المساعد الشخصي الرقمي

مشاهدة النسخة كاملة : من اجل معرفه اكثر

Hidden Dragon
10-07-2006, 10:23 PM
http://www.7mml.com/uploads/bc5e3de007.gif
اشلونكم اخواني واحبائي اعضاء دجلة نت
من اجل معرفه اقوى
هذة المشاركه عبارة عن اسئله علميه هندسيه تخص طلاب الهندسة ومفادها انو كل عضو اهنا يدخل وايسئل سؤال واللاخ ايجاوب عليه على شرط كون الاسئله هندسيه ولكافات الاقسام
وبذلك تعمم المعلومه على كل الطلاب ويمكن الاستفاده منها لاحقا
ويله اني هسة ابدي والسؤال
ما هي البوابات في علم التقنيه؟
روبوت
10-07-2006, 11:04 PM
ماهو ال اومني
Hidden Dragon
10-07-2006, 11:08 PM
ههههههههههههه ميه هلا بيك ربوت بس انت لازم اتجاوب الاول يله تسال
SoLeDaD
10-08-2006, 02:07 AM
والله زياد تعذرني ما اعرف لان مو تخصصي
واحوله للبعدي ان شالله يعرف الجواب
majd_ece
10-08-2006, 11:51 AM
البوابات المنطقية قصدك

يوجد الكثير من البوابات المنطقية مثل
And Or Not
وغيرها من البوابات
تتوفر عادة على شكل آيسياتic التي تكون من الداخل متكونة من دايودات حسب طرق ربط معينة

كل Ic له 14 Pin
majd_ece
10-08-2006, 11:56 AM
بالنسبة للسؤال


بأي نطاق من الترددات يتم البث الفضائي(الستلايت)؟؟؟
~&~THE GHOST~&~
10-08-2006, 04:06 PM
والله اخويه العزيز ماجد
اعذرتي لان مو اختصاصي

احول السؤال للبعدي
====================
بس حبيت اشكر الاخ زياد لان حقاً الفكره جميله وحلوه
Hidden Dragon
10-08-2006, 04:44 PM
والله زياد تعذرني ما اعرف لان مو تخصصي
واحوله للبعدي ان شالله يعرف الجواب


ههههههههههه والله اخويه سوليداد مشاركته ويانه تكفي
وتسلم على المرور الكريم
Hidden Dragon
10-08-2006, 04:51 PM
مشكور ماجد على التواصل
وحلك كان صحيح
والف شكر اخويه الشبح ونورت ويانه حضورك
اما بالنسبه الى السؤال فاعتقد وحسب معلومات البسيطه
انو هي متوافقه وية التردات الراديويه
وماكدر ان سال لحد ما اتاكد من الجواب اخويه ماجد
ملاك الميكا
10-09-2006, 03:26 PM
بس لحظه شباب
اولا مشكور زياد على الموضوع الفيوك...دامك الله ذخرا للعرب...::26:: ::37:: ::26::
وبالنسبه لسؤالك فاللى اعرفه هيه مقاومات + دايودات..حتى اخذناهه بالمختبر اذا تتذكر..وبالالكترونيك

وسؤال روبوت محد جاوب عليه وانى ما اعرف جوابه بس حبيت انبه

وسؤال ماجد..اتوقع لو بالكيكا لو بالميكا...ممتأكدة بالظبط


اما سؤالى فهوة...منو احسن؟؟
انو تشغل الحاسبه 24بال24...لو انو تنطيهه ريست كل فترة؟
NINJA GAIDEN
10-09-2006, 04:16 PM
مشكور
عاشت ايدك
Hidden Dragon
10-10-2006, 07:11 AM
بس لحظه شباب
اولا مشكور زياد على الموضوع الفيوك...دامك الله ذخرا للعرب...::26:: ::37:: ::26:: هههههههههه الف شكر ملاك وهههههههههه الله ايسهل للعرب
وبالنسبه لسؤالك فاللى اعرفه هيه مقاومات + دايودات..حتى اخذناهه بالمختبر اذا تتذكر..وبالالكترونيك اي والله صح وجوابج كان صحيح

وسؤال روبوت محد جاوب عليه وانى ما اعرف جوابه بس حبيت انبه
اي وكان يمكن الجواب مالته انو هو نوع من انواع الاتصال على النت

وسؤال ماجد..اتوقع لو بالكيكا لو بالميكا...ممتأكدة بالظبط
اني هم جاوب على انو ضمن الترددات الراديويه


اما سؤالى فهوة...منو احسن؟؟
انو تشغل الحاسبه 24بال24...لو انو تنطيهه ريست كل فترة؟
هو المصممين صمموها انو تشتغل 24 ساعه وما ايضرهه هذا الشي



سؤالي
مافائدة الفورير سيريس بالدوائر الكهربائيه
ها على فكرة هي طريقه رياضيه للحل دوائر ......................؟
ملاك الميكا
10-12-2006, 12:21 AM
سؤالي
مافائدة الفورير سيريس بالدوائر الكهربائيه
ها على فكرة هي طريقه رياضيه للحل دوائر ......................؟


اييي صحيح جوابك ابو الزوز
ومراح اجاوب لان مصدر المعلومات واحد::13::
Hidden Dragon
10-12-2006, 05:25 AM
ههههههههههههههههه اي والله دمرني هذا طنفس كل يوم والفورير الفورير يابه كافي خخخخخخخخخخخ
يله اخوان وين جوابكم على سؤالي
majd_ece
10-12-2006, 11:33 AM
بالنسبة لحل السؤال اللي آني أنطيتة هوة بحزمة ال(ku) باند واللي يتراوح ترردهة من 12 الى 18 كيكا هيرتز وبطول موجي يتراوح بين2.50 الى 1.67 سانتيم وطبع الأستقطاب أفقي وعمودي ولذلك من تضعف ألأشارة يكولون فر ال(lnb) ومن تشترون أل(lnb) يكون مكتوب علي النويز وهوة كل ما يكون رقم أقل كل ما يكون أحسن



أما بالنسبة لسؤآل ألأخ العزيز زياد
فالفورير سيريز تستعمل لتمثيل الموجات البريودك
أي الموجات المتكررة ولذلك بدل ما نكتب سميشن لدورات الموجة نحاول نمثلهة بمتسلسلة فورير
واللي نكدر نمثلهة برسم السبكترام

و مثل ما أعرف أكو جهاز واحد بالعراق يمكن من خلاله تمثيل الموجات بدلالة تغير التردد مع الزمن(يعني مثلا ألأوسوسكوب يمثل الموجة بدلالة تغير الفولتية مع الزمن) وهو موجود بالجامعة التكنلوجية الجهاز هوة السبكترام أنالايزر
وسعرة جدا غالي حسب ما سمعت يعني أكثر من 3000 دولار

أخوكم ماجد
majd_ece
10-12-2006, 11:39 AM
وبالنسبة للسؤال

في التلفزيون الملون
في الحقيقة هناك ثلاثة ألوان رئيسية يتم من خلال مزجها بنسب معينة أعطاء الألوان الباقية

ما هي هذه الألوان؟؟؟؟
Hidden Dragon
10-12-2006, 02:51 PM
احمر اخضر ازرق
هذا هو الحل
سؤالي لماذا كل المحركات تفتر عكس عقارب الساعه
الحزينه
10-24-2006, 08:30 AM
ههههههههههههههه كلشي بالهندسه ما اعرف لان السنه اني يالله المرحله الاولى
eng_fareed
10-24-2006, 10:31 PM
السلام عليكم
بارك الله بيك على هاي الفكرة بس اني اشوف لو تخلون كل تخصص على حده افضل علمود تعم الفائدة لان اكو هوايه اسئله تحتاج الى اجابات وعلمود يفدونا اهل الخبرة بهذا الشي
majd_ece
10-31-2006, 01:20 PM
حبي فريد أتفضل أنتة أسأل واللي يعرف أي شي على ألموضوع يجاوبك
وهوة ألمنتدى مال كلية ألهندسة بعدة جديد وصغير و أنشاء الله يكبر على أيدكم
وبمواضيعكم ألحلوة


و أختي ألحزينة
مواد مرحلة أولى أنشاء الله تشوفيهة وهية تقريبا تتشابه بين كل ألأقسام
و أي سؤال تحتاجين بأي مادة آني حاضر (لأن آني مرحلة ثالثة هع هع )
zanooba
10-31-2006, 01:50 PM
والله شكرا على هذا الموضوع بس كل الاسئلة وللاسف الشديد مو اختصاصي
اعوفها لاهل الاختصاص
المهندس الواسطي
09-04-2008, 10:51 PM
الأسئلة حلوة عاشت ايدكم
بس انتظر جواب المحركات ليش تفتر بالعكس؟؟؟؟؟
بس يمكن تصميمهه حسب الفلكس لنكج و توليد المجالات المغناطيسية اللازمة للدوران ’’’’’’’’’’’’’’’يمكن ها مو اكيد........... تحياتي