تسمونه النظام المقبور .. ولستم بأفضل حال منه

[العٌمــــــــده]

مضى صدام ونظامه وانقضى واندثر ولن يعود .. ولن يقدم الكلام عنه في شيئ ولن يؤخر .. دكتاتورا كان .. طاغية وظالم .. وهل يستقيم العراق من دون طاغية ظالم .. لست بصدد تمجيد صدام فذلك لايفعله عاقل ولكني كعراقي اعرف ما جرى في عهده وما يجري الآن .. وسأبتعد عن السياسة فليس لي فيها مأرب مع اني على يقين ان صداما فعل ما سيفعله اي رئيس عربي في مكانه لو اراد احد هدم نظامه.. او رفع السلاح في وجهه ليقتله .. والاحداث معروفة .. ولكني كرجل علم اعرف ان كل الذي بناه صدام في سنين .. بخيره دون شره .. هدمه ويهدمه رجال هذا العهد .. دفع النظام (المقبور) العراق الى امام رغم كل العيوب والاخفاقات بينما يجره سادة اليوم الى الخلف بكل قوة .. مابين الاعوام 1973 و 1976 اعلنت في الجرائد الرسمية آلاف البعثات الدراسية في التخصصات العلمية المختلفة .. ارسل المبتعثون الى دول اوربا الغربية وامريكا .. وأوكد لكم بثقة عالية لاني عشت ذلك العهد ان نسبة البعثيين الذين حصلوا على مقاعد في تلك البعثات لايتجاوز العشرات .. وأوكد لكم ان 95 % من تلك البعثات التي كانت من نصيب جامعة البصرة على سبيل المثال حصل عليها الشيعة وليس السنة .. لانه وبكل بساطة لم يكن احد ينظر للشخص هل شيعي هو ام سني .. وحتى في الثمانينيات عندما كان اوار الحرب مع ايران في اشده ابتعث الكثير من الشيعة الى اوربا لدراسة الدكتوراه والشهود على ذلك في جامعة البصرة كثيرون .. اكثر من 90% من اولئك المبتعثين عادوا الى العراق بشهادات وخبرات مرموقة .. اطباء اختصاصيون من الصف الاول .. اساتذة جامعات اكتسبوا مهارات وخبرات علمية غربية رفدوا بها الجامعات العراقية بمستوى مرموق .. طفرة علمية بارزة شهدها العراق بطريقة لم تعرفها دولة نامية أخرى .. ولعل هذا ما حدا بجاك شيراك ان يقول عن صدام الفاني (هذا الرجل يثير اعجابنا) .. في ذلك الوقت واقصد به السبعينيات من القرن الماضي كان الطالب العراقي في الغرب مرفوع الرأس .. شديد الهمة .. ينجز دراسته بوقت مثالي ليعود ملهوفا الى بلده .. كان ذلك في زمان النظام المقبور قبل ان يلتف على العراق حبل الاحزاب الدينية التي ارادت ان تخنقه كما تفعل اليوم .. وقبل ان تكشر ايران عن انيابها لكي تنثر السرطان في اوصاله.. أيران وليس غيرها سبب البلاء الذي حل بالعراق لاحقا .. بسبب طمع ايران بالعراق تحول صدام من رئيس مغرور الى طاغية متهور. لقد اندثر النظام المقبور الآن وحلت علينا الحرية والديموقراطية .. صار في جيوبنا هواتف خلوية وفي بيوتنا خطوط انترنت .. ولكن ماذا جنينا وماذا سنجني بعد عشرة أعوام مثلا غير الخراب والدمار واستفحال الافكار البالية واللطم على الصدور .. اين هم اولئك العلماء والاطباء الذين اعدهم النظام المقبور .. هل اعتبرهم رجال العهد الجديد ثروة وطنية يجب مداراتها والاعتناء بها ام اهدروا دمهم .. نعم رجال هذا العهد اعملوا فيهم القتل والابتزاز حتى فروا .. معظمهم اليوم في الجامعات الاجنبية المرموقة يعملون في احترام وامان لم يوفرهما لهم وطنهم . فماذا بقي خلفهم .. انظروا ايها السادة الى جامعاتنا .. تخلف مابعده تخلف .. شهادات مزورة ومستوى تعليم بائس.. غش في الامتحانات واستفحال المليشيات لفعل ما يريدون .. اساتذة (والاستثاء قليل) يحملون درجة البروفسور وهم لم ينشروا بمفردهم بحثا واحدا لااكثر في دورية عالمية يؤهلهم الى الترقي لهذه المرتبة الرفيعة .. والانكى من ذلك ان ثقافة اغلبهم لطمية .. اقولها بوجع شديد .. اغلب المتعلمين الذين يعتد بهم رحلوا او (قتلوا) وما بقي لاينفض عنه الغبار. هذا كلام سيغيض العديدين ولكن الحقيقة مؤلمة .. عندما تسود في الجامعات (ثقافة اللطم) فلن تعود تلك جامعات .. عندما يلوي الاستاذ المنهج لكي يتماشى مع الموجة الدينية فذلك ليس استاذا وليس هذا منهجا .. عندما يأتي معمم جاهل الى كلية علمية لكي يلقي محاضرة عن (الثقافة الحسينية) او عن فضائل المراجع الدينية في تسيير حياتنا فتلك ليست جامعة بل حسينية واسعة .. والحديث هنا عن جامعتنا والله اعلم ما يجري في جامعات اخرى .. عندما تتوقف الدراسة لان إماما مرت الذكرى الالف لميلاده او وفاته وهم كثر فتلك ليست دار علم. ما كان يفعله سيئ الصيت الاتحاد الوطني للطلاب لايعد شيئا بالقياس لما يلاقيه الطلاب اليوم .. فأولئك لم يجبروا مسيحية ان ترتدي حجابا .. ولا طالبا ن تكون نغمة هاتفه لطمية .. كان كل همهم ان لايتكلم احد بسوء عن الطاغية ..وان لايرفع السلاح بوجه النظام .. نعم لم تكن هناك حرية .. اما اليوم وفي زمن الحرية .. اتحدى كل من يدعي المراجل ان يتفوه بكلمة نقد عن مقتدى في مكان عام .. او ينتقد في تجمع سياسي أو ثقافي او علمي حزب الدعوة او اي حزب ديني من الاحزاب التي انهالت على رؤوس الناس كالتراب .

في زمن صدام لووا عنق التاريخ وكتبوا ما ارادوا .. وقالوا انهم اعادوا كتابة التاريخ .. وهل التاريخ الاّ اداة الاقوياء .. وسيف الطغاة .. كل حاكم على مر الزمان يأمر من يكتب تاريخه بالاسلوب الذي يمجده .. وليس الحكام وحدهم بل حتى المضدهدين يكتبون التاريخ من وجهة نظرهم .. انظر كيف نقرأ التاريخ اليوم . تصوروا ان كل تقدم علمي مر في التاريخ العربي ربطوه بإمام .. علم الفلك والفيزياء كان في عهد الامام فلان .. ازدهرت الرياضيات وتطورت الكيمياء في عهد الامام كذا .. شجع الامام الآخر الترجمة والعلوم .. وهكذا .. اصبح تاريخنا العلمي القديم اليوم تاريخ ائمة .. فجهابذة العلماء لم يكونوا علماء لولا بركة الائمة وتشجيعهم . . هذا ايها السادة منطق التاريخ والعلم اليوم!

انني لاانتقد احدا ولا الوم احدا ومن اكون حتى يحق لي ذلك .. ولكني يعتصرني الالم ويحز في نفسي الاسى على ما وصلنا اليه من هوان وضعة .. يقولون ان العراق يمر في مرحلة تكوّن جديد .. اذا صح هذا اليس من الاولى والبلد يتكون ان يحافظ على خيراته من العلماء والمفكرين كي ينهضوا به ويجبروا عثراته .. ان مانراه هو العكس تماما. تخلف في تخلف .. عوائل دينية تستبيح البلد شر استباحة لتتسلط على الناس من دون مراعاة لاي قيم او دين .

عنما كنت يافعا ما أزال .. مثل غيري في ذلك الزمان .. نتسابق على قراءة الكتب من ادب وعلم .. قرأت قول ابي العلاء بأستغراب شديد :

ولما رأيت الجهل في الناس سائدا تجاهلت حتى قيل أني جاهل

قلت لنفسي كأي شاب مندفع كيف يستطيع عالم ان يفعل ذلك .. أن يرضى لنفسه التظاهر بالجهل حتى يشير اليه الناس بالجاهل .. ولكني اليوم مع آلاف من امثالي الذين يعيشون هذا الواقع المرير و للاسف الشديد نفعل الشئ ذاته .. نعم .. اننا نتجاهل لكي نرضي الجهلاء .. لانهم بكل بساطة قتلة !

[JuStiCe]

تشويه كبير وكلام كله كذب بكذب ودعايات فارغه ومتستحق اصلا واحد يرد عليها

[سماء البصرة]

هاي انت اشقد مقهور من مسألة حكم الشيعة ؟ ماادري هاي كلها جان موجود بايام صدام ؟ نفس صدام حسين ما غيره لو واحد ثاني تتكلم عنه ؟؟ صدام ما جان اكو ارهابيين يفجرون كل شي كدامهم ..بزمن صدام جان العرب كلها واكفة وياه وعلي ظلمه وامريكا هم واكفة وياه ...بايام صدام ماكو شيعي ولا ماكو سني لانه صدام حرص علي انه الدين ما ينتشر بين الشباب ...محد جان يعرف عقيدته محد جان يكدر يتواصل ويه مرجعيته ..
هسه هم مو جنة ..ما راح اكلك هسه العراق جنة ...بس انا ما راح احكم عليها الا بعد ما نفتك من الارهاب ذيج الساعة ما الها حجة بعد تعمر لو ما تعمر. ..

انا ما ادري ليش طبيت اهنا ...انتم ناس يرادلها خلك والله ..

[المتنبي]

مع الأسف هذا هو زمن الجهل والجهله....
أين نحن من العلم ومن التطور؟
كيف كان حال جامعتنا ومستواها عالمياً ...وأين أصبح الآن ؟
مع الأسف صرنا مثل أوربا في القرون الوسطى ؟لا ثقافة غير ثقافة الدين والمسيحيه والكنيسه
أيها الساده لقد قمنا بأستبدال دكتاتوريه سياسيه بأخرى تلبس رداء الدين
هؤلاء الذين يفرضون علينا ثقافة الجهل والتخلف
هؤلاء هم الأنبياء الكاذبون الذين يقرفصون على أكتاف شعوبهم
هؤلاء هم الجهله الذين يتبعهم الغاوون
هؤلاء الذين أمتلأت بطونهم من مال السحت والحرام
أولئك الذين أفتعلوا (مناسباتهم)لتمتليء جيوبهم
أولئك الذين أبكوا السذج وضحكوا عليهم
ولعلي لا أخفيكم بأني أصبحت معجباً بالمقوله الشيوعيه (رغم أختلافي مع فكرها ونهجها):الدين أفيون الشعوب
شكراً لصاحب المقال
تحياتي

[المتنبي]

ولما رأيت الجهل في الناس سائدا تجاهلت حتى قيل أني جاهل

[الحكم الرابع]

ولما رأيت الجهل في الناس سائدا تجاهلت حتى قيل أني جاهل

اسمعت لو ناديت حيا ولكن لاحياة لمن تنادي

[زيزو الناصرية]

تشويه كبير وكلام كله كذب بكذب ودعايات فارغه ومتستحق اصلا واحد يرد عليها

[العٌمــــــــده]

تشويه كبير وكلام كله كذب بكذب ودعايات فارغه ومتستحق اصلا واحد يرد عليها


ضحكتني والله ماادري اسميه منك رده فعل على الموضوع الي رديت عليك بيه هسه اني شجاوبك بالله دسوي يمكن دعايه لنفسك بهالكلام ؟؟؟؟وليش متعرف اترد عليه اكو شي::237::

موضوعي واضح الامور ايام صدام الراح جانت وين وهسه وين اني داحجي على الحال واقع مداجيب من جيباتي اخويه واني مارد عليك لانك ماتستحق رد من ردك ..؟؟

[U E F A]

عاااااااااااااااش العراااااااااااق وفقط العراق

[العٌمــــــــده]

تسلم اخويه نييد فو لووف على مرورك اليوم منور الكهووه

[انا عراقي فقط]

ولايهمك اخ عماد

كلامك صحيح

واكثرهم للحق كارهون

[انا عراقي فقط]

تشويه كبير وكلام كله كذب بكذب ودعايات فارغه ومتستحق اصلا واحد يرد عليها

لابالله

بالله شوفني تشويه واحد من الي انذكر بالقرير

واريد اشوف دعايه وحده كاااااااااااااااااااااااافي

لو الحق يزعل

الموضوع عباره عن مقارنه بين الوضع السابق والوضع الحالي

الموضوع عباره عن مقارنه بين الحكومتين

يعني مديحمد بصدام حسين افتهمت عيني

[انا عراقي فقط]

هاي انت اشقد مقهور من مسألة حكم الشيعة ؟ ماادري هاي كلها جان موجود بايام صدام ؟ نفس صدام حسين ما غيره لو واحد ثاني تتكلم عنه ؟؟ صدام ما جان اكو ارهابيين يفجرون كل شي كدامهم ..بزمن صدام جان العرب كلها واكفة وياه وعلي ظلمه وامريكا هم واكفة وياه ...بايام صدام ماكو شيعي ولا ماكو سني لانه صدام حرص علي انه الدين ما ينتشر بين الشباب ...محد جان يعرف عقيدته محد جان يكدر يتواصل ويه مرجعيته ..
هسه هم مو جنة ..ما راح اكلك هسه العراق جنة ...بس انا ما راح احكم عليها الا بعد ما نفتك من الارهاب ذيج الساعة ما الها حجة بعد تعمر لو ما تعمر. ..

انا ما ادري ليش طبيت اهنا ...انتم ناس يرادلها خلك والله ..

هسه اشجاب حكم الشيعه بالنص اريد افتهم
ليش مجان اكو تواصل بين الشباب والمرجعيات

ليش شنو سد الحوزه الي بالنجف الاشرف

لو سد التكيات

[JuStiCe]

ضحكتني والله ماادري اسميه منك رده فعل على الموضوع الي رديت عليك بيه هسه اني شجاوبك بالله دسوي يمكن دعايه لنفسك بهالكلام ؟؟؟؟وليش متعرف اترد عليه اكو شي::237::

موضوعي واضح الامور ايام صدام الراح جانت وين وهسه وين اني داحجي على الحال واقع مداجيب من جيباتي اخويه واني مارد عليك لانك ماتستحق رد من ردك ..؟؟

اي بس هذا الموضوع انت ناقله واتصور حتى مقاريه كله
واذا جنت قاريه كولي بربك بضميرك .... شكد نسبة الواقع الي بيه ؟
منو جان يكدر بوقت صدام يفتح حلكه ويكول اني شيعي ؟؟ حتى ياخذون من اهله فلوس الطلقه الي عدموه بيها

[JuStiCe]

لابالله

بالله شوفني تشويه واحد من الي انذكر بالقرير

واريد اشوف دعايه وحده كاااااااااااااااااااااااافي

لو الحق يزعل

الموضوع عباره عن مقارنه بين الوضع السابق والوضع الحالي

الموضوع عباره عن مقارنه بين الحكومتين

يعني مديحمد بصدام حسين افتهمت عيني
تشويه ومبالغه وشغلات مفتعله للوضع الحالي + صبغ ايام صدام بلون وردي لا يتناسب معه للاسف ( فلوس الطلقه ) الي ينعدم بيها الشخص من قبل النظام المجرم

اما المقارنه فالمقارنه صعبه جداً

لانه بوكت صدام ماكو مفخخات وماكو ارهاب وماكو زرقاوي وماكو عدنان الدليمي وماكو امريكا

وبارك الله بهاي الحكومه والله مقدمه اشياء لا بأس بيها

[زعيم سياسي]

عماد بارك الله بيك بس لاحظ كالوا صدام هاجم ايران وحد صدك ان قرانا جانت تنقصف من قبل الايرانيين واليوم تقصف القرى الحدوديه كل يوم منذ اشهر ولا رد فعلي الكويت اليوم تسرق النفط اهل التخريب يقتلون العراقيين دون سبب في العراق من جنوبه الى شماله بزمن الطاغيه لا احد يفكر ان العراق ثلاثه ولا احد يفكر ان علمنا يجب ان يغير.

[زعيم سياسي]

والله احط التقارن باغنيه حسام الرسام الجديده (مو كالوا جديد الوطن راح يصير).
لو حسام هم جان بعثي وهسه طائفي ارهابي قذر.

[JuStiCe]

عماد بارك الله بيك بس لاحظ كالوا صدام هاجم ايران وحد صدك ان قرانا جانت تنقصف من قبل الايرانيين واليوم تقصف القرى الحدوديه كل يوم منذ اشهر ولا رد فعلي الكويت اليوم تسرق النفط اهل التخريب يقتلون العراقيين دون سبب في العراق من جنوبه الى شماله بزمن الطاغيه لا احد يفكر ان العراق ثلاثه ولا احد يفكر ان علمنا يجب ان يغير.

خلي نترك ايران على صفحه
لازم يعني نحتل الكويت وندخل بحرب ويا العالم كله من جديد لو شنو ؟؟

[JuStiCe]

والله احط التقارن باغنيه حسام الرسام الجديده (مو كالوا جديد الوطن راح يصير).
لو حسام هم جان بعثي وهسه طائفي ارهابي قذر.
لا مو طائفي ولا ارهابي بس هو ديحجي وجهة نظره ... وهو انسان عادي يعني مو نبي

[انا عراقي فقط]

تشويه ومبالغه وشغلات مفتعله للوضع الحالي + صبغ ايام صدام بلون وردي لا يتناسب معه للاسف ( فلوس الطلقه ) الي ينعدم بيها الشخص من قبل النظام المجرم

اما المقارنه فالمقارنه صعبه جداً

لانه بوكت صدام ماكو مفخخات وماكو ارهاب وماكو زرقاوي وماكو عدنان الدليمي وماكو امريكا

وبارك الله بهاي الحكومه والله مقدمه اشياء لا بأس بيها

زين ليش انعدم ؟؟؟


زين كلت بارك الله بالحكومه مقدمه اشياء لاباس بيهه

اني ماريد اشياء اخاف ادوخ

اريد شغله وحده بسسسسسسس
من هاي الاباس بيهه

[انا عراقي فقط]

اي بس هذا الموضوع انت ناقله واتصور حتى مقاريه كله
واذا جنت قاريه كولي بربك بضميرك .... شكد نسبة الواقع الي بيه ؟
منو جان يكدر بوقت صدام يفتح حلكه ويكول اني شيعي ؟؟ حتى ياخذون من اهله فلوس الطلقه الي عدموه بيها

هاي على سالفتك جان مبقه شيعي بالعراق
هسه اني هم شيعي وصار عمري 30 سنه
وهياتني دااحجي وياك

احجي حجي واقعي عيني

[JuStiCe]

زين ليش انعدم ؟؟؟


زين كلت بارك الله بالحكومه مقدمه اشياء لاباس بيهه

اني ماريد اشياء اخاف ادوخ

اريد شغله وحده بسسسسسسس
من هاي الاباس بيهه

انعدم لانه انسان شريف ... هسه شنو انت دتخون الناس الي انكتلت بذيج المرحله ؟

بالنسبه للحكومه رواتب الناس زادت بشكل كبير وخلصت الناس من حالة الحرمان الي عانوا منها سنين


هاي على سالفتك جان مبقه شيعي بالعراق
هسه اني هم شيعي وصار عمري 30 سنه
وهياتني دااحجي وياك

احجي حجي واقعي عيني


يكول اني شيعي ...يعني يسوي نشاط ديني او سياسي ... شنو هيجي صعبه عليك ما لكفتها ؟؟

[JuStiCe]

بالمناسبه الي انعدموا بذيج المرحله وتسأل عن اسباب اعدامهم شرفاء واشرف من الي طموا روسهم جوا الحفر

[انا عراقي فقط]

بالمناسبه الي انعدموا بذيج المرحله وتسأل عن اسباب اعدامهم شرفاء واشرف من الي طموا روسهم جوا الحفر

شوووووووووف هم مدتفتهمني انت عبالك اني ادافع عن المقبور صدام لاعيني لاااا

اني اعيش واقع واتحدث من واقع

وبالنسبه الي انعدمو الشهداء هم اشراف طبعا وماكو واحد يختلف عن هاي النقطه

[انا عراقي فقط]

انعدم لانه انسان شريف ... هسه شنو انت دتخون الناس الي انكتلت بذيج المرحله ؟

بالنسبه للحكومه رواتب الناس زادت بشكل كبير وخلصت الناس من حالة الحرمان الي عانوا منها سنين



يكول اني شيعي ...يعني يسوي نشاط ديني او سياسي ... شنو هيجي صعبه عليك ما لكفتها ؟؟


عليك العباس انت وين عايش هسه
اذا طلعت بالعراق مستحيل اصدك

اي راتب الي تتحدث عنه اوكي الراتب اشكد
700 او 800

بس قنينه الغاز ابيش
زين الكروه مال كيه
ابيش زين التكسي ابيش
زين البانزين ابيش
اشو من العلاوي الباب الشرجي ب500 دينار

قنينه الغاز 25 الف وكبل جانت ب350 دينار

موكتلك احجي واقعي


اي نشاط ديني الي يسوي قصدك انقلاب مونشاط ديني
او انقلاب سياسي انت الي ملكفتهه مواني

[العٌمــــــــده]

الواقع يفرض نفسه اخويه ستيف لو هي بس كلمات تنكتب والسلام تحياتي الك يا (عراقي ) فقـــط

[veto]

بالمناسبه الي انعدموا بذيج المرحله وتسأل عن اسباب اعدامهم شرفاء واشرف من الي طموا روسهم جوا الحفر
شنو هاي انت ليش هسه الاعدام يعرف احد شريف لو موشريف بسجوون الداخليه اقصد..

[نحن عشاق الحسيـن (ع)]

غير خطية انت
ههههههههههههههههههههه
احلم بصنم جديد
لكن حلمك لم ولن يتحقق بعد الان عاد الحق لاهلة

[نحن عشاق الحسيـن (ع)]

وانت كنت تتحدث عن واقع
فاقول لك
لو ساء الوضع الف مرة على هذا الوضع لا نريد مثل ايام صدام
ولو سئلت اهل الجنوب والفرات الاوسط وفية الامان النسيبي

للوجدت هذا جوابهم لا نريد ايام صدام مهم كلف الامر
عمي شاحسن ابو راوتب 3 الف دينار اكعد عمي اكعد

[OmAr.iQ]

اعتقد انو المقابر الجماعيه دليل على الاجرام الي جان بيه النظام

[OmAr.iQ]

واعتقد كل عراقي يعرف شجان بيه الوضع كبل من قسوه وجور وتعسف

[OmAr.iQ]

الله عليكم عوفكم من هيج مواضيع تره هيج مواضيع تثير الفتنه

[FluidMan]

موضوع طائفي يستوجب الحذف ومعاقبة الكاتب

[Sparks Weman]

السلام عليكم

اخي الكبير الراوي
(بحسب ماذكرت فانك كنت شاب يافع في السبعينات)
يؤسفني حقا
ان ارى انسان قد عاصر مراحل كثيرة
من التاريخ
وعاش مدة ليست بقليله في عصر النظام السابق
ان ياتي بكلام بهذا الاسلوب
ساكون معك بوجهة نظرك
كون النظام المقبور بحسب ما افدت
قد اخذ بيد العراق نحو التطور
وبعث بعثات وصنع اطباء وعلماء وفلاسفة

لكن!!
اسالك من قال لك ان 95%من المبعوثين كانو من الشيعة

اسالك من قال لك ان النظام المقبور قد جعل لعلماءنا وفلاسفتنا
حرية التعبير في الراي
اسالك من قال لك ان سقوط النظام كانت نتيجته تختلف عما كان يحصل تحت عباءة النظام السابق
واسالك هل انت مقتنع حقا بما تقول
اعذرني لاسألتي الكثيرة
ولكني مصدومة من المنطق الذي تكتب به
من قال لك ان النظام الذي صنع العلماء والفقهاء والمفكرين سمح لهم بقول اراءهم البحته للناس ولطلابهم
بل وحتى لعوائلهم واولادهم
صدام جعلهم بعثيين مكبلين
ينفذون مايامر حتى بالعلم
ومايسمع به ليتعلمه الطلبة
وكان غطاءا ليقال انه مثقف

لو كنت حقيقة انسان واعي ومدرك الوضع الحالي ااذي يمر به العراق
لفهمت ان من قتل وهجر وشرد رموز العلم لدينا
ليس القضاء على النظام السابق
بل انها خطة يهودية محاكة
لو بقو هؤلاء العلماء
ومع اطلاق كامل الحرية لهم اي عدم ووجود خوف او التزام مع من امثال صدام وحكومته
سوف يتم نشر الوعي بين ابناء الشعب
سوف يكون الشعب مثقفا وواعيا
ولن تستطيع اسرائيل تنفيذ خططها الهيمنية

واضحة وضوح الشمس
لا تحتاج لتفكير كثير لنفهمها ونعقلها

لن ادخل بتفاصيل السنة والشيعة في عهد النظام
ومن ظلم ومن كان الظالم
فنسبة كبيرة من الشعب العراقي كان مظلوما
سواء كان تابعا راضيا للنظام
ام تابعا صامتا
فكلاهم في موقف لا يحسد عليه
الاول خسر عقله بخرافات واكاذيب
وبرمجت شخصيته ليكون تابع راضي ولا يعقل موت واختفاء ذلك النظام المشوؤم
والاخر لا حيلة له اما الابادة او الصمت


الحقيقة التي لا نقاش فيها
والتي حاولت تشويهها
وهذا الذي غلطت فيه ويجب ايقافك عند حدك
لانك شككت بعلم العلماء الائمة ال بيت رسول الله صلي الله عليه وعلى اله وصحبه افضل الصلاة واتم التسليم
شككت بعلمهم
وبكتبهم التي ولحد يومنا هذا تعد مصدرا اساسيا لكثيرا من العلوم والمعارف
هل تعلم بان اول كتاب طبي يصف كل داء ويضع له دواء
هو كتاب للامام الصادق عليه السلام
والذي سرق لقيمته التي لا تقدر باثمان

مااذا اعدد لك
او ماذا اصف واقول
وكل عاقل يعلم بعلم اولئك الاشخاص
عليهم السلام اجمعين

كلا يااخي
كلماتك هنا يجب ان تتوقف
بالبادء كان لك الحق ان تقول رايك
في شي قد يوجد به مساحة شعرة للنقاش

ولكن لهذا الحد والزم حدودك
ليس المسلمين الذين همهم هو ان يلطمو
ويقيمو التكيات مثل ماقال احد الذين ردوا

وانت اعترفت بنفسك ان اغلب العلماء في البصرة الحبيبة
وغيرها من محافظات قطري الجريح
كانو ممن المسلمين الشيعة
وانا متاكدة الف بالمئة بوجود امثالهم من ابناء شعبي السنة
اولئك فقط لم يفرقو بين سني وشيعي
وليس نظام المجرمين الذين حكمونا
وطوقو حرياتنا
لكي نبقى صامتين
لكي لا نقارن افعالهم بغيرهم
ونر نتيجة واحدة
هي الظلم والظلم والظلم
فنصمت

ارجوك ان تفهم وتقرا ماكتبت لك اكثر من مرة
قبل ان تستعجل وترد ردا لا يليق بعمرك او بمسيرتك

عذرا للاطالة

تحياتي

حنين العراق

[كعبوول]

thankssssssssssssssssssss

[JuStiCe]

اي نشاط ديني الي يسوي قصدك انقلاب مونشاط ديني
او انقلاب سياسي انت الي ملكفتهه مواني
لا الف رحمه على والديك الاطفال الي ماتوا بالانفال وبالجنوب عمره 9 سنوات ما اتصور هذوله يردون يسوون انقلاب سياسي ..

[العٌمــــــــده]

اخواني اني ابموضوعي اثرت حال الواقع الانساني الغريب الي دنعيشه راحت الايام السوود الي جنه بيها فى غيابات القهر والضلم والان عندما اسرنا بعد السقوط بنشوه الانتصار ورجووع المضلوميه للاهله اعتقدنا بصلح حالنا كمثل المتعلق بقشايه اراد اقل ما يمكن من حياه هانئه ومستوره بعد الدكتاتوريه ............. صعب الان الان ان نوجز حالنا بلمات بسيطه اثرتوا بيها واقعنا المادي كمثل كيف كان يستلم الموظف قبل التسعينات الراتب (3000) دينار استحلفكم بالله ان تسالوا الموضفيين هؤلاء الان كيف كانت ال(3000) تعيشهم ويجمعون فوقها وبنوا البيوت ....لا ازيد على كلامي لان الكلام مراح يخلص والامثله كثيره دعونا نتلذذ بالعيش الرغيد تحت مضله البؤس الديمقراطي المتعددي (كل واحد عل كيفه وعلى طول رجلك مد الحافك) يوم من الايام مراح نلكه الحافنه .... تحياتي للمارريين..

[JuStiCe]

هؤلاء الان كيف كانت ال(3000) تعيشهم ويجمعون فوقها وبنوا البيوت ......

اي صحيح بنوا بيوت ....... زين سامع بالي باعوا الابواب مال بيوتهم حتى ياكلون ..... لو سامع بالي كلوا النخاله ويا الدهن واكلوها ؟

[العٌمــــــــده]

زين سامع انته هسه اخويه ناس باعو غراضهم بتراب الفلوس علمود يطلعون برووحهم من وره التهجير مال موده العصر ( المليشيات) وهي صفه اصلا ماشفناها اصلا بعد ايام ابو حمزه( اياد علاوي))..

[JuStiCe]

وهم منو السبب بالتهجير ............ نفسهم الي تمتدحهم بموضوعك وتكول ايامهم جانت خير

[العٌمــــــــده]

امبين انته اخويه مرتاح عن حالنه هذا بس كلي انته بالعراق العظيم لو...بره يمكن هسه جم منطقه خلصت من الارهاب واشويه الامان رجع لجم محافضه ومنها الانبار الي عايش بيها اني بفضل اهلها كل هذا الامان تبقه غيره العراقي على بلده من طلع من حفره صدام وكع ابير الحتلال..

[نحن عشاق الحسيـن (ع)]

اي صحيح بنوا بيوت ....... زين سامع بالي باعوا الابواب مال بيوتهم حتى ياكلون ..... لو سامع بالي كلوا النخاله ويا الدهن واكلوها ؟
واني اضيف لكلامك اخوية الناس الي اكلت نخال النخال مو نخال الطحين هم
والي اكلت محروك اصبعه الي هو عبارة عن خبز يابس بالدهن

[GREEN EYES a.m.d]

اي والله حجيك صح يا اخ عماد يعني انتي ولا حبا بصدام بس انتة قصدك انه الوضعية ابوكتة هواية احسن

[العٌمــــــــده]

اي والله حجيك صح يا اخ عماد يعني انتي ولا حبا بصدام بس انتة قصدك انه الوضعية ابوكتة هواية احسن
كلامي واضح بس اكو ناس شغلته تشكك لان مو ابقناعه تتناقش مشكور اخي على المرور؟

[S.A.R.S]

حبي ميصر نقارنة بين الوضع هسة والوضع قبل سقوط الطاغية
لان هسة البلد محتل وقبل مجان أكو أحتلال
هسة مئات الاحزاب قبل حزب واحد
هسة دول كاملة بحكوماتهة تتدخل بشؤون العراق قبل الحكم للعائلة الحاكمة فقط
هسة ماكو أمان قبل أكو أمان
هسة أكو قتل وقبل هم أكو قتل !!!!

[العٌمــــــــده]

تسلم اخي سارس على مشاركتك..

[ابن الملحه]

والله تسلمولي وعاشت ايدكم

[العٌمــــــــده]

تسلملي انته اخويه العزيز.

[AMEER ALROOM]

قتلة الامس هم قتلة اليوم كانوا يقتلون وهم في الحكم والان يقتلون بالمفخخات ماكو مقارنه اصلا
اثنين من ولد عمي انعدموا على مود كور مال سياره لان المشتري كان من العوجه وعندما لم يقبلوا ارجاع الحاجه لانها تضررت اتهمهم بحزب الدعوه وراحوا الى رحمة الله ونحن لانعرف من هوه الي بحزب الدعوه هل كور السياره ام ابناء عمي
لاحول ولاقوه الا بالله

[العٌمــــــــده]

لاحول ولاقوه الا بالله

[JuStiCe]

قتلة الامس هم قتلة اليوم كانوا يقتلون وهم في الحكم والان يقتلون بالمفخخات ماكو مقارنه اصلا
اثنين من ولد عمي انعدموا على مود كور مال سياره لان المشتري كان من العوجه وعندما لم يقبلوا ارجاع الحاجه لانها تضررت اتهمهم بحزب الدعوه وراحوا الى رحمة الله ونحن لانعرف من هوه الي بحزب الدعوه هل كور السياره ام ابناء عمي
لاحول ولاقوه الا بالله

ما اعرف اضحك لو ابجي !!

الله يرحمهم اخويه والبقاء لله ......

[العٌمــــــــده]

انا لله واناا اليه راجعوون