قصيدة( عــرفــتــك قـــبــل مــاعــرفــك )

[الفهد الاشقر]

عرفتك كبل ماعرفك


كون بلا حجي ندكابل انة وياك
بعيوني السوالف كلهن اشرحهن

وسولفلك عليك اشكد اسولف بيك
كبل لا جنت اعرفك بية اسولفهن

سواليفك حفظ ماتنكتب بقلام
على خطوط الجفن برموشي كاتبهن


كبل يومين اعرفك مو كبل سنتين
وكبل سنتين جن عيونك اعرفهن



سامع بالسوالف تنحجي وتنكال
بس بيك السوالف سكتة سامعهن

بوكت الجاهلية اشعار كتبو بيك
ولعيونك بوكتك صرت شاعرهن


كومت امهات بعينك مخلفات
وانة الامهاتك صرت جاهلهن



سر بية شوف عينك زال لو ينكال
ماسولف بعينك خاف اخسرهن


راح وياي اسولف على عيونك هاي
اصلي اعلة الرسول نخاف نحسدهن



حضنك بية ربيع وهم شتة الامطار
وهم صيف وخريف بوكت جامعهن


صدرك بية منهاج تشرح التاريخ
وانة بشفتي يوم بيوم اراجعهن


اية ايريد ربك زرع بيك اشكال
شلع زرعات جنتة وبيك زارعهن



ارصفت الشوارع جلبن برجليك
وجف رجلك عليهن صار شارعهن




مو بس الرصيف ايباوع الرجليك
الشارع سوة عين وكام باوعهن


اتلاثة بهل السماءيضون اعلة الناس
وخيط الفجر انتة وصرت رابعهن


اعتباطا ماعرفهة انيوتن الافكار
من فكرة جمالك هوة طلعهن

ليش الضوء اسرع منطلق بالكون ؟
شافك راد يلحكك صار اسرعهن

كل هذا وسؤالك ليش افكر بيك
ما فكر ؟ افكاري شلون اجرعهن

تعال ارجوك صدك وشلتهة الروح
الموانع ذني بيني وبينك ارفعهن




تعال وياي اكعد بقن بس جم يوم
وهذن جم يوم اذا ماجيت اودعهن

وهذن جم يوم.... اذا ماجيت اودعهن


وان شاء الله تنال اعجابكم

تحياتي لكم

[mohammed alsemawee]

والله شكلك عله هالقصيده ما اعرف الصراحه بس الله يوفقك حبي




محمد حبيب السماوي

[سجّاد البصراوي]

عزيزي الغالي حيدر ..
كما عهدناك .. مُبدعٌ أنتَ في رونَقِ قصآئِدك ..
وتمتلكْ ذوقاً رفيعاُ بإنتقاء مُفرداتكْ التي تمتاز بالندرة ..

كُن كما أنتَ ..
وتقبّل مني خالِص التحــآيآآ



سَج ـّآد

[الفهد الاشقر]

عزيزي الغالي حيدر ..
كما عهدناك .. مُبدعٌ أنتَ في رونَقِ قصآئِدك ..
وتمتلكْ ذوقاً رفيعاُ بإنتقاء مُفرداتكْ التي تمتاز بالندرة ..

كُن كما أنتَ ..
وتقبّل مني خالِص التحــآيآآ



سَج ـّآد


اخي العزيز سجاد البصراوي ... لا اعرف كيف ان اصف سعادتي بمرورك الجميل

وبكلامك الاجمل

اخي العزيز

تقبل مروري

[°.ஐ•i_ اًِنـــت مًـــُـلاكــًــِي_i•ஐ.°]

الله والله كلش حلوه يسلموووووووووووووو

[الفهد الاشقر]

شكرا الك حبيبي الغالي

تقبل تحياتي

[صهيب السامر]

الله الله يا حيدر الربيعي عاشت ايدك اخوي العزيز
ابدعت والله
تقبل مروري اخوك صهيب السامر

[الفهد الاشقر]

الاخ صهيب السامر

شكرا لك حبيبي الغالي

ونورتني بمرورك الجميل

[ياسر العاشق]

عاشت ايدك و الله اخويه حيدر

[عز الحبايب]

يعني اني اكول ما شاء الله هاي هيجي مواهب عدنه.... ابداع بلا حدود ..... عاشت الايادي::13::

[الفهد الاشقر]

اخواني الاعزاء

انا اشكركم جدا على كلامكم الجميل

وعلى مروركم الاجمل

تقبلو تحياتي

[الفهد الاشقر]

?????????????????????

[الفهد الاشقر]

تسلمون شاباب على ردودكم الجميلة

[ملك الشعب]

يابه بشرفي مو طبيعيه عاشت ايدك يا شاعرنه المحبوب
وتقبل مروري

[الفهد الاشقر]

حبيبي الغالي ملك الشعب .... شكرا لك على ردك الجميل

ومرورك الاجمل ..

تقبل تحياتي اخي العزيز