المساعد الشخصي الرقمي

مشاهدة النسخة كاملة : قصيدة لاجل عين الوطن ( رووووووووووووعة والله )

البغدادي88
09-12-2007, 08:11 PM
لجل عين الوطن

لجل عين الوطن وعيون هاي الناس ...
گتلك صفي گلبك حتى نتشارك
اجيتك شايل ابچفي غصن زيتون ...
ليش انته مصر وياي تتعارك
عوف الطائفيه ومنهج المحتل ...
كافي اتبيع اخوك وتهدم اديارك
مو انته الچنت مضرب مثل بالجود ...
حاتم بالضيافه وشايعه اخبارك
حولته مضيفك غرفه للتعذيب ..
وصفه جمر الدلال اغموس خطارك
چان اليعتنيك اتگصله احلى اثياب ...
هس اليعتنيك ايزرفه منشارك
قلعت اعيون اخوك ولله لو ناخيه ...
چا بيده شلعهه وجابهه الدارك
شجاك اتغيرت مابين ليله اويوم ...
عساهه ابخت كلمن سمم افكارك
اريد آنه اسألك جاوبني بلله ارجوك ...
جارك ليش يمك نزل واختارك
لان عنك سأل گالوله طيب ذات ...
اشلون اطاك گلبك شيلت جارك
من حمل غراضه اعيونك انته اتشوف ...
وتباوع ازغاره اتودع ازغارك
دمع مرته وبناته الغرّگ الوجنات ...
يظل طول الحياة ايذكرك ابعارك
حسبالك تأمن من شعلت النار ...
هم ترجع عليك وتاكلك نارك
باچر تنكره والمنك يعاديك ...
واول ما ايبيس بيك مگوارك
koke_monyiraq
09-14-2007, 01:50 AM
عاشت الايادي يسلموووووووووووووو على الكلمات الرائعة
البغدادي88
09-14-2007, 05:10 PM
شكرا كوكي على المرور
نبض بغداد
09-14-2007, 08:12 PM
والله والله ابداع في ابداع
عاشت الايادي بغدادي
وتقبل مروري البسيط
البغدادي88
09-17-2007, 12:58 AM
مشكووووووورة نبوضة عيني على المرور الحلووووو والرد الاحلى تسلميلي عيني انتي ::57::
technology king
09-17-2007, 03:09 AM
عاشت ايدك بغدادي
white wizard
09-17-2007, 04:49 AM
عاشت ايدك يا وردة مضوع رائع
البغدادي88
09-17-2007, 05:34 PM
::57::مشكوورين على المرور والرد الحلووو يا وروووود::57::
ملكة الانتاج
09-18-2007, 04:02 AM
عاشت ايدك بغدادي عالكلام الرائع والموضوع الجميل
البغدادي88
09-19-2007, 12:39 AM
تسلميلي ملوكة على المرور الحلوو