ما هو رأيكم بالفتاة غير المحجبة؟؟ (بصراحــــــــــة)

[rose_of_kirkuk]

السلام عليكم !

هل مبادرتك بالكلام مع بنت محجبه تختلف مع مبادره كلام مع بنت غير محجبه

من تحترمها اكثر بنت محجبه ام بنت تقول انها تصلي ولكن غير محجبه؟؟؟؟

هل البنت الغير محجبه غير محترمه؟ (فى اعتقادك )

هناك كلام سمعته من بعض الشباب ويرددونه كثيرا يقولون ان اكثر المحجبات هن على قدر بسيط من الجمال او ان المحجبه دائما غير جميله فانها تخفي بشاعتها وراء الحجاب وطبعا هذا كلام حرام وغير منطقي فما رايكم


ويبقى السوال المهم : هل البنت الغير محجبه غير محترمه؟


منقول

[Dr.Winnie]

السلام عليكم
شكرا اختي العزيزة عالموضوع
بصراحة اني ما احكم عالبنية من حجابها لأن هواية شايف بنات مماخذين من دينهم غير الحجاب وبنات محجبات لان اهلهم فارضين عليهم
اما عن احتام البنية فبرأيي البنية سواء كانت مجبة ام لا هية بشخصيتها تفرض على الاخرين ان يحترموها

شكرا اختي العزيزة عالموضوع الرائع

[-T-R-O-Y-]

السلامــ عليكمــــ

موضوع مهم جدا وااشكرج على التميز بطرح المواضيع اختي

المهم

بالنسبه الي كشاب ماكو فرق اذا كانت لبنت محجبه واذا كانت غير محجبه (( يعني مع الاسف الحجاب صار موديل لااكثر ولااقل ___ لكن مو كل حجاب ___ اكو بنات تلبس الحجاب حتى تخفي بي جمالها عن الناس واكو بنت تلبس الحجاب حتى تخفي حقيقتها القبيحة (( اجلكم الله))

يعني بصورة مختصرة الحجاب مايمكن بي الحكم على البنت ابدا ابدا واي شخص يحكم على بنت من ارتدائها للحجاب او عدمه فهوا انسان سطحي 100%


شكرا

[YaLaN_SeVdA]

اني هم رأيي نفس رأئي دكتور ويني وتوري
مو شرط الابنية المحجبة محترمة او متدينة ولكن الابنية بشخصيتها وتصرفاتها
تجبر الناس يحترموها
شكرا اختي على الموضوع الرائع

[النظرة الاولى]

مشكور عالموضوع المهم والهادف لان اكو هواية بنات متحجبين غصبا وهذا شي ميرضي رب العالمين ومو بكل رضاها والبنية بشخصيتها تثبت وجودها بالمجتمع مشكور عالموضوع الرائع والنقاشي واكو هواية بنات مع احترامي الهم متحجبين علمود الوضع يعني حجاب مو مضبوط وهذا شي مو جايز عند الله تقبل مروري ولو طولت عليك واضافتي البسيطة

[yalan_dunya]

كلش خووووووش موضوع
مشكورة حبيبتى على المووضع الهاااااااااادف
انى اكووووول مو كل محجبه محجبه ولا كل سافرة سافرة
اذا اصابعيك مو سوه تريد تقارن هاى المقارنه

يعنى انى اكووووول اكو بنات مو محجات والله يفرضون على الناس يحترموهم
يعنى لو ينحطون على الجرح يطيب والله

واكو _____________ ما احجى اكيد افتهمتوا قصدى
ونفس الشىء بالنسبه للمحجات
يعنى ترى الاخلاق مو بالحجاب
مثل ما كلت بنوته الشمال اكو بنات بالغصب متحجين شنو رئيكم بهذا الحجاب؟ واذا هى ما مقتنعه بيه
اشلون راح تتحجب وتنطى الحجاب حقه
مو لو مو مو؟؟
الحجاب قنااااااااااااااااااااااااعه مو بالغصب

[(*turkmen kizi*)]

مثل ماكالت الاخت الحجاب قناع مو غصب

لانه اذا كان الحجاب لاغصب اول واخر راح تفتح الابنية حجابها لانه مو راضيه بهذا الحجاب بس اذا كانت هي راضير وهي قنوعة بحجابها اكيد ما تفتحها

وشكرا اختي العزيزة على الموضوع

[rose_of_kirkuk]

شكرا على جوابكم الراااااااائع
وأتمنى عجبكم الموضوع لان اني بقصد نزلته
انطيكم رأيي همين:
اني هم أكول الحجاب قناعة
وحشى المحجبات أكو دواهي جوا الحجاب أهم شي بالبنت الأخلاق فوق كل شيء
(( ان الله لا ينظر الى صوركم ولا الى اجسادكم ولكنه ينظر الى قلوبكم وأعملكم))
أهم شي القلب والاخلاق والأعمال تكون نظيفة وصافية لوجه الله
واني راح أطلب من كل عضوة تكول هي محجبة لو لا؟
اني مو محجبة بصراحة لأن كلشي قناعة

[dr.hashash]

شكراااا بنت العراق على الموضوع
ورأيي من رأي ويني والاخوه
واعتقد الاحترام ماله علاقه بالحجاب
الاحترام يفرضها الشخصيه الي يتمتع بيها صاحبها
بس الدين الاسلامي يفرض الحجاب سترا للمرأه
ويبقى بعد القناعه
وشكراااااا الكم

[~*~cansu~*~]

طبعا ما يبقى الاحترام على حجاب المراه او سفرها
بس المكتوب للمراه التستر لانه الله يحاسب المراه على كل عوراتها
لانه هيه هاي سنة الحياة والواقع ويجب ان نرضى بيها موووووو
مع احترامي الج حبيبتي طبعا الحجاب مو بالغصب انما بالقناعه
واني جم بنات شايفه محجبه وتمشي ويه امها وامها سافره
هاي الشي بالقناعه طبعا
واني الحمد لله محجبه وابقناعتي لاخطيبي ولا اهلي غصبوني
اولا نظرت لديني اقتنعت وثانيا نظرت لهاي الدنيا الظالمه وخاصة مجتمعنا الفاسد الي نعيش بيه
وان شاءالله افتهمتو قصدي ومع احتراماتي الكم كلكم وخاصة بنت العراق

[rose_of_kirkuk]

صحيح حبيبتي مو بالغصب بالقناعة
اني بعد ما مقتنعة
ان شاء الله اقتنع عن قريب
بس اني شفت شغلات علمود هاي كرهوني بيه مو علمود شي

[بلال الساهر]

صحيح الحجاب شي مهم وفرض بالاسلام
بس مو شرط المحجبة محترمة
لأن اكو محجبات يخفون تصرفاتهم المو زينة وره الحجاب
واكو بنات مو محجبات بس محترمات فتنجبر تحترمها
يعني احترام البنية تيجي من وره تصرفاتها اذا جانت محجبة او مو محجبة

[rose_of_kirkuk]

صح بلال كلامك ذهب مشكورين

[~*~cansu~*~]

صح والله اكو ناس واعرفهم اتحجبوا في سبيل
اخفاء بعض عيوبهم بس استغفر الله هذوله شوهو سمعة المحجبات

لانه اعرف كثير من ناس يكرهون الحجاب بسبب هشغلات الموزينه
بس طبعا الاحترام مو بالحجاب

[rose_of_kirkuk]

صحيح حياتي

[~ريمة العراقية~]

واني جم بنات شايفه محجبه وتمشي ويه امها وامها سافره


عاشت ايدج على هذا الموضوع المميز
اني رأيي هسه تقريبا ويه الاغلية يعني الحجاب صحيح قناعة
بس البنيه مو تكول اني والله ما مقتنعة وهي ما تدور على اسباب عدم اقتناعها او تدور مواضيع وارأء تخليها تقتنع
نجي للمحجبة والمحجبة مو تلبس الحجابة كمودة
اليوم طالعة هيجي شي خلي البسه وهو اصلا مو حجاب بالعكس يجذب اكثر من الشعر نفسه
وصحيح جدا جدا انه اكو بنات محجبات وامهم سافرة

اني لاحظت وبعد ما ادري صحيح اني لو لا
انه الانسان من ينشغل بحلاوة الدنيا ينسى حقوق ربه عليه
وراح انطيكم مثل كلش بسيط
احنا العراقيين وجنوب لبنان وكم دولة صارت بيها حروب هوايه تلكي نساء هذا البلد
محجبات غالبتهم
والدول الي مرتاحة مثل مصر وتونس وجزائر تكليها اصلا الحجاب شي ثانويي

استثني من هذا الدول الاسلامية الي تجبر الناس على الحجاب او الدول الخليج الي عدهم هذا تقليد ضروري وهنه اغلبتهم مجبرات عليه
والله الحجي هوايه بهذا الموضوع
واسفة طولت عليج شكرا حياتي على هذا الموضوع النقاشي الحلو

[*~inci tanesi*~]

اولا اشكرج حياتي عالموضوع الجدلي المهم
وثانيا طبعا الحجاب هي تستر المراة
بس الاهم شي الحجاب يكون من رضاها وليس بالغصب عليها من قبل الوالدين او من قبل شخص اخر
ومع الاسف بعضهن يتحجبن لاخفاء عيوبهن مع احتراماتي لكن

واشكرج مرة ثانية عالموضوع المفيد

[rain bow]

طبعا احنا مجتمع شرقي
والحجاب صفة سائدة اما
اذا نكول هل تختلف نوع المبادرة بالكلام
لا
لان كلهت بنات
واني وياج الحجاب يخفي جانب كمبير من جمال المراة
لكن يحفظها من اعين الناس
ويعطيها صفة الوقار
والناس بعد كل هذا اذواق
شكرا للموضوع ::24::

[~gяeeη Eγes~]

اشكرج اختي على الموضوع الهادف
طبعا اول شي اكول على كل مسلمة فرض الله عليها الحجاب الشرع يكول هاي مو من جيبنا ؟؟؟؟والحجاب الها اصول والتزامات ...طبعا مع احتراماتي اكو بنات ما شاء الله عليهن متحجبات بس لو ما تتحجب احسنلها ....وطبعا مو شرط انه البنية مو محجبه مو محترمه لالالالا؟؟؟؟؟؟؟؟؟؟؟؟؟؟؟والله اكو بنات مو محجبات لو انحطهم على جرح اطيب واكو بنات متحجبات وملتزمين بأوصول محترمات.......................

[rose_of_kirkuk]

أشكركم عالردود الحلوة وامتمنى استفدتم من هالموضوع؟؟؟
كلامكم كله صحيح

[اميرة كركوك]

خوووووووووووووووووووووووووووووووش موضوع والله حبيبتي
الشباب جاوبو انو ما يهمهم لو البنت محجبة او لا
و الصراحة حجيكم نهائيا مو صحيح
اصلا اول شي تلاحظوه بلبنت هو حجابها
و على هذا الاساس تحترموها او لا
مجتمعنا متخلف حشاكم يحكم علناس بلمظاهر
مع العلم مو شرط البنت المحجبة تكون هي الزينة الحبابة المحترمة نفسها
و شكرا مرة لخة علموضوع

[dr.hashash]

و الصراحة حجيكم نهائيا مو صحيح
اصلا اول شي تلاحظوه بلبنت هو حجابها
و على هذا الاساس تحترموها او لا

والله عيني مع احتراماتي هالحجي مو كلش صحيح
هيه الابنيه نفسها تفرض احترامها عالاخرين سواء كانت محجبه او غير محجبه
والحجاب مفروض بالدين وباعتقادي مالها علاقه بلاحترام
بس اكيد بالحجاب ستر للمراه واحسن الها
بس انتي هالحجي الكلتيه احتمال من وجه نظر قليلين ماخذتها ميعبر عن رأي الكل
وشكراااااااااا again

[romans]

السلام عليكم............................................. ..........................
اولا شكرا على الموضوع المميز واحب ابدي راي ......

طبعا الله سبحانه وتعالى خلق المرأةبحيث تختلف عن الرجل وهذا موضوع واسع احنه مو بصدده ..........
وفرض الاسلام على المأة الحجاب .
هسه نجي على تصرفاتنه احنا الشباب واشلون اشوف هذا الشي طبعا الناس تتختلف عن بعضه وكل واحد اله رأيه الخاص بي؟؟؟؟؟؟؟؟؟

وانا اقول ان للفتاة قناعه وعقل كامل اعطاه الله اياهه حتى تفكر بيه والفتاة التي تقتنع بالحجاب اكيد بدون اجبار لن تتركه ابد اما اذا اقنعت دون ذلك لا احد يستطيع اجبارها وتصرف .........................

والتصرف من وجهة نظري من حيث اللياقه العامه ميجوز يختلف لان البش مهما كان لازم تحترم مشاعره...................
وشكرا مره الخ عالموضوع

[rose_of_kirkuk]

السلام عليكم............................................. ..........................
اولا شكرا على الموضوع المميز واحب ابدي راي ......

طبعا الله سبحانه وتعالى خلق المرأةبحيث تختلف عن الرجل وهذا موضوع واسع احنه مو بصدده ..........
وفرض الاسلام على المأة الحجاب .
هسه نجي على تصرفاتنه احنا الشباب واشلون اشوف هذا الشي طبعا الناس تتختلف عن بعضه وكل واحد اله رأيه الخاص بي؟؟؟؟؟؟؟؟؟

وانا اقول ان للفتاة قناعه وعقل كامل اعطاه الله اياهه حتى تفكر بيه والفتاة التي تقتنع بالحجاب اكيد بدون اجبار لن تتركه ابد اما اذا اقنعت دون ذلك لا احد يستطيع اجبارها وتصرف .........................

والتصرف من وجهة نظري من حيث اللياقه العامه ميجوز يختلف لان البش مهما كان لازم تحترم مشاعره...................
وشكرا مره الخ عالموضوع




مشكور عالرد
بس ممكن ما تستعمل هاللون مرة ثانية
راحت عيوني والله