الدين المسيحي ما هو ؟؟؟؟

[المساوم]

اخوان لا انطلق من منطلق طائفي او من منطلق عنصري انما !!!!!!! الواقع يتكلم ...

الدين المسيحي دين انسخ عنه دين جديد وهو دين الاسلام الذي اتى باحكام جديده وتشريعات اكثر مواكبه للعالم ....
وانا اعلم وعندي اليقين الكامل ان مكانة النبي عيسى عليه السلام كبيره عند المسلمين وجميع الاديان

ولان الله عز وجل جاء بالنبي محمد كخاتم للانبياء وكذلك اعطاه رساله تماشي جميع الاوقات

لذلك ان الدين المسيحي ذهب وقته والدين الاسلامي اخذ مكانه قبل الاف السنين

والذي ارجوه من اخواني المسيح ان لا ياخذو الموضوع من باب التهجم ولا التطرف ولا العنصريه... وانما من باب الحب والنصيحه


ونصيحتي هي الدخول للدين الاسلامي لانه الخيار الوحيد للنجاة من جهنم خصوصا في هذا الشهر الكريم شهر رمضان شهر الطاعة والغفران


اسال الله ان يوفقنا واياكم في الدنيا والاخره



شكرا جزيلا

[عاشقة دجلة / المسسبي]

شكرا علة حرصك و علة طريقتك المُحِبة اللاتهجمية


الدين المسيحي دين انسخ عنه دين جديد وهو دين الاسلام الذي اتى باحكام جديده وتشريعات اكثر مواكبه للعالم


ادري .. بس هاي التشريعات الجديدة مو شرط الانسان المسيحي يكون معتقد بيهة و هية برأيه صح

هدفي : الانسان يختار دينه حسب مبادئه و افكاره مو يختار دين معين مجرد لئن هوة ( يُعتبر ) آخر دين سماوي

يعني آني شخصيا .. مسيحية .. مو لئن اني انولدت مسيحية .. و انما لئن اني اختاريت اكون مسيحية .. لئن مبادئي و افكاري تتطابق وية تعاليم الدين المسيحي

كل انسان المفروض يختار دينه ( او عدمه ) بما يتوافق وية مبادئه و افكاره .. مو علة التسلسل التتابعي الرقمي للدين المعين سواء الاول او الاخير او الاوسط


لذلك ان الدين المسيحي ذهب وقته والدين الاسلامي اخذ مكانه قبل الاف السنين


اذا جان قصدك ب ( ذهب وقته ) يعني صار قديم و اجة دين لاخ ورا .. فهاذة مو سبب لتغيير ديانة .. انو اجتي وحدة لخ وراهة ..

لئن فرضا فرضا .. انت هسة تخيل نفسك .. مسلم و علة كولتكم ( و الحمد الله ) اجة دين لاخ ورة الاسلام .. و ( يُعتبر 9 سماوي .. رح تآمن بي ؟ و تمشي ورا ؟ لو لا

اما اذا كتلي لا محمد خاتم الانبياء .. ف اعرف انو بل مسيحية هم اكو يسوع يكول الانبياء الذين يأتون بعدي كذبة ..


اما اذا جان قصدك .. ( صار قديم ) لئن عاداته و تعاليمه صارت قديمه .. ف .. حجيك ميرهم .. لئن المحبة و التسامح و السلام هذولة ميصيرون قديمين

حتة الطلاق و الزواج مو شغلات صارت قديمة و متتطبق بل وكت الحالي .. و شوف كدامك العائلات المسيحية .. لا اكو بيهة تعدد زوجات ولا بيهة طلاق بل حالات الساحقة العظمى ( هاي داحجي بل مجتمعات العربية اللي تلتزم بل دين المسيحي ) و تشوف العائلات المسيحية مرتاحة ..

لا الرجال ضايج و يريد يتزوج ولا اكو واحد بيهم يفكر بل طلاق او يشوفه الحل الأنسب لحل المشاكل


ونصيحتي هي الدخول للدين الاسلامي لانه الخيار الوحيد للنجاة من جهنم


اسمحلي بس اكوللك نصيحة زغيرونة مع احترامي الك الشديد .. من تنصح بشغلة عل اديان لتستند عل دين المعترفون بي الناس الدتنصحهم

يعني لو جنت انت دتنصح شخص مسلم هوة مآمن بل اسلام بس ميسوي فرائضة او حتة يسوي الحرام
هاذة تجي تكوللة تروح لنار جهنم رح يصدكك و ممكن يخاف و يعدّل نفسه .. بس الانسان المو مسلم ال ميآمن بل اسلام مرح يصدك اصلا شغلة ( تروح لجهنم )

[۩الــرئــيــس۩]

اخويه المساوم
اني انسان مسلم
واني وياك بشغلات انت ذكرتها
بس اخي العزيز
ميصير
تكول الي ذكرته
ونصيحتي هي الدخول للدين الاسلامي لانه الخيار الوحيد للنجاة من جهنم
اخي هذا مو منطق
ولا هذه طريقة المسلم بالتحدث ونشر الدين الاسلامي
وفي النهاية
انه هذا الموضوع يطرح في منتدى حوار الاديان
تحياتي لك

[بــدر الزمــان]

الموضوع ليس بالمكان الصحيح
الاخ المساوم احترم خصوصية المنتدى المسيحي
ولا تنشر مواضيع لا علاقة لها بالعقيدة المسيحية في هذا المنتدى

[عاشقة دجلة / المسسبي]

شكرا كايز .. جنتت اريد اكولهة بس بما انو العضو جديد و اسلوبه لطيف كلت اوكي خل يبقة الموضوع هنا