mballack13
09-10-2007, 02:27 PM
عوفني
هي: عوفني
هو: مابيّ أعوفج ...........آنه مثلچ وين الگه
يامن إيلمني محنّه ............أوبالزعل يفرشلي خلگه
إنتي آخر شاطي أطويله شراعي..
أو يمچ المركب أحرگه
هي: عوفني!!!
هو: مابيّ أعوفچ..
مثل گلبچ وين ألگه
آنه من إسنين أحمّل من جرف حزني مراكب
أو على مد الشوف ماي ،أو سما زرگه
لاكسر گلبي إعله شاطي..
أو لا خذت بالدرب رفگه
مثل سبّاح الشواطي…
يشمر أويه الروج طوله
أويبقى مشدود إويه عرگه
هي: عوفني
هو: ما بيّه أعوفچ.. إنتي آخر شي أفكّر يوم أخسرة
آنه من غيرچ سوالف..
صم خطيّة أبوجه منسي .. أو طيف ذكرى
يامن إعيونچ ضواي..
أو على أشطوط الحزن يمتدّن گناطر
يادفو ظلّي إعله بختچ..
بعد بضلوعي برد ليل السواتر
بعد بضلوعي الشظايا..والظنون…
البنت فوگ الروح عشها أو ماتهاجر
هي : عوفني
هو : مابيّ أعوفچ..
آنه لو عفتچ أضيع ..
أوما أضن تطلع عليّ الشمس باجر
ballack
هي: عوفني
هو: مابيّ أعوفج ...........آنه مثلچ وين الگه
يامن إيلمني محنّه ............أوبالزعل يفرشلي خلگه
إنتي آخر شاطي أطويله شراعي..
أو يمچ المركب أحرگه
هي: عوفني!!!
هو: مابيّ أعوفچ..
مثل گلبچ وين ألگه
آنه من إسنين أحمّل من جرف حزني مراكب
أو على مد الشوف ماي ،أو سما زرگه
لاكسر گلبي إعله شاطي..
أو لا خذت بالدرب رفگه
مثل سبّاح الشواطي…
يشمر أويه الروج طوله
أويبقى مشدود إويه عرگه
هي: عوفني
هو: ما بيّه أعوفچ.. إنتي آخر شي أفكّر يوم أخسرة
آنه من غيرچ سوالف..
صم خطيّة أبوجه منسي .. أو طيف ذكرى
يامن إعيونچ ضواي..
أو على أشطوط الحزن يمتدّن گناطر
يادفو ظلّي إعله بختچ..
بعد بضلوعي برد ليل السواتر
بعد بضلوعي الشظايا..والظنون…
البنت فوگ الروح عشها أو ماتهاجر
هي : عوفني
هو : مابيّ أعوفچ..
آنه لو عفتچ أضيع ..
أوما أضن تطلع عليّ الشمس باجر
ballack