خان الحبيب

[شاعر الانبار]

الخان كلبي ترك الجروح ملجومه
جنت اني اضنه دوه وسفه طلع قاسي
جنت اني اشبه كمر والوادم نجومه
ولاجله اني تركت اهلي واعز ناسي
باحضاني ياما غفه يروح بالف نومه
وانام حضن بحضن وراسه بحضن راسي
قداح صرت انه اله ومعطر اهدومه
والجوري مني يشم من حركت انفاسي
ناعور كلبي صفه يفتر اله دومه
لمن شبع وارتوهكام وكسر كاسي
جنت اني اشيل الحزن من كلبه وهمومه
ومن صار وكته اله كص كلبي بفاسي
الخان كلبي ترك الجروح ملجومه
جنت انه اضنه دوه وسفه طلع قاسي

[§][©][§الامبــراطور §][©][§]

موووووووووضوع اكثر من رائع يسلمو الايد الكتبه

[عاشق الحب المستحيل]

شكرا حبيبي على الموضوع الجميل

[شاعر الانبار]

الى علشق الحب المستحيل وامير بلاد الرافدين شكرا جزيلا على ردودكم