قصيدة يا حيدر شرد اسولفلك ادخو بسرعة

[باسم البصراوي]

يا حيدر شرد اسولفلك على الصار وجرى بينه
الوكت متحزمنا حزام ويحد بسجاجينه
القضية شلون حلها يصير ياحيدر اذا سفاح قاضينه
واذا راح واجة غيره هم بدمنه راشينه
حلها شلون يا ابو حسين حيل الحسبة مو زينه
حيل توازت ويانه توزت يا علي احمينه
المكابر تشهدلنا اليوم بالجملة انطمينه
ياما راحت النا ارواح وياما ارواح ضحينه
انذبحنا وفيضينا الكاع والدنيا ابتلت بينه
ملينا الشنق والسوط يا مولاي ملينه
ممنوع اليزور حسين شي ضحى لاجل دينه
وممنوع اليحب عباس شي كطعو يساره وكطعو يمينه
وابد ما يرحم السياف اذا بالكوفة صلينه
ياحيدر شرد اسولفلك يا ديوان نتعناه لكها ثلج دلته وفناجينه
والله ديون اليفشل الضيف من غمه وعمت عينه
شيسوي العجيد البيه يكعد وي شياطينه
وعليمن بيرق ابابه بعالي السمة معلينه
ابو الشيمة يا حيدر راح راح الجان حادينه
ضل اليرضع الخنزير يأمرنا وينهينه
وصبرنا يا صبر ايوب عفية شكثر صبرينه
يا حيدر شرد اسولفلك على الصار وجرى بينه
وين الحجه يا مولاي وين المنتظر وينه
ضاكت يا علي الوسعة نريد اليوم مهدينه
ما نحجيلة على الي صار خلي يشوفنه بعينه
يا حيدر ابد ما نصفى واذا مو حجه القائم يصفينه
ميتين احان صار سنين خليضهر علينا اليوم يحيينه
عدنا الحق صبح مكروه والباطل مأيدينه
درب العدل ضيعناه والمعروف ناسينه
صدكنا الجذب مولاي والصادك مجذبينه
يا حيدر شرد اسولفلك
ــــــــــــــــــــــــــــــــــــــــــــــــــ ــــــــــــــــــــــــــ
مع تحياتي