غابه الذكريات (ايام الابتدائية) [الأرشيف] - دجلة نت ::: ملتقى شباب العراق

مشاهدة النسخة كاملة : غابه الذكريات (ايام الابتدائية)

the source

09-09-2007, 02:08 AM

السلام عليكم

اكيد الكل جانت بالابتدائيه

وصارت مواقف يمكن قسم منها نسيناها
بس باقي بذاكرتنا اشياء حلوة عن هاي المرحله يعني
شسم اصدقائك
المعلمه سألت سؤال وجان الجواب يضحك
لو مرة مكتول
لو جنت اتحب الابنيه الكاعده بصف صديقك وانته كاعده بصفك وحده مو حلوة
يعني الموضوع لازم

تخلي مشاركتك فد موقف يضحك

هسه راح انخليك تطب بغابه الذكرات

هاي مثل غابه الاماني

انته تصغر

اصغر

اصغر

اصغر

اصغر

اصغر

انته هسه بالمرحله الابتدائيه سولفنا سولفنى على اجمل ذكرياتك واصدقائك واسم

CrOcOdIlE

09-09-2007, 02:13 AM

انته تصغر

اصغر

اصغر

اصغر

اصغر

اصغر

هههههههههههههههههههههههه
اروح اتذكر و اجيكم

the source

09-09-2007, 02:17 AM

هههههههههههههههههههه
جان ياما جان ولد ويانا صف ثالث ابتدائي جان الولد شاطر
المعلمه ام العلوم سألت كالت وين اتروح الشمس بلليل
هو خبص الصف خبص ست سسسسسسسسسسسسسسسسست
سسسسسسسسسسسسسسسسسست سسسسسسسسسست
المعلمه: اي عمر
عمر: ست تروح ورة الاشجار ( مثل افلام الكارتون)
يلى اذكرو

U E F A

09-09-2007, 03:46 AM

كان يامكان في ابتدائية صغيرونة وبشعبة صغيرونة جان اكو فد ولد صغيرون اسمه اني وجان دائما يكعد بصف الباب اول رحلة علمود يتفرج على الرايح والجاي وجان كاعد بصفه ابن المدير مال مدرسة ومن الجهة الاخرى بت جيرانه وجانت من احلى ايام الابتدائية درس الفنية لمن تيجي ست فوزية وتكول كل واحد يطلع الابرة مالته والورقة والخيط وترسملنا رسم على السبورة وتكول ارسموا على اوراقكم وورة منرسم الرسم تكول الضمو الخيوط مالتكم بالأبر ورة منكمل تكول ابدو امشوا على الرسم الرسمتوه خيطوه فجنت كل ما اكعد اخيط اجك ايدي ويطلع دم ويتليص الرسم فتيجي المعلمة تكلي هاي شسويت مصخم هههههههه تلكي الورقة البيضة كلها دم صايرة فتضل ترزل بيه لحد مااكوم ابجي فتكولي كوم اوكف يم السبورة وارفع تك رجل فجانت احلى شي لمن ارفع رجلي اكوم اكمز نط نط نط ......... وهاي هية اتمنا عجبتكم القصة مال اني .

ههههههههههههههههه وعندي هواية سوالف بالأبتداية

ادلل ابو عذاب هاي كلتلك شوية من السوالف مالتي بالابتدائية

the source

09-09-2007, 05:44 AM

اي انريد سوالف بعد يلى شباب شدو حيلكم وتذكرو زين
عاشت ايدك (المزرفه) على هاي القصة كلش حلوة

*Angel Love*

09-09-2007, 07:13 PM

ههههههههههه
والله نيد انت جنت فلم::237::

هاي قصة صغيرونة
اني جنت بمدرسة المنصور التاسيسية بالمنصور
طبعا جانت مدرسة كلش جبيرة.. فجان اكو ممر ورة المدرسة ضيق وبي اشجار جبيرة وعالية
وحشيش طويل بحيث صاير ظلمة كلش .. فجانت اكو اشاعات (بما انه احنة جنة مزعطة) انه اكو جني او عفريت -هيجي شي- هناك .. فجان الكل يخاف يروح وجانو الولد الخباثة يلزمون البنات ويودوهن هناك ويخوفون بيهن ::1::
وهاهية....

the source

09-10-2007, 12:46 AM

ههههههههههههه
طبعا نفس القصه جانت بالابتدائيه مالتنا جانت اكو شجرة وبيها فتحه وكل يوم يجون اني شفت الجنه تعالو خلي انشوفها وشنو طبعا يشتغل الطابوك والخشب وبعدين علساس المدير والحارس راحو كتلوها

venus55511

09-10-2007, 02:05 AM

مشكورين على هذا الموضوع الحلو والله يونس بس الفكر مو صافي وجاي اتذكر مواضيع عن الابتدائية تقبلوا مروري
::21::

the source

09-10-2007, 02:25 AM

هلو فينوس
ان شاء الله يصفى الفكر
واحسن شيء صفي بمكطع لانه ما يخلي نخاله ويطلعه صفر

كل الهله بيج

تمساح ابو تك عين

09-10-2007, 09:24 AM

اوووف اووووف والله يابو عذاب ذكرتنا بالابتدائيه
والله مره كتلني المدير كتله نساني كل ايام الابتدائيه
علمود شي تافه والله ممسوي شي جيف غلطت عل المعلمه
شفتو بالله

the source

09-10-2007, 05:29 PM

هعهعهعهعهعههعهعهعهعهعه

حلوه يا ابو تك عين

تكدر اتكولنا شنو كلتلها لو ما بيها مجال

مره امي سوتلي ابلوز بس والله جان حلو
ورسمت عليه راس مال واحد واعيونه من هاي الدكم الصفر وفوك راسه اكو شفقه وشنو خلتلي فوك الشفقه جرس فلمن امشي الجرس شيسوي يكوم يدك المعلمه كلتلي شنو انته...... ومخليلك الجرس اني طبعا واعترف كمت ابجي وشلعت الجرس
ورجعت للبيت بدون الجرس وكل هاي امي رادت اترجع الجرس اتكلي حلو

بس والله حلو جان البلوز

U E F A

09-10-2007, 06:30 PM

هههههههههههههههههههه هاي امك تخاف عليك ابو عذاب علمود لمن تضيع يندلوك

هع هع صرت مثل الجرس مال مدرس طن طن طن

U E F A

09-10-2007, 09:23 PM

هههههههههههههههههههه هاي امك تخاف عليك ابو عذاب علمود لمن تضيع يندلوك

هع هع صرت مثل الجرس مال مدرس طن طن طن

*Angel Love*

09-10-2007, 11:50 PM

ههههههههههههههههه
حلوة ابو عذاب

مرة بــ2 ابتدائي جان عدنة درس اسلامية فالمدرسة اتأخرت ورة ما دك الجرس
فطبعا كل الولد والبنات واكفين برة الصف دة يلعبون ومدري شيسوون .. بس اني جنت خطية كاعدة بالرحلة
ومعلية بأحد .. فشنو اني جنت لابسة ربطة بيضة واكو وحدة برة هم لابسة ربطة بيضة .. فمن اجتي المدرسة كامت تعيط وتكول ليش طالعين برة ::1::::1::
ف وكفتهم على السبورة علمود تضربهم بالعودة .. فجتي علية تكلي كومي انتي مو جنتي طالعة برة .. فكتلهة لا والله مو اني هاي ذيج البنية .. فكلتلي لا تجذبين علية اني شفتج
وذيج البنية تكول لا والله مو اني
فالمهم تالي اني اخذت الكتلة ::27::::27::::27::... الله لا ينطيهة هاي المدرسة شكد جانت تكرهني
وهي جمالة مو مدرسة هي اخت المديرة وجاية تدرس براسنة .. حتة هي ما جانت تلبس ربطة من تقرة قران

اتمنى ما اكون طولت عليكم::51::

U E F A

09-11-2007, 09:07 PM

ههههههههههههههههههههههههه شكد ختيه هع هع هع

خوش سالوووفة انجولة

*Angel Love*

09-12-2007, 02:05 PM

اي اني ختية
هههههههههههههههههه

وينكم تماسيح
شنو ماكو احد عندة قصص بالابتدائية ..

U E F A

09-12-2007, 08:50 PM

هاي السالوفة بال 5 ابتدائي

كان يا مكان في قديم الزمان في مدرسة احمد حسن البكر الأساسية : داومت من الصبح وفتت للصف خليت الجنطة مالتي بالرحله وطلعت للساحه قبل ميدك الجرس مال اصطفاف جان يشوفني صديقي الله يذكره بالخير احمد خير الله جان يكولي ها تتسابق أني هم كلتله اي ووكفنا ...( واحد تحضر , ثنين تنظر , 3 اركض ههههه زعاطيط ) كمنا نركض فهوة صار كدامي واني دااباوع عليه شو ماأشوف الا طسة دست بيها وجان اوكع بالكاع على حنجي عيني وما أسولفلكم الدم الصار على قميصي الأبيض صار احمر كله وأني كمت ابجي وأعيط اخ اخ ماما ماما مع العلم (امي مدرسة بنفس المدرسة ) بس بذاك اليوم جانت ممداومه جان يجي الفراش مال مدرسه وشالني وداني يم المدرسات الي ويه امي وخابرو على بيتنا كللولها لأمي تعال الحكي NeeD وأجتي امي وكبل لمستشفى النعمان وولطوارئ مال أطفال جان يخيطون الجرح بس شنو مبقيت واحد معضيته الدكتور والسستر الي كمشتني وأمي المهم طلعنا كلت امي تعال للمدرسة خلي اخذلك اجازة فرحنا للمدرسة أمي كلتلي اوكف هنا وراحت على المعاونة تاخذلي اجازة بهذا الوكت جان يدك الجرص فرصة عيني والطلاب هيييييه هييييييييه والعياط جان يجون اصدقائي ديشوفوني هلو ها شلونك هاي احنا واكفين بالممر يم غرفة المدير عيني وهمة وديحجون ويايه جان يطلع المدير هوة والعوده مالته ( تعال ولك كلب )ديريد يضرب اصدقائي لأن واكفين بالممر مال اساتذه ( لأن ممنوع احد يوكف بيه ) وجان يركضون اصدقائي اني بعدني مصدوم من الجرح وراسي ديوجعني وجان تجيني روووجة من اصدقائي دفعوني همة وديركضون وطراخ بالباب مال صف وجان انضرب هم بحنجي بس بغير مكان وهم الدم والسالفة التعبانه وأمي اجتي لك شبيك مصخم اثول دنتبه وكبل لمستشفى مرة لخ وجان يشوفني الطبيب كال هم انتة يعني احنا مفتحين المستشفى علمودك وخيط الجرح ورجعنا للبيت بس شنو صاير فلم هندي ..... اتمنا ماطولت عليكم

*Angel Love*

09-15-2007, 02:04 AM

ههههههههههههههههههه
هاي شنو نيد انت طلعت خطية اكثر مني
ههههههههههههههههههه

U E F A

09-15-2007, 04:14 AM

مو صحيح انجل اني كل ختية أهي أهي

*Angel Love*

09-17-2007, 01:02 PM

اي انت كلش كلش ختية

butter fly

09-18-2007, 12:29 AM

هلووو
اني من جنت دااقرة ذكرياتكم(طبعا ذكرياتكم حلوة) مجنت مفكرة اشارك بالموضوع لان مجنت اذكر شي بعدين اذكرة مرة جان عندي امتحان اخلاقية نهاية السنة فالمعلمة سالتني وكلتلي من انعطس شنكول( طبعا الجواب الصح لسؤالها هو نكول الحمد لله) بس اني كتلها وبكل ثقة كتلها ست انكول عطشوووو المعلمة ضحكت وكالت روحي(ترة خلتلي عشرة) بس اني حقي هيج جوابتها لان هي كالتلي من انعس شنكول وهي لازم اتكولي ورا منعطس شنكول صدك نسيت اكولكم هاي السالفة من جنت صف اول ابتدائي

تحياتي

the source

09-18-2007, 01:59 AM

ههههههههههههههههههههه
حلوة هاي مال العطسه

هههههههههههه
عاشت ايدكم انجل ونيد

رجعتلكم الذاكره

U E F A

09-18-2007, 02:55 AM

هههههههههههههههههه خوش سالفة مال عطسة

منورة بتر فلاي

*Angel Love*

09-18-2007, 12:37 PM

هههههههههههههههههه

عفية بيج بترفلاي ... انت بالاول ابتدائي وهلكد تفتهمين هع هع