عمار دجلة
09-12-2007, 03:42 PM
سلام عليكم قصيدة على المحتل نشالله تعجبكم
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
أخاف أكًرب عليك واوكًع النـّوب... لأن كلّك حلو ومجنونة أديه
طحت مرة بهواك ولسـّه مصيوب.....وأخاف النـّوب أطيح وهاي هيه
طحت مرة بهواك ومآني ندمان.... من يندم على اليعشـًك مثالك
أذا وجهك كًمر بالفضة مليان..... وين ماتمشي يتفضه أهلالك
وأذا جفّك نـَبِع، والكًون عطشان.... وزلال الماي يشرب من زلالك
وأذا فيّك يعادل مية بستان..... يا نخلة التِسد الفي بدالك
يبو عود الحلو ومن ألله ريان .... شَتِل شمس بسما أمعشب شتالك
وأذا ورد الكًرنفل بيك هيمان... الملح معذور لوهام بدلالك
يعصرية حديقة ، وفجر نهران.... يخيعونه الغفه بكوسر خيالك
ويا لحظة شعر والليل نعسان..... قصيدة وليل وأتخيل جمالك
أيا كاس الصبر والكاس مليان... فلا يوم الصبر مل وأشتكالك
مضن سبعين وأيوبك الى الآن.... شباب وبيه صبر كًد ماحلالك
يناعم يا ترف، ياشطب ريحان..... أشتهيناك بعدالك وبميالك
مثل بردة عروس أكًبال سكران.... وره البردة الخفيفه يمر خيالك
ومثل حجي الكمان بأيد فنان..... بيديه الكًلب دًك وحچالك
ومثل بجي الشواطي بموت نهران..... حَدر جفني العمر ياما بجالك
ومثل نجمة يتيمة بليل بردان..... العمر ثلج ولك من شح وصالك
يتـّمني الكًلب من زغري يفلان..... من ذبني أعله سچة وراح يبرالك
لهسه أرضع هواك بديس الأحزان.....ورغم شيبي أنه أحتاج لدلالك
يلوموني بمحبتك عده وصحبان..... وأنياب الملامة تلوچني أكبالك
وحك مايك، كًضيت العمرعطشان..... ولامدّيت چفي لغير مايك
وحًك نعمة خبزتك مآني جوعان.....وبحلكًي العسل خبزك وچايك
وأذا مليون ناي يعزفن ألحان..... فلا تطرب أجروحي لغير نايك
وأذا يوم أسألتني أشلونك أفلان..... أظل للموت أتباهى بسؤالك
أنا بكلبي يقين الناس بُهتان..... وأقوى من المؤكد أحتمالك
يمن دمك أمريع مثل نيسان.... وشكًو أحمر ورد فتح بجالك
ويمن وجهك أمبسم مثل بستان..... والكمرة بيمينك وبشمالك
وأذا سبعين كمرة أصطفت ألوان.... ياهو اليكدر أيطفي أحتفالك؟
قدر مكتوب حبك صار يفلان..... ولآخر سطر أنطر وصالك
وأذا عود الطرب يحتاج دوزان..... أنا أمدوزن على نغمة جمالك
يبيبان الفجر يا أحلى بيبان..... ويفال الخير للغباش فالك
المثلك فلا يحتاج عنوان.... بكل ضحكة طفل موجود عنوانك
والمثلك فلا يحتاج برهان برغيف الخبز يلكًون برهانك
والمثلك فلا يحتاج نيشان.... بذراع الشمس موجود نيشانك
من الوثبة وأخذها وياك للسلمان .... للحلة وسجنها، لقمة أجبالك
ومن زاخو،لآخر بيت في صفوان..... تلكاها لظم ملظومة أجيالك
وليهسه الكًصب يتشكر بميسان.... وبكًلبه الجبايش زارع أفعالك
وما تحلف يمين وتقسم المعدان.... الا بشاربك وبهيبة أعكًالك
بقطارالموت ماعت رزة البيبان..... وما لانت وماعت غيرة أرجالك
ومن طاح النصير بليل كردستان.....ترك جثته أعلى التراب وشالك
أمس جتني تحية وجاني مكتوب ... ومع المكتوب أجت منك هدية
تكًلي أرجع حبيبي وأعشك النوب... وأتحمل ولو عشكًي أذيه
تؤمرني أمر.. وأرجعلك النوب.... وخلي أشما يصير يصير بيه
الأذيه تصير ونسه بهوى المحبوب..... وأشتسوه المحبة أبلا أذيه؟
طحت مرة بهواك ولسه مصيوب.... وما أندم أذا أنصاب ميه
مثل رمل الشواطي أرويحتي أتلوب.... أعلى مايك ولو بيه المنية
الشمس يطفه جمرها بجية الغروب ... وأنا أتلاثين عام النار بيه
عشــًك بدوي أعشكًك وأبد ماأتوب .... وأظل أنطر حنينك للمنيه
مثل متذوب شمعة أرويحتي تذوب.....وأخاف أخلص كبل متحن عليه
نعم أرجع وأجيك وأوكًع النوب.... وخلي أشما يصير يصير بيه
وأذا أجدامي يتعبن من الدروب.... من أمريكا أجيك أمشي أعلى أديه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ
أخاف أكًرب عليك واوكًع النـّوب... لأن كلّك حلو ومجنونة أديه
طحت مرة بهواك ولسـّه مصيوب.....وأخاف النـّوب أطيح وهاي هيه
طحت مرة بهواك ومآني ندمان.... من يندم على اليعشـًك مثالك
أذا وجهك كًمر بالفضة مليان..... وين ماتمشي يتفضه أهلالك
وأذا جفّك نـَبِع، والكًون عطشان.... وزلال الماي يشرب من زلالك
وأذا فيّك يعادل مية بستان..... يا نخلة التِسد الفي بدالك
يبو عود الحلو ومن ألله ريان .... شَتِل شمس بسما أمعشب شتالك
وأذا ورد الكًرنفل بيك هيمان... الملح معذور لوهام بدلالك
يعصرية حديقة ، وفجر نهران.... يخيعونه الغفه بكوسر خيالك
ويا لحظة شعر والليل نعسان..... قصيدة وليل وأتخيل جمالك
أيا كاس الصبر والكاس مليان... فلا يوم الصبر مل وأشتكالك
مضن سبعين وأيوبك الى الآن.... شباب وبيه صبر كًد ماحلالك
يناعم يا ترف، ياشطب ريحان..... أشتهيناك بعدالك وبميالك
مثل بردة عروس أكًبال سكران.... وره البردة الخفيفه يمر خيالك
ومثل حجي الكمان بأيد فنان..... بيديه الكًلب دًك وحچالك
ومثل بجي الشواطي بموت نهران..... حَدر جفني العمر ياما بجالك
ومثل نجمة يتيمة بليل بردان..... العمر ثلج ولك من شح وصالك
يتـّمني الكًلب من زغري يفلان..... من ذبني أعله سچة وراح يبرالك
لهسه أرضع هواك بديس الأحزان.....ورغم شيبي أنه أحتاج لدلالك
يلوموني بمحبتك عده وصحبان..... وأنياب الملامة تلوچني أكبالك
وحك مايك، كًضيت العمرعطشان..... ولامدّيت چفي لغير مايك
وحًك نعمة خبزتك مآني جوعان.....وبحلكًي العسل خبزك وچايك
وأذا مليون ناي يعزفن ألحان..... فلا تطرب أجروحي لغير نايك
وأذا يوم أسألتني أشلونك أفلان..... أظل للموت أتباهى بسؤالك
أنا بكلبي يقين الناس بُهتان..... وأقوى من المؤكد أحتمالك
يمن دمك أمريع مثل نيسان.... وشكًو أحمر ورد فتح بجالك
ويمن وجهك أمبسم مثل بستان..... والكمرة بيمينك وبشمالك
وأذا سبعين كمرة أصطفت ألوان.... ياهو اليكدر أيطفي أحتفالك؟
قدر مكتوب حبك صار يفلان..... ولآخر سطر أنطر وصالك
وأذا عود الطرب يحتاج دوزان..... أنا أمدوزن على نغمة جمالك
يبيبان الفجر يا أحلى بيبان..... ويفال الخير للغباش فالك
المثلك فلا يحتاج عنوان.... بكل ضحكة طفل موجود عنوانك
والمثلك فلا يحتاج برهان برغيف الخبز يلكًون برهانك
والمثلك فلا يحتاج نيشان.... بذراع الشمس موجود نيشانك
من الوثبة وأخذها وياك للسلمان .... للحلة وسجنها، لقمة أجبالك
ومن زاخو،لآخر بيت في صفوان..... تلكاها لظم ملظومة أجيالك
وليهسه الكًصب يتشكر بميسان.... وبكًلبه الجبايش زارع أفعالك
وما تحلف يمين وتقسم المعدان.... الا بشاربك وبهيبة أعكًالك
بقطارالموت ماعت رزة البيبان..... وما لانت وماعت غيرة أرجالك
ومن طاح النصير بليل كردستان.....ترك جثته أعلى التراب وشالك
أمس جتني تحية وجاني مكتوب ... ومع المكتوب أجت منك هدية
تكًلي أرجع حبيبي وأعشك النوب... وأتحمل ولو عشكًي أذيه
تؤمرني أمر.. وأرجعلك النوب.... وخلي أشما يصير يصير بيه
الأذيه تصير ونسه بهوى المحبوب..... وأشتسوه المحبة أبلا أذيه؟
طحت مرة بهواك ولسه مصيوب.... وما أندم أذا أنصاب ميه
مثل رمل الشواطي أرويحتي أتلوب.... أعلى مايك ولو بيه المنية
الشمس يطفه جمرها بجية الغروب ... وأنا أتلاثين عام النار بيه
عشــًك بدوي أعشكًك وأبد ماأتوب .... وأظل أنطر حنينك للمنيه
مثل متذوب شمعة أرويحتي تذوب.....وأخاف أخلص كبل متحن عليه
نعم أرجع وأجيك وأوكًع النوب.... وخلي أشما يصير يصير بيه
وأذا أجدامي يتعبن من الدروب.... من أمريكا أجيك أمشي أعلى أديه