خاص للعراقيين الي بمصر [الأرشيف] - دجلة نت ::: ملتقى شباب العراق

نعيمية للابد

09-07-2007, 08:58 PM

السلام عليكم ورحمة الله وبركتة هلوشباب وبنات اشلونكم
اليوم سويت هذا الموضوع الي هوة عبارة عن اول شي كل واحد يدخل اذا يريد يكتب اسمة عادي واذا ميريد هاي حرية شخصية منكدر نجبر احد وثاني شي يكتب العمر ويكتب هوايتة ويكتب افضل اكلة عندة وبيا مرحلة هوة ووين هوة ساكن بمصر ووين جان بالعراق ساكن وشنو استفاد من الغربة ( مصر ) وطبعا اني هذا الموضوع سويتة للعراقيين الي مغتربين بمصر وحبيت انسولف كولنة
اتمنى الموضوع يعجبكم انتضر ردودكم
تحياتي الكم نعيمية للابد

نعيمية للابد

09-07-2007, 09:01 PM

واني ابدي اول وحدة يلة
الاسم غلسسسسسسس هههه
العمر 15
الهواية النت والسباحة
مكان السكن في مصر اني بمدينة نصر الحي
مكان السكن بالعراق (بغداد) زيونة
افضل اكلة اكيييييييييد البرياني
تحياتي انتضر ردودكم

rose of iraq

09-08-2007, 03:43 AM

حياتي نعيمية مشكورة على مواضيعج الحلوة
اني اسمي روز اوف عراق
جنت ساكنة بزيونة هم هع
احب كل الاكلات عندي كلشي طيب ::2::
واتمنى ارجع لبغداد ويرجع كل العراقيين امييييييييييين ياربي
تقبلي ارق تحياتي

نعيمية للابد

09-08-2007, 05:44 PM

روزة حبي يسلمو على ردج الرائع
تحياتي الج

اسيرة في حب بغداد

09-10-2007, 12:37 AM

هلو يالنعيمية طبعا بالمناسبة اني هم نعيمية يعني اني بنت عمج واختج اني اسمي احمممم احممم مشفر الاسم ههههههه مواليد 1989 ساكنة بمصر ضوجة الغربة بس نكول الحمدلله على كل حال وانشاءالله نرجع للعراق امين تحياتي

نعيمية للابد

09-10-2007, 04:47 AM

هلو حبيبتي اسيرة اتشرفت بيج على راسي تحياتي الج

bnt aliraq

09-10-2007, 05:27 AM

الاسم:...........
العمر:15
الهواية:النت و القراية
مكان السكن في مصر:اني ب6 اكتوبر
مكان السكن في العراق:في بغداد
الاكلة المفضلة:دولمة و برياني
طبعا الغربة طعبة واني اريد ارجع بس شنسوي الله كتب علينة نتغرب
شكرا حبي على موضوعج الحلوووووووو
عاشت ايدج
تحياتي

princess of iraq

09-10-2007, 03:22 PM

هلاووووووووووو نعيمية
مشكورة حبي على الموضوع الحلو
اني اسمي (فراولة ) طبعا مو الحقيقي هع
عمري 20
بغداد زيونة
وحاليا بمصر
هوايتي السباحة والنت وقرأة الشعر (والابوذيات(كلش احبهة))
اطيب اكلة عندي اممممممممم ::16:: الدولمة

امنيتي ارجع لبغداد ::27::::38:: واكمل دراستي هناك::38::::38::

::51::تقبلي ارق تحياتي::51::

>>:::BroKeN HeArT :::<<

09-10-2007, 07:13 PM

هلااااا نعيمية
مشكوررررة على الموضوع وخصوصا بي لم شمل العراقين المغتربيين ..

الاسم .... ليث
العمر ...... 27
سكني في بغداد ..... السيدية
سكني في مصر .... مدينة 6 اكتوبر
الهوايات .... الانترنت .. السباحة ... المطالعة
استفاديت من الغربة ..... لا شيء طبعا

نتمنى ان نرجع للعراق مرة ثانية
وننجمع ويا اهلنا واصدقائنا
ويصير العراق بخير مثل قبل
تحياااااتي

نعيمية للابد

09-10-2007, 09:38 PM

طبعا شكرا على مروركم الرائع واني حبيت اسوي هيج موضوع علمود يلتم شملنا وخصوصا احنة بالغربة
تحياتي الكم

دعبله

09-11-2007, 04:48 AM

يسلمووو نعيمه عل الموضوع الحلووو بس سبقتيني بيه ::45::
عاااشت الاياااااادي...بس اني اخاف انطي عنواني اخاف اتهدد::32::...هع هع

الاسم:ليث
العمر:20
الهوايه :النت ...السفرات واكره الدراسه::12::
عنوان: مدينه نصر عباس العقاد عماره ..... شقه .... الدور.....
عنواني في بغداد :حي الجامعه
التحصيل الدراسي: طالب هندسه اتصالات جامعه msa حاليا داكمل دراستي بيه.
اطيب اكله طبعااا البرياني من ايد امي بس والدولمه بس من ايد بيبي::29::
وهسه حاليا عايش عل البرياني لان بيبي بلعراق::29::

استفادتي من الغربه هو علمتني بعد لو امووووت ماعوف العراق

يسلموووو عل الموضوع وتقبلي مروري .::57::

نعيمية للابد

09-11-2007, 05:19 PM

يسلمو ليوثي الوردة على مرورك الرائع تحياتي الك

>>:::BroKeN HeArT :::<<

09-12-2007, 02:35 AM

اطيب اكله طبعااا البرياني من ايد امي بس والدولمه بس من ايد بيبي::29::
::29::

.::57::

اي البرياني من ايد امك ::36::
من اكلتة بسفرة ميامي الاسكندرية
وراها يومين اني نايم بالفراش ::27::::27::

لا حبي اشاقة وياك
طبعا البرياني الي تسوي امك مو طبيعي ::24::::24::

نعيمية للابد

09-12-2007, 03:08 AM

ههههههههههههههههه

rose of iraq

09-12-2007, 04:14 AM

استفادتي من الغربه هو علمتني بعد لو امووووت ماعوف العراق [/SIZE]

اي والله كلامك صحيح ليث ::12::::12::::12::::12::::12::

نعيمية للابد

09-12-2007, 07:29 AM

اي اني حرامات مضايكة البرياني مال ام ليث هههههههههههه عود لمن اتسوون دزولي ماعون هههههههههه

al_tsar

09-12-2007, 08:30 AM

هلووو
اني اسمي مصطفى
بمصر بمدينه نصر ::12::
جنت عايش بزيونة ::29::
عمري 16 سنه وبعد يومين عيد ميلادي ::24::::24::
وشكرا على المبادره الاكثر من رائعه نعيميه ::57::

>>:::BroKeN HeArT :::<<

09-12-2007, 03:04 PM

اي اني حرامات مضايكة البرياني مال ام ليث هههههههههههه عود لمن اتسوون دزولي ماعون هههههههههه

شنو عاجبج تنامين مستشفى ::237::::237::

ماشي حضري روحج اول يوم رمضان فطورج

على ام ليث ::24::

halatwa

09-12-2007, 03:38 PM

شكرا نعيمية عالموضوع وتدللين اكتب معلومات عني
اسمي هالة
عمري 23
اسكن بمصر مدينة نصر
هوايتي اتعرف على صديقات وناس عراقيين
ادرس ماجستير سنة ثانية
امنيتي ارجع للعراق بس مو هسة من الناس تصير عدها عقول وتفكر زين ويصير العراق احسن من قبل
ها وطبعا استفاديت من الغربة ليش لا اخذت حسنات المصريين وعرفت شنو الزين بالعراقيين وعرفت قيمة نفسي من قارنتها بالمصريين بصورة عامة
واشكرج عالموضوع نعيمية

مصطفى العبيـدي

09-12-2007, 05:14 PM

السلام عليكم روزه مشكوره عالموضوع ورده ...

الاسم مصطفى

الدراسه طالب الجامعه العربيه المفتوحه علوم حاسبات

في بغداد كنت ساكن الاعظميه قرب قصر بلاسم منطقة ال 600

في مصر ساكن في مصر الجديده قرب سفارة الامارات

لم استفاد من الغربه ولا شئ

واتمنى العوده للعراق امين يارب

نعيمية للابد

09-12-2007, 08:51 PM

مصطفى روزة شنو اني الي مسوية الموضوع ههههههههههههه بس يلة كولنة واحد تحياتي الك

نعيمية للابد

09-12-2007, 08:52 PM

مصطفى كل عام وانتة بالف الف خير ياربي صحة وسلامة ويارب تحتفل بعيد ميلادك ال 100 تحياتي الك

دعبله

09-13-2007, 01:05 AM

اي البرياني من ايد امك ::36::
من اكلتة بسفرة ميامي الاسكندرية
وراها يومين اني نايم بالفراش ::27::::27::

لا حبي اشاقة وياك
طبعا البرياني الي تسوي امك مو طبيعي ::24::::24::

هااااا طلع مطيب موووو بسيطه ::52::::52::سفرات الجايه هوايه وين تطير مني

حبي الغالي اشاقه وياك بلعافيه عليك بس تدري اني كتله لامي خلي بماعونه

منوم هع هع هع. مشتاقلك ليث ولله كومه تحياااتي الحاااره الك.

دعبله

09-13-2007, 01:09 AM

اي اني حرامات مضايكة البرياني مال ام ليث هههههههههههه عود لمن اتسوون دزولي ماعون هههههههههه

يدلوووو عيوني نسويلج جدر بريااااني مو ماعون::6::
وتامرين امررررر...
تحياتي .

نعيمية للابد

09-14-2007, 12:27 AM

تسلم عيوني ما يامر عليك احد اي جدر وين احطهة اشايفني قابل امل طه اني ماعون كافي عليه
تحياتي الك ليوثي

مصطفى العبيـدي

09-16-2007, 10:55 PM

مصطفى روزة شنو اني الي مسوية الموضوع ههههههههههههه بس يلة كولنة واحد تحياتي الك

ههههههههههههههه اي اي اسف نسيت والله مأثر الصيام شسوي ...

اكمل المعلومات ...

اطيب اكله ... الجكاير ههههههههههه

الهوايه ..... كتابة الشعر الشعبي العراقي والخواطر والهمسات ....

وعايش بنص دفتر اشعاري وخواطي ....

تحيه طيبه الج نعيميه واسف مره ثانيه .......

فراشة

09-17-2007, 06:39 AM

هلووووو نعيمية ...
اني فراشة...
ياناس رجعوني لبلادي..مااكدرعلى الفراك
طبعا ماكو واحد ما يتمنة يرجع الى بلدة لان الغربة كلش صعبة
بس الله كاتبنة نعيش بالغربة بس ان شاء الله الكل ترجع
وشكرا يا نعيمية على هذا الموضوع...

ضحكه جرح

10-09-2007, 06:55 AM

الاسم.. نبيل جبير
السكن بمصر ... 6 اكتوبر
الهوايه... طالب ب6اكتوبر والشعر احيانا
الاكله المفضله ... كل الاكل العراقي طيب ما اكره شي
السكن بالعراق .... الرمادي
العمر...20
تحياتي للكل واتمنالكم الموفقيه ..... ظحكه جرح

CIVILIAN_CAT

10-10-2007, 12:51 AM

شكرا حبي على الموضوع
اني اسمي ------ بعدين اكولج ههههه
عمري 21 وساكنه بمدينه نصر
وطبعا اتمنى ارجع للعراق

ملاك الاعظميه

10-10-2007, 01:06 AM

هلوووووووووو شلونكم

الاسم : شهلاء
العمر : 17
السكن ببغداد : الاعظميه
السكن بمصر : 6 اكتوبر
هواياتي : النت والشعر والمطالعه
اكلتي المفضله : الدولمه

بغداد دار السلام

10-10-2007, 04:01 AM

شكرا للموضوع الحلو نعيمية
اني اسمي بغداد دار السلام
عمري 21
هواياتي النت والسباحة
ساكنة بأسكندرية
تحياتي الج

أشوفك حلم

10-11-2007, 06:35 AM

طبعا انا لاحظت اغلب الي ردوا كاتبين نتمنى نرجع للعراق
وضايجين .... لعد مترجعون ليش باقين اذا الغربة مرة وما تتحملوها ....
هسة اجاوب اني على اسالتك اختي ..
انا ...
مكرم
عمري 22 سنة
طالب ادرة واقتصاد سنة 2 بجامعة اكتوبر
ساكن باكتوبر لوحدي طبعا يعني اهلي بالعراق
مرتاح بمصر والحمد لله

دعبله

10-11-2007, 01:47 PM

طبعا انا لاحظت اغلب الي ردوا كاتبين نتمنى نرجع للعراق
وضايجين .... لعد مترجعون ليش باقين اذا الغربة مرة وما تتحملوها ....

اذا كلمك المجنون فقل سلاما::13::

نعيمية للابد

10-16-2007, 05:31 AM

يسلمووو على مشاركاتكم الروعة تحياتي الكم

<<<قناص القلوب>>>

10-16-2007, 07:05 AM

اني قناص القلوب
ساكن في مدينة نصر
بغداد جنت اسكن شارع فلسطين
هوايتي الانتر نت
الاكلة المفضلة البرياني
كلشي مامستفادين من الغربة

تمنياتي ان يرجع العراق مثل ماكان ويلتم شمل العراقين من جديد امين يارب

نعيمية للابد

10-16-2007, 11:57 PM

انشاء الله كولنة نرجع ويسلمو على الردود
تحياتي الكم

lovely girl

10-18-2007, 03:36 AM

اهلا
الموضوع حلو وحبيت اشارك بي
اني لوفلي
العمر 21
ساكنه بالرحاب
وفي بغداد \ اليرموك
طبعا اتعلمت انه اعرف قيمه الاشياء الي مجنت اهتم بيها والانسان ميعرف قيمه الشي الا من يفقده
احب اتعرف على بنات بالرحاب لانه اني وحدي هنا مع الاهل بس ماعندي احد مثل عمري اتمنى التواصل شكرا

مصطفى العبيـدي

10-18-2007, 04:25 AM

lovely girl

10-19-2007, 01:01 AM

هلا والله بيج اعرف هواي ناس بالرحاب بنات وولد من السفرات والجامعه تحبين اعرفج عليهم .؟؟

والله اكون شاكرة الك لانه كلش ضايجه

مصطفى العبيـدي

10-19-2007, 06:15 AM

والله اكون شاكرة الك لانه كلش ضايجه

عمي يدللو والله العظيم بس شلون اعرفج عليهم همه وياي بالجامعه العربيه المفتوحه ..... انطي حل واني بعيوني

saifdoobey

10-19-2007, 11:23 AM

شكرا اختي نعيمه على الموضوع الحلووووو
الاسم....سيف
العمر...19
ساكن مدينه نصر
العراق...بغداد/اليرموك
الهوايه....النت و الصيد
الاكله .....البيتنجان::21::
الغربه....ما اريد اعلق::27::::27::::27::::27::::27::::19::
تحياتي.

saifdoobey

10-19-2007, 11:26 AM

نعيميه اسف::50::::50::::50::::50::

مهيمن البغدادي

10-19-2007, 01:39 PM

الاسم .... مهيمن البغداديالعمر .....18 سنه
سكني في بغداد ..... قرب جامعه التكلنوجيه
سكني في مصر .... الاسكندريه/ميامي
الهوايات .... كره القدم .... الانترنيت
استفاديت من الغربة ..... لا شيء طبعا

طبعآ اشكرج عيوني على الموضوع الجميل واني عضو جديد يمكن اول مشاكره الي هنا يسلمووووووو على الايادي الذهبيه الي كتبت هذا الموضوع

تحياتي :هيمووو

هيثم ابن الغزالية

10-22-2007, 07:36 AM

مشكور عيني على هالموضوع الجميل وان شاء الله ننتظر المزيد منج ان شاء الله

الاسم.... هيثم

العمر.... 20

السكن في العراق.... الغزالية

في مصر.... مدينة نصر

الهوايات.... السباحة و الانترنيت والدياحة طبعا

الاكلة المفضلة .... الدولمة طبعا خاصة اذا وياهة لبن اربيل

استفاديت بالغربة تعرفت على اصدقاء صارو الي اكثر من اخوة والحمد لله وان شاء الله نرجع لبغداد هاي امنيتنة طبعا

مع كامل حبي وتقديري

هيثم العبيدي

تميمي وافتخر(عراقي بمصر)

10-22-2007, 09:44 AM

الاسم : مصطفى التميمي
العمر :19
الاكلة المفضلة :السبيناغ
السكن : المهندسين
واتعلمت من الغربة والهول هواية شغلات بس انتي صغيرة ما اكلج عليها هع هع هع هع هع

عراقيه وذبني الوكت

10-26-2007, 01:00 PM

هلوووووووووووو
اسمي غلسي عليه
العمر 23 سنه
السكن بغداد السيديه
السكن بمصر 6 اكتوبر
هوايتي النت وقرأة الشعر
الغربه هدتني والشي الوحيد الي استفاديت منه انه عرفت عراقيين وجوه طيبه هنا واما غير شي مااستفاديت واتمنى امشي ولو ثانيه بشارع التجاري اوييييييييييييييييييييييييييييييييلي شكد صعبه صارت::29::::29::::29::

امونة الدليمي

10-27-2007, 02:46 AM

#9 (http://forums.dijlh.net/showpost.php?p=3230699&postcount=9) http://forums.dijlh.net/images/style1/buttons/reputation.gif (http://forums.dijlh.net/reputation.php?p=3230699) http://forums.dijlh.net/images/style1/buttons/report.gif (http://forums.dijlh.net/report.php?p=3230699)
http://forums.dijlh.net/images/statusicon/post_old.gif 09-10-2007, 05:13 PM
http://forums.dijlh.net/image.php?u=22268&dateline=1176219805 (http://forums.dijlh.net/member.php?u=22268)o0 Broken Heart 0o (http://forums.dijlh.net/member.php?u=22268) http://forums.dijlh.net/images/statusicon/user_online.gif
مراقب دردشة دجلة نت هاي عراق
http://forums.dijlh.net/images/s1.gifhttp://forums.dijlh.net/images/s1.gifhttp://forums.dijlh.net/images/s1.gifhttp://forums.dijlh.net/images/s1.gifhttp://forums.dijlh.net/images/s1.gifhttp://forums.dijlh.net/images/s1.gif
تاريخ التسجيل: Feb 2007
الدولة: مصر
المشاركات: 5,110
http://forums.dijlh.net/images/reputation/reputation_pos.gif
http://forums.dijlh.net/images/style1/misc/im_msn.gif (http://forums.dijlh.net/showthread.php?t=189085#) http://forums.dijlh.net/images/style1/misc/im_yahoo.gif (http://forums.dijlh.net/showthread.php?t=189085#)

http://forums.dijlh.net/images/icons/icon1.gif

مشكوررررة على الموضوع

الاسم .... امونة
العمر ...... 27
سكني في بغداد ..... الاعضمية سكني في مصر ....الرحاب الهوايات .... الطبخ والانترنيت اطيب اكلة------- البرياني والدلمة ولازانيا
استفاديت من الغربة .....بس التعب والغربة نتمنى ان نرجع للعراق مرة ثانية
وننجمع ويا اهلنا واصدقائنا

__________________

مصطفى العبيـدي

10-27-2007, 03:08 AM

هاي اني هم من الاعظميه ولكم اووووووووووووووف

المـ،ـ،ـ،ـتبده

10-27-2007, 07:29 AM

مساء الخيرات
حلو هذا خوش موضوع عاشت الايادي
اسمي روعه
مواليد 87
هوايتي قرائه الروايات والانترنت طبعا
وعلى فكره دا الاحظ الكل هوايتهم الانترنتاني بالانسبه اليه مدمنه انترنت
http://www.gamr15.net/up/uploads/5cfc6fb4b7.gif

المـ،ـ،ـ،ـتبده

10-27-2007, 07:34 AM

وبغداد الحبيبه جنت بالمنصور بشارع الاميرات واكلتي المفضله هيه الدولمه وبعد؟؟
ممممممم
خلص والغربه تعاسه بصراحه كولش كئابه ان شاء الله يتحسن الوضع ونرجع لعراقنه
http://www.gamr15.net/up/uploads/5cfc6fb4b7.gif

المتغرب الرياضي في مصر

10-31-2007, 05:57 AM

حيالله اختي النعيم من السادة اني نعيمي من الحويجه

ومن النعيميه الرمادي وحيالله

الاسم خطاب النعيمي

العمر 27 سنه

الهوايه الرياضه ورياضه الكيك بوكسنغ والمواي تاي واني بطل العراق وكنت لاعب المنتخب العراقي وحصل ثاني عرب

خريج تربيه رياضيه

ساكن بغدادمدينه الابطال الدورة

الاستفاده من الغربه هو معرفت الصديق الصح وثانين اخذت خبرامن مصر والمغرب العربي في الرياضه ودورات الحاسبه والحمدلله

واتمنا من الله يعود العراق للخير ويكون بلدا الطيبين ونخلص من هاي الغمه

وارجو من كل في المنتدى الدعاء للعراق واهل العراق بي اصلح الحال

والسلام عليكم