sosocontrol
09-06-2006, 10:38 PM
السلام عليكم
هذه احدى قصص من قصص نانا (ام امي) يعني حقوق النشر محفوظة ههههههههههههههههههه
كان يا مكان في قديم الزمان كان اكو ثلاث نسوان كاعدات جوة الجسر وكان اكو رجال كاعد فوك الجسر يريد يعرف ليش هذني النسوان بهذا الليل خارج بيوتهن الفضول كتلة كتل ؟؟؟
المهم هنة كاعدات ويبجن فوحدة منهن سألت الخة ليش يا دادة تبجين شكو شصار؟
كلتلها رجلي طلكني كلتلها ليش دادة شسويتي ؟
كلتلها يا دادة رجلي راد مني دولمة فأني كلت شلون هسة الرجال يريد دولمة واني لازم اسويلة دولمة المهم اجة ثاني يوم وجان يروح الرجال للشغل واني رحت للسوك جبت السلك والبصل وكلشي حتى اسوي دولمة ...
السالفة انو اني طبخت وخلصت الدولمة بس خفت عليها لتبرد وهذا الرجال يجي بليل فأني شسويت دادة ؟
رحت للحديقة جبت طين وسويتة قرص يعني سويتة مثل الطابوكة وحطيته فوك الدولمة حتى ما تبرد ...غلطانة اني دادة ؟؟؟هذيجة المرية كلتلها لا دادة كملي شصار بعدين؟
اجة الرجال من برة وكلي صبي الاكل اني هم جبتلة الجدرية وشلون ريحة ترد الروح صب الدولمة وبدة ياكل اشو كلي ولج هاي شنو اشو كلها طين شمسويتلي كلتلة هيج وهيج كلي روحي وانتي طالق شفتي دادة قابل اني غلطانة؟
كلتلها لا بس هاهية شسوين
كلتلها وانتي جا شسويتي؟ردت المرية اني يا بعد روحي جانت الدنيا مطر خفت على الرجال لانو الطرمة طين كلت هسة يجي يتوصخ بالطين شلون لازم اسوي شي ...جبت الصابون وطبكت الطربة بالصابون اجة الرجال والدنيا مطر اتزحلك واتكسر بس اني خما اعوفة يتوسخ بالطين الصابون احسن غلطانة اني دادة؟
كلتلها لا ابد انتي ما غلطانة ..
سألو المرية الثالثة ليش تبجين كلتلهم رجلي طلكني كلولها ليش كلتلهم اني ورجلي بليل خلصنا العشة وكلي تعالي الي يحجي يغسل الطاوة واني يا دادة هم سكتت لان بس احجي اغسل الطاوة وضليت طول الليل ساكتة وطلع النهار وهو كعد واني ما حجيت ويا حتى لا اغسل الطاوة وضليت كاعدة والطاوة كبالي وبعدين اجوا الحرامية واني خفت احجي لان بس احجي اغسل الطاوة الحرامية باكوا كل البيت وكتلوني وكلولي ليش ما تحجين واني ساكتة لان بس احجي اغسل الطاوة غلطانة اني دادة ؟
ردوها الاثنين لا دادة جا انتي شسويتي حتى غلطانة ؟
المهم اجى الرجال من برة وكلي ولج هاي شنو؟؟؟ اني ضحكت وكلتلة انت راح تغسل الطاوة ههههههههههههه كلي روحي وأنتي طالق غلطانة اني دادة؟
وهذني يردون لا دادة
اخير شي نزل هذا الرجال من فوك الجسر ولزم العودة وركض وراهن ويصيح لا ابد انتن مو مال طالق انتن مال ذبح
وخلصت القصة ومعاشوا عيشة سعيدة ههههههههههه
((((هسة كل الاعضاء اتمنالهم هيج نسوان والي يحبون الدولمة والي يريدون يتزوجون اربعة((حج متولي)) كولو امين ههههههههههههههههههههههههههههه وهاي بين اقواس حتى محد يشوفها هههههههههههههههههههههههه))))
هذه احدى قصص من قصص نانا (ام امي) يعني حقوق النشر محفوظة ههههههههههههههههههه
كان يا مكان في قديم الزمان كان اكو ثلاث نسوان كاعدات جوة الجسر وكان اكو رجال كاعد فوك الجسر يريد يعرف ليش هذني النسوان بهذا الليل خارج بيوتهن الفضول كتلة كتل ؟؟؟
المهم هنة كاعدات ويبجن فوحدة منهن سألت الخة ليش يا دادة تبجين شكو شصار؟
كلتلها رجلي طلكني كلتلها ليش دادة شسويتي ؟
كلتلها يا دادة رجلي راد مني دولمة فأني كلت شلون هسة الرجال يريد دولمة واني لازم اسويلة دولمة المهم اجة ثاني يوم وجان يروح الرجال للشغل واني رحت للسوك جبت السلك والبصل وكلشي حتى اسوي دولمة ...
السالفة انو اني طبخت وخلصت الدولمة بس خفت عليها لتبرد وهذا الرجال يجي بليل فأني شسويت دادة ؟
رحت للحديقة جبت طين وسويتة قرص يعني سويتة مثل الطابوكة وحطيته فوك الدولمة حتى ما تبرد ...غلطانة اني دادة ؟؟؟هذيجة المرية كلتلها لا دادة كملي شصار بعدين؟
اجة الرجال من برة وكلي صبي الاكل اني هم جبتلة الجدرية وشلون ريحة ترد الروح صب الدولمة وبدة ياكل اشو كلي ولج هاي شنو اشو كلها طين شمسويتلي كلتلة هيج وهيج كلي روحي وانتي طالق شفتي دادة قابل اني غلطانة؟
كلتلها لا بس هاهية شسوين
كلتلها وانتي جا شسويتي؟ردت المرية اني يا بعد روحي جانت الدنيا مطر خفت على الرجال لانو الطرمة طين كلت هسة يجي يتوصخ بالطين شلون لازم اسوي شي ...جبت الصابون وطبكت الطربة بالصابون اجة الرجال والدنيا مطر اتزحلك واتكسر بس اني خما اعوفة يتوسخ بالطين الصابون احسن غلطانة اني دادة؟
كلتلها لا ابد انتي ما غلطانة ..
سألو المرية الثالثة ليش تبجين كلتلهم رجلي طلكني كلولها ليش كلتلهم اني ورجلي بليل خلصنا العشة وكلي تعالي الي يحجي يغسل الطاوة واني يا دادة هم سكتت لان بس احجي اغسل الطاوة وضليت طول الليل ساكتة وطلع النهار وهو كعد واني ما حجيت ويا حتى لا اغسل الطاوة وضليت كاعدة والطاوة كبالي وبعدين اجوا الحرامية واني خفت احجي لان بس احجي اغسل الطاوة الحرامية باكوا كل البيت وكتلوني وكلولي ليش ما تحجين واني ساكتة لان بس احجي اغسل الطاوة غلطانة اني دادة ؟
ردوها الاثنين لا دادة جا انتي شسويتي حتى غلطانة ؟
المهم اجى الرجال من برة وكلي ولج هاي شنو؟؟؟ اني ضحكت وكلتلة انت راح تغسل الطاوة ههههههههههههه كلي روحي وأنتي طالق غلطانة اني دادة؟
وهذني يردون لا دادة
اخير شي نزل هذا الرجال من فوك الجسر ولزم العودة وركض وراهن ويصيح لا ابد انتن مو مال طالق انتن مال ذبح
وخلصت القصة ومعاشوا عيشة سعيدة ههههههههههه
((((هسة كل الاعضاء اتمنالهم هيج نسوان والي يحبون الدولمة والي يريدون يتزوجون اربعة((حج متولي)) كولو امين ههههههههههههههههههههههههههههه وهاي بين اقواس حتى محد يشوفها هههههههههههههههههههههههه))))