~¤¦¦§¦¦¤~ مُنْـتَـظـَر الحمداني ~¤¦¦§¦¦¤~
09-09-2007, 03:33 PM
السلام عليكم
اليوم جبت مقال من مقالات الكاتب شلش العراقي يارب يعجبكم ومنا وهيج شبعو مقالات شلش هههههههه
اترككم ويه المقال ويارب ايكون عاجبكم
تحياتي
- الفرات : هلو دجله شلونج
-دجله : هلو فرات اشلونك، اكيد مايك لا لون ولا طعم ولا رائحه هههههههه
-الفرات : ههههههههه مايج خفيف، شلونج ولج
-دجله : يمعود شحجيلك اليوم عشر جثث مجهوله الهويه تسعه مقطوعة الراس وبسواحد بيه روح بس اجه حوت واكله
-الفرات : شنوالسوك نازل بالعراق، اني بس خمس جثث لا راس ولا رجلين، ولج شنوبنهرج اكو حوت؟ امورج عدله، اني بس اسبور وجرّي
-دجله : ههههههههههههه جرّي اسكت اسكت لا تجي المليشيات تشفطك، مو الجرّي حرام
-الفرات : ليش يمه حرام
-دجله : يمعود لا تدخلنه بالسياسه، خلينه روحنه طالعه، العفو امواجنه طالعه
-الفرات : عيني دجله، منو كدّج؟ انتي الجواهرييتغزل بيج ويكول حييتوا سفحك عن بعد فحيني يادجله يا ام الخير يام البساتين
-دجله : وانت، منو اتغزل بيك يامكرود
-الفرات : منين ياحسره، اني بس اجه المطرب الوسيم صلاح البحر يغني يمي عمي يا بلام .. تعبـّنه الوكت، ياعمي مجروحين، ياعمي خلينه، بقت بس بساتينا
-دجله : يمعود يا بساتين، تعال شوف حالي بس زبايل، هسه روح شوف باقي الانهر بالعالم، كلها اشجار وازهار، بس حظنه احنا ناكع .. ههههههه هو احنا ماي، شنو ناكع
-الفرات : اي والله، حتى عشاق القبل ماجاي يجون يم الجرف مالتي
-دجله : هـُمّ شنو يجون يمكم يسوّون
-الفرات : مضروبة الجلوه، اتسوين نفسج مطفيه ما تعرفين
-دجله : انزول، استحي ولك، والله اني من الضوجه يمكن راح اطلع من العراق، راح اروح الى الامزون
-الفرات : ولج احنا ماينه ما يسوه بدون العراق، والله يصير ماينه مال مجاري اذانطلع من العراق .. دقيقه دقيقه هاي اربع جثث اجتي ولج هذا بيهم مسؤل جبيربالمنطقه الخضراء
-دجله : عزه، مسؤل جبير بالمنطقه الخضراء، أو مات؟ ..... يمه سوده عليه، هذا مناضل خطيه
-الفرات : ولج هذا مو ميت، هذا سكران وكع بالفرات شارب عرك، ريحته تكتل
-دجله : عزه هذا مناضل يشرب عرك ساده، عل الاقل خففه
-الفرات : غير من حبه للوطن وقلبه محروك على الوطن وجاي يشرب عرك ساده
-دجله : وهاي شلون تاليها، اني راح اطلع من العراق، اروح الى نهر التايمز
-الفرات : اصبري يادجله اصبري، ولج غالي الوطن دجله غالي الوطن
- دجله: غاي والله غالي، تفرج يـُبه تفرج، وترجع البلامه الهايمه اطوف، ونيران الشواطي وسمج المسكوف، محروس ياوطن محروس من كل خايس وممرود ومن كل واحد يرسم بخبث وكراهيه من ورهالحدود، محروس ياوطن يامكرود
-الفرات : اصبري يادجله اصبري
-دجله : بس الى وين اصبر يافرات، وصارت دموعي اطول من مجراي وما تميز الدمعات من زخ المطروروجاتنه تدفعه الهوه ودمعاتنه اتكطر بيدينه حتى السمج بينه صارت عينه وكحهغير الجثث ماياكل ولا يهوه
-الفرات : ولج وين تروحين، اخاف امنسقه وي النيل، شنو راح تزوجين مصري
-دجله : لا، امنسقه وي ساجيه بالسماوه، انت صدك بطران وصاير ماي خايس
-الفرات : شدعوه عيني، هسه الي يسمعج يكول مايج سفن اب
- دجله : انزول عليك
اموت عليكم نهري دجله والفرات، حتى لو ناسه خانوه بس نبقه نروي هاي الكاع حتى لو بخـّرونه
اليوم جبت مقال من مقالات الكاتب شلش العراقي يارب يعجبكم ومنا وهيج شبعو مقالات شلش هههههههه
اترككم ويه المقال ويارب ايكون عاجبكم
تحياتي
- الفرات : هلو دجله شلونج
-دجله : هلو فرات اشلونك، اكيد مايك لا لون ولا طعم ولا رائحه هههههههه
-الفرات : ههههههههه مايج خفيف، شلونج ولج
-دجله : يمعود شحجيلك اليوم عشر جثث مجهوله الهويه تسعه مقطوعة الراس وبسواحد بيه روح بس اجه حوت واكله
-الفرات : شنوالسوك نازل بالعراق، اني بس خمس جثث لا راس ولا رجلين، ولج شنوبنهرج اكو حوت؟ امورج عدله، اني بس اسبور وجرّي
-دجله : ههههههههههههه جرّي اسكت اسكت لا تجي المليشيات تشفطك، مو الجرّي حرام
-الفرات : ليش يمه حرام
-دجله : يمعود لا تدخلنه بالسياسه، خلينه روحنه طالعه، العفو امواجنه طالعه
-الفرات : عيني دجله، منو كدّج؟ انتي الجواهرييتغزل بيج ويكول حييتوا سفحك عن بعد فحيني يادجله يا ام الخير يام البساتين
-دجله : وانت، منو اتغزل بيك يامكرود
-الفرات : منين ياحسره، اني بس اجه المطرب الوسيم صلاح البحر يغني يمي عمي يا بلام .. تعبـّنه الوكت، ياعمي مجروحين، ياعمي خلينه، بقت بس بساتينا
-دجله : يمعود يا بساتين، تعال شوف حالي بس زبايل، هسه روح شوف باقي الانهر بالعالم، كلها اشجار وازهار، بس حظنه احنا ناكع .. ههههههه هو احنا ماي، شنو ناكع
-الفرات : اي والله، حتى عشاق القبل ماجاي يجون يم الجرف مالتي
-دجله : هـُمّ شنو يجون يمكم يسوّون
-الفرات : مضروبة الجلوه، اتسوين نفسج مطفيه ما تعرفين
-دجله : انزول، استحي ولك، والله اني من الضوجه يمكن راح اطلع من العراق، راح اروح الى الامزون
-الفرات : ولج احنا ماينه ما يسوه بدون العراق، والله يصير ماينه مال مجاري اذانطلع من العراق .. دقيقه دقيقه هاي اربع جثث اجتي ولج هذا بيهم مسؤل جبيربالمنطقه الخضراء
-دجله : عزه، مسؤل جبير بالمنطقه الخضراء، أو مات؟ ..... يمه سوده عليه، هذا مناضل خطيه
-الفرات : ولج هذا مو ميت، هذا سكران وكع بالفرات شارب عرك، ريحته تكتل
-دجله : عزه هذا مناضل يشرب عرك ساده، عل الاقل خففه
-الفرات : غير من حبه للوطن وقلبه محروك على الوطن وجاي يشرب عرك ساده
-دجله : وهاي شلون تاليها، اني راح اطلع من العراق، اروح الى نهر التايمز
-الفرات : اصبري يادجله اصبري، ولج غالي الوطن دجله غالي الوطن
- دجله: غاي والله غالي، تفرج يـُبه تفرج، وترجع البلامه الهايمه اطوف، ونيران الشواطي وسمج المسكوف، محروس ياوطن محروس من كل خايس وممرود ومن كل واحد يرسم بخبث وكراهيه من ورهالحدود، محروس ياوطن يامكرود
-الفرات : اصبري يادجله اصبري
-دجله : بس الى وين اصبر يافرات، وصارت دموعي اطول من مجراي وما تميز الدمعات من زخ المطروروجاتنه تدفعه الهوه ودمعاتنه اتكطر بيدينه حتى السمج بينه صارت عينه وكحهغير الجثث ماياكل ولا يهوه
-الفرات : ولج وين تروحين، اخاف امنسقه وي النيل، شنو راح تزوجين مصري
-دجله : لا، امنسقه وي ساجيه بالسماوه، انت صدك بطران وصاير ماي خايس
-الفرات : شدعوه عيني، هسه الي يسمعج يكول مايج سفن اب
- دجله : انزول عليك
اموت عليكم نهري دجله والفرات، حتى لو ناسه خانوه بس نبقه نروي هاي الكاع حتى لو بخـّرونه