نـــداء الى كل ظالم ولعن الله كل ضمير ساكت ........!!

[الكـون لهُ اسـْرار]

تحية طيبة اعضاء عزاوي .....

اخواني حبيت انبهكم بشغلة وخصوصاً للعايش بالعراق هســة !!

والعايش خارج العراق هم يعرف اكيد!!

يوميه انزل للسوك مال مخضر اتسوك وارجع ...

اني واتمشى اشوف اطفال والله يكطعوا للقلب كل واحد يجر بعربانة

وهو عمره 11 سنة او 10 سنوات ... وتقريباً بالخمسين واحد بالسوكـ شفتهم

صدكوني بيهم اشكال الدمعه محصورة بعيونه ... على مود 250 دينار يحصلهه مذله

حتى يوصل مسّواك واحد للبيت ... يعني الحقيقة شي يجرح حتى اليهودي ..

.....

طبعاً مراح اكول وينك يا مالكي وينج يا حكومتنه شنو هالسوء اللي تعيشه اطفالنه !!

تدرون ليش ماكولهه..

لأن بس اكتبهه راح يكلولي بزمن صدام هم جانوا موجودين اهل العرباين!!

تعال شوفهم هسة يلعايش بالعراق واحكم عليهم بنفسك .. لتشوفهم قبل ..

ربي ساعدهم ...


ربي يســّر امورهم ...

http://www.alwatan.com.sa/daily/2007-03-13/Pictures/1303.pol.p2.n52.jpg

وهاي كلمــات خصيصاً لأهــل العرباين

واعتبر وسخ رجليكم تروحله فدوه حكومتنه !!

،

،

،

،

،
عربانة دفع سترت بيوت هواي


وعوائل من عوائل عايشه عليهه


جم طفل بطفل عاشت عمر وياه


وصارت مثل عرضه بروحه يفديهه


طب للسوك باجر تلكه عدنه ورود


جف العوز كسر كل امانيهه


بذرتهم قهر ونزرعت بالآم


وحاصوده الوكت كل يوم تحويهه
،
،
http://www.brob.org/tajarub/immage/atfal1.jpg


واحدهم تشوفه زغير من بعيد


بس بدموعه تلكه الدنيه باجيهه


تلكاه مو طفل بالهم جزه التسعين


البراءه اتحولت وحشيه تاليهه


للااطفال عيد وتفرح الاطفال


والفرحه اعتقد معروف راعيهه


مو مثل اليدور كروه للاايجار


هذا الماتمره ومايمر بيهه


بس عاشور عيده يصير تدري شلون


اذا ضاع الشغل يكعد يحاجيهه
،
،
http://www.iraqirabita.org/upload/3165.jpg


فدوه لخاطر ابوي امبارك المسواك


وعندي اخواني جاعت ورد اعشيهه


ويفتر بالولايه ويجي لهذا وذاك


عمي ايجار عايز ورد اوديهه


ويجي البيته جسد والروح صح وياه


يجر بالروح كوه تكول سابيهه


لان امه خطيه متانيه اعله الباب


ومن امه استحه بياهم يلااكيهه
،
،
،
http://www.eyeiraq.com/upload/child-eye.jpg


الله_مو طفل شايل صبر ايوب


هموم الدنيه كلهه براسه خافيهه


ويجي الماعنده غيره يعامله بتحقير


والكروه البسيطه ابذله ينطيهه


يوصله الباب بيته ونزل المسواك


ويكله ارد اروح الكروه تنطيهه؟


يكله الكروه ماكو شلون انه انطيك


نص السلعه بيدك جنت جافيهه


الى هل الحد وصل عدنه الظلم والجور


مقابل ماندعمه انحاربه عليهه


الوكت ضده وكف واحنه وجميع الناس


هاي الناس مدري شلون اسميهه


رساله لكل وزير لكل شخص مسول


وكل احزابنه لازم نوعيهه


رساله لكل سياسي امجلس النواب


رساله من الطفل بالدم نوديهه


مو انه الكلت كل طفل هيج يكول


ونه السان الشعب وحجايته احجيهه


العربانه الدفع ندفعهه من العوز


وتنطينه بكثر مااحنه ننطيهه


ودفعناكم امس بصواتنه بلا خوف


ونفسهه الدفعتك بترت رجليهه


بيوت الشبعتك من مر عليك العوز


ذره من الطحين اليوم مابيهه


احذرك ونتبه للشعب لايغتاض


ويكلب من يضوج اسفلهه عاليهه


لتكلي انتظر شنتظر منك خير


معاناة الطفوله اشوكت تلغيهه


ابفضل اصواتهم هسه انتم تحكمون


وهسه اصواتكم زادت بواجيهه



ذوله اطفال لازم بس فرح يلكون


ودموع البواجي الكم نخليهه


لان ذوله عطاشه ولازم انه وياك


نلم دموعنه ودمعات نرويهه


ولازم بالوجوب ومو بالاستحباب


العربانه الدفع مدرسه انسميهه


لان سترت اجيال وعلمت اجيال


وظيم الدنيه كله وداعتك بيهه


اذا مرت علينه اعتقد واجب صار


بالاستعداد نوكف من نحييهه

[Sparks Weman]

::29::
::29::
::29::

'
'
'

[بســ وطن ــمة]

بارك الله بيك اخي كون

لانك فعلا اثرت موضوع خطير و يمكن الاكثريه في غفله عنه

و مووضوع الاطفال هذوله ضمن قائمه طويله تضمن ناس كٌثر يعانون من الفقر و الحاجه و مضطرين يسالون الناس عليها

قبل من واحد يشوف مثل هذه الحالات ..... كنا نتعلل بالحصار و قله الموجود بالبلد

بس اليوم من حقنه نصرخ وين الحكومه ............ من حقنه ان انطالب بتفسيرات لاستمرار هذه الحالات

ملايين و ملايين تصرف يوميا و ما نعرف وين تروح

نسمع بتعمير و تصليح و ما شفنه شي لحد الان

فعلى الاقل خلي يستحون شويه و يساعدون بيها الناس المحتاجه الهم

هذا الطفل مو ارهابي حتى السيد المالكي يتمنع عن مساعدتهم !!!!! و لا اله انتماءات حزبيه حتى يهمل هالشكل

بالعكس استمرار حال الاطفال بهذا الوضع يولد تاثيرات جانبيه على شخصيته و سلوكياته ضمن المجتمع

الله يعينهم........... فعلا الله يعينهم و يعين اهاليهم

و اتمنى ان يرزقهم الله بحيث ما يحتاجون الناس ولو بدينار واحد

واحدهم تشوفه زغير من بعيد


بس بدموعه تلكه الدنيه باجيهه

::27::::27::

شكرا لك

[ماميش دجلة نت]

موضوع حلو كنون::ok:: شوكت راح تجي حكومة
مو حرامية و تهتم بالطبقات الفقيرة مادري http://forums.dijlh.net/images/icons/106.gif
بس الشعر شطولة شنو مسوي معلقة
وية الريوك.::8::

[الكـون لهُ اسـْرار]

بارك الله بيك اخي كون

لانك فعلا اثرت موضوع خطير و يمكن الاكثريه في غفله عنه

و مووضوع الاطفال هذوله ضمن قائمه طويله تضمن ناس كٌثر يعانون من الفقر و الحاجه و مضطرين يسالون الناس عليها

قبل من واحد يشوف مثل هذه الحالات ..... كنا نتعلل بالحصار و قله الموجود بالبلد

بس اليوم من حقنه نصرخ وين الحكومه ............ من حقنه ان انطالب بتفسيرات لاستمرار هذه الحالات

ملايين و ملايين تصرف يوميا و ما نعرف وين تروح

نسمع بتعمير و تصليح و ما شفنه شي لحد الان

فعلى الاقل خلي يستحون شويه و يساعدون بيها الناس المحتاجه الهم

هذا الطفل مو ارهابي حتى السيد المالكي يتمنع عن مساعدتهم !!!!! و لا اله انتماءات حزبيه حتى يهمل هالشكل

بالعكس استمرار حال الاطفال بهذا الوضع يولد تاثيرات جانبيه على شخصيته و سلوكياته ضمن المجتمع

الله يعينهم........... فعلا الله يعينهم و يعين اهاليهم

و اتمنى ان يرزقهم الله بحيث ما يحتاجون الناس ولو بدينار واحد

واحدهم تشوفه زغير من بعيد


بس بدموعه تلكه الدنيه باجيهه

::27::::27::

شكرا لك

نورتي اخت بسمة وطن

وعسى هالبسمة تنزرع بوجه الي يدفعون عرباين

واللي خبزتهم صارت صعبة حيل بهاي الأيام

موقف صعب ان انسان يشوف طفل يدفع عربانه وهو معيش اهله!!

كارثه هاذي... ومنطالب حكومتنه بسمة ... يدرون بيهم وزين يعرفون معاناتهم

بس نشكي لله ان يعينهم ... ويفتح الخير بوجهم ويسهل امورهم

تحياتي واحترامي الحضرتج

[الكـون لهُ اسـْرار]

موضوع حلو كنون::ok:: شوكت راح تجي حكومة
مو حرامية و تهتم بالطبقات الفقيرة مادري http://forums.dijlh.net/images/icons/106.gif
بس الشعر شطولة شنو مسوي معلقة
وية الريوك.::8::
هاي شبيك امرغل نفسك بالحصو !!

شنو هاي صورتك الرمزيه ...

وحكومتنه لتجيبلي طاريهه ماميش لان بس واحد يكتبلي اسممه بــّرد راسي يضل يوجعني

لأن هم مرض للجسم وللعقل

والمعلقــة لازم تطول !!

حركة كَلب على المظلومين !!

نورت

[شـوكـة نـاعـمـة]

تدري الكون ، اكو عضو موجود ويانا حاط بتوقيعه صورة
عن هالموضوع ، كلما الواحد يشوفها يفكر بالكلام الي كلته

بس مجرد تفكير هذولة الاطفال من يكبرون شلون راح يكونون ،
طفل يلم القواطي و البلاستك من الشارع حتى يبيعه و هو يشوف كدامه ناس
بسيارات فخمة ، و يسمع عن ناس اتبوك و تنهب ... بشنو يفكر ؟
لما يشوف الكل تتمالخ علمود مناصب لو شعارات ، وهو .... !!

ويا اخي لازم انكول وينج يا حكومة ، حتى لو كانت معاناة الاطفال قديمة
بس اليوم هذولة مسؤولية منو ؟ منو الي لازم يسخر نفسه علمود يحسن من وضعهم
بينما هو ملتهي بلعبة السياسية ...
اعتقد الحكومة و السياسين الي بس شطار بالشعارات
وبس الله يعرف شكد ناهبين و شكد مستغلين مناصبهم
و الصدك كل عراقي هم مسؤوليته ، لان اكيد كل واحد يكدر يسوي شي مهما كان بسيط
خاصة ان ما نكدر نبقى منتظرين صحوة ضمير اهل السياسية
لان راح اتصير اطول من انتظار الامام المهدي (عج)

http://www.abunawaf.com/members/dukefleet/03/l04.jpg

[الكـون لهُ اسـْرار]

تدري الكون ، اكو عضو موجود ويانا حاط بتوقيعه صورة
عن هالموضوع ، كلما الواحد يشوفها يفكر بالكلام الي كلته

بس مجرد تفكير هذولة الاطفال من يكبرون شلون راح يكونون ،
طفل يلم القواطي و البلاستك من الشارع حتى يبيعه و هو يشوف كدامه ناس
بسيارات فخمة ، و يسمع عن ناس اتبوك و تنهب ... بشنو يفكر ؟
لما يشوف الكل تتمالخ علمود مناصب لو شعارات ، وهو .... !!

ويا اخي لازم انكول وينج يا حكومة ، حتى لو كانت معاناة الاطفال قديمة
بس اليوم هذولة مسؤولية منو ؟ منو الي لازم يسخر نفسه علمود يحسن من وضعهم
بينما هو ملتهي بلعبة السياسية ...
اعتقد الحكومة و السياسين الي بس شطار بالشعارات
وبس الله يعرف شكد ناهبين و شكد مستغلين مناصبهم
و الصدك كل عراقي هم مسؤوليته ، لان اكيد كل واحد يكدر يسوي شي مهما كان بسيط
خاصة ان ما نكدر نبقى منتظرين صحوة ضمير اهل السياسية
لان راح اتصير اطول من انتظار الامام المهدي (عج)

http://www.abunawaf.com/members/dukefleet/03/l04.jpg

اختي واكو شغلة ثانية

هذة من يشوف نفسة يبيع علاليك لو يلم سيفون وقواطي وكدامه

واحد صاعد مرسيدس مينقهر !!

متدني نفسه!! نعم تدني نفسه لأن الجوع والفقر مرات يطلع الشخص عن الطريق

وخصوصلً هو طفل براسه كلشي يصير !!

اذا يبقون على هالحالة بعد سنتين اعتقد راح يصير بلاء من موتهم او خروجهم عن الطريق

وهذة كله يوكع براس حكومتنة الفاشلة اللي مكدرت توضعلهم حل بشي بسيط

بس هناك شغلة اختي احب انبهج بيهه

من تذكرين اي شخص من الأئمة او الصحابة او الرسول عليه الصلاة والسلام

اكتبي على كل شخص بيهم لقبه ان صح التعبير

يعني من ذكرتي المهدي المنتظر عجل الله فرجه لتكتبين ( عج )

لأن شي اعتقد ممرغوب ... لأن مراح تتعبين من تكتبين عجل الله فرجه مو صح

وشكراً لمداخلتج الرائعة

تحياتي اخت شوكة

[شـوكـة نـاعـمـة]

::32:: ولو هو شي دارج حتى في الكتب الدينية و جدا طبيعي

بس هم تدلل...

اذا يبقون على هالحالة بعد سنتين اعتقد راح يصير بلاء من موتهم او خروجهم عن الطريق

وهذة كله يوكع براس حكومتنة الفاشلة اللي مكدرت توضعلهم حل بشي بسيط



::ok:: احسنت ... وقبل ما توكع براس الحكومة ، راح توكع براس الشعب
لان هواي ناس بسبب الفقر و البطاله قبلت اتقوم باعمال ارهابية

وبسبب الفقر مراح يتعلمون ، فبكل سهوله يغرر بهم من قبل جهات معينة
طبعا موضوع طويل و متشابك ، ماساة بكل ما في الكلمة من معنى

مشكور على الرد

[الكـون لهُ اسـْرار]

::ok:: احسنت ... وقبل ما توكع براس الحكومة ، راح توكع براس الشعب
لان هواي ناس بسبب الفقر و البطاله قبلت اتقوم باعمال ارهابية

وبسبب الفقر مراح يتعلمون ، فبكل سهوله يغرر بهم من قبل جهات معينة
طبعا موضوع طويل و متشابك ، ماساة بكل ما في الكلمة من معنى


مشكور على الرد


تدرين من دا اريد اكتبلج رد هسة شجتني افكار على هذوله الأطفال

وداشوف مستقبلهم للبعيد شنو تاليه !!

الله اليستر والله اليحفظ عقولهم بعيداً عن الشر !!

تحياتيــ !

[aboalsoof]

ويجي الماعنده غيره يعامله بتحقير



والكروه البسيطه ابذله ينطيهه



يوصله الباب بيته ونزل المسواك



ويكله ارد اروح الكروه تنطيهه؟



يكله الكروه ماكو شلون انه انطيك



نص السلعه بيدك جنت جافيهه

.............

مع الاسف اخوية كنوني الورد
صارت هاي السالفة منتشرة

وانشالله يجي يوم للظالم

ابداع وتألق يستمر في ايادي من ذهب
دامت اناملك المبدعة

[Iraqi Magic]

موضوع راقي وجميل ومهم 000
بارك الله بيك اخي الفاضل وكل التوفيق لك

[ابوسبع]

معقولة هذا الشيء بالعراق...لا عيني انت فد واحد ارهابي صدامي بعثي تكفيري تفخيخي تفجيري ..... هذا رد واحد من حكومة قسام اللي يبجل بيهة.... تحياتي والله اثرت بينة القصيدة ::1::::1::::1::

[( زياد طارق )]

السلام عليكم , واللة عمي يا يويلهم من عذاب اللة واريد اجاوب على قولك( انة يمكن واحد يكلك اي بزمن صدام هم اكو يدفعون عرباين ) بللة هاي بيا منطق يعني صدام جان ظالمني انتة هم تظلمني لعد شسوينة واكو شغلة حكومة (دخيلك بس خليني ابوك ) ما يفكرون بالحكمة الي تكول (لو دامت لغيرك ما وصلتك) اي مي يشوفون صدام من ظلمة 35 سنة وينة هسة ؟؟؟؟؟؟؟؟؟ ويجيهم يوم رب الي قلع صدام ما يقلعهم بس يمهل ولا يهمل

[سعد نجم]

الف شكراااا اخى الكريم بالطبع موضوع محزن ما ذنب الطفل الى الناس الى بجيلاا برى يدرسون بمدارس وعايشين وهؤلااء هكذا من صغرهم يهتمون ويفكرون كيف يعيشون والله انا انجرحت بكلاامك بس شنسوى ما البيد حيلاا الى الدعاء ندعى من الله تعال ان يوفقهم ويكون فى عونهم والله يرزقهم انشالله رزق حلاال طيبا مبارك فيه ؟ وان يفرج عن العراق واهله شكرااا على الموضوع تحياتى واحترامى

[ذكريات متغرب]

عاشت ايدك موضوع بغايه الهميه..........(((بس احب اكولكم انو ناس محتاجين وفقراء (((يفترون بشوارع سوريه .... ذوله هم عراقين .....


الله وكبر... تفرج

[الفكر الواعي]

لا نريد شئ من الحكومة
الله خلق الناس للناس

لو فينا الخير لنقوم نحن بالتغيير

(( ليست المطالب بالتمني ))

لو ان كل شخص يقوم بتوفير ما يلزم لأعانة شخص و نقوم بعزل من ما نصرفه يومياً ... الف دينار فقط ( على سبيل المثال )

ما قيمة الف دينار ... !! اقل حتى من دولار واحد

سنحصل على 30 الف دينار في الشهر ممكن ان تعطى لأي طفل عراقي يحتاجها كل الاحتياج وانتم لا تقدرون ماذا ممكن ان يفعل هذا المبلغ لطفل يتسكع في الشارع ومصروفه اليومي اقل من 500 دينار

تخيلو الموضوع لو قام به مليون شخص :::: > سيعين مليون طفل !!
وتنتهي المشكلة او تخفف الى حد كبير
لا نقف نسب الحكومة ونشتم عليها فقط ونحن قادرون على فعل كل شئ بغيرهم , الحكومة لا تعمل ! طيب
هل نبقى في دور المتفرج ؟؟ ونجلس في قارعة الطريق نندب حظنا العاثر ؟؟ !!
اذا نحن الذين لا نقوى والحكومة نسخة منا
اذا لم نبدء بتغيير انفسنا نحن
لن يأتي واحد من الحكومة ليلتفت الى امرنا لأنهم منا ويشبهوننا

فذاك هو ملجأ الايتام للبنين في منطقة الوزيرية على خط سريع محمد القاسم فيه 63 طفلاً من منكم فكر في يوم بزيارته ؟؟؟ وذاك هو ملجأ الايتام للبنات في العطيفية مقابل جامع براثا من زاره ؟ حتى لو للاطلاع عليهم ... من الحكومة الىىىىى ابسط مواطن لم يفكر بهم احد لا رجال دين لا سياسيين ولا اي احد الا القلائل ممن تعرفت عليهم
في عيونهم معاني الحياة بأكملها اتمنى ان تزوروهم وتدركون ذلك الكلام فعلياً وتسمعون قصصهم وانا متأكد ستتغير نظرتكم للحياة بأكملها

نتمنى ان ندرك المشكلة ما هي بالضبط .... لكي نحلها

اسالوني بهؤلاء فأنا عشت معهم

تحياتي لك علاوي و نشكرك لهذا الموضوع الانساني
الذي يدل على مدى اهتمامك بهؤلاء
احتراماتي

[The_sniper]

كلشي ولا تجيب طاري الحكومه
عوفها الحكومه منشغله بالنهب والكراسي .........
هيه شسوت الحكومه ؟؟؟؟
وأخويه نسيت فد شغله فوك كل هذا يوميه أنفجار بسووق شعبي ويعني فوك ضيم العيشه ضيم الانفجارات ومنو كاعد يروح بيها كلهم ولد الخايبه .....

[نـــــــ,ـــــــايـــــــ,ـــــــ]

ذوله اطفال لازم بس فرح يلكون



ودموع البواجي الكم نخليهه



لان ذوله عطاشه ولازم انه وياك



نلم دموعنه ودمعات نرويهه



ولازم بالوجوب ومو بالاستحباب



العربانه الدفع مدرسه انسميهه



لان سترت اجيال وعلمت اجيال



وظيم الدنيه كله وداعتك بيهه



اذا مرت علينه اعتقد واجب صار



بالاستعداد نوكف من نحييهه

الهم الله