sunlover
09-17-2007, 12:49 AM
قبل: الشاب يكعد الصبح بعد ليلة نوم هانئه وراحة بال يروح لابو حسن يجيب كيمر وبيض للريوك
وبينما يغسل تكون الوالده محضرتله الريوك
هسه: الشاب يكعد الصبح (هذا اذا نام من الحر!!) يروح عدل وكبل لسره البانزين لو ميحصل لو ميحصل
يرجع للبيت وروحه طالعه وماعنده نفس يتريك .. وحته لو بقتله نفس ياكل المسكين.. فماكو احد يسوسله ريوك لان
الوالده سافرت وهو بايت وحده بالبيت
قبل: يخلص الريوك ويروح للغرفه ديبدل يوكف يصفن حته يشوف شنو الاحله (هذا البارحه لبسه يلبس غيره
اليوم وهذا شويه وسخ وهذاك ميرهم ويه البنطرون البيج...الخ) بعديـــــــــــــــــن يطلع من الكنتور قميصه السمائي
المكوي ويه البنطرون القماش النيلي المكوي (طبعا عمي اكو كهرباء) ويلبسهم
هسه: يطب للغرفه بعدما طلعت روحه من سره البانزين والازدحامات (ادري هلكد ازدحام!!منينلكم هلكد
بانزين؟؟!!) ... المهم..... يفتح الكنتور يطلع اي قميص(ممكوي لان ماكو كهرباء) او اي تيشيرت كباله ويلبسه ويه
الجينز الكاحد ويلبس البوتين ويفضها(هيه مال اناقه بهالزلك!!)
قبل: وره مايتهندم ويتشيك وهوه ديسمع كاسيت لكاظم الساهر لو عمرو ذياب بالمسجل .. يتوجه للمرايه بكل حيويه
ويحط الجل ويمشط ويرتب شعره ويشوفه من كل الجهات اخاف اكو شعره عوجه ووره مايتأكد انه شعره اخذ قالب
يوصل للريحه(يعني عطر) ويرش نص الشيشه عله هدومه ...ويلقي نظره اخيره عله شكله ويبتسم بارتياح ويكول لروحه:
( صدقه لألله طالع تخبل اليوم)
هسه: وره ميلبس البوتين (طبعا بله جواريب لان التك ضايع..طبعا ماكو كاظم ولا عمرو ديغني لان
مكتفي اخونا بصوت المولده مال الجيران) يروح عدل وكبل للمرايه لا عبالكم ديتهندم مثل قبل... لا يابه لا وين اكو؟؟
يروح للمرايه حته يباوع عله روحه ويكول:
( اويلي الله .... متكوليلي يا يوم ليش جبتيني للدنيه؟؟)
قبل: وره ميكمل لبسه ويطلع توب كلوب ياخذ السويج مال سيارته وهو ديغني وريحته تعطعط يرطب
ويروح للكليه
هسه: يطلع يوكف براس الفرع (ليش مو اباب البيت؟؟؟ ... لان الفرع مسدود ومتفوت بي سيارات) المهم ..
يوكف ينتظر صديقه بلكي لكه بانزين(بايت يومين بسره البنزين)وياخذه ويروحون يلمون الولد ويوصلون للكليه
قبل: يوصل للكليه وهو متفائل ومتونس وشبعان (طبعا اكل كيمر) وجيبه مليان بمصروفه اللي رح يصرفه ويه
صاحبته عالبيبسي والغده اكيد من صاج الريف
هسه: يوصل للكليه مخله احد مسبّه وضايج وعصبي وروحه طالعه من الازدحامات اللي خلفتها السيطرات
(لحمايتنا شبيكم؟؟) وجيبه فارغ (لـــــيش؟؟؟ ... لان السياره مال صديقه فردي..... واليوم زوجي) فمنو وكفهم ؟؟؟
عمو الشرطي وحجايه منا وحجايه منا .صفن وكاللهم(يابه الله وياكم ... بس انطوني 30000)لمو من الولد اللي
بالسياره هل الله قاسمه وانطوهه لعمو الشرطي... وخلص المصروف
وصلو للكليه جيبه فارغ لاعنده فلوس استنساخ ولافلوس باكله بالدهن حته يتريك...
قبل: يطب للمحاضره تبريد معلوك ويكعد يم القلب مالته ويسولفون بحب وود لح مييجي الاستاذ.... ينطيهم الماده
ويفهمهم ويسألو ويجاوب وينطيهم ملازم مهمه ومرشحات ويكوللهم بالخير بحنية الوالد(اللي يحتاج منكم شي ييجي عليه
باي وقت) طبعا كتابه الاستاذ واضحه ومفهومه بحيث ينقل الطالب وهو مرتاح نفسيا.. تخلص المحاضره والكل مرتاح
ومستفاد
هسه: اول ميطب يروح للقاعه ماكو تبريد لان كهرباء طافيه فيكعد يم فد واحد طالعه روحه مثله
(ميكعد يم القلب لان مزاعلين ليش مخابر البارحه.. (المسكين يدك والشبكه عاويه تاخذ من الرصيد وميحصل
بس تعال جيب اليصدك)) .. وينتظرو الاستاذ ييجي بينما هم ينتظرون(طبعا سوالف وجكاير وجكاره تطك جكاره
....... وخلص الباكيت وكلشي مستفاد غير بس قصّر عمره)... وأجه الاستاذ(ليـــــــــــــش؟؟.. الطريق مسدود)
فتأجلت المحاضره عله باجر(اهووووووووووووو).. طلعو الكل ضايج ولعبانه نفسه من الدنيا ومحد استفاد...
وبعد وبعد وبعد........ شحجي؟؟؟ شكول؟؟؟؟ ................المهم .............منكدر نلوم احد
بس نكول....................... الله يسهلها علينا
وبينما يغسل تكون الوالده محضرتله الريوك
هسه: الشاب يكعد الصبح (هذا اذا نام من الحر!!) يروح عدل وكبل لسره البانزين لو ميحصل لو ميحصل
يرجع للبيت وروحه طالعه وماعنده نفس يتريك .. وحته لو بقتله نفس ياكل المسكين.. فماكو احد يسوسله ريوك لان
الوالده سافرت وهو بايت وحده بالبيت
قبل: يخلص الريوك ويروح للغرفه ديبدل يوكف يصفن حته يشوف شنو الاحله (هذا البارحه لبسه يلبس غيره
اليوم وهذا شويه وسخ وهذاك ميرهم ويه البنطرون البيج...الخ) بعديـــــــــــــــــن يطلع من الكنتور قميصه السمائي
المكوي ويه البنطرون القماش النيلي المكوي (طبعا عمي اكو كهرباء) ويلبسهم
هسه: يطب للغرفه بعدما طلعت روحه من سره البانزين والازدحامات (ادري هلكد ازدحام!!منينلكم هلكد
بانزين؟؟!!) ... المهم..... يفتح الكنتور يطلع اي قميص(ممكوي لان ماكو كهرباء) او اي تيشيرت كباله ويلبسه ويه
الجينز الكاحد ويلبس البوتين ويفضها(هيه مال اناقه بهالزلك!!)
قبل: وره مايتهندم ويتشيك وهوه ديسمع كاسيت لكاظم الساهر لو عمرو ذياب بالمسجل .. يتوجه للمرايه بكل حيويه
ويحط الجل ويمشط ويرتب شعره ويشوفه من كل الجهات اخاف اكو شعره عوجه ووره مايتأكد انه شعره اخذ قالب
يوصل للريحه(يعني عطر) ويرش نص الشيشه عله هدومه ...ويلقي نظره اخيره عله شكله ويبتسم بارتياح ويكول لروحه:
( صدقه لألله طالع تخبل اليوم)
هسه: وره ميلبس البوتين (طبعا بله جواريب لان التك ضايع..طبعا ماكو كاظم ولا عمرو ديغني لان
مكتفي اخونا بصوت المولده مال الجيران) يروح عدل وكبل للمرايه لا عبالكم ديتهندم مثل قبل... لا يابه لا وين اكو؟؟
يروح للمرايه حته يباوع عله روحه ويكول:
( اويلي الله .... متكوليلي يا يوم ليش جبتيني للدنيه؟؟)
قبل: وره ميكمل لبسه ويطلع توب كلوب ياخذ السويج مال سيارته وهو ديغني وريحته تعطعط يرطب
ويروح للكليه
هسه: يطلع يوكف براس الفرع (ليش مو اباب البيت؟؟؟ ... لان الفرع مسدود ومتفوت بي سيارات) المهم ..
يوكف ينتظر صديقه بلكي لكه بانزين(بايت يومين بسره البنزين)وياخذه ويروحون يلمون الولد ويوصلون للكليه
قبل: يوصل للكليه وهو متفائل ومتونس وشبعان (طبعا اكل كيمر) وجيبه مليان بمصروفه اللي رح يصرفه ويه
صاحبته عالبيبسي والغده اكيد من صاج الريف
هسه: يوصل للكليه مخله احد مسبّه وضايج وعصبي وروحه طالعه من الازدحامات اللي خلفتها السيطرات
(لحمايتنا شبيكم؟؟) وجيبه فارغ (لـــــيش؟؟؟ ... لان السياره مال صديقه فردي..... واليوم زوجي) فمنو وكفهم ؟؟؟
عمو الشرطي وحجايه منا وحجايه منا .صفن وكاللهم(يابه الله وياكم ... بس انطوني 30000)لمو من الولد اللي
بالسياره هل الله قاسمه وانطوهه لعمو الشرطي... وخلص المصروف
وصلو للكليه جيبه فارغ لاعنده فلوس استنساخ ولافلوس باكله بالدهن حته يتريك...
قبل: يطب للمحاضره تبريد معلوك ويكعد يم القلب مالته ويسولفون بحب وود لح مييجي الاستاذ.... ينطيهم الماده
ويفهمهم ويسألو ويجاوب وينطيهم ملازم مهمه ومرشحات ويكوللهم بالخير بحنية الوالد(اللي يحتاج منكم شي ييجي عليه
باي وقت) طبعا كتابه الاستاذ واضحه ومفهومه بحيث ينقل الطالب وهو مرتاح نفسيا.. تخلص المحاضره والكل مرتاح
ومستفاد
هسه: اول ميطب يروح للقاعه ماكو تبريد لان كهرباء طافيه فيكعد يم فد واحد طالعه روحه مثله
(ميكعد يم القلب لان مزاعلين ليش مخابر البارحه.. (المسكين يدك والشبكه عاويه تاخذ من الرصيد وميحصل
بس تعال جيب اليصدك)) .. وينتظرو الاستاذ ييجي بينما هم ينتظرون(طبعا سوالف وجكاير وجكاره تطك جكاره
....... وخلص الباكيت وكلشي مستفاد غير بس قصّر عمره)... وأجه الاستاذ(ليـــــــــــــش؟؟.. الطريق مسدود)
فتأجلت المحاضره عله باجر(اهووووووووووووو).. طلعو الكل ضايج ولعبانه نفسه من الدنيا ومحد استفاد...
وبعد وبعد وبعد........ شحجي؟؟؟ شكول؟؟؟؟ ................المهم .............منكدر نلوم احد
بس نكول....................... الله يسهلها علينا