الحكم الرابع
09-17-2007, 10:22 AM
اخواني الاعزاء السلام عليكم
اولا احييكم من كل قلبي متمنيا الكم السعاده والاطمئنان وان يفرج رب العالمين هم العراقيين جميعا
اني حقيقه مسلم و مدمن قهوة عزاوي بس اليوم جيتكم حته انقل الكم موقف مريت بيه بسوريا وتفاخرت بيكم ( مسيحيي العراق ) كدام السوريين والحادثه كالاتي
طلعت لحلب لاستئجار شقه لمدير الشركه اللي اني اشتغل بيهه وطبعا هوة عراقي بس كان في لبنان وقرر الاستقرار في سوريا وجابتني رجلي بحي اسمهه الفيلات بمنطقه السليمانيه في حلب وسكان هاي من الارمن ودخلت على الدلال( جورج) وطلبت منه بيت للايجار وما ان عرف اني مسلم حته اتململ!!! وصرحلي انه من الصعب كون المنطقه مسحيه وميحبذون وجود مسلم (( هنا استغربت استغراب اولي )) لهذه العنصريه
ولان الرجال يريد يسترزق حاول بالتلفون وجاء الرد بالرفض لعدم الرغبه بوجود جار مسلم حته احدهم كله بالحرف اتريدني انسب من الجيران!!!!
(( الرجال يريد ياجرلي بكل وسيله لان المستاجر دفاع ومتمكن))
اخر شي اتمشينه على صاحب شقه وهنا صدك انزعجت لانه من سال الدلال كدامي وجاوبه باننا مسلمين قال بالحرف الواحد (( اسف ماناجر لمسلمين)) وبكل قباحه وبوجهي
اني انغثيت واتعجبت
كتله اخويه العراق بيه ملايين مسيحيين ومنتشرين باغلب العراق ولا فد يوم سمعنه مسيحي رفض يجاور مسلم ولا عدهم جيح قباحه او عنصريه بالعكس مشهودلهم بالادب والكياسه والاحترام !!
على العموم اني ميعجبني ااجر هنا لان الميريدني ماريده
تركت الموضوع واتمشينه لمسافه بعد توديع الدلال وطبينه على مطعم اكلات سريعه وهو سرياني ودار حديث وحكيتله على القصه واتفاخرت بالمسيح العراقيين وعلى اخلاقهم وتسامحهم وتعايشهم
فجاوبني بعباره كلش حلوة وكال:
احنه نعتبر المسيح بالعراق همه الاصل واصحاب دين وملتزمين اكثر منا وتكلم عن انه كرسي السريان بالعراق اصلا
كل هذا خله افادي هالكبره وكلت الله ياعراق كلشي بيك عظيم واصيل حته شعبك متميز على الباقين
اكرر التحيه واسف للتطفل بس كلمه الحق لازم تنكال
هسه ارجع لقهوة عزاوي ومشاكلهه وقلبي مرتاح
اولا احييكم من كل قلبي متمنيا الكم السعاده والاطمئنان وان يفرج رب العالمين هم العراقيين جميعا
اني حقيقه مسلم و مدمن قهوة عزاوي بس اليوم جيتكم حته انقل الكم موقف مريت بيه بسوريا وتفاخرت بيكم ( مسيحيي العراق ) كدام السوريين والحادثه كالاتي
طلعت لحلب لاستئجار شقه لمدير الشركه اللي اني اشتغل بيهه وطبعا هوة عراقي بس كان في لبنان وقرر الاستقرار في سوريا وجابتني رجلي بحي اسمهه الفيلات بمنطقه السليمانيه في حلب وسكان هاي من الارمن ودخلت على الدلال( جورج) وطلبت منه بيت للايجار وما ان عرف اني مسلم حته اتململ!!! وصرحلي انه من الصعب كون المنطقه مسحيه وميحبذون وجود مسلم (( هنا استغربت استغراب اولي )) لهذه العنصريه
ولان الرجال يريد يسترزق حاول بالتلفون وجاء الرد بالرفض لعدم الرغبه بوجود جار مسلم حته احدهم كله بالحرف اتريدني انسب من الجيران!!!!
(( الرجال يريد ياجرلي بكل وسيله لان المستاجر دفاع ومتمكن))
اخر شي اتمشينه على صاحب شقه وهنا صدك انزعجت لانه من سال الدلال كدامي وجاوبه باننا مسلمين قال بالحرف الواحد (( اسف ماناجر لمسلمين)) وبكل قباحه وبوجهي
اني انغثيت واتعجبت
كتله اخويه العراق بيه ملايين مسيحيين ومنتشرين باغلب العراق ولا فد يوم سمعنه مسيحي رفض يجاور مسلم ولا عدهم جيح قباحه او عنصريه بالعكس مشهودلهم بالادب والكياسه والاحترام !!
على العموم اني ميعجبني ااجر هنا لان الميريدني ماريده
تركت الموضوع واتمشينه لمسافه بعد توديع الدلال وطبينه على مطعم اكلات سريعه وهو سرياني ودار حديث وحكيتله على القصه واتفاخرت بالمسيح العراقيين وعلى اخلاقهم وتسامحهم وتعايشهم
فجاوبني بعباره كلش حلوة وكال:
احنه نعتبر المسيح بالعراق همه الاصل واصحاب دين وملتزمين اكثر منا وتكلم عن انه كرسي السريان بالعراق اصلا
كل هذا خله افادي هالكبره وكلت الله ياعراق كلشي بيك عظيم واصيل حته شعبك متميز على الباقين
اكرر التحيه واسف للتطفل بس كلمه الحق لازم تنكال
هسه ارجع لقهوة عزاوي ومشاكلهه وقلبي مرتاح