استفسار بخصوص السفر الى سوريا

[alduraasd]

صدك جذب ولا رد يعني معقولة محد سافر بسوريا هالايام يمعودين مروتكم عندي شغلة حياة او موت واريد اعرف الحقيقة زين ......

[الوفي المغدور]

اخوية انت شتريد تسئل على شنو مكاتب شتريد تسئل كول شتريد وادلل

[alduraasd]

اني اريد اسال على كيفية الدخول الى سوريا ؟؟؟؟؟؟ يعني الدخول بدون فيزة بس الواحد يدفع 50 دولار لو لا لازم يحصل على فيزة ؟؟؟؟؟ واذا اكو فيزة فهل هوية غرفة تجارة بغداد الدرجة الرابعة كافية للحصول عليها ........ والكم مني كل الشكر والتقدير

[AlTaJeR]

اخويه حتى يدخلوك السوريين لازم يكون عندك هويه غرفه تجاره ومصدقه ومجدده لعام 2007
ولازم يكون مكتوب المهنه بالجواز تاجر (حصرا) واذا جوازك من النوع g لازم بالملاحظات يكتبون المهنه تاجر
اني كتلهم اسمي التاجر بدجله نت كللولي اللعب بعيد ورجعوني

[جورج العاني]

اخويه حتى يدخلوك السوريين لازم يكون عندك هويه غرفه تجاره ومصدقه ومجدده لعام 2007
ولازم يكون مكتوب المهنه بالجواز تاجر (حصرا) واذا جوازك من النوع g لازم بالملاحظات يكتبون المهنه تاجر
اني كتلهم اسمي التاجر بدجله نت كللولي اللعب بعيد ورجعوني


هههههههههههههههه تاجر والله ضحكتني حلوة منك مشكورين وردة


حبيبي الغالي اني عندي اقامة مفا اعرف اشون يعني انت اشون تدخل لان ماكو شي امغلسين الجماعة ومحد يدري شنو القصة

[PErMeReND]

حبي راح انطيك اخر المستجدات يوم الخميس قررت سوريا يكون الدخول للجميع ويدفعون 50 دولار للشخص الواحد عند الحدود لكن همه تأخروا بتنفيذ القرار لان تعليمات ماكو لكن خلال هاليومين راح يبدي الدخول لان صدرت التعليمات وحبيبي انت اذا تريد تسئل ف اسئل مكاتب السفر اللي ابغداد لان همه دائما على اطلاع باخر المستجدات
وتحياتي الك

[AlTaJeR]

هلاو اخويه جورج وهههه شلون شحتوني شحته بذيج الكطيعه
المهم اخويه اذا انت عندك اقامه فا انت مو من المغضوب عليهم بالحدود حاليا بس لازم اقامتك سارية المفعول
واخويه العبيدي متكولي شوكت توصل التعليمات ( شنو راكبه بايسكل ) هسه لو مشي جان وصلت صارله اكثر من اسبوع هاي سالفه الخمسين دولار

[جورج العاني]

هلاو اخويه جورج وهههه شلون شحتوني شحته بذيج الكطيعه
المهم اخويه اذا انت عندك اقامه فا انت مو من المغضوب عليهم بالحدود حاليا بس لازم اقامتك سارية المفعول
واخويه العبيدي متكولي شوكت توصل التعليمات ( شنو راكبه بايسكل ) هسه لو مشي جان وصلت صارله اكثر من اسبوع هاي سالفه الخمسين دولار

هلو وردة تاجر

اي حبي ساري مفعولهة لان اني طالب بجامعة عراقية هنا الله كريم هاي اذا مشحتونة لك عيني منطقتي فرغت قدسيا فرغت اتصوصي ::12::

[alduraasd]

هسه شلون يعني اسوي هوية غرفة تجارة بغداد واسوي الكتاب المصدق للسفارة السورية واتوكل على الله واروح السورية شتكولون انتو هذي السافة اوكي ........

[فارس النعيمي]

السلام وعليكم اخي اني البارحة جيت من سوريا رجعت لبغداد والاثنين رح ارجع

بس اني عندي اقامة خمس اسنين بس انت لازم هوية غرفة تجارة بغداد ولاز تاجر

او صيدلي بس احسن شي تاجر اوكي مع السلامة وان شاء الله نرجع للعراق

وممننذل بااااااااااااااااااااااااااي اخوك فارس

[المذبوح]

اخويه حتى الذي يريديسافر بطل لانه ماعنده فلوس بس الذي الله موفقه

[نسمة بغداد]

مرحبا ... شلونكم
اوكي عرفنة اذا ولد تاجر .. زين اذا بنية شنو الاجراء اللي لازم تسوي؟؟؟

شكرا مقدما عالرد لان كلش محتاجتة

[ميخائيل]

السلام عليكم حبيبي عندك هوية غرفة تجارة بغداد السنه الماضيه اذا عندك سوي وياها كتاب وتطلع عادي وتكدر اتحصل اقامه سنويه ::24::

[ميخائيل]

اختي الفاظله نسمه مو ظوع السفر للبنات انسي لان التاجر فقط يدخل سوريه
واذا عندك اقارب من الدرجه الاولى في سوريه يبعثولك كارت مرور ... والله الموفق

[نسمة بغداد]

اقارب من الدرجة الاولى ما عندي بس اني كلولي يصير تسوين تقرير طبي وتفوتين.. صحيح هالشي او لا ؟

[mustafa abdul ilah]

الدخول لسوريا يكون فقط للتجار والي عدهم اقامه سنويه او اكو شغله للي ماعدهم اقامه سنويا يرحون لدائره الهجره وياخذون اذن من السلطات السوريا خاص بالعراقين طبعا ويطلعون سوريا لكن ضمن فتره 3 اشهر ويرجعون لسوريا