لكل سؤال جواب

[اميرالغرام]

هل يتناسب الدين المسيحي مع العصر الحديث أم لا؟

<B><FONT size=5>وهل تتناسب تعاليمه مع العلم الحديث؟

[عاشقة دجلة / المسسبي]

يتناسب مع العصر طبعا

اما بل نسبة للعلم فمو مهم اذا جان يتناسب ويا او لا ..

لئن المسيحية دين روحاني ميهتم نهائيا بل دنيويات

و ميتقارن بيهة ولا هوة الة علاقة بيهة اصلا


بس ممكن .. اكوللك شغلة .. اذا حضرتك مو مسيحي .. و تريد تسئل .. فاطلب نقل موضوعك لمنتدى حوار الاديان

لئن ممنوع اسئلة و مناقشات عن المسيحية من قبل غير مسيحيين بل منتدى المسيحي

[باشق مجروح]

كجواب على سؤالك الدين المسيحي يتوافق مع كل العصور وكل الازمان اني اختلف ويا عاشقة دجلة لان الدن لازم يتناسب ويا العلم مو موسوعة علمية مث ما سووا البعض بس لازم ما يكون بي شي يتناقض مع العلم
بااااااااااشق::13::جكل زيونة

[عاشقة دجلة / المسسبي]

باشق الدين اصلا ملازم يتقارن بل علم اذا يتناسب ويا او لا .. لئن العلم مو مقياس صحة الدين

اذا اتوافق ويا الدين صح وذا متوافق الدين غلط

العلم مو مقياس صحة الدين ولة يتقارن بي .. ولا الة علاقة بي

يعني انت مرح تؤمن بيسوع اذا فرضا جان اكو معلومة علمية غلط بل انجيل ؟

[۩الـرئـيـس يوسف۩]

موضوع حواري
اني اناقش من ناحية الدين والعلم
ترى ماكو علم اذا ما كان خلفه دين
فالانسان تعلم واتى بالافكار من الدين الذي اتبعه
تحياتي لكم

[&& جنية بغداد &&]

مشكور على الفكره الحلوه ,والسؤال شويه غريب,بس واني اقول الدين المسيحي يتناسب مع كل العصور لان من خلال تعاليمه والمحبه والتسامح و من خلال العزيمه والاندفاع والعقلانية والذكاء عبارات الانجيل هيه اسس حتى اتخلي العصور الجايه تفكر بعقلانيه بما يناسب المجتمع والعصر الحديث,..... واتوقع الدين المسيحي هو احدث من العصور الحديثه لان الاجيال هذي او الاجيال القادمه مراح تقدر اتفسر الدين بصوره صحيحه او ماتفهمه من وره مشاكل العصر الحديث المتعلقة بمسائل كثيره اللي تلهو الانسان و تبعدنه عن الدين وعن المسيح..\\\ واتوقع الدين هو هم يتطور من خلال التطور \\\ لان الدين المسيحي دين لين ومرن وهوايه بي مسائل ما نفهمه.زوشكرااا وتقبل مروري

[عاشقة دجلة / المسسبي]

واتوقع الدين هو هم يتطور من خلال التطور



جنية بغداد ممكن توضحيلي شون الدين المسيحي ممكن يتطور ..

[عاشقة دجلة / المسسبي]

موضوع حواري
اني اناقش من ناحية الدين والعلم
ترى ماكو علم اذا ما كان خلفه دين
فالانسان تعلم واتى بالافكار من الدين الذي اتبعه
تحياتي لكم


طبعا كتبت رد و انمسح ..

المهم

مع احترامي الكامل الك .. بس حجيك كلش غلط

لئن انشتاين .. صح هوة جان يهودي بل هوية بس جان ميؤمن بل اديان لا اليهودية ولا غيرهة

و مدايرلهة اي بال ولا مشتريهة بفلس .. و مع ذلك اكتشف النظرية النسبية العامة و الخاصة و غير قوانين و اخذ جائزة نوبل .. و هوة ممعتمد علة العلم المذكور بأي وحدة من الديانات لا اليهودية ولا غيرهة

[&& جنية بغداد &&]

هلو ياعاشقة دجله واحب انطيج مثال بسيط على انو اشلون الدين يمكن يتطور ابسط شي سابقا كان الكاهن او القس يتبعون قواعد او معتقدات شويه غريبه بس هسه اتطورت مثلا جان الكاهن يتبع ممارسات تعذيب نفسه جسديا مثلا ينام على لوح من بسامير او يجلد نفسه اويصلب نفسه او اي طريقه اتخلي يتألم بعتقاده بانو هذا الشي راح يقربه لله او يغفر عن ذنوبه او بعتباره شي بس هسه بتطور المجتمع وانفتاح العقليه والمعتقدات كله اتغيرت اتطورت وهسه ما اتشوفين هذا الشي وشي نادر وصدقي هوايه امثله اكو بس ما دتحضرني هسه وشكرا على تعليق

[bibo]

khalon men el-ne8ash bas ared a3rof sa7b el-mao6'3 Moslam lo Mase7ee...

[عاشقة دجلة / المسسبي]

هلو ياعاشقة دجله واحب انطيج مثال بسيط على انو اشلون الدين يمكن يتطور ابسط شي سابقا كان الكاهن او القس يتبعون قواعد او معتقدات شويه غريبه بس هسه اتطورت مثلا جان الكاهن يتبع ممارسات تعذيب نفسه جسديا مثلا ينام على لوح من بسامير او يجلد نفسه اويصلب نفسه او اي طريقه اتخلي يتألم بعتقاده بانو هذا الشي راح يقربه لله او يغفر عن ذنوبه او بعتباره شي بس هسه بتطور المجتمع وانفتاح العقليه والمعتقدات كله اتغيرت اتطورت وهسه ما اتشوفين هذا الشي وشي نادر وصدقي هوايه امثله اكو بس ما دتحضرني هسه وشكرا على تعليق



حبيبتي هاذة مو تطور بل دين .. هاي عرفو انو ممارساتهم هاي غلط و مابيهة اي اساس او اعتماد عل انجيل و تصرفهم غلط لئن اجسامنة اصلا مو النة هية ليسوع و كل شي بينة ليسوع و لهاذا هيج ممارسات خاطئة تشوفيهم يبطلوهة ..

مثل الكنيسة الجانت تكم اوروبا مثلا عندج ..

جانت تعدم علماء .. و جانت فارضة حجاب عل نسوان .. و ميشوف شعر المرة الة زوجهة .. و شغلات كلش غريبة

بس كلهة هاي راحت و عرفو همة علطانين لئن ما الهة اساس بل انجيل .. كلهة اجتهادات مال بشر

فل ديانة المسيحية متتطور حبيبتي يعني هية مو علم حتة تتطور .. يسوع نزل و كال اللي كالة و كال تزول الارض و السماء و كلامي لا يزول

[۩الـرئـيـس يوسف۩]

طبعا كتبت رد و انمسح ..

المهم

مع احترامي الكامل الك .. بس حجيك كلش غلط

لئن انشتاين .. صح هوة جان يهودي بل هوية بس جان ميؤمن بل اديان لا اليهودية ولا غيرهة

و مدايرلهة اي بال ولا مشتريهة بفلس .. و مع ذلك اكتشف النظرية النسبية العامة و الخاصة و غير قوانين و اخذ جائزة نوبل .. و هوة ممعتمد علة العلم المذكور بأي وحدة من الديانات لا اليهودية ولا غيرهة
هههههههههههههه
ادري ليشش انتي عصبية عاشقة ترى والله اني الرئيس يوسف الحباب ::38::::38::::38::
بس هو انشتاين طلع من بطن امه يعرف يقرأ ويكتب
لو اكو اساتذه وعلماء وضحو العلم ودرسووو
وهو بذكاء اكتشف النظرية النسبية

[عاشقة دجلة / المسسبي]

هههههههههههههه
ادري ليشش انتي عصبية عاشقة ترى والله اني الرئيس يوسف الحباب ::38::::38::::38::
بس هو انشتاين طلع من بطن امه يعرف يقرأ ويكتب
لو اكو اساتذه وعلماء وضحو العلم ودرسووو
وهو بذكاء اكتشف النظرية النسبية


لا صدكني مو عصبية هههههه شون شغلة هاي .. ::8::

آني ابين عصبية بل ردود مدري ليش بس آني ماكون عصبية

المهم .. هلة بيك يوسف ::8:: هههههه هاي شكد تغير اسمك انت تلث مرات بل يوم .. هههههه المهم


انشتاين مطلع يعرف يكتب من بطن امه هههههههه اكيد ..

بس هوة مستند عل دين بستنتاج النظرية النسبية

و لا اصلا استند لمعادلات نيوتن اللي هية الوحيدة جانت بهل مجال و السباقة و الاصح جانت

اصلا جاب قوانين غير قوانين نيوتن و قوانينة هسة هية الاصح و هية المستعملة و هية الفيزياء الحديثة و هية اللي يعتمدون بيهة من يريدون يحسبون المسافات بل فضاء .. و كل السوالف الحسابية بل فضاء

::17:: لئن هية تستخدم للمسافات الجبيرة و سرعة الضوء و هاي السوالف ::17::


بس معتمد بأي مرحلة من مراحل دراسته و بحثه و استنتاجه علة اي دين ..

طبعا و اني بس ذكرت انشتاين .. كل بقية العلماء مثل انشتاين

و الدليل تشوف اكثرية العلماء اصلا ملحدين للنخاع :20::و لة يعرفون الله ولا مقتربين منة و من كتبه ( اصلا يعني همة معارفين شبيهة شمابيهة )

[۩الـرئـيـس يوسف۩]

عاشقة اقنعتيني بكلامج

[عاشقة دجلة / المسسبي]

good

حلو الناس تتناقش و تنفتح و بل نهاية نوصل لحل واحد

نادرا متصير عدنة هاي الحالة بدجلة

احييك

[۩الـرئـيـس يوسف۩]

good

حلو الناس تتناقش و تنفتح و بل نهاية نوصل لحل واحد

نادرا متصير عدنة هاي الحالة بدجلة

احييك
لا يمعودة عاشقة هو كلشي بالتفاهم
وخاصة اني احب هذا النوع من البنات الي يناقشون ويطرحون افكار
وتنطي فكرة مقنعة
تحياتي وردة

[عاشقة دجلة / المسسبي]

عفووووو

شرفتني بحجيك

[**نسمة محبة**]

هلوو انتي قلتي انهم عرفو انو ممارساتهم غلط وبطلو هذي المسائل زين هم شلون عرفو انو هذا غلط شنو الشي اللي خله عقلهم ينفتح وخلاهم يبطلون ممارستها غير من تطور المجتمع والناس وانفتاحهمممم وقلتي انتي بلسانج من اجتهاداتهم زين همه غيرشافو هذي شغلات غلط بلنسبه لمجتمع كام يتطور وينفتح وصارت شخلات غريبه ومن خلال اجتهادهم تطورت شويه يا اختي ,, وقلتي اصلاا اجسامنه هي مو النه ليسوع بله شرحيللي شلون مو اللنه لعد الله خلقنه عبد اله مسيرر خلقنه الات اله وخلقنه لعابات ويحركنه بيده ؟؟؟؟؟اتوقع لالا لان الله شكد ما حبنه خلقنه على الارض وخلقنه على صورته ومثاله وتره خلق الانسان حررررررررررررر بتصرفاتا وما فرض عليه ومن هو بطن امه ايكون في اتجاه معين او بدين محدد , الانسان حرررر بتصرفه واختياره للدين والعقيده والبشر هو اللي يحدد هو اي كيان يريد يتبع,,,واني اذا عللى حجيج جسمي الله ماخلقه اللي كانسانه وحره بي مو اللي لرغباتي ومعتقداتي اللي اريده ما اريده هذا جسمي لاني راح اضير مسيره بكل شي وغير مخيره وعندي راي لمنو اريد اتبع واني وياج بانو اني كانسانه مسيحيه مسيحيه واصر على مسييحيه واللي اني كانسانه حره انولدت وانيييييييييييييييييي بحريتييييييييييي اختاريت ديني ومن خلال قناعه تامه قبلت بي احاول انطي بكل قوتي وحبي وروحي للمسيح مو لان اني جسمي للمسيح لان اني اللي اختاريت ان يكون كل مابيه للمسيح ولخدمته احاول ان انطي كل مابوسعي

[&& جنية بغداد &&]

طبعا اشكر اختي نسمه محبه لان بلضبط هذا الشي اللي ردت اقوله وحجتي انتي قبلي وبعد ماكو داعي اعلق لان حجيج اني مقتنعه بي واتمنى من المشترك اللي طرح هذا السؤال اريد بان ينطينه رايه لان هو بس طرح سؤال وما جاوب فاتمنى بان يكتب شنو رايه وهو منين جايب هل سؤال ومع السلامه ومشكور على موضوع

[elona]

ليش الربط بين الدين والعلم؟ الدين مجموعة قيم ومباديء واخلاق توجه الانسان بحياته وتعرفه الصح من الغلط وتخلي منه انسان افضل لخير مجتمعه ويبقى كل انسان ومدى ايمانة وتقبلة وطريقة تعامله وية هاي القيم والمباديء والكتاب المقدس كنص كتابي اكيد مااتطور هو باقي نفسة بس طريقة تفسيرة هي اللي تتغير وصح لو غلط يبقى هذا الشي محكوم عليه بكل حالة على حدة، اما العلم فهو اللي يتطور لانه المسؤول عنة هو الانسان ،الله انطانة عقل واحنة باستخدامنة الله وصلت البشرية الى التطور اللي هي بيه هسة وبرايي احنة ممحتاجين يكون الكتاب المقدس معجم علمي لانه ماممكن انه يحتوي كل شي وما ممكن يكون بيه كل الحلول الجاهزة لكل مشاكل الحياة بس بيه الاسس اللي تخلينا نحكم من خلاله مثلا مشكلة الاستنساخ البشري منكدر نفتح الكتاب المقدس ونشوف مسموح بيهة لو لا بس نكدر نعرف انه الله خلق الانسان على صورته ومثاله وميزه عن باقي الكائنات كلها فمن نجي احنة نسمح بالاستنساخ البشري راح نكون لغينا هاي الميزات كلها وهيج بالنسبة لكل تحدي بالحياة....
اعذروني ادري طولت بس مكدرت اختصر الفكرة اكثر من هيج
تقبلوا مروري واضم صوتي لجنية بغداد وياريت المشترك يجاوبنا ونعرف رايه

[عاشقة دجلة / المسسبي]

هلوو انتي قلتي انهم عرفو انو ممارساتهم غلط وبطلو هذي المسائل زين هم شلون عرفو انو هذا غلط شنو الشي اللي خله عقلهم ينفتح وخلاهم يبطلون ممارستها غير من تطور المجتمع والناس وانفتاحهمممم وقلتي انتي بلسانج من اجتهاداتهم زين همه غيرشافو هذي شغلات غلط بلنسبه لمجتمع كام يتطور وينفتح وصارت شخلات غريبه ومن خلال اجتهادهم تطورت شويه يا اختي ,,


بل نسبة للكنيسة اللي حكمت اوروبا فعرفت انو هية غلط .. لمن الشعب ثار عليهة بحيث الكنيسة جانت كاثوليكية طلعت البروتستانتية و كامت تحاربهة و تحارب معتقداتهة بشدة

فبعدين ورة مشقت الحكم الكنسي .. شافو انو الشغلات الجانو فارضيهة مموجودة اصلا بل انجيل و مالهة اصل ..

مو لئن المجتمع اتطور .. يعني مثلا انطيج مثل

جانت الكنيسة فارضة الحجاب و الحجاب هوة غطاء الشعر الا عن الزوج و مجانت اي وحدة تكدر تعارض و متلبس حجاب و الا مادري شيسوولهة

بس ورة ما راح الحكم الكنسي البنات ذبو هاذة الحجاب الاجباري

مو الحكم الكنسي لغة الحجاب لئن اكو بنات ذبو الحجاب و الكنيسة شافت عدم الحجاب شي متطور

عرفتي شون



وقلتي اصلاا اجسامنه هي مو النه ليسوع بله شرحيللي شلون مو اللنه لعد الله خلقنه عبد اله مسيرر خلقنه الات اله وخلقنه لعابات ويحركنه بيده ؟؟؟؟؟اتوقع لالا لان الله شكد ما حبنه خلقنه على الارض وخلقنه على صورته ومثاله وتره خلق الانسان حررررررررررررر بتصرفاتا وما فرض عليه ومن هو بطن امه ايكون في اتجاه معين او بدين محدد , الانسان حرررر بتصرفه واختياره للدين والعقيده والبشر هو اللي يحدد هو اي كيان يريد يتبع,,,واني اذا عللى حجيج جسمي الله ماخلقه اللي كانسانه وحره بي مو اللي لرغباتي ومعتقداتي اللي اريده ما اريده هذا جسمي لاني راح اضير مسيره بكل شي وغير مخيره وعندي راي لمنو اريد اتبع واني وياج بانو اني كانسانه مسيحيه مسيحيه واصر على مسييحيه واللي اني كانسانه حره انولدت وانيييييييييييييييييي بحريتييييييييييي اختاريت ديني ومن خلال قناعه تامه قبلت بي احاول انطي بكل قوتي وحبي وروحي للمسيح مو لان اني جسمي للمسيح لان اني اللي اختاريت ان يكون كل مابيه للمسيح ولخدمته احاول ان انطي كل مابوسعي


هسة اشرحلج حبيبتي .. بس شوية اعصابج وياية ::50:: مصار شي ترة ::26::

اي المهم

شوفي الله من خلقنة علة صورتة .. المقصود ب " صورته " هية صفاته الصالحة مو الصفات الجسمية او شكلنة الجسمي .. حشا الله من هيج شي


و هوة الله خلقنة .. يعني احنة مالتة لالله .. احنة احرار صحيح .. اكيد احرار .. بس احنة مالتة ..

و السبب في تحريم ممارسة الجنس كبل الزواج ( الزنا ) هوة انو اعضائنة هية مال الله مو النة .. و ميصير نستخدمهة مثل منريد مثل الحيوانات ..

و السبب انو الكنيسة ( الشرقية و كنائس الشرق بصورة عامة للأرمن و الآشوريين و السريان و الكلدان و الاقباط ) اتحرم حرق الجثة بعد الموت

هية انو جسم الانسان مال الله و ميصير نشوهة ..


انتي حرة كامل الحرية بجسمج اكيد و شنو متريدين تسوين تسوين .. بس دا احجيلج اني الشي اللي المفروض تسوي بل نسبة لوجهة النظر المسيحية

[عاشقة دجلة / المسسبي]

جان الكاهن يتبع ممارسات تعذيب نفسه جسديا مثلا ينام على لوح من بسامير او يجلد نفسه اويصلب نفسه او اي طريقه اتخلي يتألم بعتقاده بانو هذا الشي راح يقربه لله او يغفر عن ذنوبه


و لهاذا حبي هاذة الشي غلط .. لئن اجسامنة مو مالنة مال يسوع

فميصير نجرحهة و نأذيهة .. خاصة انو ماك اي شي هيجي يكول بل انجيل

و هاذة شي مالة علاقة بتطور الدنية و المعتقدات

و لو جان الة علاقة مجان شفتي لحد الآن اكو ناس شاذة تتبع هاي السوالف

لئن اكو بل حقيقة .. و نشالله رحح يعرفون همة غلط و يبطلون اللي يسوو

[عاشقة دجلة / المسسبي]

اما العلم فهو اللي يتطور لانه المسؤول عنة هو الانسان ،الله انطانة عقل واحنة باستخدامنة الله وصلت البشرية الى التطور اللي هي بيه هسة وبرايي احنة ممحتاجين يكون الكتاب المقدس معجم علمي لانه ماممكن انه يحتوي كل شي وما ممكن يكون بيه كل الحلول الجاهزة لكل مشاكل الحياة بس بيه الاسس اللي تخلينا نحكم من خلاله

هاذة الردت اكولة لصاحب الموضوع .. انت كلتة بختصار .. مشكور

[اميرالغرام]

شكرا على الردود
.
عاشقه دجله
.
انتي طرتيني من المنتدى
.
اذا ماكون مسيحي ؟؟؟
.
هذا اسلوب غير لأئق
.
واني اول مرى ازور المنتدى الدين المسيحي
.
وبصراحه اني مو مسيحي بس احب ان
.
اقراء عن الدين المسيحي واعرف كل شئ
.
وردي على جنيه بغداد
.
اني وجهت سؤال وانتظر من بقيت الاعضاء الرد عليه
.
يعني مو اني ارد
.
وشكرا على مشاركاتكم
.
واتمنى ان اكون صديق لكم
.
بس اذا ماكو مكانلي في منتداكم
.
انسحب
.
تحياتي


انمار السعدي
::57::

[اميرالغرام]

جوابي على السؤال

- مما لا شك فيه أن الدين المسيحي يتناسب مع العصر

<SPAN lang=AR-SA style="FONT-SIZE: 18pt; FONT-FAMILY: Traditional Arabic"><FONT color=indigo><FONT face="Arial Black">الحديث، كما يطابق غيره من العصور السابعة واللاحقة. فالدين المسيحي دين سماوي مبني على التعاليم السماوية وعلى دستور السماء الذي رتّبه رب الكائنات، القادر على كل شيء والعالِم بكل شيء. وبما أن الله لم يضع تعاليمه لعصر معين بل لكل العصور، فإن الدين المسيحي الذي يدعو إلى المحبة والإخاء والتسامح، هو دين كل العصور لا دين عصر معين فقط. ويقول الكتاب المقدس بهذا الصدد: "وأما كلمة إلهنا فتثبت إلى الأبد" (إشعياء 8:40). ويقول أيضاً عن السيد المسيح الذي هو محور الكتاب المقدس لدى المسيحيين: "يسوع المسيح، هو أمساً واليوم وإلى الأبد" (عبرانيين 8:13). وهذا يعني أن السيد المسيح وتعاليمه ثابتان إلى الأبد. ويقول الكتاب المقدس أيضاً: "وأما كلمة الرب فتثبت إلى الأبد وهذه هي الكلمة التي بُشِّرتم بها" (1بطرس 25:1). فكافة المراجع الكتابية تشير إلى أن الدين المسيحي هو دين كل العصور. والكتاب المقدس الذي هو كلام الله مليء بالتأكيدات التي لا يمكن حصرها. فكلامه وشرائعه وتعاليمه باقية وستبقى إلى الأبد. وكيف لا تدوم التعاليم التي تدعو إلى المحبة والإخاء والمسامحة والغفران والخلاص والفداء؟ فهل المحبة تختص بعصر معين دون سواه؟

[عاشقة دجلة / المسسبي]

عاشقه دجله
.
انتي طرتيني من المنتدى
.
اذا ماكون مسيحي ؟؟؟
.
هذا اسلوب غير لأئق
.
واني اول مرى ازور المنتدى الدين المسيحي
.
وبصراحه اني مو مسيحي بس احب ان
.
اقراء عن الدين المسيحي واعرف كل شئ



عيني اني مطردتك .. آني كتلك .. اذا انت مو مسيحي .. فممنوع تسئل أسئلتك بمنتدى الدين المسيحي .. راجع قوانين المنتدى

اذا عندك سؤال تسئلة بمنتدى حوار الاديان


و مع احترامي الك .. آني مجان اسلوبي غير لائق

بس اصلا احنة مدة ندور اسلوب لائق ومجاملات .. عدنة منتديات و ندور نظام و فائدةو فهم


يعني القوانين اتكول انت ميصير تحط موضوعك هنا .. شتريدني اكوللك ؟

المنتدى يحتاج نظام و آني داحاول اطبقة

[عاشقة دجلة / المسسبي]

انت الك كل الحق انو تدخل بل منتدى و تشارك عادي بل مواضيع و الردود بما يخص الديانة المسيحية ..

بس اسئلة غير المسيحيين خاصة بمنتدى حوار الاديان فقط

[اميرالغرام]

ماكو داعي ارد على كلاماتج
.
بس اكول الدين ان كان مسيحي او
.
الدين السلامي
.
دين التسامح
.
ويرفظ المتعصبين فل دين
.
فلا يكون الانسان متعصب بدينه جدا
.
فل دين هداء لللانسان
.
فلماذا التعصب
؟؟؟؟؟
::27::

[عاشقة دجلة / المسسبي]

هههههههه وين التعصب دخيلك ؟

كل اللي اريده و اقصده و اهدف الة هوة النظام .. بسسسسس

و آني اللي كاتبة قوانين المنتدى .. شوف اول قانون شنوة .. اول قانون

و اول شي اجة ببالي اكتبه .. قانون رقم واحد ..

مالة علاقة بل أديان ..

بس اذا عندك سؤال مثل مكتلك .. ميصير تسئلة هنا .. لازم بمنتدى الحوار

that's it

[&& جنية بغداد &&]

احب اقلج ياعاشقت دجله انتي رائيج وحره بي واني رائي وحره بي اني بس انطيج ملاحضه يمكن اتفيدج شويه بلحياة لمن تقرين موضوع او ينطرح موضوع وجان الموضوع ما يعجبج او مو مثل الرائ اللي انتي اتريدي لاتتهجمين على المقابيلج وتسوين روحج فاهمه كلشي بلدنيه اني من خلال اطلاعي على اراء المشاركين اتبين انو انتي شويه من نوع المتهجمه بطريقت حجيج ما اعرف هذي طبيعتج هيجي لو شلون وسويتيني اني دا احجي عصبيه ليش وين العصبيه بطريقة كلامي اني طرحتلج فكرتي وانتي ماعجبتج فماكو داعي لمن شي ما يعجبج تتهجمين عليه واتصرين بانو هذا غلط اني اتمنى تسالين فد قس بهذا السؤال مال تطور دين والمجتمع وشوفي شراح يجاوبج اني سعيده لان بمجتمعنه اكو نوع من الحوار الصريح وتععد الافكار وهذا شي كلششششششش ايجابي اول شي النه ولمجتمعنه ومشكوره على تعليق

[&& جنية بغداد &&]

اهلا وسهلااا بيك يا امير الغرام وشرفتنه وهذا مدعات فخر النه بانو تتطلع على الدين المسيحي وتشارك بي وانت صديق عزيز النه

[عاشقة دجلة / المسسبي]

احب اقلج ياعاشقت دجله انتي رائيج وحره بي واني رائي وحره بي اني بس انطيج ملاحضه يمكن اتفيدج شويه بلحياة لمن تقرين موضوع او ينطرح موضوع وجان الموضوع ما يعجبج او مو مثل الرائ اللي انتي اتريدي لاتتهجمين على المقابيلج وتسوين روحج فاهمه كلشي بلدنيه اني من خلال اطلاعي على اراء المشاركين اتبين انو انتي شويه من نوع المتهجمه بطريقت حجيج ما اعرف هذي طبيعتج هيجي لو شلون وسويتيني اني دا احجي عصبيه ليش وين العصبيه بطريقة كلامي اني طرحتلج فكرتي وانتي ماعجبتج فماكو داعي لمن شي ما يعجبج تتهجمين عليه واتصرين بانو هذا غلط اني اتمنى تسالين فد قس بهذا السؤال مال تطور دين والمجتمع وشوفي شراح يجاوبج اني سعيده لان بمجتمعنه اكو نوع من الحوار الصريح وتععد الافكار وهذا شي كلششششششش ايجابي اول شي النه ولمجتمعنه ومشكوره على تعليق


حبيبتي صح اكو آراء .. بس مادام هية قضية اكو صح و اكو غلط

انتي كلتي حجيج .. و اني حسب معرفتي مع احترامي الج هوة غلط .. و شرحتلج شون هوة غلط .. فاذا عندج اعتراض اتناقشي وياي .. احنة جايين هنا دنعرف الصح و دنجمع اكبر قدر من المعلومات

مو جايين بس نتخالف نكول اختلاف آراء

بعدين اني الموضوع مو معجبني .. سؤال هوة مابي شي يعجب او ميعجب

::9:: شغلة لخ ::9:: آني مو عصبية ::9:: بس ابين هيج من احجي بل منتديات و بل مسنجر ::9:: بس بل طبيعة مو هيج ابداً ::9::

اما القسان .. هههههه فآني لازمتهم خفارة بل اسئلة لتخافين

[marta]

الدين ماله علاقة بلعلم العله هو خطوة من خطوات انسان في الحياة وخاصة الدين المسيحي الذي يتناسب مع كل العصور و الازمان لان هو دين التسامح والمحبة والامان

[King OF Scorpions]

طبعا اني كتبت مرتين رد ولمن اجي اثبته يفصل النت فمراح اكدر اعيده كله لانه جان طويل نص ساعه بس اكتب رد وهسا بعد مراح اعيده اعذروني بس حبيت ان اجاوب شويه على السؤال الي كتبه الاخ امير انه الدين مبيه اي تطور فقط الانسان ايطور وعقل الانسان والمجتمع ايطور ماكو تطور بدين لانه دين كلمة الله التي لاتتغير فماكو داعي الكل هاي الحزازيات الي تخلقوها بيناتكم لانه انتم اخوه وهذا السؤال جوابه صريح وماكو غير هذا الجواب الدين ميطور ويمشي ويا كل الزمن وكل عصر

بس اني وياعاشقه بالاجوبه بس مو وياها بالعصبيه وكافي عاد على هاي الاجوبه والردود والحزازيات الي بيناتكم احنا مجايين هنا علمود انسوي مشاكل لو اتكون بيناتنا مشاكل وحجي فارغ كله هاي الاشياء معليها ابهذا الموضوع الحجي مالتكم كله فارغ مع احترامي لشخصياتكم بس بالنسبه الي كله فلرغ من قبل عاشقه وجنية لانه ماكو داعي الهاي الجدالات ابداخل موضوع مبيه هيجي نقاشات الاخ سئل سؤال وجاوبوا على قدر السؤال ماكو داعي الغير افرع اطلعون داخل الموضوع مع تحياتي الكم ارجو ان متزعلوا من كلامي شكراااااا

[The Surgeon]

الرجاء الالتزام بقوانين المنتدى ..من حيث نوع المواضيع المدرجه