الروتين اليومي الي نعيشة تعالوا خلي نتعرف علة الوتينات اليومية الي عايشيهة

[Black_Evil]

يابة هلة والله شلون الحاتات والحاتوتين انشالله الكل بخير

طبعا هسة كاعد دا اكمز بدجلة وارد بالمواضيع واجتني فكرة انزل موضوع
فكلت خلي افتح صفحة واصفن بيهة مثل كل مرة
علمود تجيني الفكرة
والله اني ودا افتح الصفحة اجتني الفكرة وهلة والله بيههههههههاها
طبعا شنو مريض اني بالدفرات دا اضحك ارجوكم لحد يضحكني بيههههههاها


المهم عيني الموضوع وما بيه اغلب الاعضاء عايشين ببغداد او بالعراق
او يجوز خارج العراق تحياتي الكم ( هاي شنو صارت عينن حفلة دا اسوي بهههاها)
يابة كلمن من ذولة الذكرتهم عندة روتين عايش بيه وكل يومية يسوي نفس الروتين
وطبعا من تسألة يكولك والله ضايج لاءن نفس الروتين
تعالوا لعد كلمن يجي يسولف الروتين الحياتي مالتة الي يسوي
بلكت نستفاد منة مو صحيح
وبنفس الوكت نعرف مو بس احنة ضايجين الكل ضايجة من الروتين

وشكرا لذيذا

هسة اجي علة اني الروتين مالتي

عيني اكعد ساعة بالوحدة اذا عطلة
واذا دوام اكعد بالسبعة الصبح

طبعا راح احجيلكم علة الروتين مال عطلة احسن
اكعد بالوحدة
ما اغسل وجهي اجي كبل علة الحاسبة شوية ارد
وافتح ماسنجر
وراهة يصير الغدة اكوم اغسل
واروح اتغدة
وراهة ارجع علة النت واشغل اغاني
واكعد ليحد الخمسة العصر تنطفي المولدة
اكوم اغسل واكعد افرفر بالبيت
لو اسوي مكسورة لو اصفن لو اخابر بيههههههاها
وراهة بالستة ونص ابدل
واطلع لاءن يجي علية العضو بروفي وحسام دوبة
ودلوو ونكعد نفرفر
نرووووووووح نسج علة ابو دننزل كرشنة بيهههههههاها
نرووووح نفتر لاءبعد الاماكن
ومرات لاع نفتر بالسيارة اذا عدنة شغل
انروح هم لابعد الاماكن
ونرجع نسولف وضحك
وما ادري شنو
وراهة نروح نتعشة لو فلافل لو همبركر لو باجة بيههههههاهاه
وراهة نرجع ناكل موطة
وراهة نرجع ناكل جبس
وراهة ناخذ بيبسي وكلمن يولي لبيتهم
ساعة حوالي عشرة لو عشرة ونص
هاي شنو علساس دننزل كرشنة وهالكد اكلنة المهم
وراهة ارجع ابدل واغسل
واكعد علة النت وعلة المسنجر خاصة
ليحد ساعة وحدة اجي علة دجلة لحد ساعة كلاثة اكوم
اسوي عشة مرة لخي اكل
وراهة ارجع شوية اذا اكو واهس ابقة للصبح علة دجلة
اذا ماكو اشغل فلم واباوع
وراهة انام ساعة خمسة لو خمسة ونص الصبح
بربكم والله صحيح يجوز هذا الروتين حلوو اذا يصير يومين باللاسبوع
بس مو يومية مو صحيح
يابة هذاة روتيني الممل واني ضااااايج
انتوا شنو روتينكم
وتحياتي الكم كولكم ::51::::51::::51::::51::::51::::51::
كافي خلص الورد مال الحديقة بيهههههاها

[professional_evilxXx]

هلة والله
بلاكي شلونك
ادري مو زين
اني هم ترة
المهم
اني بالعطلة اكعد بالستة ونص
اغسل و ابدل و اروح للشغل
طبعاا اني اشتغل ويا ابوية
المهم
ارجع بال11 او بال12 و مرات بال1
مو دائما يعني ماكو وقت محدد
ارجع للبيت هم اطب اغسل و اتغدى
تصير بال2
اشغل المولدة لان المولدة مال السحب عاااطلة
و اظل كاااعد لل خمسة عالى النت
و بعدين اطفي المولدة
و اشغل المولدة مالتي الضغيرة تايكر بس الية يعني الغرفتي بس
و اخلي اهلي مصموطين بالحر
بهاهاهااهاههاهاهاه
المهم تصير بالستة و نص اطفي المولدة
واغسل
و اروح على بلاكي و بعدين نرووووح على دلووو و نرووح على دوبة
نطلع نسج نظل نفتر اي مكان يجي ابالنا نروحلة مرااات مشي و مرااات بالسيارة الي هية مال دلووو و نسميهااا دلوعة دلووووو
بهاهاههاهاهاهاهاهاهها
المهم
دك ضحك و شقى وتحشيش لابو لوزة
يعني يومية تصير سااالفة تخربنا من الضحك
نتعشى و ناكل موطة و جبس و ذني السوالف
و من تصير بالتسعة ونص دوبة يطفر للبيت
و نظل اني و بلاكي و دلوووووو كااعدين كبال بيتنا او كباال بيت بلاكي
و تصير بالعشرة او عشرة و نص
كلمن يروووح البيتهم
اني ارجع للبيت
راااسا يتلكوني
روووح جيبلنا صمون لو شو شنو
يعني كراااوي تعباااانة
بعدين ما افتح نت بالليل لان ارجع تعبااان من المشي لان اني مو مثل الجماعة
نرووووووووح نسج علة ابو دننزل كرشنة بيهههههههاها
يعني ما عندي كرش
بهاهاهاههاهاهاهاهاهاههاها
كلهم مكرشين بس اني
بهاهاهاهاههاهاهاها
المهم انام و ثاني يوم نفس اللغوة
بس تردون الصدك اني طلعتي و يا الولد الا خنفشااارية
لان احنا ولد منطقة وحدة و صااارلنة اكثر من عشر سنين سوة
فاتخيلو اشكد لعد نضحك
و عاااشو عيشة سعيدةةة
و باااجر نفس الروتين
بهااهاهاهاهاههاهاهاهاها


عاااااااااشت ايدك حبي بلاكي علاوي
موضوع يجنن
صدك حضر نفسك راااح اجيك بالسبعةبهاهاهاهاههاها

[Black_Evil]

هلة والله حمودي
اصيحلك بعد جرثووومة انتة
بيهههههههههههههاهاها
اوكي حبي انتضرك اني بالسبعة

[professional_evilxXx]

هااااااي شنو مال جرثومة
يمعود ابو الغيرة
هسة محد يحجي وياية لانيخاف ينعدي
بهاهاهاهاههاهاها

[Black_Evil]

ههههههههههههههههههههههه
اي ادري لعد جا شلون حمودي بيهههههههاها

[na3na3]

روتين غريب يعني تطلع هلكد برة البيت وهم ضايج ::22::
اشو احنة محبوسين يعني هسة يمكن لازم انتحر::19::::19::
لان اكعد بس ساعتين لو تلاثة عالحاسبة ولو اكو نت لو الله يخليه معلك قطعة صيااااااااانة::8::::8::::8::::8::
واني حبابة::5:: انام من وكت واكعد من وكت بس اتفرج كارتون ::43::اموت عالكارتون ::5::::5::::5::::5::::5::
وشوية افلام وبعدين تطفى الكهرباء انهزم للراديو::30::::29::
بس روتين يشلع القلب وروتينك رحمة من العزيز الجليل::45::
اتمنى ما اكون طولت عليك وضوجتك
تحياتي

[عاشق السيجارة]

ههههههههههههههه
حلو الروتين
شوف الروتين المرض مالتي
طبعا اني اشتغل بقاعة مال نت
موقت الموبايل على الساعة 8:15
يدگ الموبايل
اطفيه وارجع انام
ههههههههههههههههه
بعدين يجون اهلنا يگعدوني بـــ 8:45 تقريبا
اگعد ركض
اروح اغسل
اطلع من الحمام الاگي اهلنا محضريلي الريوگ
اتريگلي لگمتين وگلاص چاي اهم شي
واطگ اول جگارة
اگوم اغسل
واخذ الترمز مال الچاي مالتي
وللقاعة مال نت
افتح القاعة وانظفها
وارتب المشتركين مال المنظومة
واتح دجلة
الى الساعة 12:30 ينطفي الخط مال محلات
اعزل واروح للبيت
عاد بالبيت
اذا جتي الوطنية
افتح الحاسبة
العب هاي الطوبة الجديدة
مسوي بيها فريق ودالعب دوري
المهم
اظل العب للـ 3:45
عاد اطب النوب للحمام
اغسل واترشد ع المحل مرة لخ
وهم ع النت للساعة اعزل من تطفي الكهرباء
واذا اكو وطنية اظل مفتح للـ 10:00
وارجع للبيت
عاد بالبيت اول ما اجي
اشوف تلفزيون
اذا اكو مسلسل اجنبي متابعه اشوفه
واذا ماكو
اگلب بقنوات الاغاني
ساعة كاملة

بعين اذا اكو وطنية
اشغل الحاسبة وع النت
لان اني ما اگدر اشغل الحاسبة على خط المولد
لان ميكفي الخط
لان اخويه ساحب من عنده لمحله
مال الحلويات
واذا ماكو كهرباء
نطلع كلنا ننصب الشبكة مال الطائرة
ونظل نلعب الى ان تجي الوطنية او
تصير بــــ 12:00
واذا ما جتي الكهرباء
نروح ننام
وهاهيه
ها شلون ملل
عاشت الايادي علاوي

[snow&white]

هلة والله بلاكوتي
شلونك
نجي عل الروتين مالتي
حاليا هالعطلة كلهة اكعد الصبح...
اكعد الصبح
ساعة بال8 اغسل وجهي
مرات اتريك ومرات مااتريك حسب
ششوف نفسي مرات مطفية مااشتهي ومرات لا اكل
اروح بال9 للمحاضرة مالتي
ارجع بال11
اتريك
وبعدين اشوف اشعندي ماعندي
يصير وكت الغداء اتغدة
تصير ساعة بال3
اتحضر للمحاضرة اللخي
خطية اني
من 4 لل6
مرات لل7
ارجع هم اكل
تصير بال8 شوية اكعد عل النت
يعني مو هوااية اكعد
مومثل غير ناس
ماعندي شغل وعمل بس اكعد عل نت
المهم يصير الليل هم اكل
وبعدين اكعد اتفرج تلفزيون
عادي
يعني
كلش فطارة ونفسي الشي يومية يتكرر
وعاشت ايدك عل الموضوع
بلاكوتي

[red_evil]

مشكووور بلاكي عله الموضوع الحلوووو

اني اكعد حته انام

انام حته اكعد

اعيش حته اموت

اموت حته اروح يم الله

اروح يم الله لانه هوه ارحم لو هسه مدري شجان عذابه ارحم من البشر

وشكررررااااا

::57:: تقبل مروري ::57::

[دلوعة المدني]

خوش تريد تنزل الكرش اذا انت بس تاكل
الله يساعدك عليهم بروفي
هاي هيج يومياتك ونصيحون روتين الله يساعدنا احنا

[Black_Evil]

روتين غريب يعني تطلع هلكد برة البيت وهم ضايج ::22::
اشو احنة محبوسين يعني هسة يمكن لازم انتحر::19::::19::
لان اكعد بس ساعتين لو تلاثة عالحاسبة ولو اكو نت لو الله يخليه معلك قطعة صيااااااااانة::8::::8::::8::::8::
واني حبابة::5:: انام من وكت واكعد من وكت بس اتفرج كارتون ::43::اموت عالكارتون ::5::::5::::5::::5::::5::
وشوية افلام وبعدين تطفى الكهرباء انهزم للراديو::30::::29::
بس روتين يشلع القلب وروتينك رحمة من العزيز الجليل::45::
اتمنى ما اكون طولت عليك وضوجتك
تحياتي


ههههههههههههههههه
مشكوووووووووووووووووووورة يا نعنوعة الوردة
وترة روتينج مو قاصر لاءن ما بيهة تنضيف البيت بيهههههههههههاها
مو صحيح بالله

واني امووووووت علةالكارتون ترة والله حلووو

[Black_Evil]

ههههههههههههههه
حلو الروتين
شوف الروتين المرض مالتي
طبعا اني اشتغل بقاعة مال نت
موقت الموبايل على الساعة 8:15
يدگ الموبايل
اطفيه وارجع انام
ههههههههههههههههه
بعدين يجون اهلنا يگعدوني بـــ 8:45 تقريبا
اگعد ركض
اروح اغسل
اطلع من الحمام الاگي اهلنا محضريلي الريوگ
اتريگلي لگمتين وگلاص چاي اهم شي
واطگ اول جگارة
اگوم اغسل
واخذ الترمز مال الچاي مالتي
وللقاعة مال نت
افتح القاعة وانظفها
وارتب المشتركين مال المنظومة
واتح دجلة
الى الساعة 12:30 ينطفي الخط مال محلات
اعزل واروح للبيت
عاد بالبيت
اذا جتي الوطنية
افتح الحاسبة
العب هاي الطوبة الجديدة
مسوي بيها فريق ودالعب دوري
المهم
اظل العب للـ 3:45
عاد اطب النوب للحمام
اغسل واترشد ع المحل مرة لخ
وهم ع النت للساعة اعزل من تطفي الكهرباء
واذا اكو وطنية اظل مفتح للـ 10:00
وارجع للبيت
عاد بالبيت اول ما اجي
اشوف تلفزيون
اذا اكو مسلسل اجنبي متابعه اشوفه
واذا ماكو
اگلب بقنوات الاغاني
ساعة كاملة

بعين اذا اكو وطنية
اشغل الحاسبة وع النت
لان اني ما اگدر اشغل الحاسبة على خط المولد
لان ميكفي الخط
لان اخويه ساحب من عنده لمحله
مال الحلويات
واذا ماكو كهرباء
نطلع كلنا ننصب الشبكة مال الطائرة
ونظل نلعب الى ان تجي الوطنية او
تصير بــــ 12:00
واذا ما جتي الكهرباء
نروح ننام
وهاهيه
ها شلون ملل
عاشت الايادي علاوي



هههههههههههههههههههههههه
عمي عشوووق تدري روتينك حلووو
يعني بين قوسين يخلص اليوم ومتدري شسويت بالنهاية بيهههههههاها
مشكوووور حبي وتدلل انتة والله

[morpheus]

شكرا بلاكي عالموضوع
طبعا اني يومية اكعدساعة 12 من النوم
اكوم اغسل
و اضل افتر بالبيت لانه ماكو كهرباء
وراهة اكعد اسمع اغاني بالموبايل
بعدين اكوم اشوف المولدة بيهة بانزين لو لا
لان المولدة مال الشارع عاطلة
تصير ساعة 3 اكوم اشغل المولدة
وراهة اطب اتغدة
وبعدين اتفرج شوية تلفزيون
و بعدين افوت اغسل
و اكعد شوية عالنت
ساعة 7 اطفي المولدة الصغيرة و اشغل الجبيرة
و اطب للبيت ضايج فأخبث شوية
وراهة اكعد عالنت
ساعة 11 اشوف فلم عالاكشن
و وراهة اشغل الحاسبة
و اضل كاعد الى ساعة 3 يله انام
طبعا ملت روحي من هذا الروتين التعبان
و خلصت الحتوتة
عاشت ايدك بلاكي عالموضوع الحلو

[Black_Evil]

هلة والله بلاكوتي
شلونك
نجي عل الروتين مالتي
حاليا هالعطلة كلهة اكعد الصبح...
اكعد الصبح
ساعة بال8 اغسل وجهي
مرات اتريك ومرات مااتريك حسب
ششوف نفسي مرات مطفية مااشتهي ومرات لا اكل
اروح بال9 للمحاضرة مالتي
ارجع بال11
اتريك
وبعدين اشوف اشعندي ماعندي
يصير وكت الغداء اتغدة
تصير ساعة بال3
اتحضر للمحاضرة اللخي
خطية اني
من 4 لل6
مرات لل7
ارجع هم اكل
تصير بال8 شوية اكعد عل النت
يعني مو هوااية اكعد
مومثل غير ناس
ماعندي شغل وعمل بس اكعد عل نت
المهم يصير الليل هم اكل
وبعدين اكعد اتفرج تلفزيون
عادي
يعني
كلش فطارة ونفسي الشي يومية يتكرر
وعاشت ايدك عل الموضوع
بلاكوتي

تردين الصدك ما اريد اكسر واهسج
بس ترة الروتين مالتج كووووووووووووووولش ممل
لاءن اني الروتين من اسمع بيه قراية
رأسا اكمز بيهههههههههههاها
ها واكو شغلة لكيت بالروتين مالتج بسمار معرفت المن اخذة لو ارجعة بيههههههاها
وتسلمين وردة علة ردج
وروتينج بيههههههاها
وتدللين وردة

[Black_Evil]

مشكووور بلاكي عله الموضوع الحلوووو

اني اكعد حته انام

انام حته اكعد

اعيش حته اموت

اموت حته اروح يم الله

اروح يم الله لانه هوه ارحم لو هسه مدري شجان عذابه ارحم من البشر

وشكررررااااا

::57:: تقبل مروري ::57::

::29::::29::::29::::29::::29::::29::::29::::29::

ترة ليش هيجي
بس تدرين روتين ما ادري شبي ومراح ااجاوب احسن
تدللين تكي ومرورج هوة الي نور الموضوع وردة

[Black_Evil]

خوش تريد تنزل الكرش اذا انت بس تاكل
الله يساعدك عليهم بروفي
هاي هيج يومياتك ونصيحون روتين الله يساعدنا احنا


ههههههههههههههههههههههههههههههههههه
دكتبي روتينج عيني
لو تخافين
لاءن اربعة وعشرين ساعة راتب وتحسب فلوووووووووس
وتشتري هذاة روتين دلوعة المدني بيهههههاها

[حسام دوبه]

هله والله
اول شي عاشت ايدك علاوي على هذا الموضوع
وثاني شي بروف لو ما انته تتمنه ان ايصير عندك كرش يولو
بيهاهاهاهاهاهاهاهاهاهاي

وثالث شي هذا الروتين مالي
اكعد ساعه بل تسعه ونص
اضل اتكلب على الدوشك
لحد متصير ساعه بل 11
اكوم اشرب سطله جاي اهم شي الجاي
وبدون ريوك ابد ما اتريك
وبعدين اتعارك ويه اختي واخويه الصغار اضوجهم
واكببه عركه بس بلشقه مو صدك
و من اتصير ساعه بل 12
اروح للمحل مالتنه واكعد ابمكان ابويه
وطبعا ابويه لو يرجع للبيت لو ايروح يفتر
واني اكعد ويه عمالنه دك تصنيف وضحك
وشنو العمال مو عمال رابين ويانه يعني صالهم اسنين ويانه
ونكعد نشاقه ونضحك ونشتغل اشغال شاقه بيهاهاهاهاهاي
ومن اتصير ساعه بل5 انعزل ويرجع كلمن البيته
ابين ما اسبح واطلع الكي امي امحضره الغده
اتغده واروح اتفرج على التلفزيون
لحد متصير ساعه بلسته سته ونص
يجون عليه الولد ونطلع
ومثل ما كالو دك تصنيف وضحك
وداما خطيه دلووووووو الموضوع عليه
ومرات تفتر عليه لو على بلاكي لو على بروفي
بس اكثر شي على دلوووووو ما ادري ليش والله
علاوي صدك ليش داما عليه
وبعدين من اتصير ساعه بل تسعه او بل تسعه ونص ايخابرون عليه اهلي
لان يشتاقولي لان يوميه ميشوفوني لو 5 دقائق لو اقل شويه
ارجع اتعشه واصعد الغرفتي واكعد على النت ساعتين الى 3 ساعات
ومن اتصير ساعه بل 1 انزل اكعد اتفرك على التلفزيون لحد متصير ساعه بل 2
اكوم اطفي المولده الجبيره واعلك الصغيره الي تشتغل على البانزين
وارجع اتفرج على التلفزيون لحد متصير الساعه بل 5 او بل 6
اطفي التلفزيون واحاول انام
وثاني يوم هم اكعد بل 9
وهاكذا
الكل راح اتكووول شنو انته اشكد اتنام يوميه
اي صحيح اني انام قليل
رغم التعب اليومي
بس شسوي اني متعلم على هيجي شي
ما اكدر انام اكثر من 3 الى 4 ساعات
اذا تعبان كلش انام 6 ساعات

وهذا روتيني ممل مو بله بيهاهاهاهاهاهاهاهاهاهاي

[Black_Evil]

شكرا بلاكي عالموضوع
طبعا اني يومية اكعدساعة 12 من النوم
اكوم اغسل
و اضل افتر بالبيت لانه ماكو كهرباء
وراهة اكعد اسمع اغاني بالموبايل
بعدين اكوم اشوف المولدة بيهة بانزين لو لا
لان المولدة مال الشارع عاطلة
تصير ساعة 3 اكوم اشغل المولدة
وراهة اطب اتغدة
وبعدين اتفرج شوية تلفزيون
و بعدين افوت اغسل
و اكعد شوية عالنت
ساعة 7 اطفي المولدة الصغيرة و اشغل الجبيرة
و اطب للبيت ضايج فأخبث شوية
وراهة اكعد عالنت
ساعة 11 اشوف فلم عالاكشن
و وراهة اشغل الحاسبة
و اضل كاعد الى ساعة 3 يله انام
طبعا ملت روحي من هذا الروتين التعبان
و خلصت الحتوتة
عاشت ايدك بلاكي عالموضوع الحلو



حلو روتينك حبي
بس تدري شنو الي ناقصة
تطلع شوية
العصر تفرفر
يعني اني شفت روتينك كووووولش
حلو بس والله ناقصتة الطلعة مال عصر
مثلا فررران او طوبة كولش كولشي الجان
وناقصة الحب تحجي وياهة وتخابر وهيجي اشسياءات
مشكووووووووووور اخوية
وانتة تدلل يا ورد

[عاشق السيجارة]

هههههههههههههههههههههههه
عمي عشوووق تدري روتينك حلووو
يعني بين قوسين يخلص اليوم ومتدري شسويت بالنهاية بيهههههههاها
مشكوووور حبي وتدلل انتة والله
ههههههههههههه
الف رحمة على والديك
صدگ ما افتهم من يومي كل شي

[Black_Evil]

هله والله
اول شي عاشت ايدك علاوي على هذا الموضوع
وثاني شي بروف لو ما انته تتمنه ان ايصير عندك كرش يولو
بيهاهاهاهاهاهاهاهاهاهاي

وثالث شي هذا الروتين مالي
اكعد ساعه بل تسعه ونص
اضل اتكلب على الدوشك
لحد متصير ساعه بل 11
اكوم اشرب سطله جاي اهم شي الجاي
وبدون ريوك ابد ما اتريك
وبعدين اتعارك ويه اختي واخويه الصغار اضوجهم
واكببه عركه بس بلشقه مو صدك
و من اتصير ساعه بل 12
اروح للمحل مالتنه واكعد ابمكان ابويه
وطبعا ابويه لو يرجع للبيت لو ايروح يفتر
واني اكعد ويه عمالنه دك تصنيف وضحك
وشنو العمال مو عمال رابين ويانه يعني صالهم اسنين ويانه
ونكعد نشاقه ونضحك ونشتغل اشغال شاقه بيهاهاهاهاهاي
ومن اتصير ساعه بل5 انعزل ويرجع كلمن البيته
ابين ما اسبح واطلع الكي امي امحضره الغده
اتغده واروح اتفرج على التلفزيون
لحد متصير ساعه بلسته سته ونص
يجون عليه الولد ونطلع
ومثل ما كالو دك تصنيف وضحك
وداما خطيه دلووووووو الموضوع عليه
ومرات تفتر عليه لو على بلاكي لو على بروفي
بس اكثر شي على دلوووووو ما ادري ليش والله
علاوي صدك ليش داما عليه
وبعدين من اتصير ساعه بل تسعه او بل تسعه ونص ايخابرون عليه اهلي
لان يشتاقولي لان يوميه ميشوفوني لو 5 دقائق لو اقل شويه
ارجع اتعشه واصعد الغرفتي واكعد على النت ساعتين الى 3 ساعات
ومن اتصير ساعه بل 1 انزل اكعد اتفرك على التلفزيون لحد متصير ساعه بل 2
اكوم اطفي المولده الجبيره واعلك الصغيره الي تشتغل على البانزين
وارجع اتفرج على التلفزيون لحد متصير الساعه بل 5 او بل 6
اطفي التلفزيون واحاول انام
وثاني يوم هم اكعد بل 9
وهاكذا
الكل راح اتكووول شنو انته اشكد اتنام يوميه
اي صحيح اني انام قليل
رغم التعب اليومي
بس شسوي اني متعلم على هيجي شي
ما اكدر انام اكثر من 3 الى 4 ساعات
اذا تعبان كلش انام 6 ساعات

وهذا روتيني ممل مو بله بيهاهاهاهاهاهاهاهاهاهاي



لك هلة والله دوبة
منور اخوية
وروتينك حلووو
لاءن اني بيه اكيد حلوو
وبالنسبة لدلشاد هههههههههههههههههههههههههههه
لا تذكرني دوبة ترة جديات خربت ضحك مجرد شفت اسمة
لاءن اليوم جان الضحك خرافي مع العلم اني مريض
مشكووور دوبة علة ردك حبي
وتدلل انتة

[Black_Evil]

ههههههههههههه
الف رحمة على والديك
صدگ ما افتهم من يومي كل شي


ووالديك حبي عشووق لتضوج
كولنة هيجي وداعتك
يخلص اليوم بالنهاية اكول اني اصلا ليش عايش بيههههههههاها

[cold_0]

تبقة خرافي بلاتي عاثت ايدك على هيج روتين ::24::اجيبلك روتيني::52::
تريد من اكعد لو من انام ما اعرف منين ابدي الروتين مالتي بدايته نهاية ونهايته بداية لا تگلي شلون جيبه هيج وديهه هيج يطلع ديچ ::52::
اكعد بين ال11 و ال12 اتريگ هالموجود
بال2 لقاعة الحديد جانت 4 مرات اسبوعيا و انته سيد العارفين سويته 6 ايام حتى ما يبقه فراغ باليومين الباقين
بال4 ارجع للبيت و اتغده اذا مبقين الولد غده
اطب اسبح
اسئل الموجودين منو يريد چاي محد يجاوب من اگوم اسوي بس تسمع (احسب حسابي وياك )
و مرات اتأمر على اي واحد حتى يسوي چاي
و انجطل فد ساعتين او اقل لو انام لو اغفه
و بعدين ينطرح مقترح گهوة و الي يريد و يقترح يسوي وياه فد اربع فناجين على گد الدلة
ولو اطلع من الشقة لو اضل اتصفن و اگلب بالستلايت لأن مليت من الطلعه يومية و الشوارع مليانه و اتذكر الاهل و الوضع ابغداد و ينشلع قلبنا بالتفكير ::10::::10::
ارجع للشقة نسوي عشة شوف منو عليه السرة حتى يدمرنا بالعشة و نضل نعلق عليه و على عشاه الى ان يگول بعد ما اسوي بس يرجع بعد يومين او كلاثة يسوي لأن يوصله الدور ::52::
و نتفرج فلم معاد 999897896.2 مرة و الحافظه يحجيه للي بعده ما حافظه ::52::
و اذا گدرت انام نمت و اذا مگدرت اجي للنت و اضل للصبح و بعدين اروح انام بال6 لو 5
وبعدين يعاد البرنامج يوميه
و من چان اكو شغل نفس الروتين الى وقت الشفت مالتي يعني من 9 بالليل الى 8 الصبح وهم ارجع نفس الروتين
و كان الله يحب المحسنين ::51::::51::::51::
و ثكراً لأثغائكم ::51::

[الفاروق]

حبي بلاك موضوع روعه
وروتينك خرافي
بس هسه اني نعسان اذا صار مجال باجر اكتبلك روتيني
بس هوه هم حديقه
ومشكوووووووووووور
وتعذرني على التقصير

[Black_Evil]

تبقة خرافي بلاتي عاثت ايدك على هيج روتين ::24::اجيبلك روتيني::52::
تريد من اكعد لو من انام ما اعرف منين ابدي الروتين مالتي بدايته نهاية ونهايته بداية لا تگلي شلون جيبه هيج وديهه هيج يطلع ديچ ::52::
اكعد بين ال11 و ال12 اتريگ هالموجود
بال2 لقاعة الحديد جانت 4 مرات اسبوعيا و انته سيد العارفين سويته 6 ايام حتى ما يبقه فراغ باليومين الباقين
بال4 ارجع للبيت و اتغده اذا مبقين الولد غده
اطب اسبح
اسئل الموجودين منو يريد چاي محد يجاوب من اگوم اسوي بس تسمع (احسب حسابي وياك )
و مرات اتأمر على اي واحد حتى يسوي چاي
و انجطل فد ساعتين او اقل لو انام لو اغفه
و بعدين ينطرح مقترح گهوة و الي يريد و يقترح يسوي وياه فد اربع فناجين على گد الدلة
ولو اطلع من الشقة لو اضل اتصفن و اگلب بالستلايت لأن مليت من الطلعه يومية و الشوارع مليانه و اتذكر الاهل و الوضع ابغداد و ينشلع قلبنا بالتفكير ::10::::10::
ارجع للشقة نسوي عشة شوف منو عليه السرة حتى يدمرنا بالعشة و نضل نعلق عليه و على عشاه الى ان يگول بعد ما اسوي بس يرجع بعد يومين او كلاثة يسوي لأن يوصله الدور ::52::
و نتفرج فلم معاد 999897896.2 مرة و الحافظه يحجيه للي بعده ما حافظه ::52::
و اذا گدرت انام نمت و اذا مگدرت اجي للنت و اضل للصبح و بعدين اروح انام بال6 لو 5
وبعدين يعاد البرنامج يوميه
و من چان اكو شغل نفس الروتين الى وقت الشفت مالتي يعني من 9 بالليل الى 8 الصبح وهم ارجع نفس الروتين
و كان الله يحب المحسنين ::51::::51::::51::
و ثكراً لأثغائكم ::51::


ههههههههههههههههههههههههههههههههههههههههه
ههههههههههههههههههههههههههههههههههه
ههههههههههههههههههههههههههههههه
بس تدري روتينك حلووو
بس لو ببغداد بين اهلك وناسك هواية احلة
فأكيد هذا النقص الي صاير بروتينك وانشالله ترجع ويصير روتينك احلة
ومشكوووور اخوية وانتة الخارفي والله

[Black_Evil]

حبي بلاك موضوع روعه
وروتينك خرافي
بس هسه اني نعسان اذا صار مجال باجر اكتبلك روتيني
بس هوه هم حديقه
ومشكوووووووووووور
وتعذرني على التقصير


حبي الفارووق مشكووووووووووووووووور حبي وانتة الروعة اخوية الورد
اوكي حبي روح نام وتصبح علة خير وانشالله باجر اجي اشوف روتينك

[snow&white]

[quote=Black_Evil;3200885]تردين الصدك ما اريد اكسر واهسج
بس ترة الروتين مالتج كووووووووووووووولش ممل
لاءن اني الروتين من اسمع بيه قراية
رأسا اكمز بيهههههههههههاها
ها واكو شغلة لكيت بالروتين مالتج بسمار معرفت المن اخذة لو ارجعة بيههههههاها
وتسلمين وردة علة ردج
وروتينج بيههههههاها
وتدل
هههههههههههههه
يمعود اني ناقصة علمود تكسر واهسي
وبعدين مو احسن مثل غير ناس...
لكيت بسمار ابروتيني
ماما اخذة عيني
لعد المن خليتة اني هههههههههههه

[طائرة الحب]

ههههههههههههههههههههههههههههههههههههههههههه والله بابا انت شكد تاكل انت وجماعتك هاي بالعطله وهيج لعد اذا بالجامعه شتسون يعني شتاكلون ...........
وعلى روتيني بالعطله اكعد الساعه 11ة لو عشره ونص واظل افرفر بالبيت لو انظف (نادراً) لو العب بالموبايل لو اكعد على الحاسبه اذا اكو كهرباء لل5 لان تطفى الكهرباء.......
والعصر اكابل دلوعه واكعد لو نباوع مسلسل لو فلم هندي وبس والمغرب لو اكعد العب على ذيج الحاسبه اسوي توقيع اي شي لو اخبث على دلوعه (وهاي بالذات دائماً) وبالليل فلم اجنبي...........
وبابا ترى حياتكم احسن من حياتنه لان اطلعون هسه اني من خلصت المدارس لحد هسه مطلعت بس يمكن 4 مرات وبس وانتو اربع وعشرين ساعه بره (ترى ما احسد بس اشور هههههههههه).............
تحياتي على موضوعك الخرافي بنتك طيوره...............&&&

[Black_Evil]

[quote=Black_Evil;3200885]تردين الصدك ما اريد اكسر واهسج
بس ترة الروتين مالتج كووووووووووووووولش ممل
لاءن اني الروتين من اسمع بيه قراية
رأسا اكمز بيهههههههههههاها
ها واكو شغلة لكيت بالروتين مالتج بسمار معرفت المن اخذة لو ارجعة بيههههههاها
وتسلمين وردة علة ردج
وروتينج بيههههههاها
وتدل
هههههههههههههه
يمعود اني ناقصة علمود تكسر واهسي
وبعدين مو احسن مثل غير ناس...
لكيت بسمار ابروتيني
ماما اخذة عيني
لعد المن خليتة اني هههههههههههه



هههههههههههههههههههههههههههه
اوكي اوكي اخذتة عيني
بس ارجعة الج
بسيطة
خلي شوية اصفالج
وانزل عليج موضوع ببيههههههاها
بسيطة اني الج

[Black_Evil]

ههههههههههههههههههههههههههههههههههههههههههه والله بابا انت شكد تاكل انت وجماعتك هاي بالعطله وهيج لعد اذا بالجامعه شتسون يعني شتاكلون ...........

وعلى روتيني بالعطله اكعد الساعه 11ة لو عشره ونص واظل افرفر بالبيت لو انظف (نادراً) لو العب بالموبايل لو اكعد على الحاسبه اذا اكو كهرباء لل5 لان تطفى الكهرباء.......
والعصر اكابل دلوعه واكعد لو نباوع مسلسل لو فلم هندي وبس والمغرب لو اكعد العب على ذيج الحاسبه اسوي توقيع اي شي لو اخبث على دلوعه (وهاي بالذات دائماً) وبالليل فلم اجنبي...........
وبابا ترى حياتكم احسن من حياتنه لان اطلعون هسه اني من خلصت المدارس لحد هسه مطلعت بس يمكن 4 مرات وبس وانتو اربع وعشرين ساعه بره (ترى ما احسد بس اشور هههههههههه).............

تحياتي على موضوعك الخرافي بنتك طيوره...............&&&



هههههههههههههههههههههههههههههه
هلة والله ببنيتي
والله حجيج صحيح
روتين الولد احلة من روتين البنات
بس شنسوي نبقة نكول الحمد لله والشكر
وبالنسبة للاكل اذا اربعة وعشرين ساعة نفرفر
لازم ناكل هواية
مشكووووووووووووووووورة بنتي علة ردج
ونورتي الموضوع

[yAssEr . eMaD]

ههههههههه
عمي بلاك احمد ربك عل اقل اتشوف شمس

اني اكعد الصبح اتريك واستراح شويه واتمدد
وبعدييييييييييييييييين
ارجع انام واكعد الضهريه ويه جيه الاهل
وبعدين اتغده وارجع اتغده واضل اتغده الا ان اتعب
واكعد شويه العب بلي ستيشن تو
واسمع اغاني خالد الجزائري
الحد السته العصر
اروح للقاعه مال حديد ............مو عبالك دا ادرب.......... لا
هاي قاعه مفتحه جديد وديسوون ديكورات فاني بعتباري مهندس معماري يستعينون بيه طبعا همه ولد اصدقائي

الحد الثمانيه وارجع للبيت انام للثنعش
واتعشى
واكعد عل نت للخمسه بليل وارجع انام
وشكرا

[sandman]

اكعد الصبح بال6 اشرب جكاره تصير بال6.30 اروح للمطعم بال7 اني بالشغل ارجع بال10 باليل للبيت اتعشه وانام وكذالك

[Black_Evil]

ههههههههه
عمي بلاك احمد ربك عل اقل اتشوف شمس

اني اكعد الصبح اتريك واستراح شويه واتمدد
وبعدييييييييييييييييين
ارجع انام واكعد الضهريه ويه جيه الاهل
وبعدين اتغده وارجع اتغده واضل اتغده الا ان اتعب
واكعد شويه العب بلي ستيشن تو
واسمع اغاني خالد الجزائري
الحد السته العصر
اروح للقاعه مال حديد ............مو عبالك دا ادرب.......... لا
هاي قاعه مفتحه جديد وديسوون ديكورات فاني بعتباري مهندس معماري يستعينون بيه طبعا همه ولد اصدقائي

الحد الثمانيه وارجع للبيت انام للثنعش
واتعشى
واكعد عل نت للخمسه بليل وارجع انام
وشكرا



هههههههههههههههههههه
بس حلووو روتينك بس اذا خلصت القاعة مال حديد وين ترووح
وتكضي وكتك
فلازم تشوف حالك من هسة
ترة بعدين تضوج كولش
ومشكور علة ردك وردة

[Black_Evil]

اكعد الصبح بال6 اشرب جكاره تصير بال6.30 اروح للمطعم بال7 اني بالشغل ارجع بال10 باليل للبيت اتعشه وانام وكذالك



الله يساعدك اخوية علة هذا الروتين
وانشاله الله يوفقك

[اسير عينيها]

هله ببلاكي حلو موضوعك
وصراحة اني روتيني ممل
لان ماعندي اصدقاء بالمنطقة
الي بعمري عدهم اهتمامات
وافكار تخلف عني تماما
فاني روتيني بالبيت بين 4 حيطان

24 ساعة بس بالفتره الاخيرة صار استقرار يمنا وصارت سيطره حكومية فشوية كمت اطلع للحديقة لنهاية المزرعة مالتنا اروح
افتر وارجع

وبالبيت مخلصها لعب وصياح
اني وزياد
زياد الولد الزغيرون بالتوقيع مالتي

[الانشائيه messi]

هلوووووووووووو شلونكم
ما اطولهة عليكم خل احجي الروتين مالتي احسن

اكعد ساعه بالسبعه الصبح واروح للشغل ويه ابويه
ارجع ساعه ساعه بتلاثه اتغده وانام واكعد ساعه بالخمسه
اشغل المولده لان ابو السحب يطفي بالخمسه
المهم اشغل المولده واكعد على النت الى سته ونص
بعدين اطلع العصر لو اروح للساحه والعب طوبه
لو اذا ما اكو لعبه اطلع ويه الولد وانظل نفتر بالمنطقه
ارجع ساعه بالتسعه
اتعشى واتفرج مسلسل الى ساعه بالعشره
وبعدين اكعد على النت واظل الى ساعه بالوحده
بعدين اروح انام لان ثاني يوم هم عندي كعده من الصبح
ونفس الروتين
وهاي هيه

[snow&white]

[quote=Black_Evil;3217693][quote=snow&white;3215797]


هههههههههههههههههههههههههههه
اوكي اوكي اخذتة عيني
بس ارجعة الج
بسيطة
خلي شوية اصفالج
وانزل عليج موضوع ببيههههههاها
بسيطة اني الج[/qu

هههههههههههههههههه
اوكي رجعة

[Unity of iraq above all]

بالله يا بلاكي
موضوع حلوو
حياتي كلها بالبيت
اكعد بال3 الظهر لو بال4

اكل شوية

شوية اجي تلفزيون لو نت

بعدين اصلي بالسته
ههههههههههههههه
لو بالخمسة ونص

بعدين
لو اتفرج مسلسلة السته ونص لو العب رياضة
وية الاغاني لو وية فد مسلسلة
المهم
الحجي يصير ساعة بال8
اسويلي فد اكلة واباوع مسللستي المفضلة
ديد زون
بعدين
لو العب رياضة
لو اروح للنت
بعدين
لو اجرها للوحدة انترنيت
لو صايرة العب رياضة اذا احد ديستعمل النت
اباوع مسلسلة ال12 والوحدة علة المبسي فور
وارجع بال2
للسته الصبح
علة النت
وبعدين
بالسته اكعد اغسل مواعين
اخلصهم
انام

وهكذا
وانت لا عبالك
طول الوكت العب رياضة يعني
اني دائما داكتب لو اسوي كذا لو رياضة
يعني هية باليوم العب اكثر شي ساعة ونص رياضة
بلكت تزيد يا ربي ::23::

[girl_evil]

هلة والله........
شكرا بلاكي عالموضوع اللي يخبل....
طبعا اني ححجيلكم روتيني اللي قبل ماامتحن الدور الثاني
مااطوله عليكم
اكعود الصبح الساعه 10 او 10 ونص بعد متكعود ست الحبايب تسويلي انذار اكعدي مليت وطبعا بالكوه انقلع من الفراش::22::::22::
اسوي الريوك واكول واكوم افرفر بالبيت وانضف ويه ماما
واذ متريد ماما اساعده بالطبخ اروح الزم التليفون ودك سوالف لحد ماادوخ
وبراهه اصلي وقره شويه قرآن وبعدين نتغده
واكعود شويه عالتلفزيون افرفر اغاني افلام واذا ماكو شي انام لحد ال7 العصر
ومن اكعود اخذ فره بالبيت او اكعود ابتكر اكلات واسمع راديو لو ابجي من الضوجه يعني هيج شي.........
ويجي الليل اتعشه واصلي والزم النت ل12 ولل1 وبعدين انام .........!!!
::8::::8::::8::::8::::8::::8::::8::
يالله ابجو على حالي

[Black_Evil]

هههههههههههههههههههههههههههههه
يابة بربي كل واحد عندة روتين خاص بيه
بالنسبة لروتينك يا اسير روتين حلووو بس يحتاج لتغير جووو يعني شوية تطلع

وبالنسبة لروتين مسي حلوو لاءن يخلص وميحس بيه
وبالسنة لسنو وايت اني ما ارجع اي شي بيههههههههاه
وبالنسبة لروتين فرووح وكيل ايفل فأكيد ممل لاءن بنات روتينكم بدون طلعة يعني ماكو جمالية بالروتين بيهههههههها
مشكوووووووووووووورين يا ورود علة مروركم الي نور الموضوع