شفتهة اقسام تعبانة ما ادري هسة اشلونهة
وشكرا على الرد مرة ثانية

صقر الجادرية

10-29-2006, 12:28 AM

ممنون على العزيمه بس للعلم اطك اقسام بالكليه هسه الخوارزمي
وتقبل تحياتي

المعلم الابيض

10-29-2006, 12:39 AM

بالعافية عليكم الكلية ولو ما اعتقد بعدهة مثل قبل

miss_babylon

10-29-2006, 07:25 PM

زين اريد اسالكم سؤال

هذا البرج او البناية مال جامعة بغداد

بيها اقسام ؟؟ شنو بيها

علما اني مو بالجامعة بس ادعولي ان شاء الله على السنه الجاية

المعلم الابيض

10-30-2006, 12:30 PM

شنو بالبرج اكو اقسام دراسية يعني اذا صدك فاتمنى اعرف لان اني طضيت بيها اربع سنين وما ادري اكو بالبرج اقسام دراسية بس اعرف انو رئاسة الجامعة موجودة هناك

zanooba

10-31-2006, 01:40 PM

هاي منو يوكف بمكاني المفضل الي يم قسمنا المعماري جوة النبكة على الدجة مالتها
افضل مكان اتونس بي هو يم ابو الهمبركر الي جوة الرام مالتنة
لان والله منروحلة اذا مو كاتلنة الجوع
زنوبة الورد

ملاك الميكا

10-31-2006, 01:56 PM

هاى شنو ماجد مراح يبقى احد متتذكرة عالمحجر وعالبارك....
وشباب هيه جامعه بغداد كلهه كلهه حلوة....لان صدك جامعه ...مو جوله...والله يخليهه هيج

المعلم الابيض

10-31-2006, 04:50 PM

زين راح اسالكم سؤال
على الحايط مال قسم الميكانيك قارين القصيدة مال طالب الميكانيك لو لا ؟؟

sweet angel

11-01-2006, 12:03 PM

جامعة بغداد كلها حلوة بس من الاشياء الي تعجبني هوايه الكعدة الي تصير بره كافتريا الهندسة و سنتر الهندسة ايام الدوام

majd_ece

11-01-2006, 05:57 PM

ألمعلم لا والله ما قاريهة

سويت أنجل

كلش حلوة هاي ألكعدة وآني أليوم جنت هناك
وخاصة ألمصاطب أللي يم ألنافورة

المعلم الابيض

11-01-2006, 06:08 PM

ماجد لعد انصحك تروح تقراهة هاي طبعا اذا بعدهة موجودة لان تفوتك كلششششش حلووووووووووووة

صقر الجادرية

11-01-2006, 08:44 PM

احلى مكان المدرجات جوه النبكه اللي يم قسم المعماري

المعلم الابيض

11-02-2006, 08:53 PM

الله كلش حلو .واحلى شي طبعا (ولد) المعماري من يطلعون من المحاضرات

CIVILIAN_CAT

11-03-2006, 05:02 PM

اني اكثر شي احبه السنتر لانه دائما نكعد بيه اني وصديقاتي والنادي ايضا لانه كضيت بيه ايام حلوه واني هسه مسافره ادعولي ارجع للجامعه وشكرا على الموضوع

صقر الجادرية

11-03-2006, 05:53 PM

ان شاء الله ترجعين بالسلامه باسرع وقت للجامعه عبير

المعلم الابيض

11-03-2006, 09:37 PM

اني هم ادعولي عفية ترة اريد ارجع

zanooba

11-04-2006, 11:37 AM

والله يا مس بابيلون مابيها اقسام بيها موظفي رئاسة الجامعة
وان شاء الله تنقبلي يمنة لان هي احلى مكان لحد الان

zanooba

11-04-2006, 11:41 AM

والله يا صقر صدك هاي المدرجات الي يم قسمنا حلوة ويا معلم شبيهم ولد قسمنا من يطلعون من المحاضرات الي همة اصلا ميدخلولها؟؟؟؟؟؟؟؟

مهندسة دجلة

11-04-2006, 04:00 PM

انا هذا اول اشتراك لي واكثر شي ارتاح نفسيا لما اشوف الحرم فارغ واوصل من وكت والاستاذ بعده ماواصل والكاك يم السياج الحديدي واكف
هههههههههههههههههههههههههههههههههههههههههههههههههه هههههههههههههههههههههه::26:: ::14:: ::39:: يعني بين قوسين عندي حفلة اذا يصير هيج شي

majd_ece

11-05-2006, 11:17 AM

أولا ألف ألف هلة بيج مهندسة دجلة
أنشاء الله تستفادين ويانة
ونستفاد من مواضيعج بالمستقبل

أيباخ هيج متعذبة من ألحرم
هع هع هع
أكلج صدك يا سياج؟؟؟
قصدج ألمحجر مال ألخوارزمي

صقر الجادرية

11-08-2006, 10:27 PM

يا سياج؟؟؟؟؟؟؟
تحياتي

الحزينه

11-09-2006, 08:19 AM

شلونكم شباب دجلة الورود
اهلا بيك اخويه ولو اني مو من جامعة بغداد لكن حسب خبرتي بهذا المنتدى
اجمل واحلى والطف شي بجامعة بغداد طلابها الله يحفظهم

majd_ece

11-09-2006, 10:00 AM

جزيل ألشكر ألج أختي ألحزينة
والمنتدى منور بوجودج

Hidden Dragon

11-09-2006, 01:28 PM

ماجد هاي شنو وين سوالفك عن المحجر وين انت يابه انت بيا قسم بالضبط وبيا مرحله

majd_ece

11-09-2006, 04:05 PM

حبي زياااااااااااااااااااااااااااااااااااااااد
شلونك يول
لك والله مشتاقلك
آني مرحلة ثالثة قسم أتصالات
وبشعبة بي
بس لأن نقل قليلين يعرفوني

salwan_salwan

11-12-2006, 09:18 PM

مشكور على الموضوع واني ابرئى الشجرة الكبيرة في سنتر العلوم....تحياتي

awstalib

11-22-2006, 06:34 PM

هلو شباب
اني اكثر شي احبة بجامعة بغداد اكو بالعلوم السياسية كافتريا مو النادي هيجي مخيم صغير اكو واحد هناك يبيع كص هو هذا اكثر واحد احبة لان الكص مالتة مضايك مثلة ابد
و اني صارلي 3 سنوات اكل منة بحيث فلسني و هو طكلة بي ام من ورانة
انصحكم روحو هناك و اكلو و ادعولي

majd_ece

11-22-2006, 06:57 PM

هع هع هع
هلا بيك
أوس
أكلك خاف أنتة أبو ألكص وتريد تسوي دعاية
هع هع هع هع
لا حبي أتشاقة وياك
هع هع هع

صقر الجادرية

11-24-2006, 12:13 AM

ههههههههههههههه حلوه مال طكله بي ام
تحياتي للكل وخاصه لابو الكص لان شهيتني كص تالي الليل
خخخخخخخخخخخ

ملاك الهندسه

11-27-2006, 06:31 PM

اني اكثر شي احبه بجامعه بغداد هوا البارك مال الخوازمي بالشتا و بالصيف احب اكعد بالنادي مال الخوارزمي

sweet_heart

11-27-2006, 07:10 PM

هلوووو شباب شلونكم انشالله زينين
موضوع يخبل واشتاقيت للجامعه صارلي ثلاثه ايام مشايفتها
احلى شي بجامعه بغداد ولو ادري كلتو الشارع وخصوصا الصبح والنسيم عليل
ولو اشو هسه محد يقبل يمشي ويايه لان الدنيا بارده
وثاني شي علي ابو الهوت دوغ اللي يم المعماري ولفاته الحاره الرهيبه

majd_ece

11-28-2006, 09:48 AM

ملاك ألهندسة
آني هم أحلى شي عندي ألمحجر أللي كدام ألبارك
وشكد حلوة ألكعدة بي

سويت هارت
آني أول ما أجيت
هم كلش أعجبت بهذا ألشارع
و أكو بي شجرة تبين وكأنما هي تحضن ألطريق مو طبيعية
ودائما من أفوت هناك أتذكر ألمنتدى
وأكو وحدة كاتبة أسمهة على شجرتين بالطريق
تبين من تطلعين مكتوبة وجبيرة أنوبة (لمياء)
لا ومكيفة
هع هع هع هع هع

أما أبو ألهوت دوغ فما أسولفلج يومية آني هناك

وسيم المدني

11-28-2006, 02:27 PM

والله انته ماجد مواضيعك كلهة هادفة
اني اكثر مكان احبه المصاطب مال علوم الحاسبات لان هناك ذكريات حلوه واليمه بنفس الوقت وهناك تقريبا تنمو اغلب العلاقات داخل الجامعة

majd_ece

11-28-2006, 02:32 PM

هلو بيك وسو
و ألله ينمي ألعلاقات
كول آمين
هع هع هع هع
منور ألموضوع

sweet_heart

11-29-2006, 01:41 PM

والله ماجد هسه المفروض علي ابو الهوت دوغ يسويلنا لفاتنا ببلاش اني وياك لان خوووش دعايه

majd_ece

11-29-2006, 03:26 PM

هع هع هع هع هع هع
والله أليوم لكيتة معزل
والكلية كلهة فارغة
هع هع هع هع هع

darkangel

11-30-2006, 05:59 PM

اني اكتر شي يعجبني قسمي اموت علية المعماري وبس والباقي خس هههههههههههه
ترة دا اشاقة هي الجامعة كلها تقريبا نفس الدزاين بس احلة شي بيها الاماكن اللي دائما نجمع بيها موصحيح؟؟؟
احلى شي بالنسبة اللي هي الاشجار بطريق الدخول والبارك يم قسمنا.........

majd_ece

11-30-2006, 08:34 PM

والله أعتقد كلنة أتفقنة على هاي ألشغلات
ألمحجر مال ألخوارزمي والبارك مال ألمدني ونبكة ألمعماري وألشارع مال مدخل ألجامعة

angel eyes

11-30-2006, 09:21 PM

مثل ماكالت darkangelهي الجامعه كلهه تقريبا نفس الديزاين
واكثر الأماكن الاحبهه هي :
النادي( بس مو الطابق الثاني::56:: )

الشارع مال مدخل الجامعه::2::
واكيد المصاطب الي مقابيل قسمنه (الكيمياوي) http://www.dijlh.net/forums/images/icons/455.gifلأن دائما نجمع بيهه وكلش احبها::51::

شكرا على الموضوع يا ماجد http://www.dijlh.net/forums/images/icons/065.gif

حيدر المهندس الوراثي

12-22-2006, 12:35 AM

اني احلى مكان عندي بالجامعة هو نادي العلوم لان بيه ابو اللحم بعجين

majd_ece

12-22-2006, 07:02 AM

بالفعل أنجي مخل ألجامعة صدك أوربي

هلا بيك حيدوري وهوة بالفعل ألعلوم هذا ألمكان أللي يم ألجندول جدا حلو

شكرا على مرورك

hayderghost

12-22-2006, 04:51 PM

احلة مكان بجامعه بغداد هوة الميوزة الي بصف السنتر مال الهندسة

هذا احله مكان بلنسبة الي ولو اني مو بجامعه بغداد

بس ذاك لمكان حلو.........

صقر الجادرية

12-22-2006, 05:15 PM

اكو فد مكان ناسينه فنكم اذا تتذكرونه ؟؟؟؟؟؟؟

المعمارية

12-22-2006, 05:49 PM

شنو الميوزة اللي بصف سنتر الهندسة اشو مندليتة اني يعني قصدة النافورة

hayderghost

12-23-2006, 01:01 PM

لالا مو النافورة

الميوزة البرةة السنتر

السنتر يعني النادي

احنة بجامعتنة نسمي النادي سنتر

المعمارية

12-23-2006, 01:12 PM

ههههههههههههه هسة يلة اندليت بس ليش تسمون النادي سنتر ؟؟؟؟؟؟؟؟

majd_ece

12-23-2006, 02:54 PM

والله يا حيدوري صدك حلوة

صقر الجادرية

12-23-2006, 06:18 PM

هلووووووو هي جامعة بغداد كلها حلوة
اموت عليها

majd_ece

12-23-2006, 06:32 PM

أي مو أشوفك علمود هاي أربعة وعشرين ساعة بس تفتر
عايف قسمنة وتفتر يم ألمعماري
شبيهم ألمعماري ومجلبلهم؟؟؟؟
هع هع هع هع هع هع

matador13

12-24-2006, 01:42 AM

شلووووووووووووووووووووونكم شلــــــــــــــــــــــــــــة..................

انا اكثر شي احبه بالجامعة هو السنتر والنافوووووورة مال الهندسة الاولى واللي هوة قريب من نادي الهندسة ::39:: ::39:: ::39:: ::39::

majd_ece

12-24-2006, 02:53 PM

والله يا متادور حلوة هواية
وخاصة ألشجرة أللي بالستنر ومن جهة ألنادي

وألف ألف هلة بيك

وسيم المدني

12-24-2006, 07:51 PM

شباب ترة هاي النافوره ربعهة راجع للمدني امسوين بيهة سلفة
بس اني كل ما فوت من يمهة تنكعني ليش ما ادري ؟

وسيم المدني

12-24-2006, 07:53 PM

هلو حب متادور تعالنه للعام يم الاخطاء المطبعية (مجودي)
قريب
هههههههههه

eced2008

12-31-2006, 06:47 PM

والله احلى شيء بالجامعة عندي راح اكول بس مو اتكولون لحد
النافورة وطبعا نادي الفروسية بالمقدمةوبالمناسبة

صقر الجادرية

01-03-2007, 01:47 PM

أي مو أشوفك علمود هاي أربعة وعشرين ساعة بس تفتر
عايف قسمنة وتفتر يم ألمعماري
شبيهم ألمعماري ومجلبلهم؟؟؟؟
هع هع هع هع هع هع
ايبااااااا ماجد اني افتر ههههههههههههههههه
هاااا يم المعماري مو تعرف صديقي خطيه
اروح اسلم عليه واجي لان اعزه حييييييل::16:: ::16::

AHMED AL-RAWI

01-04-2007, 07:36 PM

اني اكثر شي احبه بجامعة بغداد هوه البارك مال الهندسه المدنيه لأن جان الملاذ الوحيد الي جنه نروحله والبانزين خانه لأن صارتلي بيها مواقف متنحجي

حيدر لنك

01-09-2007, 08:10 PM

السلام عليكم اكثر شي يجذبني بالكلية الكافتريا مال الهندسة لان باردة بالصيف ودافية بالشتا اخوكم حيدر الخفاجي

mustafa_406

01-14-2007, 07:14 PM

اني اكثر شي احبه بجامعة بغداد كافتريا العلوم السياسية اللي يم البحيرة لان دائما جنت اسخت واضرب المحاضرات واروح اكعد بيهه

هند الزبيدي

02-03-2007, 10:02 AM

اني هندسة حاسبات بالبناية مال الخوارزمي واحب البناية كلها لان احس نفسي اني بمملكتي الخاصةبس ترى هي البناية مو حلوة بس اني اعشقها لحد الموت.تحياتي الك

majd_ece

02-04-2007, 11:17 AM

لان اعزه حييييييل::16::

حبي صقر أجاوبك بكلمتين فقط
(خلي يولن )
هع هع هع هع هع

اني اكثر شي احبه بجامعة بغداد هوه البارك مال الهندسه المدنيه لأن جان الملاذ الوحيد الي جنه نروحله والبانزين خانه لأن صارتلي بيها مواقف متنحجي

والله ألبارك مال ألمدني آني شايفة كذا مرة من أروح ألعب طوبة بالساحة مال ألمدني
وألى هسة ما أعرف شنو ألحلو أللي بي
بس يجوز حلو للمدنيين بس
هع هع هع هع
مشكور على مرورك حمودي

الكافتريا مال الهندسة
والله يا حيدوري
صدك حلوة ودائما من أضرب ألمحاضرة أحدق بيهة
لا بس هذا أللي يجي يمسح ألميز عود ليش ضايج من عدنة
هع هع هع

كافتريا العلوم السياسية اللي يم البحيرة
والله هم حلوة أخوية مصطفى وأكلهم طيب هناك

اني هندسة حاسبات بالبناية مال الخوارزمي واحب البناية كلها لان احس نفسي اني بمملكتي الخاصةبس ترى هي البناية مو حلوة بس اني اعشقها لحد الموت.تحياتي الك

أهلا بيج أختي هند
و آني هم يمكم ألكترونيك
وهية صدك ألبناية موكلش حلوة
بس ألمحجر أللي كدامهة جدا أحبة لأن دائما نلتم هناك

وألف ألف شكرا على مروركم كلكم

فارس العلوم السياسيه

02-04-2007, 02:48 PM

والله شباب اكثر شي احبه بالجامعه هي مكتبه كليه الهندسه لان
صايره بنص كليتي (العلوم السياسيه)
وجنه نكعد بيها نجذب والطلاب خطيه تقره
واحب النادي الصيفي بالعلوم السياسيه
واكثر شي احبه بالجامعه الطلاب لان احس كلهم اهلي
واحب السنتر مال رئاسه الجامعه
واتمنه ينفتح منتدى خاص بالعلوم السياسيه
لان هيه الكليه الوحيده الي ماعدها منتدى خاص بدجله
وتحياتي لكاتب الموضوع ولجميع المشاركين
::27:: ::27:: ::27:: ::27:: ::27:: ::27:: ::27::

Black Eagle

02-09-2007, 09:08 PM

شلووونكم شباب

بصراحة وبدون مفاخرة احنا كروبنا معروف بكلية الخوارزمي

ونحب دائما نحدق في بارك كلية الخواركمي وظواحيها

و هذا الشي اللي احبة

بس لو اكو موقع للجات خاص بجامعة بغداد مو شوية احسن!!!!

شتكولللون؟؟؟

Black Eagle

02-09-2007, 09:09 PM

Black Eagle

02-09-2007, 09:11 PM

Black Eagle

02-09-2007, 09:32 PM

تريدون الصراحة فرد نوب

احلى شي انه لمن طلاب الصف فردا فردا يضربون المحاضرات

لليوم كله ويتجمعون بكافتريا العلوم السياسية او يحدقون بالكلية

و اوجه احلى تحية الى كروب ( فايروس )

Black Eagle

02-11-2007, 07:42 PM

أني بصراحة أكثر شي أحبة أنه لمن السيارات توكع بالمبزل مال المي

محمد المدني

02-12-2007, 12:46 AM