ما هية الصفات اللتي تريدهة في زوجتك

[hacker_condor]

شباب اني شفت موضوع حلو في منتدانة يكول ماهية الصفات اللتي تتمنيها في زوجك فكلت انه احنة الشباب هم رايدلنة هيج موضوع حلو واليكم الاساله الي ياريت تجاوبون عليهة بصراحة:


1- هل من الممكن ان تتزوج بامراة كانت على علاقة بشاب غيرك

2-هل تسمح لزوجتك بالعمل_لو تريدهة تكعد بالبيت

3-هل تريد ان تتزوج بامراءة محجبة لو لا لو ميهمك سوائا محجبة او لا؟؟

4-هل من الممكن ان تتزوج بامراءة اكبر منك؟؟

5-هل تفضل ان تكون زوجتك ذكية؟؟؟؟؟

6-هل من الممكن ان تتزوج بامراءة تحبهة و تحبك و طالعين سوة و تعرفهة و تعرفك و و ____لو تريدهة قطة مغمضة؟؟؟؟؟

7-هل من الممكن ان تتزوج بغير العراقية؟؟؟

8-هل تسمح لزوجتك بالخروج و سياقة السيارة و من هالامور لو لا؟؟؟؟

9- هل من الممكن ان تتزوج بامرءة متعرف تطبخ؟؟؟


وشكرا شباب

[hacker_condor]

1- هل من الممكن ان تتزوج بامراة كانت على علاقة بشاب غيرك

حسب نوع العلاقة___اذا صارحتني بهذا الشي طبعا

2-هل تسمح لزوجتك بالعمل_لو تريدهة تكعد بالبيت

لا اسمحلهة بالعمل

3-هل تريد ان تتزوج بامراءة محجبة لو لا لو ميهمك سوائا محجبة او لا؟؟

ميهمني

4-هل من الممكن ان تتزوج بامراءة اكبر منك؟؟

لا

5-هل تفضل ان تكون زوجتك ذكية؟؟؟؟؟

لازم تكون ذكية اذا مو ذكية ما اتزوجهة

6-هل من الممكن ان تتزوج بامراءة تحبهة و تحبك و طالعين سوة و تعرفهة و تعرفك و و ____لو تريدهة قطة مغمضة؟؟؟؟؟

لا اكيد اتزوج وحدة احبهة واعرفهة بحدود الادب و ابد ما ممكن اتزوج وحدة ما اعرفهة

7-هل من الممكن ان تتزوج بغير العراقية؟؟؟

ليش لا__بس يفضل تكون عراقية___بس اذا حبيت بعد الكلب و ما يهوة

8-هل تسمح لزوجتك بالخروج و سياقة السيارة و من هالامور لو لا؟؟؟؟

اي طبعا لان اني اريد وحدة تكون علاقتنة مبنية على اساس الثقة__فاني اثق بيهة تطلع وتسوق سيارة شكو بيهة

9- هل من الممكن ان تتزوج بامرءة متعرف تطبخ؟؟؟

اي لان اذا حبيت مراح اخلي هيج سبب يمنعني عن زواجها وبعدين اني اعلمهة على كيفي


وشكرا شباب
[/quote]

[رئيس القسم]

[quote=hacker_condor;3131241]1- هل من الممكن ان تتزوج بامراة كانت على علاقة بشاب غيرك


لا مستحيل

2-هل تسمح لزوجتك بالعمل_لو تريدهة تكعد بالبيت

لا ما اذا هية تشتغل اني شسوي

3-هل تريد ان تتزوج بامراءة محجبة لو لا لو ميهمك سوائا محجبة او لا؟؟

ميهم__يفضل محجبة

4-هل من الممكن ان تتزوج بامراءة اكبر منك؟؟

لا

5-هل تفضل ان تكون زوجتك ذكية؟؟؟؟؟

بس لازم اني اذكة منهة

6-هل من الممكن ان تتزوج بامراءة تحبهة و تحبك و طالعين سوة و تعرفهة و تعرفك و و ____لو تريدهة قطة مغمضة؟؟؟؟؟

يعني___اعرفهة اي__بس طالع وياهة لا

7-هل من الممكن ان تتزوج بغير العراقية؟؟؟

اي
8-هل تسمح لزوجتك بالخروج و سياقة السيارة و من هالامور لو لا؟؟؟؟

لا
9- هل من الممكن ان تتزوج بامرءة متعرف تطبخ؟؟؟

لااااااا_لعد شاكل

[ميدو شكسبير]

- هل من الممكن ان تتزوج بامراة كانت على علاقة بشاب غيرك
حسب مدى العلاقة الي جانت بيناتهم
2-هل تسمح لزوجتك بالعمل_لو تريدهة تكعد بالبيت
لا كاعدة بالبيت احسن يعني هم شغل البيت و هم عمل خطية

3-هل تريد ان تتزوج بامراءة محجبة لو لا لو ميهمك سوائا محجبة او لا؟؟
مو مشكلة بس اذا مو محجة لازم تتحجب بعد الزواج

4-هل من الممكن ان تتزوج بامراءة اكبر منك؟؟
لا ما اعتقد

5-هل تفضل ان تكون زوجتك ذكية؟؟؟؟؟
مو شرط بس مو غبية و ثولة

6-هل من الممكن ان تتزوج بامراءة تحبهة و تحبك و طالعين سوة و تعرفهة و تعرفك و و ____لو تريدهة قطة مغمضة؟؟؟؟؟
لا تكون بيناتنا علاقة بس بحدود حتى نتعرف على طباع و اخلاق و شخصية بعض

7-هل من الممكن ان تتزوج بغير العراقية؟؟؟
لا

8-هل تسمح لزوجتك بالخروج و سياقة السيارة و من هالامور لو لا؟؟؟؟
اي عادي

9- هل من الممكن ان تتزوج بامرءة متعرف تطبخ؟؟؟
و الله اذا متعرف لازم تتعلم خلال فترة الخطوبة


مشكور حب

[ammar_k]

- هل من الممكن ان تتزوج بامراة كانت على علاقة بشاب غيرك
--لا --
2-هل تسمح لزوجتك بالعمل_لو تريدهة تكعد بالبيت
تجعد بالبيت احسن
3-هل تريد ان تتزوج بامراءة محجبة لو لا لو ميهمك سوائا محجبة او لا؟؟
لا ما يهم محجبه لو لا
4-هل من الممكن ان تتزوج بامراءة اكبر منك؟؟
مستحيل
5-هل تفضل ان تكون زوجتك ذكية؟؟؟؟؟
اي لازم بس مو معقده من السج
7-هل من الممكن ان تتزوج بغير العراقية؟؟؟
اي ممكن
8-هل تسمح لزوجتك بالخروج و سياقة السيارة و من هالامور لو لا؟؟؟؟
اي عادي مو مشكله
9- هل من الممكن ان تتزوج بامرءة متعرف تطبخ؟؟؟
هي صحيح مشكله اذا ما تعرف تطبخ بس تنحل هي المشكلة


تسلم على الموضوع هيكر

[hacker_condor]

شكرا على مروركم الحلو شباب

[Unity of iraq above all]

شدعوة عيني عليكم
تكعدونا بالبيت
اوي شكد ..............::28::


لاء وزين شنو تسوي علاقة حب وية بنية
ومتتتزوجها
ليشوكت يتسم الرجل العراقي بعدم الوفااااااااااااااااااء
شدعوة يابة

::28::::28::::28::

لو هية بس لعب علة مشاعر البنات

بعدين شدعوة همكم علة بطنكم يعني

الي متعرف تطبخ تتعلم::28::::28::::28::


اسالة حلوة مشكور علة الموضوع
بينلنا حقيقة اغلب الشباب العراقين::28::

[yAssEr . eMaD]

هههههههههههههههههههههههههه
يونتي والله متكلمه

[yAssEr . eMaD]

1- هل من الممكن ان تتزوج بامراة كانت على علاقة بشاب غيرك

لالالا مستحيل لانه اني هم ماعندي علاقه

2-هل تسمح لزوجتك بالعمل_لو تريدهة تكعد بالبيت
بكيفها

3-هل تريد ان تتزوج بامراءة محجبة لو لا لو ميهمك سوائا محجبة او لا؟؟
ابصراحه وبهل ظروف كمت اتشائم من اي شي يدل على دين
افضلها غير محجبه

4-هل من الممكن ان تتزوج بامراءة اكبر منك؟؟
لا استحي

5-هل تفضل ان تكون زوجتك ذكية؟؟؟؟؟
طبعا (بس مو اذكى مني)

6-هل من الممكن ان تتزوج بامراءة تحبهة و تحبك و طالعين سوة و تعرفهة و تعرفك و و ____لو تريدهة قطة مغمضة؟؟؟؟؟

مش فاهم هذا السؤال
يعني اريدها قطه مغمظه وتطلع ويايا
هوه نفس الشي


7-هل من الممكن ان تتزوج بغير العراقية؟؟؟
اي بكل سرور

8-هل تسمح لزوجتك بالخروج و سياقة السيارة و من هالامور لو لا؟؟؟؟

طبعا حريه(وبلكي تندعم)

9- هل من الممكن ان تتزوج بامرءة متعرف تطبخ؟؟؟
بلعكس يفضل متعرف تطبخ حتى متتفيك ابراسي

[hacker_condor]

شكلرا شباب بالعكس اني اشوف اغلب الشباب ارائهة متحررة و حلوة ليش زعلانة و زهكانة يا يونتي مووووو شباب

[hacker_condor]

صدك اني بردي كلت لا اسمحلهة بالعمل______يعني قصدي اكيد اسمحلهة بالعملللللللللللللللللللللللللللللللللل

[ميدو شكسبير]

يابة يونتي ليش ضايجة احنة نريد نكعدكم بالبيت لان انتوا خطية هم شغل البيت و الجهال و هم شغل الدوام !

[hacker_condor]

لا انشالله محد مضاجججججججج

[رينو الكهربائيه]

لا مازن اني وياها اولا شوفوا انتو دائما تريدون تسيطرون على البنيه
بس ليش متصير علاقتكم وياها بالتفاهم لان كل شي بالتفاهم يهووووووون
اني هعم حرد على الاسئله بس باليعجبني لحد يضوج
1...بس البنيه ماكو داعي تسوي علاقه بس هم نرجع ونكول حسب العلاقه
2...شكو بيها اذا البنيه اشتغلت عادي
3...مو شرط محجبه او لا لان اذا اكو شرط جان نص البنات متزوجوا لان اكو محجبات واكو لا
4...الاحسن انو يكونون نفس العمر او البنيه اصغر
5...مااتوقع اكو واحد يريد يتزوج وحده غيبه وبالعكس بس ليش تريدون تتفوقون بالذكاء على البنات؟؟؟
6...تره اكو بين المغمضه وال؟؟(يعني تعرف الغلط بس متسويه يدل على النباهه)
7...شكو بيها حسب البلد العاشين بيه
8...عادي واذا سقنا سياره مو عيب اكييييييييييييد
9...تره اغلبية البنات بفترة الخطوبه يتعلمون بس عادي اذا متعرف خليهم على السفري ههههههههههههه
والاحسن من كل شي خلينا free
مو صح..................؟؟