yAssEr . eMaD
10-07-2007, 06:07 PM
احداث فتحت لاصحابها بوابه ...........الاردن
بعد ان مرت ثلاثين يوما على تشريفنا لسوريا قررنا ان نحرم دمشق من وجودنا الكريم . وانه (كافي بعد) كل واحد يشيل (اجوالاته) ويرجع البيت ماما وبابا. وكان السبب الرئيسي لاصدار مثل هذا القرار هو..(جزرنا) واحتمال حتى نعود سيرا على الاقدام او(متشلبهين) خلف احد المنشاأت وقررت شله الاردن ان تنفذ هذا القرار في الحال . واصروا على العوده الى عمان (العزيزه) قبلي بيوم... لكنهم اصروا ايضا وباصرار... على ان اوصلهم الحد الحدود لانهم ميكدرون يفاركون (جهرتي) البشوشه . وادى ذلك الى دخولنا في مناقشه عميقه ومطوله تبادلنا فيها كل مشاعر الحب والاحترام...
اني....
ههههههه بابا مطيرون صدك تحجون ... دولوا عاد ما اصدك اخلص منكم لعبت نفسي راح اطك. اتلاثين يوم مكابل هل شكولات المقرفه ..الله يساعدني . صدك شغله مقززه والله لازم تنطوني راتب شهر عليها .وفوكاها هسه اتريدون اجي وياكم للحدود.......ضحكتوني والله...ههههه
همه...
طبعا لايمكن باي حال من الاحوال نشر اقوالهم اللطيفه ... حفاظا على (كرامتي)
اني....اي والله مثل مكلتوا حجيكم صحيح بس ماكدر و(لا استطيع) ان اجي وياكم للحدود .... اني اذا اشوف خيالكم يكمن تجيني جلطه... شبيكم متحسون . الرحمه ... الرحمه يالهي.. ارحموني من هذا الوغف .... ولا كونيه تايت. دروحوا عاد ........لززززززززززكه
همه....
(صدكوني اذا انشر تعليقاتهم الكريمه ينحذف الموضوع)
واستمرت عمليه (المناوشات) بين الطرفين لفتره ..... فتحنا فيها ابواب القلب المملؤه بلعواطف الجياشه والاحاسيس المرهفه التي تعبر عن الم لحظه الفراق . الى ان رق قلبي في نهايه المطاف بعد مجموعه عروض ( لفه كص والكروه عليهم ) وقشمروني وكالوا الطريق يخبل كلش حلو وكله (حاتات).
بعد سماعي لهذه العباره بلذات لم تمر سوى دقائق الا وانا في كراج السومريه وكلي نشاط وحماس (وفتح) . وبحثنا على سياره كبيره نسبيا حتى اتكفي كلنا (ننحشك) بيها . واخيرا تمكنا وباستخدام مجموعه من (الدفرات) من (دحس) الامتعه في الصندوق الخلفي للدولفين . وانطلقنا في طريقنا من بلاد الغربه الاول الى بلاد الغربه الثاني.
بعد مرور فتره زمنيه تتجاوز الساعه اكتشفت انه اني (اتقشمرت)واصلا الطريق عباره عن صحراء قاحله خاليه من أي كائنات حيه...ولا ونسه ولا بطيخ... المهم اني حبيت (اغلس) حتى ما اصير نصبه......
ثم قام احد افراد الشله (وكعادته) بغناء مجموعه من الاغاني التي تعبر عن لهفته وشوقه للعراق والى العزيزه الغاليه على قبلنا جميعا ......بغداد الجريحه.
.
.
.
عماااااااااااااااااااااااااااااان
جنه بعيوني انا
عمااااااااااااااااااااااااااااان
بناتها تحلوو كل سنه
عماااااااااااااااااااااااااااان
ومكه مول الي امتلاه
عماااااااااااااااااااااااااااان
هيه حبنا كلنا
وما انسى عمااااااااااان ......... الخ
طبعا تعالت الصيحات في المقاطع الاخيره من الاغنيه حتى اني والسايق الاردني بدينا نردح على انغام صوت صاحبنا (المقزز) .
وفي اقل من ثلاث ساعات وصلنا الى الحدود السوريا . وبدءت المراحل الاخيره من الوداع وما يرافقه من انهيار عاطفي يهز القلوب وينثر الدموع......
همه......
ههههههههه ...ولك غير قشمر انته ... دفعنالك بس مال روحه والرجعه انته تدفعها..هههههههه...شفتوا شنو صفن بلسياره من كل عقله يشوف حاتات ابطريق خارجي .....هههههههه ...شكد على نياته.......ههههه
اني......
لا يمكن نشر الحوار حفاظا على سمعه المنتدى
ــــــــــــــــــــــــــــــــــــــــــــــــــ ـ
وفي هذه الاثناء خطرت فكره (جهونميه) في راس احد الاصحاب تفاجئنا بها جميعا حيث قاااااااال...
يابه انته وصلت وصلت بعد شكو تعال فوت ويانا للاردن ابقه فد جم يوم ومناك عود ارجع البغداد.
اني...............علواه والله بس ماعندي فلوس اتكفي.
واحد لاخ........ لا متحتاج افلوس .. شقه موجوده والمصاريف سهله .
اني ............. ولكم ادري بس اني حتى هدومي عفتها ومجايب شي. ابطرك هاي الكيمونه الي جاي بيها
السايق الذي لا دخل له بلموضوع....شو يعني يازلمه خد من (اواعيهم) !
ـــــــــــــــــــــــــــــــــــــــــــ
ووما هيه الا ثواني وحسيت بمدى سخافه هذه المناقشه ... حيث يبقى السؤال الذي يطرح نفسه (بلكاع) .
ومنو عيني هذا الي راح يدخلني اني وكيمونتي البرتقاليه...
فضحك الجميع وحسوا ايضا بمدى (فطارتهم) بس كالوا دتعال انته شتخصر يعني... فاقتنعت بسهوله وكلت خلي اعيش فد تجربه مثيره (اكشم) وبلكي اتصير فد قصه اسولفها (بلمستقبل ) الجهالي المساكين ......وراسا كتلهم يله امشولناااااااااااااااااا.....
عبرنا الحدود السوريه بكل هدوء وبدون مشاكل . بلعكس كيفوا اهل الجوازات السوريين مصدكوا عراقيين ديطلعون من سوريا .وفي ربع ساعه وصلنا للحدود الاردنيه. ولاحظت ان كل الشله بدأت تمارس طقوس غريبه مخصصه للجوازات الاردنيه. فبدء الكل بلدعاء والبكاء احيانا..فاستغربت جدا وكتلهم مو عدكم اقامات ..... فكالوا حتى لو اكو هوايا عدهم وميدخلوهم. فقلت عزززززززززززه ... انيااااااااااااااااالي
وبمجرد وصولنا .. هجمنا على غرفه الجوازات بكل ثقه و(كشخه). وبقينا امسيطرين الى ان فشلنا احد افراد الشله و(انجبح) على وجهه(مو اني والله ).... المهم محد شافني... جانت هوسه مو طبيعيه بس شنو السره (الداون لود) مالته سريع جدا . وخلال ربع ساعه صرت من (الخمستالاف) الاوائل .وبده مخي (الكبير) يصرف شحن لاجراء عمليه التفكير باي حجه مقنعه تمنحني حق الدخول الى عمان الصغيره.. .
....أي هسه شكللهم اريد اشوف امي مشتاقلها ...لو دا اسوي عمليه ....لووو..
وفي هذه الاثناء سمعت ضابط الجوازات يسئل احد الاشخاص ....
الضابط.....شو سبب الزياره.
الشخص.. والله اني صارلي سنتين مشايف امي واريد اشوفها اتلث تيام وارجع السوريا
الضابط ...خلي هيه تجيك السوريا ...... اشطح
هههههههههه....... عززززه .......اشطح شنووو... هذا الضابط عراقي (سئلت احد الاشخاص) فاجاب بلنفي ويكول لا هذا هوه ديقلد علينا يعني فد شي عادي .
طبعا اني ضجت لانه خسرت احد الحجج الثمينه الي اكتشفتها ..المهم بقى شخص قبلي ومع الاسف اخذ الحجه الثانيه الي جانت عندي وطلع المسكين هم ديسوي قسطره بلقلب وجايب تقرير طبي مو بس حجي مثلي المهم حصل نفس الجواب السابق (اشطح) وسوي العمليه ابسوريا..
وجاءت لحظه المواجهه ..المرحله الاخيره ( مثل الوحش في لعبه ماريو) انا والضابط وجها لوجه. فلجأت الى مخي فوجدته خالي من أي حجه والشحن خلصان تماما . فنظرت الى عيون الظابط وكلت بلكي انومه (مغناطيسيا) ولكن بدون فائده ايضا.وفي هذه الاثناء ومع لحظه بدئي بلكلام .ِ لفت نظري عنوان ( عجائب من البتراء) في صحيفه كان يحملها احد الضباط... وطبعا تعرفون قصتها وانه اختاروها من عجائب الدنيا (السبع,, ميه وخمسين) .....وبسرعه (جفتت)الى ذهني حجه مو تبيعيه...
ودار بيننا هذا الدايلوك
الضابط.........شو سبب الزياره
اني.......... سيااااااااااااااااااااااااااحه ....(قلتها بصوت عالي و بثقه مفرطه)
فساد الصمت في ارجاء الغرف بصورهةغريبه بحيث بقيت اسمع صدى كلماتي وهو يبتعد...
.....سياااااحه......سياااااحه......... يااااااااااااحه..........ااااااااااااااااحه
وتوقف جميع الضباط عن العمل وكل هوسه الجوازات سكتت .وجميع الكائنات الحيه توقفت عن الحركه . وساد صمت رهيب اعتقد انه امتد الى الحدود السوريه .واحتشد الناس وسواق المنشاات واصحاب المطاعم القربيه على شباك المطل على غرفه الجوازات ..والجميع يبحثون عن قائل هذه الكلمات ......
..منوووووووو ..منوووووو
فاشار الجميع الى (حضرتي)..............هذااااااااااااااااااااااااااا اااااااا هيجي كال....
وبدء الجميع (يباوعوون) عليه ويدور في تفكيرهم نفس السؤال ....
يا ترى ..من يكون هذا (البطران) ..الناس دتموت وميدخلوها وهوه يكول سياحه؟
طبعا لا يمكن وصف مشاعري واحاسيسي في هذه اللحظات .فلقد اكتشفت انه هذه الحجه واقولها للامانه التاريخيه انه حجه (فطحانه) . فاخذت نفسا عميقا (طفح) نص الاوكسجين القليل المتوفر في الغرفه . وتعتبر هاي الحركه احسن طريقه (لشحن المخ) حسب ادعاءات (بيبيتي) وحاولت استدراك الموقف والتقليل من حجم هذه (الجفصه).....
فعاد الضابط ليسئل
شوووووووووووووووووووووووووو يزلمه
ااني....... وبابتسامه ساحره.... سياحه لمنطقه البتراء
فبدا الضابط مستغربا
اني...... سمعت انه منطقه البتراء بلاردن اختاروها من عجاءب الدنيا وطبعا اني زرتها للاردن سابقا وبقيت بيها فتره بس مشفت بيها اكو هيجي منطقه اثريه . فحبيت اشوف البتراء .هو شنو يعني الشي العجيب بيها ؟؟؟؟...
حسيت الضابط انه اقتنع اني دااحجي جديات وراسا بده (يهمبل)عليه وكعد يوصفلي شكل البتراء وشنون نحتوها بلجبل واني بقيت مصغي لكل كلمه يقولها لانه ابصراحه دا انتظر اسمع كلمه (اشطح) من عنده . بس يعني الضابط طولها وبده يدخل ابتفاصيل فطيره وحسيت انه يعني يمكن اكو امل لانه لحد الان مكلي (اشطح)...وره مخلصت اخر جمله عرفت انه الضابط طاير من الفرحه وممصدك واحد يريد يدخل حتى يتفرج على حضاره بلدهم وخاصه بعد ماشاف اهتمامي بكل المعلومات التي استمر بقولها لعده دقايق...... ولكن بقى الضابط .. لازم الجواز ومتردد في جوابه ...فكلت (ياسر) يمعود دحجي ولك وصلت بعد شويه...
اني...........اي صحيح اني هم سمعت نحتوها ابمي الشلالات ومن صدك شي عجيب . وتمنيت اشوفها لانه شي ميتصدك .
الضابط..........انته تعرف احد بلاردن
اني............ لا ما اعرف اني اجيت اكعد ابفندق بلبتراء فد اتلث تيام وارجع السوريا لانه يبدي دوامي بلكليه.........
فرفع الضابط عينه من الجواز وبدء بلنظر الى (كصتي) وحسيت انه انعجب جدا بيه وحبني من اول (جذبه) كلتها ... واقترب اكثر من ضابط ...وبدوا مهتمين بهذه المناقشه وصدك احترموني وصارت ثقه بيناتنه وصدكوا اني جاي لانه معجب جدا بلبتراء.فقلت (عزززززززززه ) سويتها شكد اني ذكي . وراقبت عيون الناس المحتشده جوازي وهوه في مرحله الحركه من ضابط التحقيق الى ضابط الحاسبه لتتم عمليه الختم . وراسا بديت اتخيل (الفعاليات)الي راح اسويها بلاردن . الله اخيرا راح اشوف كل الشله ونفتر للصبح راح اعزلها المكه مول... الله صويفيا عززززززززززه راح اتخبل ولكم اتهسترت مدا اصدك مستحيل اكيد جهالي راح يتونسون ابهاي القصه.
فعاد الضابط ليسئلني وهو يتاكد من جوازي و يبتسم بعد ماشاف فرحتي .
الضابط ....طيب انته في أي كليه
اني ...خامس هندسه معماااري....
(((((وياريت لو كايل هيجي وساكت بس لا لازم احجي واجفص بعد....)))))
ومشروع تخرجي عل عماره الاسلاميه وطبعا هوه هذا السبب الرئيسي لزياره البتراء..وهمه الاساتذه نصحوني ابزيارتها وجمع معلومات عنها لانه جدا اتفيدني بلمشروع....
ثمممم ...انزل احد الضباط الصحيفه التي كان يطالعها ورمقني بنظره (التك عين وعلالي حواجبه) وقاال وهو يبتسم...
بس يا زلمه البتراء مو من الاثار الاسلاميه....
(((فرجعت وكلت عزززززززززززه هاي اشحجاني)))
المهم ..ورة مطلعت جذبتي حس الضابط انه اني (كلاوجي) وسئلني
ممكن هويه الطالب تبعك ...كلتلا لا والله مجايبها
فرمى الجواز وكلي مستحيل انته بلمعماري ومتعرف لا انته ولا اساتذتك انه البتراء مو اثار اسلاميه........ واضاف قائلا.......
ااااااااااااااااااااااااااااااشششششطح
فاخذت الجواز مسرعا متجنبا عيون (الشمتانيين بيه) وخرجت متوجها الى اقرب حايط و(نطحته نطحه ) ماتزال اثار (اللبخ) المتطاير موجوده فيه الى هذه اللحظه..,,
بعد ان مرت ثلاثين يوما على تشريفنا لسوريا قررنا ان نحرم دمشق من وجودنا الكريم . وانه (كافي بعد) كل واحد يشيل (اجوالاته) ويرجع البيت ماما وبابا. وكان السبب الرئيسي لاصدار مثل هذا القرار هو..(جزرنا) واحتمال حتى نعود سيرا على الاقدام او(متشلبهين) خلف احد المنشاأت وقررت شله الاردن ان تنفذ هذا القرار في الحال . واصروا على العوده الى عمان (العزيزه) قبلي بيوم... لكنهم اصروا ايضا وباصرار... على ان اوصلهم الحد الحدود لانهم ميكدرون يفاركون (جهرتي) البشوشه . وادى ذلك الى دخولنا في مناقشه عميقه ومطوله تبادلنا فيها كل مشاعر الحب والاحترام...
اني....
ههههههه بابا مطيرون صدك تحجون ... دولوا عاد ما اصدك اخلص منكم لعبت نفسي راح اطك. اتلاثين يوم مكابل هل شكولات المقرفه ..الله يساعدني . صدك شغله مقززه والله لازم تنطوني راتب شهر عليها .وفوكاها هسه اتريدون اجي وياكم للحدود.......ضحكتوني والله...ههههه
همه...
طبعا لايمكن باي حال من الاحوال نشر اقوالهم اللطيفه ... حفاظا على (كرامتي)
اني....اي والله مثل مكلتوا حجيكم صحيح بس ماكدر و(لا استطيع) ان اجي وياكم للحدود .... اني اذا اشوف خيالكم يكمن تجيني جلطه... شبيكم متحسون . الرحمه ... الرحمه يالهي.. ارحموني من هذا الوغف .... ولا كونيه تايت. دروحوا عاد ........لززززززززززكه
همه....
(صدكوني اذا انشر تعليقاتهم الكريمه ينحذف الموضوع)
واستمرت عمليه (المناوشات) بين الطرفين لفتره ..... فتحنا فيها ابواب القلب المملؤه بلعواطف الجياشه والاحاسيس المرهفه التي تعبر عن الم لحظه الفراق . الى ان رق قلبي في نهايه المطاف بعد مجموعه عروض ( لفه كص والكروه عليهم ) وقشمروني وكالوا الطريق يخبل كلش حلو وكله (حاتات).
بعد سماعي لهذه العباره بلذات لم تمر سوى دقائق الا وانا في كراج السومريه وكلي نشاط وحماس (وفتح) . وبحثنا على سياره كبيره نسبيا حتى اتكفي كلنا (ننحشك) بيها . واخيرا تمكنا وباستخدام مجموعه من (الدفرات) من (دحس) الامتعه في الصندوق الخلفي للدولفين . وانطلقنا في طريقنا من بلاد الغربه الاول الى بلاد الغربه الثاني.
بعد مرور فتره زمنيه تتجاوز الساعه اكتشفت انه اني (اتقشمرت)واصلا الطريق عباره عن صحراء قاحله خاليه من أي كائنات حيه...ولا ونسه ولا بطيخ... المهم اني حبيت (اغلس) حتى ما اصير نصبه......
ثم قام احد افراد الشله (وكعادته) بغناء مجموعه من الاغاني التي تعبر عن لهفته وشوقه للعراق والى العزيزه الغاليه على قبلنا جميعا ......بغداد الجريحه.
.
.
.
عماااااااااااااااااااااااااااااان
جنه بعيوني انا
عمااااااااااااااااااااااااااااان
بناتها تحلوو كل سنه
عماااااااااااااااااااااااااااان
ومكه مول الي امتلاه
عماااااااااااااااااااااااااااان
هيه حبنا كلنا
وما انسى عمااااااااااان ......... الخ
طبعا تعالت الصيحات في المقاطع الاخيره من الاغنيه حتى اني والسايق الاردني بدينا نردح على انغام صوت صاحبنا (المقزز) .
وفي اقل من ثلاث ساعات وصلنا الى الحدود السوريا . وبدءت المراحل الاخيره من الوداع وما يرافقه من انهيار عاطفي يهز القلوب وينثر الدموع......
همه......
ههههههههه ...ولك غير قشمر انته ... دفعنالك بس مال روحه والرجعه انته تدفعها..هههههههه...شفتوا شنو صفن بلسياره من كل عقله يشوف حاتات ابطريق خارجي .....هههههههه ...شكد على نياته.......ههههه
اني......
لا يمكن نشر الحوار حفاظا على سمعه المنتدى
ــــــــــــــــــــــــــــــــــــــــــــــــــ ـ
وفي هذه الاثناء خطرت فكره (جهونميه) في راس احد الاصحاب تفاجئنا بها جميعا حيث قاااااااال...
يابه انته وصلت وصلت بعد شكو تعال فوت ويانا للاردن ابقه فد جم يوم ومناك عود ارجع البغداد.
اني...............علواه والله بس ماعندي فلوس اتكفي.
واحد لاخ........ لا متحتاج افلوس .. شقه موجوده والمصاريف سهله .
اني ............. ولكم ادري بس اني حتى هدومي عفتها ومجايب شي. ابطرك هاي الكيمونه الي جاي بيها
السايق الذي لا دخل له بلموضوع....شو يعني يازلمه خد من (اواعيهم) !
ـــــــــــــــــــــــــــــــــــــــــــ
ووما هيه الا ثواني وحسيت بمدى سخافه هذه المناقشه ... حيث يبقى السؤال الذي يطرح نفسه (بلكاع) .
ومنو عيني هذا الي راح يدخلني اني وكيمونتي البرتقاليه...
فضحك الجميع وحسوا ايضا بمدى (فطارتهم) بس كالوا دتعال انته شتخصر يعني... فاقتنعت بسهوله وكلت خلي اعيش فد تجربه مثيره (اكشم) وبلكي اتصير فد قصه اسولفها (بلمستقبل ) الجهالي المساكين ......وراسا كتلهم يله امشولناااااااااااااااااا.....
عبرنا الحدود السوريه بكل هدوء وبدون مشاكل . بلعكس كيفوا اهل الجوازات السوريين مصدكوا عراقيين ديطلعون من سوريا .وفي ربع ساعه وصلنا للحدود الاردنيه. ولاحظت ان كل الشله بدأت تمارس طقوس غريبه مخصصه للجوازات الاردنيه. فبدء الكل بلدعاء والبكاء احيانا..فاستغربت جدا وكتلهم مو عدكم اقامات ..... فكالوا حتى لو اكو هوايا عدهم وميدخلوهم. فقلت عزززززززززززه ... انيااااااااااااااااالي
وبمجرد وصولنا .. هجمنا على غرفه الجوازات بكل ثقه و(كشخه). وبقينا امسيطرين الى ان فشلنا احد افراد الشله و(انجبح) على وجهه(مو اني والله ).... المهم محد شافني... جانت هوسه مو طبيعيه بس شنو السره (الداون لود) مالته سريع جدا . وخلال ربع ساعه صرت من (الخمستالاف) الاوائل .وبده مخي (الكبير) يصرف شحن لاجراء عمليه التفكير باي حجه مقنعه تمنحني حق الدخول الى عمان الصغيره.. .
....أي هسه شكللهم اريد اشوف امي مشتاقلها ...لو دا اسوي عمليه ....لووو..
وفي هذه الاثناء سمعت ضابط الجوازات يسئل احد الاشخاص ....
الضابط.....شو سبب الزياره.
الشخص.. والله اني صارلي سنتين مشايف امي واريد اشوفها اتلث تيام وارجع السوريا
الضابط ...خلي هيه تجيك السوريا ...... اشطح
هههههههههه....... عززززه .......اشطح شنووو... هذا الضابط عراقي (سئلت احد الاشخاص) فاجاب بلنفي ويكول لا هذا هوه ديقلد علينا يعني فد شي عادي .
طبعا اني ضجت لانه خسرت احد الحجج الثمينه الي اكتشفتها ..المهم بقى شخص قبلي ومع الاسف اخذ الحجه الثانيه الي جانت عندي وطلع المسكين هم ديسوي قسطره بلقلب وجايب تقرير طبي مو بس حجي مثلي المهم حصل نفس الجواب السابق (اشطح) وسوي العمليه ابسوريا..
وجاءت لحظه المواجهه ..المرحله الاخيره ( مثل الوحش في لعبه ماريو) انا والضابط وجها لوجه. فلجأت الى مخي فوجدته خالي من أي حجه والشحن خلصان تماما . فنظرت الى عيون الظابط وكلت بلكي انومه (مغناطيسيا) ولكن بدون فائده ايضا.وفي هذه الاثناء ومع لحظه بدئي بلكلام .ِ لفت نظري عنوان ( عجائب من البتراء) في صحيفه كان يحملها احد الضباط... وطبعا تعرفون قصتها وانه اختاروها من عجائب الدنيا (السبع,, ميه وخمسين) .....وبسرعه (جفتت)الى ذهني حجه مو تبيعيه...
ودار بيننا هذا الدايلوك
الضابط.........شو سبب الزياره
اني.......... سيااااااااااااااااااااااااااحه ....(قلتها بصوت عالي و بثقه مفرطه)
فساد الصمت في ارجاء الغرف بصورهةغريبه بحيث بقيت اسمع صدى كلماتي وهو يبتعد...
.....سياااااحه......سياااااحه......... يااااااااااااحه..........ااااااااااااااااحه
وتوقف جميع الضباط عن العمل وكل هوسه الجوازات سكتت .وجميع الكائنات الحيه توقفت عن الحركه . وساد صمت رهيب اعتقد انه امتد الى الحدود السوريه .واحتشد الناس وسواق المنشاات واصحاب المطاعم القربيه على شباك المطل على غرفه الجوازات ..والجميع يبحثون عن قائل هذه الكلمات ......
..منوووووووو ..منوووووو
فاشار الجميع الى (حضرتي)..............هذااااااااااااااااااااااااااا اااااااا هيجي كال....
وبدء الجميع (يباوعوون) عليه ويدور في تفكيرهم نفس السؤال ....
يا ترى ..من يكون هذا (البطران) ..الناس دتموت وميدخلوها وهوه يكول سياحه؟
طبعا لا يمكن وصف مشاعري واحاسيسي في هذه اللحظات .فلقد اكتشفت انه هذه الحجه واقولها للامانه التاريخيه انه حجه (فطحانه) . فاخذت نفسا عميقا (طفح) نص الاوكسجين القليل المتوفر في الغرفه . وتعتبر هاي الحركه احسن طريقه (لشحن المخ) حسب ادعاءات (بيبيتي) وحاولت استدراك الموقف والتقليل من حجم هذه (الجفصه).....
فعاد الضابط ليسئل
شوووووووووووووووووووووووووو يزلمه
ااني....... وبابتسامه ساحره.... سياحه لمنطقه البتراء
فبدا الضابط مستغربا
اني...... سمعت انه منطقه البتراء بلاردن اختاروها من عجاءب الدنيا وطبعا اني زرتها للاردن سابقا وبقيت بيها فتره بس مشفت بيها اكو هيجي منطقه اثريه . فحبيت اشوف البتراء .هو شنو يعني الشي العجيب بيها ؟؟؟؟...
حسيت الضابط انه اقتنع اني دااحجي جديات وراسا بده (يهمبل)عليه وكعد يوصفلي شكل البتراء وشنون نحتوها بلجبل واني بقيت مصغي لكل كلمه يقولها لانه ابصراحه دا انتظر اسمع كلمه (اشطح) من عنده . بس يعني الضابط طولها وبده يدخل ابتفاصيل فطيره وحسيت انه يعني يمكن اكو امل لانه لحد الان مكلي (اشطح)...وره مخلصت اخر جمله عرفت انه الضابط طاير من الفرحه وممصدك واحد يريد يدخل حتى يتفرج على حضاره بلدهم وخاصه بعد ماشاف اهتمامي بكل المعلومات التي استمر بقولها لعده دقايق...... ولكن بقى الضابط .. لازم الجواز ومتردد في جوابه ...فكلت (ياسر) يمعود دحجي ولك وصلت بعد شويه...
اني...........اي صحيح اني هم سمعت نحتوها ابمي الشلالات ومن صدك شي عجيب . وتمنيت اشوفها لانه شي ميتصدك .
الضابط..........انته تعرف احد بلاردن
اني............ لا ما اعرف اني اجيت اكعد ابفندق بلبتراء فد اتلث تيام وارجع السوريا لانه يبدي دوامي بلكليه.........
فرفع الضابط عينه من الجواز وبدء بلنظر الى (كصتي) وحسيت انه انعجب جدا بيه وحبني من اول (جذبه) كلتها ... واقترب اكثر من ضابط ...وبدوا مهتمين بهذه المناقشه وصدك احترموني وصارت ثقه بيناتنه وصدكوا اني جاي لانه معجب جدا بلبتراء.فقلت (عزززززززززه ) سويتها شكد اني ذكي . وراقبت عيون الناس المحتشده جوازي وهوه في مرحله الحركه من ضابط التحقيق الى ضابط الحاسبه لتتم عمليه الختم . وراسا بديت اتخيل (الفعاليات)الي راح اسويها بلاردن . الله اخيرا راح اشوف كل الشله ونفتر للصبح راح اعزلها المكه مول... الله صويفيا عززززززززززه راح اتخبل ولكم اتهسترت مدا اصدك مستحيل اكيد جهالي راح يتونسون ابهاي القصه.
فعاد الضابط ليسئلني وهو يتاكد من جوازي و يبتسم بعد ماشاف فرحتي .
الضابط ....طيب انته في أي كليه
اني ...خامس هندسه معماااري....
(((((وياريت لو كايل هيجي وساكت بس لا لازم احجي واجفص بعد....)))))
ومشروع تخرجي عل عماره الاسلاميه وطبعا هوه هذا السبب الرئيسي لزياره البتراء..وهمه الاساتذه نصحوني ابزيارتها وجمع معلومات عنها لانه جدا اتفيدني بلمشروع....
ثمممم ...انزل احد الضباط الصحيفه التي كان يطالعها ورمقني بنظره (التك عين وعلالي حواجبه) وقاال وهو يبتسم...
بس يا زلمه البتراء مو من الاثار الاسلاميه....
(((فرجعت وكلت عزززززززززززه هاي اشحجاني)))
المهم ..ورة مطلعت جذبتي حس الضابط انه اني (كلاوجي) وسئلني
ممكن هويه الطالب تبعك ...كلتلا لا والله مجايبها
فرمى الجواز وكلي مستحيل انته بلمعماري ومتعرف لا انته ولا اساتذتك انه البتراء مو اثار اسلاميه........ واضاف قائلا.......
ااااااااااااااااااااااااااااااشششششطح
فاخذت الجواز مسرعا متجنبا عيون (الشمتانيين بيه) وخرجت متوجها الى اقرب حايط و(نطحته نطحه ) ماتزال اثار (اللبخ) المتطاير موجوده فيه الى هذه اللحظه..,,