العٌمــــــــده
09-04-2007, 12:27 AM
::101::عراقي ضايج: أووووف منكم يا عراقيين شكد بطرانيين..! كل بركات ::21::وانجازات الحكومة وما أكو: خلف الله عالمالكي..!؟
..
.......................
اويلي منكم يا عراقيين يا بطرانين يلي ما عاجبكم شي .... يا الله شلون شعب انتوا ما ترضون بالنعمة صدك عيونكم فارغة بس تحجون عالحكومة.. ليش بيكم واحد يكول خلف الله عالمالكي , رحم الله والديك يا جعفري ..
نشكر جهودك الخيرة يا هاشمي هذا ما قدمته لمن انتخبك ونشكر لجبهة التوافق , كثرة شجبها وتنديدها المستمر .. نشكر لجبهة التوافق سرعة الاستجابة , نشكر لها وفائها بالالتزامات و سرعة تنفيذها لتهديدات الانسحاب, شبيكم ما يعجبكم العجب هو مو صوجكم, صوج الناس الي تحرضكم عالحكومة الوطنية الشريفة العفيفة البازة القديفة..
كله صوج حسام الرسام الجذاب .. يكول لقد كان الرصيف كالمرايا وهسة الجثث كام يلمها كناس, شوفوا النفاق والكذب , اصلا الجثث محد يلمها شنو هالجذب بعد, بعدين هية وين اكو جثث , بس كم وحدة يادوب 50 جثة وكلهم صداميين بعثيين تكفيريين زرقاويين ارهابين ..؟ ليش تحجون عالمالكي ... لان طلع بالتلفزيون بالاجتماع وية احمدي نجاد ومحاط وراه العلم العراقي, رئساً كلتوا هذا لوكي مال ايران , ورايح يوم 8\8 ومتعمد مايحط العلم العراقي وراه..
تره اخوان مو قصده اهانه العلم ولا الشعب ولا الجيش الي رفع هذا العلم عالفاو..لا .. بس هوة خطيةنسى يجيب العلم وياه من يوم فوز المنتخب طلع بالشارع يهوس وانخبص فارتبك خطية ونسى العلم بالسيارة, لا كلشي تسووه قصة عيب عليكم.. مو انتوا معتبرين نفسكم شعب الحضارات, شوية استحوا وبطلوا كذب ...!
كل يوم تاهمين مغاوير الداخلية باعمال الخطف والتعذيب والقتل عالهوية, منين تجيبون هالحجي ؟؟؟ وين اكو هيجي شي اصلا.. همه مجرد مجموعات مسلحة خارجة عن القانون , يرتدون ملابس مغاوير الداخلية ويركبون سيارات مغاوير الداخلية وشيالين هويات مغاوير الداخلية ... بس ترى همّ مو مغاوير الداخلية.. لان الهويات تتزور بمريدي , والملابس تنباع بالعلاوي و السيارات مكومة عد سردار بس شوية صبغ حراري مرقط وتصير سيارات تخبل , والبي كي سي الي تشوفوه عالسيارات ترة هم موجود بالسوك موفد علم يعني اي حداد يكدر يركبه عالبدي مال السيارات ...
اتقوا الله بالحكومة ياعراقيين ..
شنو يعني بانزين وكاز ماكو ؟؟ الا يعني ؟؟ الا ؟؟؟ ما تكولولي شلون جانوا اهلنا عايشين قبل ؟؟ اشو لا كهرباء لا بانزين لا كاز لا ماي .. كله يجيبون ماي من الشط و يبردوه بالتنكة الطين .. شبيكم يا عراقيين يا بطرانيــــن::101::.. بس تبجون بوجه الله, شنو يعني مستشفيات ماكو ؟؟؟ شنو يعني ادوية ماكو ؟؟؟
شنو نسيتوا الحلاقين ؟؟ مو جانوا قبل الحلاقين يداوون ويسوون عمليات , من يصير عدكم حالة طارئة , روحوا لاي حلاق هم يسوي العملية هم يزينكم و ياخذلكم سشوار وخيط, طبعا هسة هم تحجون تكولون هي وين اكو كهرباء حتى الحلاق يسشورنا.. شعب ممل .. متطلب .. نحس الى ابعد الحدود وتكيفون من تشوفون واحد يقلد عالحكومة..!
كيفتوا من طلعت الهوسة مال جيب الغاز جيبه.. كيفتوا من طلعت الاغنية مال هج يالشعب .. شعجب ..شعجب ..كمتوا تحسدون البزون .. لان تنام وسط الشارع.. احد كايللكم لاتنامون وسط الشارع , اصلا الحكومة دتسوي حضر التجول علمود يصير هدوء وتكدرون تنامون بالشارع مثل البزازين .. بعد ليش تتبطرون عالنعمة, اني ما اعتب عالشعب البطران , اعتب عالمواقع الطائفية المعادية للعملية السياسية..
اعتب عالقنوات الفضائية المدسوسة .. سوسة .. سوسة .. سوسة ( هذا صدى الصوت مو عبالكم السي دي مشخوط ) .. فضائيات مدري منين جاية , مدري منين يجيبون فلوس شنو هالصرف , شنو هالمذيعات,كلها من فلوس النظام البائد..؟؟ .. من تحرر العراق كلهم اخذوا فلوس الحكومة وطفروا برة سووا فضائيات, والشعب ما مصدك, عايف قنوات الحكومة الشريفة الغير مدسوسة والبعيدة كل البعد عن الطائفية والدس المجوسي وكاعد يتفرجلي هاي القنوات الصدامية البعثية الارهابية التكفيرية البيتنجانية والتبسية..؟
احد المواقع الالكترونية.. نشر صور عن حي الجامعة, طبعا كل الصور جذب و تلفيق , مسويها بالفوتوشوب , اصلا مبينه, اي واحد هسة من حي الجامعة راح يعرف هاي الصور جذب بجذب, ابسط شي اكو صورة لفد رجال مكتول وامدد بالشارع , احلف 100 يمين؟؟؟ هسه اذا تروحون لنفس المكان ماتلكوه.. وين راح قابل ؟؟ كام من الموت ورجع لبيتهم.. ؟؟
هذا دليل واضح وقطعي على انه هاي الصور كلها شغل فوتوشوب, وانتوا شعب تنطلي عليكم كل هاي الحيل والالاعيب .. ومستحيل يصير براسكم خير, مادام تضلون تحجون عالحكومة الموقرة.. كله بسبب هالشعب المتذمر الي مو شكول خير دتصير هاي المشاكل السياسية, لان الاحزاب و البرلمانيين حبابين ورورد ابرياء, حتى اني دزيت رسالة شديدة اللهجة لنانسي عجرم .. رزلتها كلتلها انتي ابدال ما جايبة اطفال وياج بالاغنية مال شخبط شخابيط , جان جبتي كم واحد من الحكومة العراقية , عالاقل الكليب يطلع فيكة.. وتحطين هادي العامري ابدال الجاهل المنغولي الي يكول .. تو اتمو ...
بس ما سمعت كلامي هالنانسي لان هي ما تحب العراق..
كافي يا شعب تكصون بالحكومة, ما شفتوهم قبل مده بالاجتماع الي صار ابيت السيد رئيس الجمهورية المحترم, شفتوا المحبة والتاخي و الضحك ؟؟؟ وبعدين كعدوا اكلوا.. هنيئا مريئا ببطونهم ياربي..اي اي .. لازم ياكلون حتى يفكرون بمصلحتك يا شعب لا وشوفوا تذمركم وبطركم وين وصل, حتى الي طالعين بالخارج هم يحجون عالحكومة, لكم يا منافقين لو ما الحكومة جان انتوا عايشين بره هسة ؟؟؟
خلف الله عالحكومة الي خلتكم تشوفون سوريا وأجهزتها الأمنية ومذلة الاردن ومصر واوربا بس انتوا مو شكول خير, خابصيها للحكومة والله جوازات ماعدنا.. والله اقامات ماعدنا.. شغل ماكو, علاج ماكو.. ناس بطرانة مابيكم خير .. روحوا شوفوا الفلسطينين شلونهم, مو عايشين برة , وكونوا نفسهم..؟
من سنة 48 بدوا يطلعون وربوا اجيال واجيال واستقروا بغير بلدان, ولا شكوا ولا ضوجوا حكومتهم, دتعلموا منهم ياحظي ..شبيكم بس تبجون وتحجون عالحكومة, ادري الحكومة ابتلت بيكم خو ما ابتلت .. بالعراق تبجون طلعتوا برة تبجون, خابصينا بالكهرباء والحر..؟ شنو رايكم اني سمعت تصريح من مسؤول رفيع جدا بوزارة الكهرباء, يكول بصريح العبارة ... قاااااامت كوااادرنا الهندسية باصلاح الوحدة الخامسة الي قدرتها 70 ميكا واط والسادسة الي قدرتها 160 ميكا واط في محطة الدورة الكهربائية, بس اكو فد مهندس كهرباء جذاب.. من هالشعب المتذمر المزعج طلع يدردم عالمسؤول .. يكول شلون صلحتوا الوحدة السادسة و الخامسة اذا هي اساساً محطة الدورة بيها 4 وحدات واثنين منها عاطلة من ايام حرب الخليج ؟؟
بس هذا المهندس منافق كذاب .. بس يريد يحجي عالسيد المسؤول, بس السيد السؤول رد على هذا المهندس الفاشل وكله: عيني عيني.. على عنادك.. وزارة الكهرباء وتحت شعار: خل يأكلون مادام خالهم طيب.. راح تخلي الطاقة تستقر بالعراق وراح نحقق الاكتفاء الذاتي سنة 2009 , وبعد الكهرباء ما ترمش .. والطاقة الانتاجية تصير 14 الف ميكا واط..!!
................!!
هاي شنو..؟؟ مو عيب عليكم..؟السيد المسؤول يصرح وانتوا تعفطوله.. ؟؟ مو اكولكم انتوا شعب مذتمر ونحس, واني تعبت من الحجي وياكم لان انتوا تسمعون منا وتطلعون منا.. بس اريد اكولك شي واحد ياشعب يا متذمر .. كافي تحجي عالحكومة , صير وياها ترى.. ودير بالك ياشعب تصيح اخ ياراسي , تره بس البعثيين الصداميين التكفيريين يكولون اخ ياراسي..
ولا تباوع الحكومة بالعين الصغيرة , ولا تباوع المساوئ بس, باوع عالمنجزات ؟؟؟؟الحضارية الي سوتها, ولا تضل تقارن بين وضع العراق سابقا وحالياً.. قبل جانوا الصداميين يحكمونا, احمدوا ربكم خلصتوا منهم ولا تستعجلون على رزقكم, فالخير قااااااادم, واريد هسه تصفيق حار تعبيرا منكم عن حبكم للحكومة..
شكراً وسهلاً..
اخوان تره ضجت واذا محد يردلي تره بعد مااخطب ....واخلي عيني بعين الله واسكت ...
من سلسه حكايات
( فنتازيا اخر وكت )
..
.......................
اويلي منكم يا عراقيين يا بطرانين يلي ما عاجبكم شي .... يا الله شلون شعب انتوا ما ترضون بالنعمة صدك عيونكم فارغة بس تحجون عالحكومة.. ليش بيكم واحد يكول خلف الله عالمالكي , رحم الله والديك يا جعفري ..
نشكر جهودك الخيرة يا هاشمي هذا ما قدمته لمن انتخبك ونشكر لجبهة التوافق , كثرة شجبها وتنديدها المستمر .. نشكر لجبهة التوافق سرعة الاستجابة , نشكر لها وفائها بالالتزامات و سرعة تنفيذها لتهديدات الانسحاب, شبيكم ما يعجبكم العجب هو مو صوجكم, صوج الناس الي تحرضكم عالحكومة الوطنية الشريفة العفيفة البازة القديفة..
كله صوج حسام الرسام الجذاب .. يكول لقد كان الرصيف كالمرايا وهسة الجثث كام يلمها كناس, شوفوا النفاق والكذب , اصلا الجثث محد يلمها شنو هالجذب بعد, بعدين هية وين اكو جثث , بس كم وحدة يادوب 50 جثة وكلهم صداميين بعثيين تكفيريين زرقاويين ارهابين ..؟ ليش تحجون عالمالكي ... لان طلع بالتلفزيون بالاجتماع وية احمدي نجاد ومحاط وراه العلم العراقي, رئساً كلتوا هذا لوكي مال ايران , ورايح يوم 8\8 ومتعمد مايحط العلم العراقي وراه..
تره اخوان مو قصده اهانه العلم ولا الشعب ولا الجيش الي رفع هذا العلم عالفاو..لا .. بس هوة خطيةنسى يجيب العلم وياه من يوم فوز المنتخب طلع بالشارع يهوس وانخبص فارتبك خطية ونسى العلم بالسيارة, لا كلشي تسووه قصة عيب عليكم.. مو انتوا معتبرين نفسكم شعب الحضارات, شوية استحوا وبطلوا كذب ...!
كل يوم تاهمين مغاوير الداخلية باعمال الخطف والتعذيب والقتل عالهوية, منين تجيبون هالحجي ؟؟؟ وين اكو هيجي شي اصلا.. همه مجرد مجموعات مسلحة خارجة عن القانون , يرتدون ملابس مغاوير الداخلية ويركبون سيارات مغاوير الداخلية وشيالين هويات مغاوير الداخلية ... بس ترى همّ مو مغاوير الداخلية.. لان الهويات تتزور بمريدي , والملابس تنباع بالعلاوي و السيارات مكومة عد سردار بس شوية صبغ حراري مرقط وتصير سيارات تخبل , والبي كي سي الي تشوفوه عالسيارات ترة هم موجود بالسوك موفد علم يعني اي حداد يكدر يركبه عالبدي مال السيارات ...
اتقوا الله بالحكومة ياعراقيين ..
شنو يعني بانزين وكاز ماكو ؟؟ الا يعني ؟؟ الا ؟؟؟ ما تكولولي شلون جانوا اهلنا عايشين قبل ؟؟ اشو لا كهرباء لا بانزين لا كاز لا ماي .. كله يجيبون ماي من الشط و يبردوه بالتنكة الطين .. شبيكم يا عراقيين يا بطرانيــــن::101::.. بس تبجون بوجه الله, شنو يعني مستشفيات ماكو ؟؟؟ شنو يعني ادوية ماكو ؟؟؟
شنو نسيتوا الحلاقين ؟؟ مو جانوا قبل الحلاقين يداوون ويسوون عمليات , من يصير عدكم حالة طارئة , روحوا لاي حلاق هم يسوي العملية هم يزينكم و ياخذلكم سشوار وخيط, طبعا هسة هم تحجون تكولون هي وين اكو كهرباء حتى الحلاق يسشورنا.. شعب ممل .. متطلب .. نحس الى ابعد الحدود وتكيفون من تشوفون واحد يقلد عالحكومة..!
كيفتوا من طلعت الهوسة مال جيب الغاز جيبه.. كيفتوا من طلعت الاغنية مال هج يالشعب .. شعجب ..شعجب ..كمتوا تحسدون البزون .. لان تنام وسط الشارع.. احد كايللكم لاتنامون وسط الشارع , اصلا الحكومة دتسوي حضر التجول علمود يصير هدوء وتكدرون تنامون بالشارع مثل البزازين .. بعد ليش تتبطرون عالنعمة, اني ما اعتب عالشعب البطران , اعتب عالمواقع الطائفية المعادية للعملية السياسية..
اعتب عالقنوات الفضائية المدسوسة .. سوسة .. سوسة .. سوسة ( هذا صدى الصوت مو عبالكم السي دي مشخوط ) .. فضائيات مدري منين جاية , مدري منين يجيبون فلوس شنو هالصرف , شنو هالمذيعات,كلها من فلوس النظام البائد..؟؟ .. من تحرر العراق كلهم اخذوا فلوس الحكومة وطفروا برة سووا فضائيات, والشعب ما مصدك, عايف قنوات الحكومة الشريفة الغير مدسوسة والبعيدة كل البعد عن الطائفية والدس المجوسي وكاعد يتفرجلي هاي القنوات الصدامية البعثية الارهابية التكفيرية البيتنجانية والتبسية..؟
احد المواقع الالكترونية.. نشر صور عن حي الجامعة, طبعا كل الصور جذب و تلفيق , مسويها بالفوتوشوب , اصلا مبينه, اي واحد هسة من حي الجامعة راح يعرف هاي الصور جذب بجذب, ابسط شي اكو صورة لفد رجال مكتول وامدد بالشارع , احلف 100 يمين؟؟؟ هسه اذا تروحون لنفس المكان ماتلكوه.. وين راح قابل ؟؟ كام من الموت ورجع لبيتهم.. ؟؟
هذا دليل واضح وقطعي على انه هاي الصور كلها شغل فوتوشوب, وانتوا شعب تنطلي عليكم كل هاي الحيل والالاعيب .. ومستحيل يصير براسكم خير, مادام تضلون تحجون عالحكومة الموقرة.. كله بسبب هالشعب المتذمر الي مو شكول خير دتصير هاي المشاكل السياسية, لان الاحزاب و البرلمانيين حبابين ورورد ابرياء, حتى اني دزيت رسالة شديدة اللهجة لنانسي عجرم .. رزلتها كلتلها انتي ابدال ما جايبة اطفال وياج بالاغنية مال شخبط شخابيط , جان جبتي كم واحد من الحكومة العراقية , عالاقل الكليب يطلع فيكة.. وتحطين هادي العامري ابدال الجاهل المنغولي الي يكول .. تو اتمو ...
بس ما سمعت كلامي هالنانسي لان هي ما تحب العراق..
كافي يا شعب تكصون بالحكومة, ما شفتوهم قبل مده بالاجتماع الي صار ابيت السيد رئيس الجمهورية المحترم, شفتوا المحبة والتاخي و الضحك ؟؟؟ وبعدين كعدوا اكلوا.. هنيئا مريئا ببطونهم ياربي..اي اي .. لازم ياكلون حتى يفكرون بمصلحتك يا شعب لا وشوفوا تذمركم وبطركم وين وصل, حتى الي طالعين بالخارج هم يحجون عالحكومة, لكم يا منافقين لو ما الحكومة جان انتوا عايشين بره هسة ؟؟؟
خلف الله عالحكومة الي خلتكم تشوفون سوريا وأجهزتها الأمنية ومذلة الاردن ومصر واوربا بس انتوا مو شكول خير, خابصيها للحكومة والله جوازات ماعدنا.. والله اقامات ماعدنا.. شغل ماكو, علاج ماكو.. ناس بطرانة مابيكم خير .. روحوا شوفوا الفلسطينين شلونهم, مو عايشين برة , وكونوا نفسهم..؟
من سنة 48 بدوا يطلعون وربوا اجيال واجيال واستقروا بغير بلدان, ولا شكوا ولا ضوجوا حكومتهم, دتعلموا منهم ياحظي ..شبيكم بس تبجون وتحجون عالحكومة, ادري الحكومة ابتلت بيكم خو ما ابتلت .. بالعراق تبجون طلعتوا برة تبجون, خابصينا بالكهرباء والحر..؟ شنو رايكم اني سمعت تصريح من مسؤول رفيع جدا بوزارة الكهرباء, يكول بصريح العبارة ... قاااااامت كوااادرنا الهندسية باصلاح الوحدة الخامسة الي قدرتها 70 ميكا واط والسادسة الي قدرتها 160 ميكا واط في محطة الدورة الكهربائية, بس اكو فد مهندس كهرباء جذاب.. من هالشعب المتذمر المزعج طلع يدردم عالمسؤول .. يكول شلون صلحتوا الوحدة السادسة و الخامسة اذا هي اساساً محطة الدورة بيها 4 وحدات واثنين منها عاطلة من ايام حرب الخليج ؟؟
بس هذا المهندس منافق كذاب .. بس يريد يحجي عالسيد المسؤول, بس السيد السؤول رد على هذا المهندس الفاشل وكله: عيني عيني.. على عنادك.. وزارة الكهرباء وتحت شعار: خل يأكلون مادام خالهم طيب.. راح تخلي الطاقة تستقر بالعراق وراح نحقق الاكتفاء الذاتي سنة 2009 , وبعد الكهرباء ما ترمش .. والطاقة الانتاجية تصير 14 الف ميكا واط..!!
................!!
هاي شنو..؟؟ مو عيب عليكم..؟السيد المسؤول يصرح وانتوا تعفطوله.. ؟؟ مو اكولكم انتوا شعب مذتمر ونحس, واني تعبت من الحجي وياكم لان انتوا تسمعون منا وتطلعون منا.. بس اريد اكولك شي واحد ياشعب يا متذمر .. كافي تحجي عالحكومة , صير وياها ترى.. ودير بالك ياشعب تصيح اخ ياراسي , تره بس البعثيين الصداميين التكفيريين يكولون اخ ياراسي..
ولا تباوع الحكومة بالعين الصغيرة , ولا تباوع المساوئ بس, باوع عالمنجزات ؟؟؟؟الحضارية الي سوتها, ولا تضل تقارن بين وضع العراق سابقا وحالياً.. قبل جانوا الصداميين يحكمونا, احمدوا ربكم خلصتوا منهم ولا تستعجلون على رزقكم, فالخير قااااااادم, واريد هسه تصفيق حار تعبيرا منكم عن حبكم للحكومة..
شكراً وسهلاً..
اخوان تره ضجت واذا محد يردلي تره بعد مااخطب ....واخلي عيني بعين الله واسكت ...
من سلسه حكايات
( فنتازيا اخر وكت )