وين بيان جبهة التوافق الي يدين اغتيال ابو ريشه ؟

[JuStiCe]

السلام عليكم ...


بعد اغتيال الشهيد البطل ستار ابو ريشه مثال الرجل العربي الاصيل والشهم الشجاع ... شفنا عدة استنكارات وبيانات شجبت هذا العمل الجبان ...

خصوصا على قناة العرقيه في الاخبار قبل يومين ظهروا الجميع واستنكروا العمل

من الحكومه الى جماعه الاتحاد الكردستاني الى جماعة الائتلاف الى جماعة الكردستاني الى القوات الامريكيه


لكن وين بيان جبهة التوافق ؟ ........... اين بيان استنكار حارث الضاري ؟

[::: I R A Q I 4 E V E R :::]

كلش سهلة هسة ادليك
روح لقناة بغداد وتلكة كلشي كدامك
باااي

[JuStiCe]

زين وحارث الضاري ؟

[والترسوليفان]

ليش تريد حارث الضار يستنكر اغتيال ابو ريشة ؟؟!!
اكو واحد يقتل القتيل ويمشي بجنازته ..
ليش هوه اكو واحد طرد حارث الضار وامثاله من الأنبار غير ابو ريشة واهل العشائر الشرفاء ؟؟

وبالنسبة لجبهة التوافق فأعتقد انه اصدرت بيان ، والحجي بيناتنه حتى اذا اصدرت بيان فهو مو من كلبهم
لأن الشهيد ابو ريشه هواي فشل مخططات جانوا اكو اعضاء من التوافق متورطين بيها ...

[JuStiCe]

ليش تريد حارث الضار يستنكر اغتيال ابو ريشة ؟؟!!
اكو واحد يقتل القتيل ويمشي بجنازته ..
ليش هوه اكو واحد طرد حارث الضار وامثاله من الأنبار غير ابو ريشة واهل العشائر الشرفاء ؟؟

وبالنسبة لجبهة التوافق فأعتقد انه اصدرت بيان ، والحجي بيناتنه حتى اذا اصدرت بيان فهو مو من كلبهم
لأن الشهيد ابو ريشه هواي فشل مخططات جانوا اكو اعضاء من التوافق متورطين بيها ...



اخي الحقيقه اني ما سمعت بيان التوافق وهسه عرفت منكم انه اصدروا بيان

بس الشيخ حارث الضاري ما اتصور اصدر بيان ...... ميثير عدكم هالشي بعض الشكوك !!!!

[عيوني ملاك]

السلام عليكم

اخي انته هم فد يوم شفت الي يكتل يصدر بيان بس اني اكلك يغلس اي صحيح فالجماعة مغلسين لان اكيد افتهمت شنو قصدي

[العٌمــــــــده]

مو شرط الضاري او غيره المهم اكو تحقيق بالموضوع مو يطبطب على مثل الي قبله من الاغيالات ..

[أبو الأنــــوار]

راجع مواقعهم الالكترونية راح تلكة اللي تريدة من سؤالك وتحياتي ::57::

[العٌمــــــــده]

راجع مواقعهم الالكترونية راح تلكة اللي تريدة من سؤالك وتحياتي ::57::
صحيح كلامك اخي يعرفون هاي السوالف مال مواقعهم الالكترونيه ليش مو صعبه هاي. واكو بيان بهل الخصوص لكن هذااسميه تغليس من طرفهم.. للاسباب نفسيه وتهويل الامور

[القسام]

اخوية مع الاسف انت تناشد من لا حياء عنده هؤلاء التوافق ابن ابيه كل واحد بديرة ( مطشرين بين الدول التكفيرية ) بيانهم لايقدم ولايؤخر واما بخصوص الضار فهو شيخ الغدر وله يد بما حصل وستكشف الايام ذلك ..
لذلك الضار لا يستنكر لانه هو الفاعل واتباعه من الخنازير التكفيرية ..!
تحياتي لك ..

[S.A.R.S]

ليش تريد حارث الضار يستنكر اغتيال ابو ريشة ؟؟!!
اكو واحد يقتل القتيل ويمشي بجنازته ..
ليش هوه اكو واحد طرد حارث الضار وامثاله من الأنبار غير ابو ريشة واهل العشائر الشرفاء

::ok::::ok::::ok::::ok::

[JuStiCe]

يعني خلاصة الحجي ماكو واحد يكتل ويكول اني كتلت مو صحيح

شكرا للجميع وعجبني تعليق الاخ القسام ....... الضار ::50::

[مهندس راقي]

اخي العزيز الاستنكار لا يفيد لانه كلام فقط لا ياخر ولا يزيد

نحن نريد افعال لا اقوال لان الحجي مو بفلوس والاستنكار مو بفلوس

نريد نعرف الحكومة شراح تعمل على وضوع الاغتيال...........؟؟؟؟

[JuStiCe]

اخي العزيز الاستنكار لا يفيد لانه كلام فقط لا ياخر ولا يزيد

نحن نريد افعال لا اقوال لان الحجي مو بفلوس والاستنكار مو بفلوس

نريد نعرف الحكومة شراح تعمل على وضوع الاغتيال...........؟؟؟؟

والله اني وياك .. المفروض نشوف فعل

المفروض الحكومه تطالب الانتربول انه يسلموها الضاري لان واضحه الشغله تماما

[مهندس راقي]

والله اني وياك .. المفروض نشوف فعل

المفروض الحكومه تطالب الانتربول انه يسلموها الضاري لان واضحه الشغله تماما

لا عمي لا الحجي موهيج..........كبل جيب الضاري ومدري شنو

كلامك هذا مال واحد يركض ورا الاعلام وبس

لان ما خفيه كان اعظم

[veto]

اخوان الكلام بهل الاسلوب فاشل بدوون ادله واليوم اكدت القاعده عن تبنيها العمليه ثاني شي شنو بيان وشنو بيانات مو شبعنه من الكلام الهوائي ومال فضائيات يذكرنه بكلام االساسه العراقيين الي خابصينه بالكلام الفارغ هسه مودنظحك على حكام العرب على شجبهم واستنكاراتهم الى ما ضاعت فلسطين تريد اصيروون مثلهم صيروا واقعيين مو كل واحد يضووج من التوافق كبل دبله احجايه وخبصه الدنيا خبص (كل عزه لطامه) يا ستييف..

[JuStiCe]

اخوان الكلام بهل الاسلوب فاشل بدوون ادله واليوم اكدت القاعده عن تبنيها العمليه ثاني شي شنو بيان وشنو بيانات مو شبعنه من الكلام الهوائي ومال فضائيات يذكرنه بكلام االساسه العراقيين الي خابصينه بالكلام الفارغ هسه مودنظحك على حكام العرب على شجبهم واستنكاراتهم الى ما ضاعت فلسطين تريد اصيروون مثلهم صيروا واقعيين مو كل واحد يضووج من التوافق كبل دبله احجايه وخبصه الدنيا خبص (كل عزه لطامه) يا ستييف..

الاستنكار صحيح ميفيد شي لكن هو تعبير سياسي عن رفض شي معين

زين انطيكم فكرة جديدة

ليش ما نكول الضاري ما يستنكر حتى لا يزعلون عليه جماعه القاعدة !!