الشهر الفضيل رمضان والغربه ...

[rose of iraq]

http://img518.imageshack.us/img518/7531/30832613nj5.gif

احببت في موضوعي اليوم ان اتكلم عن الشهر الفضيل رمضان بعض الشيء واسال عن مايجول في خاطري بعض الاسئله التي ترتبط بالغربه والشهر الفضيل ...
اما عن الشهر الفضيل في بداية حديثي اهنئكم لقدوم شهر الخير والبركه ادامه الله علينا ياليمن والصحه والمغفره بحق محمد وال محمد (ص) عليهم اجمعين .
رمضان ماعلاقته بالغربه كنا نلتف على المائده مع اهالينا لنذكر كلمات الصيام الهم لك صمت وعلى رزقك افطرت...الخ والاب يدعو بالخير لنا مع الله عز وجل والام تدعو بالمغفره ونرى الاهل والاقارب يتزاورون في مابينهم وهذا يجلب الحلويات وتلك تصنع الفطائر وعند سماع مدفع الافطار يهم الجميع الى اخذ ما انعم الله علينا من خيراته ونسمع ذاك يتكلم وهذا يقول وتلك تدعو والاخر يسمع دعائها وووووووووو حديث طويل لكننا اليوم في غربتنا هذه من لنا غير الله انيس من يشاركنا فرحة الافطار من يسمعنا دعاء الافطار من يتزاور معنا من ومن ومن لا اريد ان اقلب المواجع لكن في كل بلد يوجد طبائع للشهر الفضيل في اوربا وفي البلاد العربيه وفي كل مكان ترى الناس تعودوا على طبائع الشهر الفضيل وصاغو صياغة ساروا عليها كي يستغفرو الله في هذا الشهر الكريم .
احببت ان اسالكم
1-ماذا يمثل لكم رمضان في الغربه .
2-كيف تقضونه في غربتكم .
3-مالفرق بين رمضان العراق ورمضان الغربه من وجهة نضركم .
4-ماذا تبعثون لاهاليكم من ارض الغربه الى ارض الوطن بمناسبة حلول رمضان .
واخيرا قدموا دعواكم لكل الاعضاء بما يجول في خاطركم بمناسبة حلول الشهر الكريم حتى تدوم المحبه ويبقى الخير يعم على الجميع ببركة الدعاء وببركة الصلاة على محمد وال محمد .
http://img518.imageshack.us/img518/2193/94458614dp6.gif

[rose of iraq]

طبعا بما انو اني صاحبة الموضوع فاجاوب اول وحدة

1-ماذا يمثل لكم رمضان في الغربه .
والله انو هذا اول رمضان الي بالغربة ومحسيت بانة اكو رمضان لان كنا كل رمضان نجتمع اني واهلي وبيت جدو وصديقاتي مرات وبنات عمتي حييييييييييييل جنا ونسة والله العظيم::38::::38::
2-كيف تقضونه في غربتكم .
والله عادي ككل الايام بس الشي الي يفترق انو ننجمع كلنا على الفطور ::2::
3-مالفرق بين رمضان العراق ورمضان الغربه من وجهة نضركم .
الله رمضان بغداد كل الخير والفرح اقلها يمي اهلي وجوارينة وبيت جدو وصديقاتي اما هنا بالغربة بس اني واهلي وقليلين وماكو اي احد ::38::::38::::38::
4-ماذا تبعثون لاهاليكم من ارض الغربه الى ارض الوطن بمناسبة حلول رمضان .
اكوللهم كل عام وانتو بالف الف خير وان شاء الله سنة الخ احنا يمكم ونفطر سوية وكعاتنا وضحكاتنا سوية امين ياربي تفرج متبقى هيج

[ابو نؤاس]

1-ماذا يمثل لكم رمضان في الغربه .
مابي طعم
2-كيف تقضونه في غربتكم .
نجر حسرات على العراق
3-مالفرق بين رمضان العراق ورمضان الغربه من وجهة نضركم .
ماكو اي مجال للمقارنه
4-ماذا تبعثون لاهاليكم من ارض الغربه الى ارض الوطن بمناسبة حلول رمضان .
دعوه صادقه الى انه الله يحفظهم وينجيهم




تحياتي الج ويسلمووووووووووووو على الموضوع المميز

[مصطفى العبيـدي]

1-ماذا يمثل لكم رمضان في الغربه .
رمضان بلا عراق كروح انقطع نفسها يا روزه ...
2-كيف تقضونه في غربتكم .
والله عادي ويه الاهل الفطور والسحور مرات ويه جماعتي
وصلاة وتراويح وكهاوي باليل ههههههه هاهيه
3-مالفرق بين رمضان العراق ورمضان الغربه من وجهة نضركم .
دمي بلا عزم داعيش والله
4-ماذا تبعثون لاهاليكم من ارض الغربه الى ارض الوطن بمناسبة حلول رمضان
دموع انهت حياتنا يا روز

[ليث القيسي]

::57::::57::يسلموووووووووووووووووووو عل الموضوع الحلووووو عاشت الايادي::57::::57::

1-ماذا يمثل لكم رمضان في الغربه .
ولله رمضان بليا العراق مو رمضان هذا تالي عمرنه نصومه رمضان بمصر الكشره::12:: حسبي الله والنعم والوكيل عل كل واحد اذى العراق وخلانه نتغرب.
2-كيف تقضونه في غربتكم .
ولله مكضينه شي عادي ورى التراويح نطلع للكهوه ونعلب محيبس ويوميه خسرانين::29::معلش معلش
3-مالفرق بين رمضان العراق ورمضان الغربه من وجهة نضركم .
ماعندي تعليق

4-ماذا تبعثون لاهاليكم من ارض الغربه الى ارض الوطن
بمناسبة حلول رمضان

::29::::29::::29::اكولهم الله يحفطكم ان شاء الله من هل الوضع الي انتو بيه وان شاء الله تفرج عليكم ماكو شي يبقى عل حاله

[ذكريات متغرب]

1-ماذا يمثل لكم رمضان في الغربه .
قهر وعذاب وضوجه ... شنو بعد... وكلشي مكروه
2-كيف تقضونه في غربتكم .
بل محل للنت افطر بل انترنت لو شاورمه لو بيتزه صالي اربع ايام .....
3-مالفرق بين رمضان العراق ورمضان الغربه من وجهة نضركم .

والله انا صار رابع رمضان خارج العراق ..تعودت

4-ماذا تبعثون لاهاليكم من ارض الغربه الى ارض الوطن بمناسبة حلول رمضان ..


يارب انشالله رمضان كريم عليكم الكول ..ونشالله يحفضكم ربي بجاه الشهر الفضيل


تحياتي موضوع رائع
شكر
تحياتي

[rose of iraq]

مشكوريــــــــــــــن كلكم على مروركم وردودكم الحلوة
يلة ان شاء الله سنة الخ احنا بغداد ونفطر سوية ::43::::43::::ok::
اميــــــــــــــــن يارب العالمين

[Enrique]

وعليكم السلام ورحمة الله وبركاته

بالبدية شكراً اختي rose of iraq على هذا الموضوع .. ورمضان مبارك عليكم ..

والله يعينكم على صيامة وقيامة ..

1-ماذا يمثل لكم رمضان في الغربه .

آني هذا رمضان الثاني الي خارج العراق ..

محاس انو هذا الشهر هو رمضان .. و مو مثل رمضان بالعراق

الة طعم خاص . ،

2-كيف تقضونه في غربتكم .

ماكو محيبس ::2:: .. وكل النهار بالبيت على دجلة نت . ،

3-مالفرق بين رمضان العراق ورمضان الغربه من وجهة نضركم . بالعراق نلتم كلنة ورة كل فطور .. وعزايم .. ومواعين من جار لجار ..

وحتى الأذان احلى بالعراق .. ،

بالغربة ضوجة .. يعني افرح بس لان شربت گلاس الماي ::43::.. وهذولة جيرانة ..

يجيبولنة اكل مرات وقت الفطور بس شلون اكل ههههههه ما اشتهي كلشي منه . ،

4-ماذا تبعثون لاهاليكم من ارض الغربه الى ارض الوطن بمناسبة حلول رمضان .. أول شي رمضان كريم على كل عراقي مسلم .. ،

ترة آني مناسيكم وكل يوم على بالي ..

والله يصبرهم على الي ديصير بالعراق .. وياربي نرجع وترجع لمتنة مثل قبل ..

آميــــــــن ::27:: . ،


اطيب الأماني .

[rose of iraq]

مشــــــــــــكور خيوو Enrique على مرورك وان شاء الله رمضان الثالث ببغداد امين ياربي

[ذكريات متغرب]

انتي الي عاشت ايدك عل موضوع .............


وربي يوفقك ..........ز ولو انا بعد ماريد ارجع ...............


تحياتي

[rose of iraq]

انتي الي عاشت ايدك عل موضوع .............


وربي يوفقك ..........ز ولو انا بعد ماريد ارجع ...............


تحياتي


مشكور خيوو على كلامك وربي ميحرمنا منكم ::57::