قصة خرافية على شكل دارميات

[علاء غسان]

يحكى ان رجلين كانا على خلافٍ دائم بسبب المواشي. وشاءت الصدف ان يحب ابن الرجل الاول بنت الرجل الثاني. وبعد عناءٍ تكبده الولد في اقناع ابيه ذهب هو وابوه مع مجموعة من (المشاية) الى بيت الرجل الثاني ليطلبوا يد الفتاة ولكن والدها رفض اعطاءها كما ياتي:

والد الفتاة:
شلي بحلالي اليوم لو صبح واشي
اعذرني يا ابو فلان واخذ المواشي

والد الفتى:
ياخوية انه وياك باجر مرحلين
خنجر عليش تصير بين المحبين

فقررا الوالدان ان يحمعا بين الشابين ويستمعى الى حديثهما عن الحب فوقفت الفتاة خلف الستارة:

الفتى:
اثمرت هاي الكاع للبيها متعوب
وخضرت سنبلتين مابين الكلوب

الفتاة:
اي صدك سنبلتين شوك ونداوة
ولمت شمل خصمين بعد العداوة

الفتى:
اتكربنا صدكوا نريد نتكرب اكثر
اكبار وصفيتوا احباب واحنة نتمرمر

للوردة دمعي الماي بسكوت اساجي
اتعطشونة واحنة فروع من السواجي

والد الفتى:
اشرايك يا ابو الديوان يالهمي همك
نمشي ونعوف الزاد.. لو حلها يمك

والد الفتاة :
يحرم علي الزاد لوما احلها
من هسة تمشي وياك وابنك رجلها

.................................................. ............................

تقبلوا تحياتي وانتضروا مني المزيد

[روح الملاك]

حلوة كولش عجبتني
عاشت ايدك

[مروشة]

كلش حلوة والله
وان شاء الله يا ربي ينجمعون كل المحبين

[كرار الرسام]

اشكرك عيني على هذا الكلام الجميل

وتقبل مروري


كرار الرسام

[علاء غسان]

شكـــــــــــــــــــــرا على مروركم الكريم وان شاء الله انتضروا مني كل جديد

[حمامة العراق]

الله قصديه رائعه
والله يهدي الجميع
وهيج يصيرون ويتهادون ويصافون