ميهمّة الأسد لو دغدغه الفار ..!! إلى الشهيد السعيد " ستار ابو ريشة "

[سجّاد البصراوي]

http://www2.0zz0.com/2007/09/13/16/18921808.jpg (http://www2.0zz0.com/2007/09/13/16/18921808.jpg)

عمت عين الغدر چي غمد طاريك
وعمت عينچ يدينا خذيتي ستّار

زين وسبع فارس حيد ما خاف
گال اليوم اسوّي الماو مگـوار

طاريك اعتلى يابو البطولات
وبثوب الأرهابي اتلزّگ العار

اخو اخيتَك شهم واعليك صولاتْ
صفة اسمك غضب للقاعدة ونار

واحتارت بشخصه وگالت شلون ..!
اصبحت للناصبيّة اليوم صگار

سلاماً يا بو ريشة اعليك يا حيد
يالصرت ابلضلع لرهابي بسمار

وبخنجر غدر حط بيك طعنات
وميهمّة الأسد لو دغدغه الفار .

وتبقة انتَ علم وترف على الروس
وتبقة إنت درس بعيون ثوّار



تحيآآتي

سجّآد البَصرآوي

[Mus6afa]

ــــــــــــ
.
رحِمَكَ اللهُ يـآ أسد الانبـآر ..

كفيّت ووفّيت ..
أنقـذتَ آلاف .


أسكنكَ الله فسيـــح جنّـاته .



سجّـآد
كلمـآت مؤثـرهـ .


جعلـهآ فـي ميـزآن حسنــاتكـ ~

[سجّاد البصراوي]

مروركْ اسعدني من هُنا عزيزي مصطفى ..
والبقاء بحياتكم .. وان شاء الله الرمادي كلها زلم يروح اسد
يجون 100 بمكانه ...


تحياتي لَكْ ..

[ضايج من الغربة]

تحياتي لك اخي سجاد

[mohammed alsemawee]

وروح ابويه انقهرت قهره ما صايره بحياتي ...
اني ما انسه من اخويه انطرد من سوريا وذوبوا الحدود العراقيه لو ما جماعة البطل الشهيد ابو ريشه جان انكتل اخويه , والله اجه وبالبر ويكول الطريق امن وابو ريشه علم هناك .
الله يرحمك وهو معروف الزين ما يبقه بالهالدنيه .
اما انته يا سجاد فانت بارع وحقيقة ابو ريشه يستاهل اكثر من هاي ..

محمد حبيب السماوي

[mohammed alsemawee]

حبي سجاد نسيت اكلك اني راح احاول انشره هذه القصيده في صوت العراق ولا اتخاف باسمك



محمد حبيب السماوي

[سجّاد البصراوي]

الف شكر احبابي للمرور العطر ..
فليرحم الله شهيدنا البطل ..
ويسكنهُ فسيح جناته ..

عزيزي محمّد .. شُكراً لَك .. ولكْ الإذن .

[nono]

رحمك الله يااسد العراق والى الجنة ان اشاء الله

وفيت واكتفيت سجاد
دوما مبدع بكل ماتكتبه
كلمات جميلة جدا بحق الشيخ عبد الستار ابو ريشة

[سجّاد البصراوي]

رحمك الله يااسد العراق والى الجنة ان اشاء الله

وفيت واكتفيت سجاد
دوما مبدع بكل ماتكتبه
كلمات جميلة جدا بحق الشيخ عبد الستار ابو ريشة


شُكراً لمروركِ اختي العزيزة ..
نورتِ ..

[سيف المهاجر]

الف رحمة على روحك

وانشاء الله في الجنة مثل هيج بطل وشهيد

مشكورررررررررر حبي سجاد قصيدة مؤلمة

تحياتي

[سجّاد البصراوي]

الف رحمة على روحك

وانشاء الله في الجنة مثل هيج بطل وشهيد

مشكورررررررررر حبي سجاد قصيدة مؤلمة

تحياتي


لجـنان الخُلدِ إن شاء الله ..
منوّر بمروركـ سيـّوفـي ..

[mohammed alsemawee]

ها حبي سجاااااااااااد

هاي انشرت القصيده البارحه باسمك بصوت العراق وهذا الرابط حته اشوفه
http://www.sotaliraq.com/

محمد حبيب السماوي

[tatoo]

الله عليك اخويه قصيدة رائعه لشخص رائع ... تحياتي الك وتقبل مروري

[أشوفك حلم]

رحمك الله ياشهيد رمضان
واسكنك فسيح جناته
مشكورحبي سجاد وماقصرت

[عاشقة دجلة / المسسبي]

تدري اني معرفتة و مسمعت باسمه الة لمن استشهد ؟

يا خسارة ..

الله يرحمه .. و يكثرلنة من امثاله

شكرا سجودي عل قصيدة الحلوة

[أشوفك حلم]

تدري اني معرفتة و مسمعت باسمه الة لمن استشهد ؟

يا خسارة ..

الله يرحمه .. و يكثرلنة من امثاله

شكرا سجودي عل قصيدة الحلوة
::8::::8::::8::
شنووووووووووووووووووو
الطخ روحي بالگاع
صار له سنة نظف الانبار كلها
وهسة يالله عرفتي
::45::::45::

[عاشقة دجلة / المسسبي]

اي صدك هسة يللة .. مو آني ماسمع اخبار ابد ..

جان اخوية يكول فد واحد هيجي طيح حظ القاعدة هيجي هيجي هيجي .. مجنت انتبه عل اسم .. بس هسة لمن استشهد و عل يا قناة ينكلب التلفزيون يحجون علة ابو ريشة يللة سمعت بي

[كاظم الجروح]

رحمك الله يا ستار
واسكنك فسيح جناته
وسيبقى اسمك محفورا على جدران قلوبنا ..

شكرا حبيبي الغالي سجاد
على هذه المرثية الجميلة

تقبل مروري

[سجّاد البصراوي]

أحبتي ..
انرتم صفحتي المتواضعة بحضوركم القيّم
هُنا ..

فليرحم الله هذا الشهيد السعيد
وكُل شهداء العراق .. ولسكنهم فسيح جناته إله الحق آمين ..

إحترامي للجميع ..
أخيكم الأزغر ..

سَجّآد

[احساس رسامة]

رحمكَ الله ياأسد العراق وشهيد الأمة

بعون الله يرجع العراق ويرجع الشعب مثلَ ماكان وأحسن

ونشكركَ يا اخي العزيز ستار على هذهِ المُبادرةَ الشريفةولكونك عراقي وأصيل بادرت بهذهِ المبُادرةَ

الله يرحم جميع شُهداء العراق ويسكنهُم جنات الفردوس امين يارب العالميين

تحياتي لحضرتك.

[صهيب السامر]

صح لسانك سجاد ومايهتم الاسد لو دغدغه الفار ...

حياك الله اخوي ومشتاقلك والله..

رحم الله البطل ابو ريشه..

تقبل مروري اخوك صهيب السامر

[سجّاد البصراوي]

رحمكَ الله ياأسد العراق وشهيد الأمة

بعون الله يرجع العراق ويرجع الشعب مثلَ ماكان وأحسن

ونشكركَ يا اخي العزيز ستار على هذهِ المُبادرةَ الشريفةولكونك عراقي وأصيل بادرت بهذهِ المبُادرةَ

الله يرحم جميع شُهداء العراق ويسكنهُم جنات الفردوس امين يارب العالميين

تحياتي لحضرتك.


شكرا الج اختي العزيزة لمروركِ العطر
وليسكن الله جميع شهدائنا جنان الخلد ... تحياتي لكِ

[سجّاد البصراوي]

صح لسانك سجاد ومايهتم الاسد لو دغدغه الفار ...

حياك الله اخوي ومشتاقلك والله..

رحم الله البطل ابو ريشه..

تقبل مروري اخوك صهيب السامر


حبيبي الغالي صهيب ..
منور يا غالي بمرورك العطر .. وحي الله من كال
واني المشتاقلك اكثر حبي ..

تحيآآتي لك