اريد الكل يحجي الصراحه تره ملينه من هاذا الحجي

[alduraasd]

مشتاق البغداد احب العراق اريد ارجع للعراق شوكت ارجع البغداد الغربة تعبتني ومن هذي الكلمات الي صارت ما اعرف شلونها لاتودي ولاتجيب ممكن احد يجاوبني ليش يريد يرجع للخراب اقصد للعراق لا عمل لا امل لاحياة لا عيشه بيها خير لامستقبل ...... تريدون ترجعون يلي تكولون احنه حنينه طيب خلوني اكللكم على كم شغله انتو تعرفوها ....امان ماكو يعني انته داخل منطقتك وداخل بيتك ما مئمن على نفسك ومن تطلع بره بيتكم لازم تشاهد على روحك ومن ترجع للبيت لازم تحمد الله وتشكره على سلامة الوصول .... شغل ماكو عمل ماكو مستقبل مضلم والي مزوج وعنده اطفال بلوته بلوه مايعرف شلون راح يامن على جهاله اذا راحو للمدرسه ويضل حاط ايده على كلبه الى ان يرجعون.... كهرباء ماكو مي ماكو نفط ماكو بانزين ماكو طيحان حض ولعبان نفس وصلت الدرجه الزبالين الي مسئوليتهم ينضفون الشوارع كاكمو يكنسون الجثث من الكاع حكومة غبية طائفيه شلة حراميه مستفردين بينه ما الهم هم غير بس تكبير كروشهم ملينه من العراق ملينه من بغداد شوارعها مهجوره ناسها وجوهم صفر ريحة الموت بكل مكان حته الاطفال البرائة انزعت منهم تخاف تتمشى بمكان انته غريب بيه لانه تنعلس احنه مسجونين بسجن كبير ........ وغيرها وغيرها والله لو اريد اكتب احتاج الف يوم حته اوفي الحاله واعتقد هيه مخافيه على احد ........ والي معاجبه كلامي خلي يكول انته غلطان

[سولانج]

عيني شنو ليش يريد يرجع
هذه بلدنه اللي تربينه بي وكبرنه بي
ممتصورة اكو عراقي يحجي هيج حجي
وجذب اذا اكو انسان يرتاح بالغربة

[ساسوكي شايل سيفه]

ابد والله محد يرتاح بالغربه دمي عراقي وابقه عراقي وانشاء الله ارجع الى العراق

[alduraasd]

اتشرفونا باي وكت وبيها الخير

[سولانج]

اي اكيد نشرفك بأي وكت تره هذه بلدنه مو بس بلدك
وشوكت منريد نرجع نرجع بكيفنه وانته اكبر غلطان ويجي يوم وتعرف بي هذه

[rose of iraq]

اخوية كل الكلام الي ذكرتة صحيح انو امان ماكو بس تبقى محبة البلد الي عشنى بي وتربينا وناسنا واهلنا والجوارين كلهم ببغداد فكيف متريدنا نشتاق ونحن الهم ومع ذلك عندي كعدة البيت والحديقة واشتم من هوى بلدي الحبيب واهلي والي احبهم داير مدايري تسوى ملك الدنيا
اعتذر على الاطالة
وتقبل مني ارق التحايا

[ابو نؤاس]

ما مرتاحين وملح نرتاح الا يوم اللي نرجع بي لبغداد طكت روحنا انريد نرجع بس اشون على كوله حسام الرسام
عندي وطن ظليت بس اشتاكله .................... امنيتي ارجع لكن اشون
تحياتي

[فلوجيه وافتخر]

الله يساعدكم الي عايشين خارج الوطن انشاء الله ترجعوله بسلامه والله اخويه انت غلطان صحيح كلشي مامتوفرنه بس يبقى العراق حبنا الاول مراح نرتاح الا بي اني طلعت من مدينتي 3 اشهر مع العلم اني ذهبت الى مدينه اخرى من نفس المحافضه اتخبلت واشوف نفسي غريبه عنهم شلون اذا سنين الله يساعدكم

[قمر عراقية]

كلامك صح 100% بس الوطن مثل الاب تكدر تتبرا من ابووك او امك ؟؟؟

[alduraasd]

هوه شنو البلد الي بنضركم ......البلد الي تعيشون بيه بامان وامن وموده وطمانينه وراحه هوه هذا البلد الي الواحد يستحق ان يعيش بيه مو بلد الواحد مايكدر يطلع الراس الشارع يجيب صمون ومايكدر حته يتامل الحياة شلون صايره واتحدى اي واحد من الي كاعد يكول اني اشتاقيت للعراق ان ينفذ كلامه ويرجع... مع مرارة الغربه والم البعد تعرفون ليش ماتكدرون اتسون هذا الشي لانه اذا سويتوه والله العلي العظيم راح تكرهون اليوم الي انولدتو بيه اني مكاعد احجي كلام من جيبي اني احجي الواقع المر الي اغلب العراقين يمرون بي ..... بلدي على عيني وعلى راسي بس لازم يوفرلي امن وراحة بال حته اكدر اعيش بيه وحق جلال الله لو موضنك العيش وقلة ذات البين محد يبقه بالعراق واني شخصيا لو عندي المقدرة المادية, اغادر العراق واني غير متاسف عليه لانه خلاص العراق انتهى ومعاد بيه حيل يوكف ياناس افهمو اني شكاعد اكتب وشنو الي اقصده العراق بلدنه الي تربينه بيه وعشنه اجمل ايام الطفوله بيه ...بس... واخ من كلمة بس معاد ذاك البلد الي يحتضن الكل بين جناحه صار عباره عن سجن الداخل بيه مفقود والخارج منه مولود ...... تحياتي للجميع