(( طلعت منك يا عراق وما عاد يلفيني بيت ))

[اسيرة الغربه]

طلعت منك ياعراق و ماعاد يلفيني بيت.....
افكر واكول ليش يا ربي شنو سويت .....


حياه كريمه بهذا الوطن كل الي اتمنيت ....
وهسه على بعدك حتى الثواني عديت......


المن اشكي يا ربي بس الك اشتكيت .....
و على كلمه الغربه اني شكد بكيت......


و اللمه وهلي وناسي و لشعارهن اني حنيت....
وحدي بهالغربه اني واشعاري ظليت....


اعيش بكابوس البعد عنك والي هسه ماصحيت....
اريد اصحى وارجعلك واكول بحضنك تدفيت ..


بس مثل كلمه الله واكبر على علمك مالكيت

[rose of iraq]

موضوع جميل
يسلمووووووووووو اختي

[سولانج]

الله اكبر
تحياتي.........

[alduraasd]

اكو بيت بحي الجامعه مو اول مصلخ ثاني مصلخ اذا يعجبك تعال اسكن بيه واذا معجبك ادورلك على واحد يوكن بمدينة الصدر او الدوره او باي مكان انته تختاره بس من تعيش بيه لاتطلع خارج منطقتك ولاتكول اني سني او شيعي ولاتروح اجيب صمون ولاتحلم بغد افضل ولاتتامل الخير اباجر ................... يمعود كول يا الله واحمد ربك واشكره لانه تركت العراق ماعاد اكو امل ماعاد عيش حياتك الجديده واتغلب على شعورك بالغربه اندمج بمجتمعك الجديد الي انته اختاريته واندمج وي الناس اني وياك انته كاعد تشعر بالغربه بس شعورك بالغربه هوايه اهون من شعورك بالخوف وفقدان الامل كول يا الله وابدي حياة جديدة.... وتقبل تحياتي

[اسيرة الغربه]

تحياتي لكم شاكره مروركم الكريم

[ليث القيسي]

يسلمووو عل الموضوع عاشت الايادي

[princess of iraq]

حياه كريمه بهذا الوطن كل الي اتمنيت
وهسه على بعدك حتى الثواني عديت

كلمات بغاية الروعة
عشات ايدج وردة
تقبلي ارق تحياتي

[عمر البياتي]

اعيش بكابوس البعد عنك والي هسه ماصحيت....
اريد اصحى وارجعلك واكول بحضنك تدفيت ..
ــــــــــــــــــــــــــــــــــــــــــــــــــ ــــــــــ

يا اهلالالالالالالالالالالالالالا وسهلا
بيكم بغداد
تعالو عيوني انتوووووووووووو
كابوس الغربه
يا الله
تعالو يمي خل اراويكم كابوس جيش المهدي

لو كابوس القاعده

لو كابوس جيش عمر

تعالو شرفوني عيوني انتو

بس تعالو اتلكاكم بلحضنننننننننننننننننننننننننننننننننننننننننن( دككككك طلقات )