البغدادي88
09-12-2007, 08:16 PM
امنيـــات عراقي
گلي تحلم ؟
گتله اي بوية العراق
احلم بدنيا جديدة
تفيض بالحب بالتسامح نختصر بيه الاماني و المسافات البعيدة
يا عـراق
احلم بليلك نبات
و بالف ليلة و ليلة ترجع شهرزادك تقره لعيونك قصيدة
على شعبي الغرك بالدم
و ما رضى لجف المذلة اتلوح ايدة
يا عــراق
آنا احلم نلتم و يلتم شملنه
كلب واحد .. صوت واحد .. ايد و حدة
نرسم الدنيا الجديدة
يا عــراق
و راح اسولفلك بعد عن الي اريده و ما اريده
اني اريدن ليليك يلولي على اليتامه و گله نامي
و آنا اريدن مايك الطاهر يفيض و يغسل گلوب المساكين
و على كل شفت حزن يطبع سلامي
و ما اريدن دولة حرة افتقد بيه احترامي
و ما اريدن شعب نص من عنده شرطي و نص منه حرامي
و ما اريدن حكومة اتعامل ابناء الشعب مثل العبيد
و بالمقابل ما اريدن شعب ما يدري شيريد ؟
شعب وية حسـين يجيب و يودي الرسايل
و من يجيله حسين ينحني يبايع يزيد !!!
و ما اريدن اي سياسي يبيع ارضه
علمود الكراسي
بس اريدن كون راسي يشيل شعبي
و من احط شعبي على راسي يشيل راسي
و كون الغيه الكراس الجابت الشعبي المأسي
و خل نعيش بله كراسي
انا اريدن من الجبل نبني العراق
و من الگطن نصنع الكرسي الرأاااسي
و ما اريدن فوضوية ولا تقاليد وطائفية
بس اريد من الحكومة هاي اذا صارت حكومة وطنية
تكتب بدستورهه هاي الوصية :
ايها الشعب العراقي .... ايها الابن العراقي
من تمر بأي رصيف و تلگه أم امبصطة بجنبر جگاير
تنحني و تاخذ تحية لان هاي اكبر قضية
و ما اريدن اي سياسي اي سياسي
اتصير مأساة الشعب عنده وظيفه
عالفظائيات يطلع يحجي و ينظر بكيفه
يجب على الشعب العراقي ان يقاوم
او
يجب على الشعب العراقي اني يحاكم
و هو كظه نص عمره بالبيت الابيض و لندن يساوم
و ما دره اشلون الشعب خلص حياته
و ما دره اشلون الشعب داوه جروووحه
بالحزن _ بالهم _ بالجوع _ بالقتل العشوائي
و القتل عالهوية
بالعذاب المايشيله لساني حتى لو اظيفه
بالنظام .... الا النظام الما صرت مرة حليفه
الى كل واحد عراقي امريكي صار
و هو ابن العراق الباگو من امنعيونه طيفه
الى كل عراقي امريكي صار
الما يريد تنعاد بگاعة هاي السقيفة
نگله اوكف .. عمي اوكف
بعد ما نحترم لا سلطان ولا خليفه
و بعد ما نرضه الشمر يحكم بلدنه ؟؟ !!
و يحد برگاب الشباب الحلوة يومية سيفه
و بعد ما نرضه الغريب ياخذ من العراقي اللگمة الشريفه
كافي بس من الحواسم و السياسات العنيفه
كافي بس من الحرب والله تعبنه
كافي خل نجمع شملنه
خاف ما نجمع جملنه
خاف ما نجمع شملنه
و كافي خل نبني وطنه
كافي خنصدر نفطه
و ورد نستورد بداله
ليش نستورد قذيفه ؟؟
ليش نستورد قذيفه ؟؟
******
مع كامل احترامي للاعضاء جميعا
اتمنى ان يعجبكم ما اكتبه لكم
گلي تحلم ؟
گتله اي بوية العراق
احلم بدنيا جديدة
تفيض بالحب بالتسامح نختصر بيه الاماني و المسافات البعيدة
يا عـراق
احلم بليلك نبات
و بالف ليلة و ليلة ترجع شهرزادك تقره لعيونك قصيدة
على شعبي الغرك بالدم
و ما رضى لجف المذلة اتلوح ايدة
يا عــراق
آنا احلم نلتم و يلتم شملنه
كلب واحد .. صوت واحد .. ايد و حدة
نرسم الدنيا الجديدة
يا عــراق
و راح اسولفلك بعد عن الي اريده و ما اريده
اني اريدن ليليك يلولي على اليتامه و گله نامي
و آنا اريدن مايك الطاهر يفيض و يغسل گلوب المساكين
و على كل شفت حزن يطبع سلامي
و ما اريدن دولة حرة افتقد بيه احترامي
و ما اريدن شعب نص من عنده شرطي و نص منه حرامي
و ما اريدن حكومة اتعامل ابناء الشعب مثل العبيد
و بالمقابل ما اريدن شعب ما يدري شيريد ؟
شعب وية حسـين يجيب و يودي الرسايل
و من يجيله حسين ينحني يبايع يزيد !!!
و ما اريدن اي سياسي يبيع ارضه
علمود الكراسي
بس اريدن كون راسي يشيل شعبي
و من احط شعبي على راسي يشيل راسي
و كون الغيه الكراس الجابت الشعبي المأسي
و خل نعيش بله كراسي
انا اريدن من الجبل نبني العراق
و من الگطن نصنع الكرسي الرأاااسي
و ما اريدن فوضوية ولا تقاليد وطائفية
بس اريد من الحكومة هاي اذا صارت حكومة وطنية
تكتب بدستورهه هاي الوصية :
ايها الشعب العراقي .... ايها الابن العراقي
من تمر بأي رصيف و تلگه أم امبصطة بجنبر جگاير
تنحني و تاخذ تحية لان هاي اكبر قضية
و ما اريدن اي سياسي اي سياسي
اتصير مأساة الشعب عنده وظيفه
عالفظائيات يطلع يحجي و ينظر بكيفه
يجب على الشعب العراقي ان يقاوم
او
يجب على الشعب العراقي اني يحاكم
و هو كظه نص عمره بالبيت الابيض و لندن يساوم
و ما دره اشلون الشعب خلص حياته
و ما دره اشلون الشعب داوه جروووحه
بالحزن _ بالهم _ بالجوع _ بالقتل العشوائي
و القتل عالهوية
بالعذاب المايشيله لساني حتى لو اظيفه
بالنظام .... الا النظام الما صرت مرة حليفه
الى كل واحد عراقي امريكي صار
و هو ابن العراق الباگو من امنعيونه طيفه
الى كل عراقي امريكي صار
الما يريد تنعاد بگاعة هاي السقيفة
نگله اوكف .. عمي اوكف
بعد ما نحترم لا سلطان ولا خليفه
و بعد ما نرضه الشمر يحكم بلدنه ؟؟ !!
و يحد برگاب الشباب الحلوة يومية سيفه
و بعد ما نرضه الغريب ياخذ من العراقي اللگمة الشريفه
كافي بس من الحواسم و السياسات العنيفه
كافي بس من الحرب والله تعبنه
كافي خل نجمع شملنه
خاف ما نجمع جملنه
خاف ما نجمع شملنه
و كافي خل نبني وطنه
كافي خنصدر نفطه
و ورد نستورد بداله
ليش نستورد قذيفه ؟؟
ليش نستورد قذيفه ؟؟
******
مع كامل احترامي للاعضاء جميعا
اتمنى ان يعجبكم ما اكتبه لكم