(*•.¸(`•.¸ اكتـــــــــــــب لنــــــا نفســــــــــــــــك !!!! ¸.•´)¸.•*):

[حــ،،،ــور الــ،،،ــعين]

http://zmn-net.com/up/uploads/46fd967c19.jpg




السلام عليكم ورحمة الله وبركاتة


يجمعنا هذا القلم بود

لا نعرف من أمر بعضنا إلا القليل

وهذه دعوة لكتابة ... نفسك لنا !!

وتقديمها إلينا بالطريقة التى تناسبك !!
.
.
والعضو الذي يكتب نفسه لنا

يحاول ببضع اسطر يشاركنه بأفكاره بهمومه بهواياته
ا
و بأي شي يحب يقولة



سابدا انا لتوضيح الفكرة

حور العين ...طالبة بقسم نكهرب والله نكهرب واحنا الي اسسنا التيار ::41::
يعني بين قوسين فيزياء

عود نجحت للمرحلة الثالة ::41::
من مواليد 1987 برج القوس

...احب السفر وقراءة الخواطر وطموحة بشكل مو طبيعي

هوايتي المفضلة .. التصوير الفوتغرافي لهذا ما مبقية مكان بالكلية اذا ما ماخذة اله صور
لان تعرفون كليتنا تزهو بالحدائق والزهور الجميلة ::41::

شاعري المفضل / نزار القباني

مطربي المفضل / اممممممم اللهم اجعلة اخي حسام الرسام اموت علية وربي ::41:: ::41::


اعشق في طفولتي كارتون ساندي بيل واوسكار

توم و جيري لحد عمري هذا خخخخخخخخخخ



لونى المفضل / الاسود ومشتقات لون الازرق

اكثر صفة معروفة علية هي صفة العناد والعصبية ::28::
وجريئة بس من النوع الهادئ
وحساسة كلش ::29::

اكثر شئ يؤلمني عند مفارقة وطني لفترة طويلة
وعند مفارقة انسان عزيز علية ::29::
ومن احس ظلمت شخص


اتمنى يعجبكم الموضوع
تحياتي ::57::

حور العين

[مصطفى العبيـدي]

امممممممممممممممممممم


اتمنى الموضوع ميكون فقط لاعضاء تربية ابن الهيثم يا حور ...

اسمي

مصطفى ابراهيم العبيدي ..

طالب الجامعه العربيه بمصر

مرحله اولى ..

في العراق طالب الجامعه التكنولوجيه قسم علوم حاسبات هاي العام بس تركت وطلعت ::12::

وهسه دادرس بمصر نفس القسم بالجامعه المذكوره سابقا ..


مواليد 1988

احب السفر والغناء وهاي هوايتي الي اعتقد نجحت بيها الحمد لله .. وكتابة الشعر الشعبي

والخواطر الرومانسيه والخواطر ..

شاعري المفضل .. علي حسين رحيمه ..


احب من الفنانين

هيثم يوسف وماجد المهندس ..


طفولتي كانت حلوه والحمد لله على كل شي

لوني المفضل

الاسود والوردي


من الصفات المعروفه عني الصراحه الي مرات توكعني بمشاكل .ز

والعصبيه ::28::::1::

وهاهيه


سلامي حور للمووضوع الحلوو

وعاشت الايادي

[حــ،،،ــور الــ،،،ــعين]

هلااااااااا بيك صوفي منور منتدى كلية ابن الهيثم
ومشكور على الرد الحلوو

تحياتي

[nono]

شكرا حور موضوع حلو ومميز


نونو... اسمي نور قسم الكيمياء نجحت للثالث ::17::طبعا صباحي
معروف عني حنينة كلش وعنودية ::41::

احب الشعر الشعبي ومخالة شي محافظتة عندي واهس مو طبيعي بهاي الشغلات

اكثر شي يضوجني اي شخص يكون زعلان مني او متضايق ::29::

عندي طموح بلحياة والشي الي اريدة مستحيل اكو شي يوكفني عن مواصلة الطريق

الحمد لله مرتاحة بحياتي وية اهلي ووية صديقاتي ووية كل الي اعرفهم احبهم ويحبوني

اكرر شكري الج حور موضوع كلش حلو::17::::17::::17::

[علي خالد الخالدي]

شكرا حور على الموضوع الحلو
اسمي:علي خالد
ذهبت الى المرحلة الثالثة
واحب اكثر شي ان اصبح لاعب كرت سلة
واحب الدارسة
واكثر شي ايضوجني هو ان يكون واحد من اصدقائي زعلان
وشكرا على الموضوع مرة اخرى

[Iraqy]

راح ابدى ان شاء الله اكتب ...

انى عبدالله الهاشمي

مواليد 1985

المفروض متخرج

صفاتي : (( ثقتي العمياء بمن ليسو اهل للثقة , اعطي سري للجميع , دنغوز , احب امشي وية انسان اكبر مني ))


اقره هواية ..

احب الاماكن القديمة وايشى كلاسك راح يجذبني اله

داومت بالكلية والحمدلله بنيت علاقات طيبة وية الكل ...تعلمت دروس هواية من الحياه الجامعية

من ضمنها انه الشخص المقابل او صديقك او اى شخص راح يذكرك من خلال عملك الطيب او كلامك الطيب


بالنسبة للأشاء الفنية : اكيد الشعر لكن مو اي شعر طبعا فقط الشعر الي يكون بي معني قد يكون فى رثاء شخص

او حب العراق

وووو بعد ها اهم شي الكارتون (( اكيد ساندي بيل ..هايدى ..سالى ..شامل))

امنيتى بالحياه انه العراق يرجع مثل الاول واحسن وتنرفع هذة الغيمة السودة عن بلدنا ...



اشكرج حور على الموضوع روعة والله مدكليلى وين جنتى خاتله ...راح ارجع بعد فترة واشوف ردود الاعضاء

تحياتى وعذيرنا على التقصير ...الموضوع مثبت ان شاء الله

[lady_bio]

مرحبا ....

اني لايدي بايو .....

طالبه صف رابع بالبايو وان شاء الله اتخرج ,,,عايشه حياتي مرتاحه ,,,,, وصافي بالي ,,,,


*احب الفلك ,,لباراسايكولوجي ,,الميتافييقبا وكل السوالف الكونيه وامنيتي في يوم من الايام اروح للقمر,,, ترا مو غريبه قبل كم يوم طلعت رحلة مسويتها الbbc بس جانت للمريخ مو القمر واكو مشكله ثانيه يريدون اطوال ..::16::......

*اما الطرب ,,,, فكلش احب الطرب القديم وبالاخص عبد الحليم وفيروز وميادة الحناوي .....واحب الاغاني الوطنه ...

*اما الطفوله فهيه احله ايام ,,,,, وجنت كووولش احب الكارتون مثل بقيهة الاطفال والى هسه اشوف كارتون واقرا روايات الاطفال ,,,, وجنت مشتركة بمجلات هوايه منها ماجد اخر وحدة اشتركت بيها .... بس هسه راح الواهس مال مجلات والروايات ..... طبعا بخصوص الروايات احب اجاثا كرستي ,,,اووووو جنت اخل وياهم بالجرائم ....

*اما صفاتي فمااعرفها .....متاسفه ...

وسلامي لكِ ,,,, وتسلمي على هذي الفكرة لحلوة ...

باي باي ...

[حــ،،،ــور الــ،،،ــعين]

مشكورين عيوني على هذه المشاركة الرائعه
وشكر للوردة عراقي على التثبيت
دمتم للمنتدى ودام المنتدى بكم
تقبلو مني ارق التحايا

حور العين

[حــ،،،ــور الــ،،،ــعين]

واهلآ وسهلآ بيكم

[PErMeReND]

بالبدايه اني مصطفى العبيبدي مواليد1985 علوم الحاسبات واني معروف بالكليه وهوايه طلاب يعرفوني الحمدلله بس ما متخرج بعدني مو راسب ترة والله هههههههه بس كنت تارك لان عايش خارج العراق قبل سنوات عدة اني اعتبر نفسي عندي شخصيه قويه جدا واحب المظهر الخارجي لان اعتبرة فد شي ضروري واني من عائله دبلوماسيه سابقا لذلك احب الهدوء وعدم الانفعال واخذ الامور دائما بالتفكير مو بالعصبيه واني كلبي طيب واحب كل الناس واللي يعرفني عن قرب مستحيل يضوج مني وحساس ازعل بسرعه وخصوصا من اللي احبهم واقدرهم ازعل راسا وتفكيري كلش جبير واحلامي حاليا صعب تحقيقهه لان الوضع ميساعد
هواياتي القراءة بكل شي وخصوصا القصص البوليسيه وتاريخ العراق
الواني المفضله البيج والنيلي والزيتوني
الطرب احب كاظم الساهر وهيثم يوسف والاغاني الوطنيه لحسام


شكرا حور الوردة على الموضوع الحلو
تحياتي الج

[حــ،،،ــور الــ،،،ــعين]

هلااا بيك مصطفى منور الموضوع

تحياتي

[قلعاوي]

ياحور العين احنه نكتب بالكيبورد مو بقلم

[نسر البايو]

مرحبا يا حور اولا ايامكم سعيدة وكل عام وانتو بالف خير وشكرا على موضوعك الرائع
نبدي
اني اسمي علي
نجحت للثالث بقسمي العزيز البايو
مواليد 1986
صفاتي هادئ بطبعي حنون وملتزم اخلاقيا ودراسيا
اكثر مطربة احبها هي اليسا الوردة ذات الصوت الرائع وعلاقاتي مع الكل ممتازة والحمد لله
واحب الممثل انتطونيو بانديراس جدا
وشكرا على الموضوع الرائع ياحور

[حــ،،،ــور الــ،،،ــعين]

هلاا بيكم عيوني نورتو الموضوع وهلاا بيكم
وكل عام وانتو بالف خير

تحياتي

[عمر الخالدي]

طبعا احب اشكر المتالقه دوما حور العين على الموضوع الرائع والجميل ::57::::57::دمتي بكل الود ,,,,,,,,,::57::::57::



اسمي :عمر الخالدي
نجحت للثالث في قسمي الحاسبات
مواليد 1986
طبعا طبعي العصبيه والخجل بنفس الوقت واحب الناس واتخبل من المغرور وعلاقاتي واسعه جدا ((يعني بكل خرابه عندي كرابه))
اكثر مطرب احب اسمعه هو ((كاظم الساهر)) واكثر مطربه هي ((مايا نصري)) اموت عليهه

احب انجلينا جولي حب مو طبيعي لا ن حلوه طبعا
ومن الممثلين براد بيت شلون اثنين اويلي هههههههههه

::57::::57::وتحياتي للكل ::57::::57::
ونحياتي الج ياحور الورده ,,,,,,,, واعذريني على التقصير لان هسه ياله رديت على الموضوع

[احمد مؤيد]

::27:: السلام عليكم.............

::24::اسمي احمد مؤيد قسم فيزياء من مواليد 1987

بس هسه نجحت::14:: الحمد لله مرحله ثانيه

واما هواياتي ...يبوووووو؟::38::؟ مع كل الاسف ماعندي حظ::27::

كنت لاعب في نادي الزواء ::27:: وتركت بلحرب وصرت مصارع وهم تركت ؟؟؟

بس مو اشلون مجان لا يعني العب بطولات::37::::37:: والمعروف عليه من اخلي شي ابالي اسوي ؟ وهسه مصلح موبايلات ::13::

وعندي محل والحمد لله واكتب شعر وعندي قصايد من تاليفي واحب شي اسمه (حب)
::51::
واحب الاصدقاء يعني احترم هذا الشي ابحياتي

وماعندي حظ هم بلحب ::27::::27::::27:: والله كريم واشكرج ياورده يا اختي حور على هاي الفكره الي والواحد ايعبر عن داخله ابغير طريقه


لان نسينه داخله من ورة الوضع وتفكير ابهوايه امور وهم احب دجله نت وناي هيلا هوب ....هههه


واشكركم ؟؟؟...........؟؟.احمد الاعظمي

[حــ،،،ــور الــ،،،ــعين]

منورين عمر واحمد بردودكم وصراحتكم الحلوةةة

تحياتي

[stam]

بسم الله الرحمن الرحيم
اني اسمي حسام النداوي ومعروف بتسمية ستام طبعا
طالب بقسم الفيزياء مرحله ثالثه هوايتي الكومبيوتر بشكل فظيع واحب كلشي جديد
واحب الكليه مالتي لان عاشرت بيها هوايه من الاصدقاء واني هسه خارج بغداد واتمنه ارجع واداوم لان قلبي تعب من الغربه المو حشه



وشكرا ياحور على الموضوع الbest
وارجو ان تقبلوني صديق جديد عندكم في هذا المنتدى::9::

[حــ،،،ــور الــ،،،ــعين]

هلاا بيك وردة منور المنتدى ومية هلا بيك
وان شاء الله ترجع للعراق وللكلية باقرب وقت

[al_ameen33]

لك مصطفى ابراهيم العبيدي شجابك بمنتدانه ههههههههههههههه
شلونك حبيبي وشلون صحتك,مشتاقلك هوايه ,لعلمكم شباب مصطفى ابراهيم ابن منطقتي ومثل اخويه وبيناتنه عشره وكضيت السادس ويا واغلب محاضراتي جانت ويا وسوه اغلب روحاتنه وتتصورون من سافر شكد انقهرت ومتتصورون شكد مشتاقله هسه ..........وهسه وهسه مرات اخابره واني احجيلكم عن صفاته اذا سمحلي هوه انسان طيب ومرات عصبي هههههههه ومرتب وشاطر ووكفاته حلوه ويا الناس (والله مصطفى مشتاق ال وكفتك اللي احبها تتذكرها ههههههههههههههه )علمود لا ننسى اللي نزل الموضوع كل الشكر والتقدير للي نزل الموضوع
تحياتي للكل

[al_ameen33]

اني انسان مسالم\احب الناس\مااحب اضوج احد مني\ما احب ازعل احد عليه\كثير الاعتذار
اشاقه\اضحك هوايه\خفيف الدم\صوتي عالي\لوني المفضل البنفسجي\رقمي اللي احبه 33
وشكرا

[حــ،،،ــور الــ،،،ــعين]

منور الامين بمرورك الرائع

تحياتي

[BLACK%DAETH]

اسمي مامون

قسم كيمياء المرحلة رابع صباحي
شنو دا اطلع هويه

المهم
صديق صادق وما اضلم احد ودا اترك صديقي باي محنه

حكمتي المفضله هيه ليس كل ما يلمع ذهب

طموح جدا

هوايتي الشعر والهكر والملاكمه

كافي بعد شبع

بااااااااااايييييييييوووووووووو

[حــ،،،ــور الــ،،،ــعين]

اشكرك على المرور والمشاركة الحلوةة

[BLACK%DAETH]

العفووووو وشكرا الج على الموضوع الحلوو

[اريج الياسمين]

موضوع حلو جدا , عاشت الايادي
تسمحيلي اشارك
اسمي اريج تخرجت سنة 1999
احب بغداد جدا جدا واحب كليتنا واتمنى اكدر ازورها قريبا
احب الناس واحب الصداقة
عصبية بس قلبي طيب ,متهمني المظاهر ,طموحة بس احيانا يغلبني اليأس فترة قصيرة
احب البرامج الدينية والتقارير العلمية واحب المسلسلات الاجنبية وخاصة فريندز ولوست
احب اغنية فيروز ( بعدك على بالي )
اكثر شي يسعدني ان اشوف امي وابوية واطفالي سعداء
اتمنى يرجع العراق احسن من قبل واتمنى التقي بزميلاتي وزملائي او اعرف اخبارهم
وادعي من الله ان يجمعنا بالجنة
كافي دوختكم..... تحياتي

[حــ،،،ــور الــ،،،ــعين]

هلا بيج اريج وان شاء الله تكدرين عن قريب تزورين كليتنا
تحياتي

[بـنـت الغــزاليــه]

اني طالبه ابن الهيثم مرحلة ثالث قسم بايلوجي
احب وطني كلش
احب الناس والاصدقاء هوايه
لوني المفظل احمر وجوزي
صفاتي /الحنيه والتسامح والتواضع
اكره الاشياء الي/ فرااق من احب وموت شخص قريب عليه


مشكووووووووووورة حبي حور العين عالموووووضع الحلووو
قبلي مروري