حديث عل الهاتف بين الام وابنها في الغربه

[ليث القيسي]

الابن


ألــو مـــــن أديــار الغـــرب يمه ألـــو
انــي ابنكم واســأل عليكم اشلونكم


صــوتي واضــح مــن اكـول اني فلان
أوبعد نبرت صــوتي تشبهـه صــوتكم


لـو تكسـر حجـي مـــــــن كـثر الهجـر
واختلـف لـوني وصـبح مـو لـــونكم


انـــــــه شحجيلج يـــيمــه ابغــربتي
والله مــــــن أحجي تزيـــــد اهمومكم


يمه مـا شفت الفـرح بالغــــربه يــوم
أتروح سنت الغـرب فـــــدوه اليومكم


مـــــــــــا أنـام اللـيـل سهــران وأون
أولـو نـمـت لـحظـة افـــز بطيـــــوفكم


أنه تعبنـي الهجـر مشـتاك اضــــــوك
طبـخ أيــــــــــدج والـخـبـزتـنوركـم


يـمـه عـدنـه الأكـل لا لــــــــذه اوطعم
والطعـم واضـح وسـط مــــاعـونكم


أنه جـابـرني الـــــزمن عنكم اروح
غـصـب عـنـي ابــــعـدت عن اعيونكم


يمه ادعيلي ييمه الكم اعــــــــــــــود
يـم ابـو الـحسنين حــــــارس سوركم


ابـجاهـــــــه عنـد الله اردلكـم عـدل
اوتـرجـع اعيـوني ييمـه اتشــوفكم






جواب الام




احـجـي يـا يمـه اسمعـــك لاتخاف
احجي يا يمـــه اسمعـــك أني زين


مـــــا تـغيـر صـوتك أ و رب الخلك
أونبرتك بيهه انــــوجــد كـل الحنين


يبنـي مــــــا غيرك كل هـــــذا البعد
باقـــــي طبعك طبع العراقي الحزين


وانه أدري بيـــــك مـــــا تغفه ابـــد
ولا تنـــــــام الليل كاظـيه ابــــونين


أولا تحـس ابـطعـم كـل شــرب اوأكل
أولاعرفت الفرح كل هـــــاي السنين


وانـي مـنـك ازيـــــــــــد وأكثـربعد
اولا تظـن فـركــــــــــاك يا يمه يهين


مـــــــا أنـام الليـل سهـرانـــــــه وون
والدمــــــع يبني صفه اوما ظلي عين


أنه محتفضـه ابغــــــراضـك والكتب
وأحجي وياهـــــن واكلهن انته وين


جنت بيهن تلعب اوتقره اعله طــول
أوهسه صـــارن مـا تمسهن كـل ادين


يبني ارجع شاب راسي امـــن الهجر
أوكلبي نبضاتــــه صفت كلهه ونين


رايح ادعـــــي الرجعتك يبني الحبيب
يا علي ابجاهك يرد يابـــــوالحسين
اووووووووووووف يايمــــــــــــــه::29::

[@@لولو@@]

جميل جدا جدا جدا ويسلموا

[نعيمية للابد]

اوووووووووويلي والله ليث بجيتنا يسلموووو كلش حلوة تحياتي الك تقبل مروري

[نــبــض الــمــشــاعــر]

أوووووووووووووووووف أوووووووووووووووووووف
والله كله صح والمشكله هسه صارت اذا انت خارج العراق اتحس بالغربه واذا بالعراق هم نفس الشي بس منكول غير الله كريم ويارب تصفى لان كل متغرب اله رجعه للبلد بس احنا غربتنا غير لان منعرف اشوكت نرجع من غربتنا لحد ميرجع العراق مثل قبل واحسن ان شاء الله اسفه على الاطاله وشكرا وعاشت ايدك ::57::

[سولانج]

عاشت ايدك
تحياتي.................

[rose of iraq]

مشكور ليث على الموضوع الجميل والمؤلم بنفس الوقت
يسلمووووووووووووووووو

[ليث القيسي]

منورررررررررررررررررررين الموضوع ولله ويسلمووو عل مروركم تحياتي لكم.::57::

[فلوجيه وافتخر]

مشكور شعر روعه ويكسر القلب الله يساعد الى عايش بالغربه ويرجعكم بسلامه الى هذا الوطن الحبيب

[ليث القيسي]

يسلمووو عل المرور منوره الموضوع تحياتي لكي.