المساعد الشخصي الرقمي

مشاهدة النسخة كاملة : ابن العراقيه الابيه ادخل وشوف ليفوتك

العيون الجريئه
09-13-2007, 10:14 PM
انه العشت بدياري العمر مااعرف شنهو الطائفيه

وانه الربيت بوسط اهلي شيعيه سنيه

ابويه اسمه حسين واخوي محمد ونسكن الطارميه

ماعرفت عثمان سني وعمر وابو بكر والكرار من نسل شيعيه

ومادريت الشيعي يسبل ايده والسني يجتف ايديه

بس على جسر الائمه سجل التاريخ اكبر نكسه للطائفيه

من نهض عثمان يحض علي وحسين ويفرح الاعظميه

عثمان يانهج العدل ياشهيد الاعظميه

عثمان يابطل انت خرست العدو وقدمت للوطن اجمل هديه

وسكتت كل الهواجس والحلوك التحجي بأسم الطائفيه

وانت علمت العده اجمل درس بالوحدويه

وانت ريحت الضمير اليظل ينوح ليليه

شلون علمت الرجال تعوم وسط النهر ظهريه

وشلون تتعب الايادي الي تكتب بيك الشعر والابوذيه

وانت سهرت العيون تحير تكتب لو تبجي العين السوده وبيها العسليه

وانت ياعثمان علم ونرفع بأرض العراق هاي الطاهره الابيه

وانت ياعثمان منهج للعلوم وانت قيمه يعربيه

بأسمك وحدت العراق00 ومن غرگت طفت نار الطائفيه

واستشهدت ياعثمان عالقيم والوطنيه

للجنه ياعثمان 00يارمز الغدا ياأبن الابيــــــــــــــــــــــــه


ياربي تنال اعجابكم

مع خالص حبي واحترامي العيون الجريئه
عاشق الغيرة العراقية
09-14-2007, 02:55 AM
جزاك الله خير الجزاء اخوية ..... وعاشت ايدك على الكلمات الرائعة ....
عاشقة دجلة / المسسبي
09-14-2007, 07:59 AM
قمة الروعة .. و فعلا صح حجيج

شكرا عيوني
وسام البغدادي
09-14-2007, 04:00 PM
جزاك الله خير انشاء الله نرجع مثل قبل
باذن الله يرجع العراق
العيون الجريئه
09-15-2007, 04:31 AM
مشكورين على مروركم الجميل اي والله ان شاء الله يرجع العراق مثل قبل واكثر
المشتاقة لنور الله
09-16-2007, 09:27 PM
عاشت الايادي وبارك الله فيك