قصيده اعجبتني

[عاشق الورود]

قوم جورج وجون وعيونهم زغـر
مــا تـعــرف لترجمـتـهـم بـالـكـلام
عـنــدهــم الأم سـمــوهــا مــــــذر
والأبـــو فـــذر قلـيـلـيـن الــرحــام
والـمـرأه فيمـيـل والـمـيـل الـذكــر
وأختك السستر وترى البوي الغلام
والبدي جسمـك وبـاك اسـم الظهـر
واليـديـن الهـنـدز والفنـقـر ابـهــام
والغنـم هـي شـيـب والـكـاو البـقـر
واللحم هـو مييـت والبـون العظـام
والدجاجـه هــن والـهـوك الصـقـر
والبجـن قالـوا تــراه اســم الحـمـام
وشمس ربـي صـن والمـون القمـر
والشهـر سمـوه مـنـث ويـيـر عــام
والدقـيـقـه مــنــت والـسـاعــة أور
وهـولــدي عـطـلـة وديـوتــي دوام
والـبـرد الـخـبـز والـسـكـر شـكــر
والعسل هانـي وسـوب اسـم اليـدام
والشـجـر تـريـز والـنـهـر الـرفــر
والسمـاء اسـكـاي واكـلـود الغـمـام
والنجـوم استـارز والطقـس الـوذر
والضو لايـت ودارك اسـم الظـلام
وكلمـة فلـور تـرى تعـنـي الـزهـر
وكل عشب قـراص لـو انـه ارمـام
وكل غرفه روم والهـاوس القصـر
وباب بيتـك دور والـروف الطمـام
ولــو عـلـى بلدانـهـم دايــم مـطــر
مـا تسـاوي ديـرة الـعـرب الـكـرام