MOSSS
09-14-2007, 06:34 AM
العدد الاول
بسم الله الرحمن الرحيم
اني اخوكم قصتي ارتبطت وية الصبر من عام 2003 كنت في الرابع عام
وتعرفون بهذا العمر تبدي مشاكل الحب واليحب والحبيبة وهذا الي يعوفها وهذا الي ينسحل والبنات اكو الي تنضرب بوري والي هي تضرب بوري عادي هاي معروفة من قبل الجميع .......!
بس اني وكعت بالحب من اصعب ابوابه الا وهو الحب من طرف واحد والمشكلة هم مو هنا المشكلة صارتلي على شكل مراحل متعاقبة:
اول مرحلة مرحلت التفكير ليش لان هي البنية جيران واعرفهم ويعرفوني من الصغر (معرفة شخصية) يعني ما اريد اخون الملح والزاد بهاي المرحلة اني داخل بصراع مع نفسي انو مي صير اشلون عيب
وهذا الشي طول عندي 6 اشهر بعد هاي المدة اقتنعت انو اني احبها صدك.
هذا الحچي بيني وبين نفسي طبعا......
ثاني مرحلة مرحلة التقرب من المقابل اريد اشوفها بيها مجال احچي وياها لا ؟؟؟؟
بهذا الوقت تفاجئت بهواية شغلات وسألت عليها من ناس مقرتين من عدها وجاوبوني ان هي تستحي من عندي شخصيا
بهذا الموقف اني چنت بعدني كلشي ما حاچي وياها .....!
دخلت بحيرة مع نفسي اشلون احچي وياها اشلون رح اتقرب من عدها حتى ابين الها حقيقة مشاعري تجاهها
والحيرة من عدة نواحي اخاف لمن احچي وياها رح اجرحها اخاف تاخذها بغير قصد واحنا جيران بيناتنا زاد وملح.
وبقيت على هذا الشي 6 اشهر ...............................!!!!!
بهاي الست اشهر اني اشوف الويل اشوفها كدامي تطلع وتطب ولا كأن اني مو جود شنو المبرر (((تستحي))) واني ساكت صابر شهر يجر شهر .
هاي الاحداث تزامنت مع الحرب الاخيرة (معركة الحواسم ) وتعرفون الضغط النفسي والقصف والكهرباء نهائيا ماكو واني چنت حاير بالحبيبة اشلون اعالج الموقف .
في بعض المواقف اهلها يجون الى بيتنا وزيارات متبادلة بينا تنا وهي موجودة واني موجود بس الحظ ما چان كاعد وياية
ليحد ما مرة قررت قرار..............!!!!!!!
بالعدد القادم اكمل لان السالفة طويلة ......!
شكرا الكم لان خليتوني افغ الي بصدري
اخوكم
عاشق مجهول
بسم الله الرحمن الرحيم
اني اخوكم قصتي ارتبطت وية الصبر من عام 2003 كنت في الرابع عام
وتعرفون بهذا العمر تبدي مشاكل الحب واليحب والحبيبة وهذا الي يعوفها وهذا الي ينسحل والبنات اكو الي تنضرب بوري والي هي تضرب بوري عادي هاي معروفة من قبل الجميع .......!
بس اني وكعت بالحب من اصعب ابوابه الا وهو الحب من طرف واحد والمشكلة هم مو هنا المشكلة صارتلي على شكل مراحل متعاقبة:
اول مرحلة مرحلت التفكير ليش لان هي البنية جيران واعرفهم ويعرفوني من الصغر (معرفة شخصية) يعني ما اريد اخون الملح والزاد بهاي المرحلة اني داخل بصراع مع نفسي انو مي صير اشلون عيب
وهذا الشي طول عندي 6 اشهر بعد هاي المدة اقتنعت انو اني احبها صدك.
هذا الحچي بيني وبين نفسي طبعا......
ثاني مرحلة مرحلة التقرب من المقابل اريد اشوفها بيها مجال احچي وياها لا ؟؟؟؟
بهذا الوقت تفاجئت بهواية شغلات وسألت عليها من ناس مقرتين من عدها وجاوبوني ان هي تستحي من عندي شخصيا
بهذا الموقف اني چنت بعدني كلشي ما حاچي وياها .....!
دخلت بحيرة مع نفسي اشلون احچي وياها اشلون رح اتقرب من عدها حتى ابين الها حقيقة مشاعري تجاهها
والحيرة من عدة نواحي اخاف لمن احچي وياها رح اجرحها اخاف تاخذها بغير قصد واحنا جيران بيناتنا زاد وملح.
وبقيت على هذا الشي 6 اشهر ...............................!!!!!
بهاي الست اشهر اني اشوف الويل اشوفها كدامي تطلع وتطب ولا كأن اني مو جود شنو المبرر (((تستحي))) واني ساكت صابر شهر يجر شهر .
هاي الاحداث تزامنت مع الحرب الاخيرة (معركة الحواسم ) وتعرفون الضغط النفسي والقصف والكهرباء نهائيا ماكو واني چنت حاير بالحبيبة اشلون اعالج الموقف .
في بعض المواقف اهلها يجون الى بيتنا وزيارات متبادلة بينا تنا وهي موجودة واني موجود بس الحظ ما چان كاعد وياية
ليحد ما مرة قررت قرار..............!!!!!!!
بالعدد القادم اكمل لان السالفة طويلة ......!
شكرا الكم لان خليتوني افغ الي بصدري
اخوكم
عاشق مجهول