شرايكم ..هل مسيحيين العراق وطنيين ؟؟

[سماء البصرة]

السلام عليكم ..بالبداية خلوني الفت انتباهكم علي اني احترم بل احب اخواننا واخواتنا مسيحين العراق انا بصغري كنت بمدرسة عراقية مسيحية تديريها الراهبات وزميلاتي كانوا كلدانيات وآشوريات والنا وياهم ذكريات حلووة ..لكن حبيت اوريكم وجهة نظري بخبر قريته وهو :

هنأ رئيس الوزراء العراقي نوري المالكي السبت 26-10-2007 البطريرك عمانوئيل الثالث دلي، رئيس الكنيسة الكلدانية في العراق والعالم، باعتباره أول مسيحي عراقي يسميه الفاتيكان كاردينالا، وفقا لبيان حكومي.

وأورد البيان أن المالكي قال للكاردينال عمانوئيل إن "تكريمكم بهذا المنصب هو تكريم للعراقيين ونصر للعراق وتعزيز لمكانته في العالم، خصوصا في ظل مواجهة الإرهاب والتطرف والطائفية".
وأعلن البابا بنديكتوس السادس عشر منتصف أكتوبر الحالي تعيين 23 كاردينالا جديدا، بينهم بطريرك كنيسة الكلدان الكاثوليكية العراقية عمانوئيل الثالث دلي.


انتهي النقل ..خبر حلو ونهنأ الاخوة مسيحيي العراق بهذا الانجاز والمنصب الرفيع ...

بس هل نكدر هسه نتهم مسيحيي العراق بانهم غير وطنيين باعتبار التعيين اجا من الفاتيكان ؟ طبعا لا ..لانه الفاتيكان مركز البابوية للعالم المسيحي وشي طبيعي انه التعيين يجي منهم ..قابل راح يجي من مكة !

بس تخيلوا ..بس مجرد خيال ..لو اجا خبر تعيين احد رجال الدين العراقيين كمرجع ديني في حوزة قم في ايران ؟؟ شنو راح تكون ردة الفعل ؟؟

ادري راح تكولون انه ايران دولة تتدخل بشكل سلبي بالعراق والفاتيكان دولة دينية لا سياسية ..

لكن تظل حوزة قم من الحوزات الكبري للشيعة بالعالم والها مكانتها العلمية والدينية..فهل ردة الفعل نفسها راح تكون نفسها لو تختلف ؟ هل سيظهر علينا حسني مبارك مثلا ويتهمنا بالولاء لايران لمجرد ارتباطنا العقائدي معهم؟
وهذا مو موضوع طائفي ..بس ردت افتح عقولكم وعقلي ايضا ...واوريكم احنا اشلون نشوف الامور من زاويتنا ..

وهسه اروح انام ..تصبحون علي خير ::5::

[العمــــــده]

اكو تداخلات بالموضوع وصعبه الرد بهاي امور .. الا من خبراء دين ودوله

[AMEER ALROOM]

نعم وطنيين وهم اخوه لنا في الوطن
ولن افرقهم عن باقي العراقيين
تحياتي

[$روان الحب$]

اكيد هم اخوانة لان عراقيين
ونكن الهم كل الود والمحبة
وماعتقدت صدر اي شي منهم مسيئ ضد العراق
ولهذا هما اكيد وطنين
تحياتي سماء

[سماء البصرة]

الاخ عماد عقد الامور !

الاخ امير الروم والاخت روان الحب ما فهموا الموضوع ::ok::

نعم انا ما اشكك بوطنية مسيحيين العراق ..السؤال كان بياني مو استفهامي !

وشكرا لمروركم

[بســ وطن ــمة]

السلام عليكم

بدايه لا جدل بانهم عراقييون و مساله وطنيون ام لا لا تحدد بالنسبه للدين بل لكل شخص و حسب معتقداته الي تربى عليها فمثلما هنا مسملين غير وطنيين اكيد هناك مسيحيين كذلك و العكس صحيح

فلا يجوز و لا يمكن التعميم بمثل هذه الصفات على جمايع من الناس على ااساس ديانتهم او طائفتهم

هذه كانت اولا

ثانيا : المقارنه بين الفاتيكان و قم

عزيزتي اتوقع المرجعيه في النجف من السيد السيستاني هم راجع لقم و المستشفيات و الاعمال الخيريه الي تكون باسمه في مدينه قم تشهد بهذا الشي فمن قال لكي بان مرجعيه النجف مفصوله عنهم و اكيد العراقييون يعوون هذا الشي "" و عقلهم مفتوح على هذه النقطه "

و هذا اولا و اخير حق طبيعي و منطقي

طالما هم نفس الطائفه و طالما هم لهم نفس المعتقدات .......... فلا ضير من الرجوع اليهم

لكن المشكله يااختي بان المرجعيه في ايران هي في اغلبها مسيسه و مقيده بسياسه البلد لانها ايران دوله ""اسلاميه"" فهي تستند بكل شي و حسب ما يدعون الى المرجعيه

فتلك المرجعيه حينئذ ستكون خاصه لهذه الدوله فقط و لا يمكن ان تؤثر على المرجعيات لما هو خارج حدودهم

متى ما فصلت ايران بين المرجعيه و السياسيه سيكون خبر التعيين شي عادي ولا يحق لاحد ان يعترض بس طالما هذا الارتباط بين الدين و الدوله لديهم فاتوقع تعيين رجال الدين من قم يعني و بكل بساطه تجاوز على سياده العراق و خصوصياته

عموما ........... لما نمر به الان اتوقع ايران ما تحتاج لا تعيين سيد و لا مرجعيه لان عدها هوايه ناس بالعراق مكفيين و موفيين

تحياتي

[إبن المنصور البغْدادي]

اولا محد يكدر يشكك بوطنية المسيحيين ....
ثانيا انتي ممكن تحكمين على الاشخاص من خلال ولاءهم للعراق اولغير العراق ..... وتحياتي الج اختي بس اكو واحد ينام هسة شنو نوم دجاج::32::....

[IRAQ RG]

جوابا على عنوان الموضوع
وعن ايمان تام اقول :

(((كل العراقيين وطنيين)))

ومحتوى الموضوع له غرض اخر ومع ذلك فان شيعة العراق هم عماد العراق
وهم بعيدين كل البعد عن ايران واذا كان الشيعة ايرانيون فهذا يعني لايوجد عراق اصلا

[العمــــــده]

جوابا على عنوان الموضوع
وعن ايمان تام اقول :

(((كل العراقيين وطنيين)))

ومحتوى الموضوع له غرض اخر ومع ذلك فان شيعة العراق هم عماد العراق
وهم بعيدين كل البعد عن ايران واذا كان الشيعة ايرانيون فهذا يعني لايوجد عراق اصلا


صح السانك اخويه الغرض الثاني واضح تره السالفه بهاي الطريقه امبينه

[IRAQ RG]

اشكرك اخي عماد الراوي

بس ميخالف ما بيهه شي الاخت متحسسة من هاي التصريحات
اللي فعلا هي مو مال رئيس دولة ودولة كبيرة مثل مصر
واتهامات ممزقة للعراق.

[القسام]

((مازلنا نختلف حول غسل او مسح القدم حتى اصبحنا لانملك على وجه الارض موضع قدم ))
تحياتي لك للموضوع ..!

[طاكة روحي]

طبعا المسيحيين وطنيين حتى النخاع ولم يقتلوا احد وقسم منهم مازال متمسكا بالعراق ومن خرج يحن بالعودة لة مو مثل ناس يقتلون بعضهم مثل الهراتية مع احترامي الكامل لمن يستحق الاحترام وصاحب الموضوع
شوفوا مسيحيين العمارة والبصرة خير دليل ومثال شوفوا مسيحيين بغداد والموصل وغيرهم اينما توجدوا ناس بس تريد تعيش مساكين وللعلم قسم كبير منهم من اهل العراق الاصلاء القدماء الاشوريين مثلا وغيرهم ممن تواجدوا في ارض الرافدين ......... مشكور

[شـوكـة نـاعـمـة]

بس تخيلوا ..بس مجرد خيال ..لو اجا خبر تعيين احد رجال الدين العراقيين كمرجع ديني في حوزة قم في ايران ؟؟ شنو راح تكون ردة الفعل ؟؟






ما يحتاج خيال اختي سماء ... اكو حقد عميق على ايران يخلي الواحد يكره و يرفض اي شي اله علاقة بيهم من قريب او بعيد
و من هسه ما شاء الله اللسان و الاصوات ما مقصرة بالاتهام
هو الجهل وحده يعمي ، هالدورة جهل وحقد !! .. فكلشي اتوقعي بعد

اما رئيس مصر فهو و جماعته راح يتخبلون لان اكو ظاهرة ((( تبشير ))) شيعي على كولتهم بمصر ، و حاروا شيسون ...
فخلي يحجي ، وخل يمنع التجمعات
كان غيرهم اشطر

[شاطئ الفرات]

بس تخيلوا ..بس مجرد خيال ..لو اجا خبر تعيين احد رجال الدين العراقيين كمرجع ديني في حوزة قم في ايران ؟؟ شنو راح تكون ردة الفعل ؟؟





مرحبا اخت سماء
طبعا ردت الفعل معروفه
لان وحتى ان لم يحصل هذا هم معتبرين
شيعة العراق كلهم تبعيه الى ايران
وطبعا هذه كلها اكاذيب ولاغراض التسويق فقط
ولكن لب القضيه هو حقد ازلي واعمى ضد الشيعه
تحياتي
وشكرا ع الموضوع

[صقر ااالبياع]

الفرق واضح اختي للاسف الحقد الذي زرعه النظام السابق والخوف من ايران في قلوبهم يسيطر على افعالهم واقوالهم

بالمناسبة مقارنة جميلة

تحياتي

[اوس الكرخي]

الفاتيكان كلههه بكد المنطقه الخضراء وماعدهه جيش او استخبارات او مخابرات وهسه ليست دوله بالمعنى الصحيح وانما شكلت لفصل المرجعيه المسيحيه عن اي تدخل سياسي ( مع العلم انه يوجد هذا التدخل)

اما ايران فهي دوله كبيره وقويه ولها نفوذ وجيش ومخابرات ومشروع معلن وغير معلن للهيمنه على المنطقه وتدخلها في الموسسه الدينيه معروف وكبير

لذلك فان ماتفترضيه هوة موجوج فعلا وتمت الاشاره اليه في اكثر من مصدر

لذلك فان مقدمه موضوعك لغايه غير بريئه تحاول تزيين صوره التدخل الايراني

[سماء البصرة]

شكرا لمروركم وردودكم ..البعض فهم مقصدي والاخر ما يزال يهاجم قبل ان يستوعب محتوي الموضوع

علي العموم ..يمكن أسات شرح وجهة نظري لكنها كالتالي :

يجب فصل المعتقدات الدينية عن السياسية ...بس هاي هيه ..مجرد اشتراكنا مع دولة اخري بالدين او المذهب لا يعني تبعيتنا الها ..ولا يلغي الولاء الوطني ...وهاي هيه القصة كلها ::26::

[ابوسبع]

طبعا ؟؟؟ وقد يفوقون المسلمين في العراق بوطنيتهم في بعض الاحيان؟؟؟ تحياتي

[وقاص سعد]

والله المسيحيين عاشرناهم من وعينة عالدنيا وهمه ناس ما الهم اذية على احد ووطنيين مية مية بالعكس خيرهم كافي شرهم بس السؤال على جماعتنه اللي يريدون ياكلونه جماعة الربع اللي استلمو هل هم وطنيون ام لا والحر تكفيه الاشارة 0

[Sparks Weman]

لهم كل الحب والاحترام
ولن اجيب عن تساؤلك فليس لاي احد الحق بان يحكم هل هذا وطني ام لا


تحياتي