يا مالكي ...هذوله هم حزام ظهرك !!

[JuStiCe]

السلام عليكم ورحمة الله


يا سيد المالكي ...الضغوط عليك هالايام هوايه كلش

من جهة امريكا وتقلباتها ومن جهة التوافق ومن جهة الناس الي تريد تخرب العمليه السياسيه

تهديدات بانقلابات وبمؤامرات سياسيه


كدامك طريق واحد يا دكتور المالكي .. بصفتي واحد من ابناء الشعب .. اكولك

انه طريقك الوحيد هم الناس الفقراء الضعفاء من ابناء الوسط والجنوب

واهل المناطق الشعبيه الي حال الضيم حالهم

تسوي تسويات وتنطي لهذا ولذاك وعايف شعبك ليش ؟؟؟

ليش بالمناطق الشعبيه الكهرباء تجي ساعه وحدة باليوم .. والعالم دايخه وره الثلج والبانزين

مناطق اقل مستوى خدمات ما بيها

والارهاب يضربها يوميا ً

ليش البطاله واصله مرحله والخريجين لازمين الرصيف ؟

يا مالكي ... هذوله هم حزام ظهرك .. والمايفيد ناسه ماكو خير براسه ..

سندك الوحيد هم الناس الي نطوك دعمهم وانتخبوك .. وانت لو صدك حريص عليهم .. والله ابوك من ميزانيه الدوله واروح ابني واعمر وانطي فلوس

ليش قليله بحق الي عاشوا عمرهم جوع وتشريد وكتل وفقر انه الزم وانطيه واغركه همين بالفلوس ..

[حمامة العراق]

هههههههههههههههههههههههههههه
منو تريد يسوي هيج
المالكي ههههههههههههه
الي ميكدر يخلي خيط بابره الا مياخذ اذن امركيا لو بوش
هذا فد واحد مكظي عمره كله بره العراق مميت على شعب العراق
ميت على كراسي هو وجماعته شنو شعب العراق
همه فجي شعب العراق يمعود خلي يروحون نضم النه كم فلس للمستقبل
ونروح من الحكم هو هذا كلام الحكومه
يبقون كم شهر بالحكومه كل شهر ياخذون لغفه دفاتر ومن ينترسووون
بعد ميردون الحكم هاهيه
يمهل ولا يهمل::::::::::

[عراقي أنا_2008]

ليش بلموصل و كركوك تجي الكهرباء عشر ساعات باليوم

[باهر العبيدي]

احب احيي صاحب الموضوع

بس اكوله ان الرئيس العراقي هو ليس رئيس لمجموعة انتخبته او رئيس لمنطقة ينتمي لها او رئيس لمناطق معينه رئيس وزراء العراق هو مسئول عن كل شبر من ارض العراق اكان في الجنوب او الشمال او الغربيه او ...الخ

واذا احنه فكرنا بان المالكي ينتمي لشريحه معينه ويجب عليه ان يعطي لهذي الشريحه امتيازات على حساب باقي العراقيين...فبهذاك الوقت محيكون هنالك فرق بين المالكي وهدام لعنة الله عليه

وبهذاك الوكت حيعاني اخوك العراقي الي ينتمي الى شريحه معينه ظلم واظتهاد الي انت كنت تعاني منه...فالي ماترضاه النفسك لاترضاه الاخوك

اذا نريد بناء واعمار وامان والقضاء على البطاله فليكن هذا بكل انحاء العراق بالغربية قبل الجنوب وبكردستان قبل الغربية لان الكل عراقيين

[أبو الأنــــوار]

[quote=SteVe Edward;3299264
كدامك طريق واحد يا دكتور المالكي .. بصفتي واحد من ابناء الشعب .. اكولك

انه طريقك الوحيد هم الناس الفقراء الضعفاء من ابناء الوسط والجنوب
كلامك جميل والله ونصيحة فعلا جيدة؟؟؟ولكن اعتقد انها هواء في شبك؟؟؟ والك الله يالعراقي :20::

[العٌمــــــــده]

الكلام ميفيد وياه اخي المتربي على ضلم الناس ميفكر ابد بيك وبغيرك دخليه على الاقل يطلع من الملجأ ماله بالمنطقه الخضراء صدك العالم راح تاكله هو حي للاسف ليش صابره عليه العالم ليهسه