حب العراق قصيده الى كل عراقي

[امور بغداد]

السلام عليكم
الي كل عراقي وعراقيه قصيده حب العراق


::37:: الى كل عراقي وعراقيه::37::


يسئلوني منين انته شيعي لو سنًي
انه مسلم وبطن العراق تحملني
وما فرفت من شالت عمر وحسين
منين أنته وجاي تريد تفرقني
انه مسلم وايماني لرسول الله
وبربي الواحد ما تكدر تكفرني
انه المشانق والمحكوم بالاعدام
وجم مره بمره الجلاد يعدمني
بس ما كدر لأني صوت الحق
وصوت الحق عايش وماتكدر تموتني
انه ابن العراق الي وكعَت مجروح
لتفرق مد الي ايدك وكوَمني
النار الرمتني مو من هذي الكاع
نار اجنبي متقصده وتعرفني
صاحب نخوه وماتهزني اخطار
وجم غزو واحتلال وماكدر يغيرني
بقيت العراق وعلم بهذا الكون
ودروس الصبر كلهم اتعلموا مني
غيرتي اعله الشرف والكاع
ومضيفي عامر ومخذلت الينشدني
خلتوحد وميهمك حجي مظمور
حط ايدك بأيدي وللوحده انغني
لأنك عراقي والعراقي دوم
ما ينسه رَبعه خليك ذاكرني
وننسه الجرَه ونبيض الاوراق
مديت ايدي الك مد ايدك وصافحني

بعد ان قرؤتوا القصيده شنو رايكم تؤيدون لو تعارضون ممكن مشاركتكم
::55:: امور بغداد ::55::

[بنت الرمادي]

لأنك عراقي والعراقي دوم
ما ينسه رَبعه خليك ذاكرني
وننسه الجرَه ونبيض الاوراق
مديت ايدي الك مد ايدك وصافحني

طبعا" نأيدك امور بغداد
عاشـــــــــــت ايدك
مشكور على هاي القصيدة الحلوة

[اسد بابل]

شكرا على هذا الشعر الوطني الجميل
اخي امور المسيحين وكل عراقي ميهم مين هو (مسلم_مسيحي_ صابئي_يزيدي_او اي دين اخر او قوميه)المهم كلنا عراقين ونخلي ايد بايد ونجتمع دنبني هذا الوطن ونجمع جروحه ونداويه
اخوكم المحب دائما اسد بابل::55:: ::55::

[عاشق تراب العراق]

تسلم ايدك وحياك الله والله يحفض العراق واهلة عامة ومشكور

وكل عام وانتم والعراقيين بالف الف الف الف الف خير

[عاشق تراب العراق]

تسلم ايدك وحياك الله والله يحفض العراق واهلة عامة ومشكور

وكل عام وانتم والعراقيين بالف الف الف الف الف خير
وان شاء الله ينتشر الامن والامان في بلاد الرافدين

[salwan_salwan]

مشكور حبي..........

[zj1989]

شكرا جزيلا اخي على هذه القصيده الرائعه وبالتاكيد احنا نايدك لانه مهما صار نبقى عراقيين وهذا اكبر شرف النا واسمحلي اخي نقلت قصيدتك لمنتدى ثاني لانه كلش عجبتني وكتبت عليها منقول

[امير الرمادي]

الف شكر اخوية وانشالله يجي اليوم الي تروح بيه هاي الطائفية ماطول احنا مخلين گلب على گلب

[الطيب2]

مو طبيعي كلش حلووووووووووووووووووووه

[ابو حسان]

شكراً اموووووووووووور بغداد على هذه القصيده اللطيفه الجميله التي ان دلت على حبك للعراق والعراقيين يا امور الامامير واتمنى ان يتحلى كل العراقيين والعراقيات بهذه المشاعر الجياشه نحو العراق واهله

[neo_lover]

عراقي اني يخسا التاريخ اذا ما يذكر العراق اول ويشطب الثاني

[neo_lover]

لك انتة ذهب على هاي القصيدة الرائعة يا ذهـــــــــــــــــــــــــــــب

[سعـــد القيســــــي]

كلمات رائعة ومعاني اروع ومعبرة ..........
عاشت الايادي ...........

[دينـا البغداديـّة]

عاشت ايدك على هذي القصيدة الحلوة وانشاء الله يرجع الامان لبلدنا ونرجع كلنا الى بلدنا

[نوبار بغداد]

عاشت ايدك ياورد على الكلمات الحلوه
تقبل تحياتي الامبراطور عظله

[امور بغداد]

شكراً الكم على قراءتكم للقصيده وتشجيعكم الي اخوكم امور بغداد

[رامي الغريري]

السلام عليكم شباب

...والله دنـيـا...
والله دنيا تحتفل وحدك حبيبي وأحتفل وحدي أنا
سنة صعبة ياحبيبي وين كنا بكل سنة
...والله دنيا ...
أتخيلك شاغل الجلسة وقمر بين الحاضرين
تبتسم تضحك تغني وداخلك جدا حزين
ودي أضمك ياحبيبي... ودي أبوسك ياحبيبي
ودي لكن وضاع ودي وضعت من أيدي أنا

[طائر الظلام]

::13:: ::13:: ::13::حياك الله على هيجي قصيدة
أبهرتني بكلماتك الراعة تعيش ياوردة ::13:: ::13::

[iraq my love]

نتمنى على العراقيين الوحده في كلامهم وشكرا الكم على هذا الشعر الجميل وانشاء الله تفرج على الجميع

[memo1]

مشكور اخوية

تحياتي

[Ronaldo11]

كلنا وياك و ويا كل عراقي شريف من زاخو للفاو

[بغداد وحشتيني]

حط ايدك بأيدي وللوحده انغني
لأنك عراقي والعراقي دوم
ما ينسه رَبعه خليك ذاكرني
وننسه الجرَه ونبيض الاوراق
مديت ايدي الك مد ايدك وصافحني

عاشت الاياااااااااااااادي على هالقصيدة

[anmarmazin]

عاشت ايدك اخويا ...

كلمات جميله دليل على معدن اصيل ...

[anmarmazin]

عاشت ايدك على القصيده

كلمات جميله ...

[امور بغداد]

شكراً الكم على ارائكم وصدكوني هذا هو العراقي ما يحب التفرقه ويحب الوحده